星鍋 火鍋•餐酒館 by VSING

讚-湯底同配料既水準都比想像中好 湯底係唔同湯底都有唔同味道 唔係樣樣同一味 配料既牛肉豬肉都切得好好 餃子多餡 真係樣樣都唔錯-氣氛熱鬧 員工客人不斷上台唱 係就係嘈啲 但整體係好享受彈-倒醬油調味料既地方有啲污糟-酒水有啲貴…查看更多

好新穎嘅打邊爐體驗🤣啱晒Happy Friday一班朋友/同事食野唱歌聽歌！成個氣氛都不錯～～-一開始有卜卜蜆鍋都幾多份量係最夾嘅蒜辣味🤤之後就一人一鍋（都係呢到特色）自選自己鍾意嘅口味跟住就開始打邊爐luuu！先食牛丸、蔬菜、鵝腸鵝腸望落幾肥 但失落唔膩仲有鵝油香味蔬菜新鮮多款牛丸very igable😍之後就中場休息 食牛肉刺身😱香港第一次食生牛肉！冒險精神max～好彩都唔錯之後仲食晒🫣🫣酸酸地嘅醬汁幾開胃（食完冇肚痛 好重要😂）跟住就再打邊爐🤪牛肉、即炸紫菜響鈴、墨魚滑……全部都唔錯特別推薦響鈴！好好食！...…查看更多

位於諾士佛臺一間餐廳，係做打邊爐，同埋有得唱K。不過佢個形式係比人ORDER歌，係自己可以上台唱，都幾得意。卜卜蜆鍋加左啤酒煮，D蜆好靚，同有啤酒嘅香氣。份量都不少，食得幾過癮。食完蜆再一人一鍋打邊爐。蕃茄龍蝦湯，半隻龍蝦係度，真材實料呀。花膠雞濃湯，個花膠都不得了，超大塊的。潮汕生牛肉拼盤乾冰上，打卡感十足。要配埋配料同醬汁一齊食，再加少少檸檬汁，好fresh!!即炸手工紫菜響鈴響鈴好新鮮好大卷的，幾喜歡。蔬菜拼盤，稻庭烏冬佢個烏冬係好滑，個質感比普通烏冬更正。冰鎮獅頭肥鵝腸比較粗大D腸，不過我就一般。骰盅手打牛丸，食落似漢堡肉咁，唔係彈牙質感。手切牛肉，牛肉就好靚，打邊爐就必點的。…查看更多

現在的餐廳真的是日新月異，再不是好食咁簡單。大K也需要與時代並進，朋友閑聊發現這間新時代餐廳。除咗打邊爐好食之外仲可以邊食邊唱K. 真係啱晒一班朋友聚會，又玩又食。地點係諾士佛台的5樓真心一流，同朋友約食飯就腳真的非常緊要。門面相對地普通睇落唔似餐廳，甚至有啲似K房。一入門口就會俾佢個舞台震懾到，一個大大嘅舞台放喺餐廳正中間。燈光閃閃器牌十足。 大k喺呢個moment要爆喇。只要download個手機app就可以點唱，露返一首。台下的觀眾亦都可以用個手機app，支持同埋送禮物比那一位他。我即場用點數撳咗個放煙花，舞台上立即出現意想不到的舞台效果。螢幕上首先打雷，兩邊在噴出煙霧。把台上的兩個小妹妹嚇得尖叫起來，真的有點不好意思。 但氣氛就被推上高峰。真刺激好玩。不要以為餐廳，只會用啲古靈精怪的招數吸引客人。今次食咗一個骰仔牛肉，外表係一粒骰。 承諾以上口好重牛肉味。 感覺非常震撼，究竟呢一粒牛肉係點做㗎呢？ 如果知道答案嘅人，希望你可以教吓我。真的太好食了！一坐低就上一大煲蜆霸氣十足。非常好食嘅牛肉刺身，本身對牛肉生食並沒有太大好感。原因係紅肉做刺身嘅話，難免會有血腥味。而且新鮮程度絕對會左右衛生標準。今次餐廳的牛肉刺身，達到五星酒店水平。用新鮮牛肉卷上，洋蔥，檸檬汁，真係出奇的好食。呢個花膠雞煲先至唔係人咁品。大大塊花膠，仲大塊過我塊面。你話食花膠食到飽幾咁霸氣先真。…查看更多

同朋友食生日飯，佢話想搞搞新意思，知佢係Ｋ迷，想俾個驚喜佢，於是帶左佢黎呢間有得邊食邊演唱嘅餐廳。開頭只同佢講打邊爐食餐飯，黎到佢見到個咁有ＦＥＥＬ嘅舞台已經ＨＩＧＨ左！食材方面，估佢唔到咁出眾，賣相非常用心，而且極具質素，乾淨又新鮮。我地點左三種牛肉，包括生牛肉刺身，手切牛腹肉，同埋手打牛丸。粒牛丸好有驚喜，入邊好似有餡料，應該喺鵝肝醬黎嘅，仲要用個骰盅上。佢個現炸紫菜響鈴都好新鮮香脆。另外我點左268嘅招牌卜卜蜆鍋，超鮮甜同埋冇沙，勁好食，仲有半支啤酒俾我飲埋佢。餐牌見到有一人一鍋蕃茄龍蝦湯，大大隻波龍喺入面，98蚊我覺得超抵。呢間餐廳嘅食物真係冇得彈，樣樣都有驚喜！點歌的體驗都非常好，只需要ＤＯＷＮＬＯＡＤ佢個ＡＰＰ，唔洗寫紙仔或走出去入歌，唔洗怕醜，到你首歌就出去唱啦！朋友忘我演出時，唱到咁上下突然見到有噴煙效果，佢一個自信笑容難掩心中狂喜，唔知佢知唔知道呢個其實係我呢個老友「課金」送俾佢的獎勵啦，ＬＯＬ。總括來說，真是一個很難忘和特別嘅體驗，想做歌手，唔一定要出街ＢＵＳＫＩＮＧ嘅，黎打一次邊爐就可以盡情演唱。📍#星鍋 •餐酒館 by VSING @singpot_by_vsing尖沙咀諾士佛臺1號諾士佛臺一號5樓#香港美食 #香港好去處 #hkfood #尖沙咀美食 #香港店…查看更多