春水堂 (雅蘭中心)

營業中

休息中

今日經過旺角，第一次食呢間台灣餐廳ヽ(✿ﾟ▽ﾟ)ノ#### 1. 鹽酥雞滷肉便當- **價格**：$99- **評價**：呢個鹽酥雞滷肉便當好味！鹽酥雞炸得恰到好處，外脆內嫩，咬落去口感非常豐富，香味四溢。滷肉嘅味道濃郁，肉質軟滑，滷汁更係入味得嚟唔油膩，搭配米飯食，便當好多配菜，都算豐富，唯一不足係無咩味道，份量方面偏多(๑•̀ㅂ•́)و✧### 總結春水堂人文館嘅鹽酥雞滷肉便當，無論味道定份量都令人非常滿意，真係值得一試！(*´∀`)~♥

點解我買香醇奶茶，出面餐牌寫34，入座餐牌寫36？（注意：並非凍飲嘅因為，冷熱同價）最終俾39因為仲需要加一。但係，我想問下，出面餐牌寫34係因為外賣拎走可以平兩蚊？

好耐都冇嚟過春水堂食飯，星期日行開旺角就嚟試吓，人流大不如前，上菜速度偏慢，整體價錢偏貴🫣🔵抹香珍珠奶茶果然係元組級，奶茶好滑，奶味濃郁，珍珠係細粒嗰款好Q彈👍🏻🔵慢煮豬手便當果然係慢煮，等咗25分鐘😞，上枱都熱辣辣嘅，豬手都炆到好腍，骨膠原滿滿😍貢丸湯味道比較淡🔵滷汁排骨便當便當上枱都係熱辣辣，排骨比較薄，肉質結實，沒有骨啖啖肉，係我鍾意嘅類型👍🏻滷汁味道唔算濃，仲有其他時蔬同滷蛋

坐低揀嘢食，睇餐牌，有下午茶餐，然後系統無此選擇。問眼細細的女店員點解叫唔到，佢西口西面答我星期一至五先有，而你哋嗰幾張餐牌同promotion只係搵圈圈扣住，點解假日唔抽走星期一至五的下午茶套餐？得嗰兩頁，我嘗試打開個圈抽走嗰兩頁，有幾難？你下午茶時段拎個獨立餐牌出嚟寫住下午茶，客人會睇會揀有咩問題？依家係咪尋寶？入你哋餐廳要玩photo hunt? 要找錯處？要同你哋做埋員工應該抽起嗰兩頁餐牌嘅工作？之後我發覺落單落錯咗，我係要烏龍豆干，落錯咗烏龍豆干血米糕。瘦削男店員聽到，同我取消咗個烏龍豆干血米糕，但冇加返個烏龍豆干。我話咗畀佢知：「我係想要烏龍豆干但我頭先落錯咗。」佢問落錯啲咩？我答佢：「烏龍豆干血米糕。」然後佢好醒咁行開咗。呢個對話有幾難明？咁算啦既然佢幫我取消，我都無謂再落過個柯打了，反正都冇乜胃口食了。或者我落旺角食嘢係唔應該有正常要求，我對你哋有期望真係唔好意思！但都唔該你哋改進吓，換餐牌嗰樣嘢唔係話咁難下話？唔洗成本架喎。眼見員工喺度卿卿我我咁，又唔係好忙呀。

估唔到春水堂嘅食物質素咁差，唔怪得唔長隔離嗰啲排曬隊呢間反而唔使排啦。lunch time叫咗個吉列豬扒配他他醬嘅便當，然後再叫咗啲小食，個便當嘅質素真係差，最差就係覺吉列豬扒，豬扒好薄都唔係一個問題，最大問題係佢嘅炸粉係口嗰塊豬扒好多，仲要喺un嘅，可想而知佢個新鮮程度有幾唔掂，不過跟便當嗰碗貢丸紫菜湯係可以嘅，估唔到冇乜味精。好彩其他小食都ok，最好係個台式炸米糕，個娃娃菜就好大棵，如果切細啲會方便啲食，味道係ok嘅。

係雅蘭配完眼鏡，差唔多2點，老公銛想試試春水堂牛肉麵，OK攞飛入座😋叫碗紅燒牛肉麵（半筋半肉）牛筋好入味！湯頭太濃！鲁肉伴米粉啱少胃口的我，份量剛好！蜂蜜拿鐵好香蜂蜜👍可惜泡沫多過拿鐵，好似飲奶水！再外賣一份蒜泥白肉👍白肉片得很薄、味道就太咸！嫌酱多咗啲！

不嬲自己都好鍾意食台灣春水堂嘅珍珠奶茶，珍珠細細粒奶茶味奶味好濃，同茶嘅比例啱啱好。而蕃茄牛肉麵亦都係呢間。台灣餐廳必試一物，超推薦大家，千祈唔好錯過😎😎👍🏻👍🏻

今日朋友生日,我們往旺角雅蘭中心春水堂食晚餐慶生,我點了照燒雞扒便當,琥珀黑糖珍珠奶茶和黃金酥雞,照燒雞扒便當雞扒肉質鮮嫩,蛋食荡味道香滑,配菜小棠菜新鮮爽口,而車厘茄和酸梅食落開胃,貢丸湯味道香濃,温度適中,整份照燒雞扒便當食落美味,份量十足,琥珀黑糖珍珠奶茶,黑糖味甜度適中,珍珠奶茶奶味香滑,口感滿足,最後黃金香酥雞炸得金黃,食落惹味,餐廳座位舒適,適合三五知己聚會及慶祝生日好地方,朋友很滿意生日安排

人生第一篇食評旺角瓊華附近辦完事夜晚8:30，就近近地去雅蘭春水堂食晚飯，8:45 last order，就快快趣叫咗碗牛骨濃湯牛肉麵...係牛骨濃！湯呀，碗麵嚟到白雪雪，看似好好味就呷咗啖湯， 唔試由自可，一試把幾火，無牛味，無咸味乜味都無都唔知放咗咩入口，卒之要攞碟豉油先免免強強食埋碗嘢，其實你收人成舊水碗嘢， 唔係真材實料用牛骨淆出嚟我都算，連濃湯寶都唔加粒比我，鹽又慳番，極度無語，唔係春水堂呢三個字應該無人會去食。真係未試過食完餐飯咁

心諗有幾間分店嘅春水堂應該會幾出色，叫咗兩碗麵兩杯嘢飲，我自己覺得冇特別， 接近$100 牛肉湯麵出面應該有好多選擇，手工麻香麵線 可能屬於較健康嘅伴麵，所以對我自己来說太清淡， 如果落少少豉油就會好好。飲品都唔算太出色， 如果你好想試， 真係搵唔駛排隊既時候去食就算。

見到menu 差不多$100碗麵，都有多少期望。點知一個字差！首先，服務態度非常差，全部人企係度，唔洗做咁。上菜當我詢問係咩嚟，佢哋回答得非常不耐煩，「牛肉麵囉。」鬼唔知？唔講份量，食物品質也非常令人失望。我點左佢個牛骨湯麵，非常平淡無味，麵底淋到一個點，牛肉質地都唔新鮮，口感極不好。一百蚊碗麵，俾d咁嘅屎嚟食物品質同服務差勁又貴，我問建議任何人去這家餐廳用餐，完令人失望嘅體驗。希望佢快啲執，唔好為害人間。

見網上有評論春水堂新出嘅珍珠奶茶火鍋，雖然感覺有啲伏，但都忍唔住要約朋友去試～ 唔試點知伏唔伏😆😆嗌咗珍珠豆乳鍋＋雞髀肉＋手工麵$158呢個價配呢個份量係預期之中，雞髀肉比我預期大份的材料方面都幾滿意：蔬菜種類多，索晒啲湯汁幾好味，雞髀肉都係滑嘅一開始以為份量唔多會食唔飽，點知食落原來都幾大份⋯⋯我細食，麵同雞肉都食唔晒（朋友幫手食）火鍋嚟到係純豆乳湯底，茶包同珍珠自己落，建議一開始先落茶包珍珠試試湯底⋯⋯就算將個茶包一直放喺湯度滾，茶味始終唔太出，有啲可惜～ 可能本身豆乳湯都好濃，好快就覺得越食越膩，所以試吓係OK嘅，翻兜就不了

今日行旺角想食台灣野從未食過春水堂😂😂以為佢淨係賣野飲今次食完又覺得幾好食😋👍🏻叫左個雞扒便當🍱整體都幾豐富，有菜有肉雞扒都juice厚身，肉質嫩滑仲有個例湯仔仲有招牌紅燒牛肉麵叫左半筋半肉，份量都好足夠牛肉醃到好入味，個湯底亦都唔會好咸個麵都似手工麵，食落爽口彈牙(本人影得唔好，無對焦)因為佢係賣手調飲品出名當然唔少得飲下佢既珍珠奶茶🧋個茶底唔會有澀味，珍珠係細細粒果隻不過就無套餐，全部散叫😄

平日lunch一行3人黎lunch，呢間餐廳冇lunch set，全部都係單點。 魯肉飯(小碗 $35)：Size好似平時一碗飯既份量，魯肉醃得入味。 御品三寶牛肉麵 ($105)：三寶包括牛筋牛腩牛肚，全部都煮到淋軟及份量多，麵質彈牙，湯頭濃味，值得一叫。 XO醬辣拌麵 ($62)：微辣，麵質彈牙，有少少汁，唔會太乾身，好味。 (凍)愛玉鐵觀音檸檬茶 ($39)：面層有泡，鐵觀音茶味出，配上檸檬好清新。 (凍)珍珠紅豆鮮奶茶 ($41)：珍珠size比連細粒，有一堆紅豆，另外mix鮮奶，味道正常，不太特別。 埋單連加一共$310

今晚收工之後約左朋友去旺角睇波鞋，跟住我地去左試呢間台灣野，我地order左1個酥炸豬扒配他他醬便當$89(豬扒雖然炸得脆不過比較多油😔豬扒份量都算多)、台式芋米糕$33(煎得好香好脆，呢個好好味😋，再配埋佢地自家製嘅醬汁、冇得輸)、麻辣涼拌牛肚絲$44(好鬼死辣但係好食嘅😋，整得好淋，5食得辣嘅最好就5好order，肯定食標晒汗🤣)、凍杯芽奶茶$36(茶味好濃好飲😋)、座位坐得都好舒適☺️