春葉好茶

營業中

休息中

已經一段時間冇再寫食評啦，呢排成日口痕想開茶飲嚟做下午茶，支撐一個晏晝嘅工作。鰂魚涌呢頭嘅茶飲選擇少，其中春葉同Nuttea就係我首選💛💛鍾意春葉嘅原因最重要係佢茶底有種特別嘅香味，即使齋茶冇落糖都有白桃/茉莉等味道。所以就算叫珍珠奶茶，個茶香都比起普通其他舖突出，唔會比珍珠同奶冚晒，真係好值得飲呀😍😍佢雖然係英皇道，但佢距離最旺嗰邊隔咗大半個街口。人流明顯少啲，可能冇乜人知呢個位有間茶飲啦，其實行多幾步路就到，大家係附近一定要試吓啊！💕

咁今日因為有事要到鰂魚涌附近處理。臨番屋企前，就黎到春葉好茶嘆番杯好茶。🤪我覺得幾好飲既茶係呢款💁🏻‍♀️ 白葡萄烏龍奶茶 ($ 24)只有中杯。🙈一飲落我就覺得似係飲緊個藍莓cheesecake 咁。但飲真D，先會覺得似白葡萄味cheesecake 。😹真係好有驚喜。完全無伏。店舖自己都推薦。我係見個組合咁特別先買黎飲，點知飲落幾好飲。😋不過只有中杯，無大杯。🐷店員服務態度方面，係有改善空間。太有性格對做服務業黎講吾係一件好事。🤷🏻‍♀️

黑糖波霸鮮奶 間唔中都想重溫下以往hit過既茶飲 想當年一杯黑糖珍珠鮮奶都唔知要排幾耐先有得飲～\黑糖鮮奶最靚係有少少虎紋 帶焦香既黑糖mix埋鮮奶 多一份香氣又唔過甜 係回憶既味道啊✨

留意到屋企附近原來有間奶茶店，當然要試試！見到menu有啲幾特別嘅茶，所以我就叫咗杯白葡萄烏龍茶🍵杯茶嘅味道幾特別，適合唔太鍾意甜嘅人飲😉間舖值得encore，之後會再去試吓唔同嘅茶👏

台式茶飲店真的愈開愈多，最近發現了一間叫春葉好茶這店的茶葉和糖都是從台灣帶來，是以正宗台灣口味作為賣點！而且有別於一貫連鎖品牌，所以在選擇時還真的想了頗久 (笑)最後我點的是甜度冰度也固定了的濃香黑糖類，亦只有中杯份量。抹茶黑糖鮮奶 ($28) - 能看到抹茶和鮮奶是分開了還有漸層 ...所以飲之前記得要先好好搖勻！不過最底還是有少少抹茶沉澱，可以用飲管再攪勻一下就好囉 因為我是放了很久才開始飲，於是飲的時間~那些冰已全溶掉!!但完全沒有因此而變淡！而且那茶真是很有台灣的味道！不會很苦澀，甜度亦適中～飲起來也十分順口。

今日經過阿信屋,終於可以黎試吓,Menu同普通珍珠奶茶舖差唔多,價錢平過$30,算比較抵. 黑糖波霸奶茶,茶味唔錯唔太甜珍珠都軟,$28價錢算幾平，良心價，值得一試!

@kan.teen上網發現呢間喺鰂魚涌嘅良心小店 咁啱去開附近 就諗住試下佢啦💛店舖menu仲寫住話要將台灣嘅好味道帶比大家🤔但估唔到飲落都幾失望😣....👅波霸綠茶拿鐵 中杯 $28 走冰微糖飲落好淡🙈茶味奶味兩者都好淡 係一杯溝淡咗嘅鮮奶綠🥛🤢利申 已叫走冰🧊我諗係沖嘅過程落多左水/本身嘅茶都唔夠濃🙇🏼‍♀️所以如果比例唔係咁啱嘅話😖好難會好好飲...而珍珠方面🍡都符合波霸呢個名 的確係比普通嘅珍珠大粒啲 口感彈牙但無味👄.總結: 整體來講好失望😣一杯普通嘅奶綠 都沖到咁唔好飲...良心小店係要大大力支持💪🏻但當有其他良心珍奶店 有好多間嘅質素都保持得好好嘅時候💛好難唔作比較🙇🏼‍♀️———@kan.teen📍春葉好茶 (鰂魚涌)鰂魚涌英皇道927號地舖

依家疫情既關係，想係街到飲珍珠奶茶真係唔多方便。突然好想買珍珠奶茶飲，就諗起公司附近一間台式珍珠奶茶店舖「春葉好茶」，於是買外賣返公司飲。好鐘意春葉好茶的波霸奶茶，已經幫襯左好多次。茶味香、珍珠彈牙每次都係叫少糖少冰，甜度便剛剛好。好飲過其他連鎖店coxxbuy、貢x、coxx。職員又年青又nice。有時見lunch時間都有成7-9人排隊買如果唔想等太耐，建議一係十二點半前去買，或者兩點後，就唔使點排隊。

春葉好茶係鰂魚涌已經開左一段時間但因為唔順路所以一直都未試過襯放假就決定去試試門面睇落好乾淨春葉好茶標明自己係正宗台灣珍珠奶茶睇個menu都有好多唔同款既飲品但今日奶油包就想先試試summer special既水果茶喺水果茶方面佢係有三款嘅 分別係西柚水果茶，鮮橙水果茶同埋菠蘿水果茶但咁岩西柚水果茶賣晒奶油包就試試菠蘿水果茶飲落去唔算太甜而且都有菠蘿味但係就唔係好香可能因為個菠蘿唔係好熟仲有細左啲啲茶味係唔錯既清清地但下次奶油包要試試西柚水果茶因為西柚茶好似會好味啲

近鰂魚涌地鐵站既一間台式飲品店 桂花烏龍 無糖 加原味珍珠💰$25好香濃桂花味 亦飲到清新既烏龍茶底 加左珍珠 好煙韌 甜甜地 大小適中舖頭牆壁用紅磚做🧱 古色古香 另一邊牆亦有招牌既燈 簡簡單單不過電線有點礙眼👀下次會再試下蕎麥抹茶，白葡萄烏龍茶🥤

公司附近都無咩台式飲品店可選，最近就是這家春葉好茶，見店面裝潢有台灣風味，也標榜茶葉和糖都是台灣來的，就試一下波霸奶茶。有點貪心要了大杯的 ，$27，半糖少冰。第1口有驚喜，好有茶香。唔會俾奶味蓋過。珍珠有用糖煮過，甜度岩岩好，口感q彈，唔會過琳。份量都可以，如果多d會更好不過飲了大半杯，感覺開始有點膩，所以下次都係唔好貪心，要中杯會好d。整體ok好味，有奶香有茶香，唔會太稀，但如果有奶泡會更好。可以encore

#小秘書 以前都怕怕地飲 #台式珍珠奶茶，事關真心覺得啲「珍珠」唔係咁好食，好多時都會同 #服務員 要求「少珠、甚至走珠」🤪 不過自從多咗唔同 #品牌 喺市場出現，我對「珍珠」嘅睇法又唔同咗🤔以前嗰種「食膠珠」嘅感覺冇咗，反而學會咗食出唔同品牌嘅唔同口味🤤 #鰂魚涌 呢帶喺呢兩三年都開咗好多各種各樣嘅飲品店，而「春葉好茶」係其中一間比較新嘅。「春葉好茶」嘅裝修都幾有台式風味，#服務員 圍喺一間小棧入面，咁牆上擺設就當然唔少得同台灣總統嘅合照啦😃呢日 #小秘書 同班 #同事 齊齊試吓佢個「波霸」...不過大家千祈唔好諗錯隔離，我哋只係揀咗比較大粒嘅珍珠啫😆 憑著 #服務員 嘅 #笑容，我已經暗口自加咗佢哋分，加上杯「波霸」口味認真唔錯，珍珠QQ地，而茶味都幾清香，唔會得個甜字。間中去幫襯吓都係一個唔錯選擇👍🏻

係CASA880斜對面開左一間台灣茶飲店，都幾個月，呢排甘熱，可以飲杯我有個習慣就係叫飲品會要少冰，以防飲到一半開始淡味，但係，我錯了😂成杯野唔夠凍，似室溫茶味係淡淡既，奶味重一d，亮點係珍珠既口感，十分甜度同咬口都剛剛好，唔會太硬或者外層「溶溶地」甘喜歡淡味d既飲品就岩飲，相反，只愛重口味既會嫌冇味。最後除左俾你睇餐牌之外，仲有一張「馬英九握手」圖如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

自從飲開老虎堂嗰啲黑糖波霸鮮奶之後,基本上都冇再飲過珍珠奶茶. 因為本人係個啲， 飲咗奶精會唔舒服嘅人， 每次飲珍珠奶茶都要有心理準備嘔同頭暈。就係因為飲咗咁多間珍珠奶茶店， 都淨係得老虎堂先唔會飲完唔舒服，所以都冇再試其他店。但因為琴日天氣好熱， 呢間嘢又喺屋企附近開咗冇耐， 所以膽粗粗買咗杯珍珠奶茶加仙草試下。 佢杯珍珠奶茶茶味好濃， 個配搭比例都好好， 珍珠就冇老虎堂嗰啲咁 軟糯， 但係都唔錯嘅。 可惜仙草比較冇口感， 一啜就好快散曬， 味道都還可以。 但最緊要就係呢間嘢我竟然飲完冇唔舒服， 所以呢間會係我第一選擇。 希望佢喺呢度可以留得長啦， 因為都真係好飲同埋我feel到都有heart想做好嘅。 仲有就係開埋星期日就好，平日次次放工返到嚟已經收咗舖， 星期六又有時可能唔留喺屋企， 開埋星期日就正 😂

今天午飯後路過，發現有新商品試飲。試飲後非常鍾意，可惜新商品尚未正式推出，店員得知後主動提出可以預先發售。蕎麥綠茶 與 蘋果檸檬 (未推出) 蕎麥綠茶茶味很香，不過朋友選了全糖所以對不好甜的我來說太甜了🙈另一杯就正是試飲商品，果味清新清甜，帶有淡淡的茶香。最底嘅蘋果粒平衡返整體嘅酸味，配搭剛好。因為不好甜所以選了微糖。店員怕我接受不到太酸，在我購買飲用後問我要不要加糖，非常貼心。本身已經對春葉好茶這間鋪頭很有好感，因為各個商品都不會過甜，不過蓋過茶味。而今日親切嘅接待令我印象難忘，令我喺庸碌嘅工作日中得到歇息。