春田冰室

營業中

休息中

今次第一次去此店吃早餐, 之前曾去過該店吃過三文治, 覺得唔錯. 沒想過雞扒早餐完全唔掂, 簡直是中伏! 明白每間餐廳非所有食物都好吃, 但從未吃過如此差勁的煎雞扒, 雞扒吃時似出水, 有雪味, 皮淋, 一點都唔脆, 與已結業曾位於旺角的一日三餐和土瓜灣的嘉樂冰室的煎雞扒相比簡直不堪. 若100滿分的話, 此店的雞扒早餐只值10分! 那10分只係給予只有半條不油的德國腸.多士:  只係一半片稍微烔一下,  完全沒有在包面上有任何焗過的痕跡. 細片之餘, 稍為厚身並搽滿牛油的麵包🤣相信是因電費昂貴的緣故🙄?炒蛋:  明顯蛋的份量得一隻, 係滑的. 但與土瓜灣的嘉樂冰室的滑蛋相比, 真的炒得未夠班!雞扒: 根本不知是否出完水, 為了省成本才翻熱🤔 ? 雞扒本身 size 不大, 皮只貼在中間, 大概只佔個扒一半的位置.  皮淋, 一點都唔脆. 肉有雪味, 這說明醃功不好! 食時感覺塊扒出水, 不要奢望 juicy 了! 更不用說有香脆的感覺! 與已結業曾位於旺角的一日三餐和土瓜灣的嘉樂冰室的煎雞扒簡直差天共地! 十分失望! 扒上的汁相信是燒汁🤔 ? 沒有味道之餘, 亦蓋不了雪味!  我此食

見到地址寫住紅磡 但千祈唔好係紅磡站出閘啊係近土瓜灣㗎👨🏻‍🏫👩🏻‍🏫見到門口貼住啲嘢食相好正🖼️ 就入去試吓啦🚪🚶🏻🚶🏻‍♀️睇吓味道如何先😋🍚🍚🍚🍚焗鮮茄吉列豬扒飯🍅 ($62)個炸豬扒真係好大塊㗎😆炸皮薄同埋香脆 而且豬扒厚度適中 唔會擔心好厚好難咬開😬焗豬扒飯一定要配蛋炒飯底🍳再配上蕃茄 酸酸地好開胃🍅係飯上面仲有芝士係面 竟然有拉絲嘅效果🧀蔥油雞扒煎蛋飯🍳 ($57)雞扒好大塊🙆🏻‍♀️ 但唔會好韌 反而好嫩滑添啊💁🏻‍♀️好鐘意個雞皮煎到好香好脆煎蛋就揀咗太陽蛋🍳 做到流心啲效果🌊撈落啲飯度食仲正啊🍚可以揀正常 多 同少蔥油今次🙋🏻‍♂️揀左少蔥油 蔥油嘅味道好香但比 偏鹹左少少🧂🤏🏻

叫左個300度鐵板餐，啲汁倒落去熱都唔熱，吱吱聲都冇，用隻手掂落去都可以頂得順，真係點可能有300度？啲肉嘅味道都係普通茶記貨色，基本上同一個普通扒餐冇乜分別。 拉絲薯條，竟然係將塊芝士掉落塊鐵板度，跟住再擺啲薯條上去！！黎到，嗰嚿芝士已經燶曬，成個黐喺底部！叫人點食？我叫阿姐埋嚟睇，佢反問返我應該係點？係咪芝士擺上面頭，做拉絲？我話你都知啦，仲問？？真係畀佢激到爆廠！你地廚房唔識整，就唔好學人整喇！最後我唔要，退返畀佢！豬扒包都叫正常嘅，係啲粉厚啲。到最後埋單時，發覺佢收多咗我幾蚊，問佢點解？原來佢當咗係晚餐價！我係六點前落單嘅，應該計下午茶嘅價錢！唔聲唔聲又收多人幾蚊！真係離曬大譜！

早餐近午餐時段都多位，一張明明介開兩邊既卡位都唔俾一個人坐？咁介開黎做咩？大把位早晨可以食幾耐？最慘係隔離枱遲過我坐但係早過我食完，要我追單，一碗早餐既牛米要我等十幾分鐘？係我食得慢定係你出單遲啊？最後埋單仲可以屈我無俾錢，我已經出左門口都照追我然後當街話我無俾錢，大佬啊自己個system唔識睇架？仲要我show返個八達通record出黎，屈完人道歉都冇講，服務態度超級差，隨口屈人都可以，我下次會報警處理，唔係附近冇乜餐廳好食都唔會去尼間。

我叫咗個滑蛋叉燒飯外賣，$60加凍飲等咗20分鐘，d外賣慢到一個點，人客又唔係多，如果佢抄哂場都由佢呀，心諗唔緊要啦，可能立即整所以咁耐呢，本身都已經肚餓，返到去食飯，搵左好耐搵個外賣得嗰一細塊叉燒，係成個飯盒得個丁點一小塊，失望到極點🫠成餐飯就係蛋同飯，先唔講$$$，但一心想食個飽飯食個平常的晚餐，竟然可以出以如此的對待，真係好唔開心😫以後唔會再光顧！見佢網路搜尋評論好多打手，影到靚靚咁。🤮

我係呢邊d街坊黎，係度食過好多次，野食Ok過得去，但講真服務態度咁差？有必要黎食野比你d 侍應鬧咩？今日早11點半，想黎食個飯，見有卡位，又無乜人，就想叫個阿姐執走d碗碟，佢話坐呢度要搭枱，叫我坐第2度，仲要好惡，我話照坐，佢話呢度留比d三個人喎。嘩，咁你唔做生意，早出聲啦～就唔好話搭枱。態度又衰，唔係話小姐，介唔介意點點點。。。我亦唔係第一次見你地態度衰，呼呼喝喝我地食客。我宜家就要寫食評，話比更多人知。

lunch 時間同事推介呢間，主要因為佢地話阿華田西多士好味，所以去試下～不過覺得佢地果邊d 野食一般～朋友叫的意粉～.蔥油豬扒飯豬扒好硬，另外豉油汁同蔥油唔係好夠，整體味道麻麻地🙈🙈.阿華田西多士感覺沒有同事講到咁好味，可能有期望，不過味道都ok~

椰子雞湯米線大家去返啲專門店食好好多始終茶餐廳 唔係專門湯底真係差啲 隻雞都冇味. 因為專係做椰子雞湯米嗰啲舖頭 食過有啲椰子雞湯湯底真係好正 比較濃厚椰子味同雞湯味 茶餐廳算係不過不失啦不能寄予厚望. 當一般茶餐廳其實我覺得ok嘅 但佢冇乜特別嘢會令人回頭但又唔係叫做得差咖哩食落唔似馬來西亞嗰種 有啲印度feel 冇椰汁味 辣辣地嘅 唯一讚佢個咖哩 真係畀好多汁 ok算唔錯嘅 畀啲餸都唔少. 但不會令我為咖哩嚟呢度食. 另外個羅宋雜菜湯唔錯味道夠 幾好飲!網上啲人話啲服務態度唔好 今日感受過 一坐低完全冇人理你水都冇杯 叫人攞杯水都唔容易 跟住 個女人一句得埋嚟 (手機落單你得㗎la !) 態度上係有啲粗聲粗氣 但係叫另外一個男侍應態度正常 呢啲嘢真係睇人 茶餐廳從來都唔會要求好服務 但個女人態度確實係差咗啲.

一間扮曬高級嘅茶餐廳，服務態度衰過以前食大排檔，強迫食客用 QR Code 落單，完全睇唔起啲長者或唔識用智能手機嘅人。啲嘢食嚟到就就咁放喺枱，而唔係放喺你面前，已經係非繁忙時段，成間餐廳冇一個職員有禮貌。啲嘢食又唔好味，吉列豬扒係近似燶嘅，啲西多士又炸得唔好，裡面又少花生醬。以為自己間餐廳好巴閉，其實小貓三四隻，主要靠午市啲返工人士，揀無可揀咪揀佢。試過一次就知道係一間完全冇質素嘅茶餐廳，就連一杯凍檸茶都唔俾多支匙羹你篤檸檬。

第一次食LI間春田冰室我正話椰子雞米線唔錯我老公果碗就出事咬唔開舊雞，原來生嘅叫人嚟又揮極手都睇唔到然後一句唔好意思都冇講只係話拎起果舊生嘅叫我老公食住先What!? 唔係化？！我即刻話有菌㗎喎佢先肯換但黑面佢肯換都係食得唔安樂生嘅肉竟敢拎起都叫人照食咁樣都接受到咩？！餐廳嘅處理手法真係匪夷所思喺食物衞生情況方面令人擔心可能係唔好彩遇到個別事件但果位男士嘅態度令食客很不安囉！另外一個Tips: 切勿坐正門口天氣凍，佢個自動門好敏感不停又開又閂D食物唔駛3分鐘就凍曬另外嗌咗一個白汁芝士豬扒丼已經變成漿糊好難入口

話說小朋友逢星期六都要去紅磡學彈琴，落堂食個飯就去新蒲崗學話劇，平時多數出去新蒲崗先食，但始終唔多選擇，小朋友唔悶，大人都悶！好啦，今次一於喺紅磡區搵正嘢食！作為一個有少少潔癖嘅媽媽，喺搵嘢食嘅第一眼都係睇左環境先，一定唔可以太迫，因為坐到個人之餘，仲要坐到個大背囊！第二，選擇一定要夠多，要啱小朋友之餘，又要大人都啱，始終唔可以唔重視下自己嘅～第三，價錢一定要合理，始終係全職媽媽，唔可以食太貴吖😏好，睇到呢到，應該好多人話緊我麻煩😂之不過，又比我搵到喎🥳阿仔最鍾意肉醬意粉，阿媽我就最鍾意甜嘢，特別係阿華田😍，「華田脆脆西多士」同「華田脆脆」（飲品），真係我必選系列！之後再望下個餐牌，比個勁量三文治吸引住，仲要有薯條同沙律😍😍😍點可以唔嗌🙈叫多個椒鹽燒賣，唔會硬過我條命，好好味！👍🏻所有嘢食味道都好ok, 價錢亦都好合理！而且餐牌上面仲有好多嘢想試，相信好快又會過嚟食😍😍😍😍

假日去新茶記食下午茶，黎到紅磡廣場隔離的茶餐廳。叫左椰子雞米線和炸魚柳配薯條🍟椰子雞米線黎到，賣相一流，茶記黎講算靚，湯汁好濃椰子味，米線的份量都夠，雞就唔算淋。炸魚柳配薯條的份量很多，炸魚柳有兩塊，即炸好新鮮，夠脆。

好耐無去紅磡一間小店食豬肉丸，原來星期日唔開！！！為有去附近食茶記…剛好見到呢間冰室，嗰名幾好咁. 所以一試…. 一入去都已經無人理你自己搵位座，座左一陣都無人理原來係用手機自己落單的…咁就叫左個豬潤麵加炒蛋餐包，凍奶茶. 杯凍奶茶好快到，但非常淡，無茶味，好似飲奶水咁！嘢食等左約10分鐘先來！櫃檯又無晒餐具….叫人又無人幫到你，可能太忙… 所以要自己去另一張枱攞！餐包凍嘅，炒蛋無咩蛋味！還好豬潤麵正正常常，但唔叫好食. 所以呢間應該無下次👎🏻

//春田冰室🍲🥢//呢間餐廳表面係一間港式其實入面係一間茶餐廳可以坐低食嘢🍴入面嘅姐姐全部都好nice～今次我主要係試佢嘅熱食不過臨走前都買咗幾個包返屋企🥐［最後果張相就係我將個菠蘿包烘返熱整做菠蘿油🤣超正💓］𝙁𝙤𝙤𝙙🥡乾炒牛河 Pan Fried Rice Noodle with Beef ［迷你特價餐 Special Mini Set］同普通牛河一樣偏油，同埋啲粉有少少癡住無條條分明嘅感覺🥲食落味道都可以，以呢個價錢嚟講我覺得算OK🙈🍯西多士 French Toast ［迷你特價餐 Special Mini Set］西多士係我係我一直好掛住嘅嘢食😻食落唔錯，唯一一個位就係中間搽嘅唔係花生醬🥜而係咖央醬🥲我自己就prefer花生醬鹹鹹哋可以中和返啲甜味～不過整體嚟講味道都唔錯嘅💗

放假週末都會過黎春田冰室嘆番個早餐，貪佢早餐時間去到11:30 ，晏起身都仲可以有早餐食😎而每次一定會食佢嘅沙爹牛麵🍜。雖然唔係話特別出色，但都屬於水平以上，牛肉夠淋之餘個沙爹醬都夠濃郁而且掛倒麵。個麵底應該係最熟悉嘅大光麵，軟硬度都做得啱啱好。作為普通嘅茶餐廳可以做到咁都算合格有餘了。