是蛋

➲ 長州 是蛋長洲小巷隱世意式小館！主打以蛋為主題的創意料理，店主用心製作，堅持傳統做法，對食材有要求，味道正宗。➳ 真·卡邦尼意粉｜𝐑𝐞𝐚𝐥 𝐂𝐚𝐫𝐛𝐨𝐧𝐚𝐫𝐚正宗羅馬風味！堅持使用 Guanciale 豬面頰肉，而非普通煙肉，油脂香氣更濃郁。醬汁僅以蛋黃、Pecorino 芝士製成，creamy而不膩口。意粉煮得al dente，掛汁力強，每條都包裹著濃郁蛋香。➳ 香蒜蕃茄意大利煙肉意粉｜𝐏𝐚𝐬𝐭𝐚 𝐀𝐦𝐚𝐭𝐫𝐢𝐜𝐢𝐚𝐧𝐚番茄控必試！番茄醬酸甜清新，Pancetta煎得焦香脆口，蒜片和紅洋蔥帶來辛香層次。整體口味平衡，開胃惹味。➳ 只有更黑墨魚汁意大利飯｜𝐒𝐪𝐮𝐢𝐝 𝐈𝐧𝐤 𝐑𝐢𝐬𝐨𝐭𝐭𝐨 「黑到反光」的視覺衝擊！墨魚汁鮮味濃郁，米飯煮得外軟內韌，中間保持微微咬口。飯中混有墨魚粒，增加口感，食完成個口黑晒！➳ 土製炸蛋｜𝐒𝐜𝐨𝐭𝐜𝐡 𝐄𝐠𝐠 邪惡之選！外層肉醬香脆，內裡溏心蛋黃呈流心狀態，蛋香濃郁。切開瞬間蛋漿湧出，視覺效果滿分。➳ 是蛋層層疊｜𝐒𝐢 𝐃𝐚𝐧 𝐓𝐫𝐢𝐟𝐥𝐞 創意甜品！層次豐富，滿滿蛋漿西多士，甜而不膩。➳ 是焦糖燉蛋｜𝐒𝐢 𝐃𝐚𝐧 𝐂𝐫𝐞𝐦𝐞 𝐁𝐫𝐮𝐥𝐞𝐞經典法式甜品。表面焦糖薄脆，燉蛋滑嫩香濃，蛋香突出。⤵ @sidan.cc長洲北社街49號前座地舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #risotto #香港美食 #香港食評 #長州美食 #蘇格蘭蛋 #卡邦尼 #意粉 #意大利飯 #是蛋…查看更多

入左長洲幾次食下唔同野 ，今次黎到呢間試下，食物一般無特色，薯餅蛋 無啦啦又整撻蔥落去 畫蛇添足卡邦尼意粉 可圈可點 確係一般 水，臨尾食哂 ，第台唔要先扲過黎 仲要五爪金龍式比水 找錢跌錢 冷氣壞 差的體驗 唔會再去幫襯…查看更多

見到其他人食一早已經好想試吓呢間了難得去到長洲，終於有機會試！🖤土製炸蛋打卡一流嘅小食！一上枱本身係原隻炸蛋，我哋自己切開再影相🤣外層嘅免治豬肉鹹鹹香香，配上入邊流心蛋，真係好好食。薯條配菜都好好食，值得一試👍🏻🖤真。卡邦尼意粉食之前店員會拎住一舊芝士過嚟刨，同時會介紹呢個意粉，意粉汁冇落奶去煮，係傳統嘅卡邦尼煮法。煙肉好香口，醬汁好Creamy，不過面質稍為有點硬🙈…查看更多

呢間位於長洲嘅「是蛋」顧名思義，所有菜式都圍繞「蛋」呢個主角🥚！由前菜到甜品，全部都以蛋為核心元素，正所謂愈簡單愈難做得好，今次試咗幾款出品，食得好滿意～🍄 松露是蛋炒配煎薯餅（$65）呢道菜一上枱就好香黑松露味，而且炒蛋好滑✨ 底部鋪滿煎至香脆的薯餅，望落去可能無乜特別，但煎到脆脆地，再配埋滑蛋，口感一流，仲有陣陣黑松露香，三重享受😆🍳 土製炸蛋（$52，堂食限定）個個都推介呢款（雖然我覺得薯餅更好食😂）即叫即炸，上枱時熱辣辣，外層炸得金黃香脆，入面保留咗流心蛋黃的濃郁滑溜，一刀切開蛋黃慢慢流出🤤 配上香脆薯條，同茄汁一齊食，好熱氣，但好吸引！🌶️ 流心蛋煙肉泡菜意粉（期間限定 $98）第一眼望落以為好少，但好彩隻碟有啲深度😂 泡菜酸辣味配意粉本身已經知好食，而且呢度煙肉份量唔少，混合埋隻流心蛋，食落更滑溜😋 聽講卡邦尼都好好食，下次可以再試！🍮 是焦糖燉蛋（$52，堂食限定）餐後甜品就揀咗焦糖燉蛋，係偏實嘅口感，絕對唔係食空氣😌 面層輕輕焦糖化，帶微苦焦糖香，內裏蛋味好重，味道唔會太甜，食完唔會覺得過膩💛…查看更多

呢間餐廳其實bookmark咗都好幾年，但好幾次泥到都係冇開門，今次難得泥到見到有開門！即刻就入咗去幫襯！但係期望愈大，失望愈大……今次同朋友一行二人，叫咗土製炸蛋、真卡邦尼意粉同埋黑松露炒蛋多士……1. 土製炸蛋原來係有啲免治豬肉包住一隻流心蛋一齊拎去炸，一切開睇落好似幾特別，隻蛋烚到呢個流心程度的確係出色嘅，但外面層豬肉就真係太特別嘅味道，一來覺得好咸，二來應該用咗啲香草去醃豬肉，香草味濃到有啲酸酸地，總之就係既特別又難忘嘅味道2. 真卡邦尼意粉呢碟意粉話係即煮，但泥到已經係凍晒，僅餘嘅蛋黃汁都聚晒喺底，店員有介紹話個汁係蛋黃做，冇加白汁，仲用咗豬面頰肉泥做嘅煙肉，仲會即場喺面前落少少芝士碎，一夾起已經感覺到乾噌噌，一入口除咗乾之外，仲要係冇味嘅，感覺怪怪地，食完第一啖已經唔想食3. 黑松露炒蛋多士呢件多士其實係意粉跟餐加25蚊（包多士同飲品），件多士泥到，賣相唔吸引到相都唔想影，size仲細過一包紙巾，完全同menu圖文不乎成餐最好食係炸蛋隔離嗰幾條薯條同埋飲品（可樂）…查看更多