星聚軒

營業中

休息中

真心推介！！！抵食夾大件！又好味！又有禮貌！本身之前見到啲食評都唔太敢黎，之後鼓起勇氣，第一次嚟樓下個門口係令人卻步(因為個門口實在太細) , 上到嚟雖然唔係好大，但就超乾淨！結果呢間嘢成為咗屋企人既飯堂呢到所有員工都超級有禮貌！本身都好少寫食評(應該係讚嘅食評真係好少) , 但呢間真係不得不讚！份量大！就算叫佢地啲特價食品都唔會黑面！仲要有優惠券可以用！所有員工都超友善！超級有禮貌！就算唔係包圍食飯，都會時不時過嚟換碟。轉頭攞俾你，佢話佢要食哎呀。食過啟德咁多間酒樓，個人應為呢間係啟德呢邊係最好食既酒樓！佢值得有更多客人！食品完全食得出好有誠意。全部都係食到一半記得影相😂😍😝每次嚟必嗌：😍👍🏻文昌雞 （有味得黎勁滑）👍🏻咕嚕肉 （外脆內冧，而家都冇乜邊間酒樓食到， 👍🏻噴住煙咁上碟，勁有儀式感）👍🏻樟茶鴨👍🏻麻辣魚皮 （入味夠辣又爽脆）今日試咗佢新菜式👍🏻咖哩蟹，勁抵食！$88 👍🏻豆腐火腩👍🏻熱情果椰汁糕 (完全唔甜，又有椰汁味)👍🏻芒果布甸基本上冇一樣嘢覺得唔好食所以呢間餐廳真係超級值得一試！

今日想飲茶朋友話呢間酒樓都幾抵食,所以就過嚟試下. 去到喺我前面有一兩張枱等緊, 咁我見等三張枱啫就等下啦. 侍應都係一般屋邨茶樓嘅服務水平. 呢度啲座位排到好逼, 所以都比較嘈.開咗水仙, 啲茶麻麻地啦但係都要收15蚊一個茶錢😓點嘢食係用點心紙, 點咗一下蝦餃, 一客係魚肚百花蝦膠, 一客燒賣, 一下脆皮鮮芋絲糕, 南乳蒸豬手,灌湯餃, 叉燒包同埋珍珠雞.所有嘅食物都唔係話好出色,只係不過不失. 但佢嗰個灌湯餃我就覺得佢變咗質, 即刻就叫經理過嚟同我退咗佢. 佢處理嘅態度都算係正常,話同我換過一客, 唔係好似有一啲茶樓咁唔相信你講嘅嘢. 應該都唔會再去幫襯😅

十點到店飲茶，冇人入單，要客人主動將點心紙交到到櫃檯搵人入單。當你以為已經成功入單，大概一個鐘啲嘢食都未到，於是再搵服務員查單，點知服務員敷衍了事，查完又唔講，原來完全冇落單，搞到白等成個鐘

諗住近近地同屋企人食既飯，就前2日book定星期日晚7點枱當日準時黎拎枱果陣帶位姐姐同我地講今日好多人未有枱要等陣..諗住都係等多5-10分鐘姐，點知19:15仲未入得，問佢要等幾耐，佢答唔知，跟住仲話有街客緊係比左人坐先，唔通留空張枱到你地7點先咩..30分鐘之後有張路口坐緊2人既埋單，問我地坐唔坐🙄我哋6個大人真係覺得有可能？！過左10分鐘終於有張大枱埋單..book左枱最後都要等左40分鐘先入到去..咁我book枱黎做咩？！安排真係勁差，真係唔會再黎

態度垃圾 服務垃圾 食物垃圾 永遠blacklistbook左12點，提早10分鐘已經到左，竟然仲要等超過30分鐘。樓面態度不知所謂，同我地講話要做生意係咁㗎啦，唔食咪走唔好等

金箔蝦餃王：這道蝦餃王在傳統蝦餃的基礎上，加入了金箔，讓外觀更加奢華。蝦仁新鮮彈牙，餡料豐富，每一口都能品味到蝦的鮮甜和爽脆。韭菜魚肉餅：鮮嫩的魚肉與香氣四溢的韭菜結合，製成的魚肉餅外酥內嫩，韭菜的香氣和魚肉的鮮美相得益彰。椒鹽豆腐：這道菜將豆腐外皮炸得金黃酥脆，再撒上椒鹽調味，外酥內嫩，香氣撲鼻。椒鹽魷魚：魷魚切成條狀，經過炸製後外皮酥脆，再撒上椒鹽，帶來一絲微辣的口感和海鮮的鮮味。紅菜頭炸兩：紅菜頭炸兩：顏色吸引，紅菜頭腸粉外皮口感不錯，但內餡較油膩。XO醬金錢肚：牛肚經過慢煮，入味且軟嫩，搭配香濃的XO醬，帶來濃郁的味道和豐富的口感。鮑魚雞粒炒飯：這道炒飯加入了鮮美的鮑魚和嫩滑的雞肉粒，米飯粒粒分明，香氣撲鼻，每一口都充滿了海鮮和肉類的美味。芝士糯米雞：真的是普通糯米雞鋪上芝士然後用火槍燒溶的點心，份量只是半只糯米雞，價錢較貴，味道一般。炸蘿蔔糕：脆口但蘿蔔糕味道普通，也是比較油膩。

起27/9，因為爸爸起微信見到有呢間宣傳，所以入左去食。環境同食物超級高當。當時叫左2人餐（400一人左右），餐點超級精緻，用料高級。當中，乾鮑同佛跳牆最為推薦。乾鮑切落去係糖心，可以食到佢獨有嘅咸甜，超正。佛跳牆個底係鷄湯羹，好似仲有啲金華火腿同其他鮮味，再配其他海味一齊食簡直好絕。其他食物都有驚喜，例如叉燒，海鮮炒飯，布丁或其他。都係起有生之年可以試下。不過價格的確貴，推薦家庭或朋有慶祝嘅聚會嘅時候先去會舒服。

環境十分污糟和殘舊，不敢相信是新開張的酒樓。而且店內充斥廉價廁所香薰的味道，猶如在廁所內用餐。而且侍應的態度十分惡劣，因為點心過了20分鐘遲遲未到而查詢，侍應立即態度惡劣地表示：「你估呢度茶餐廳呀，飲茶就要時間㗎啦」其後除了和其他侍應在我們背後大聲批評我們，這還不夠，侍應不死心地跟我們附近的食客大聲地評論我們。之前已經網上聽聞這間酒樓服務態度差劣，果然名不虛傳。之後落錯單都不想跟他們爭拗，快點離開更好！

行過見到呢間酒樓新開，燒鵝都幾吸引，決定試吓佢隻燒鵝☺️半隻$198，買咗半隻返屋企加餸。燒鵝係一道著名的中式菜餚，外皮酥脆，肉質嫩滑，油而不膩，點酸梅醬入味又好食😋一啖咬下去特別爽脆多汁～害怕肥肉嘅我，忍唔住食多幾塊😝

蝦餃精美出品神級表達手工廚王獻技特惠價錢。優惠顧客13.5元超值1籠貓耳朵牛肉球好滑好好味架又夠香，天鵝雀巢蘿蔔絲酥鵪鶉蛋賣相精美蘿蔔絲炸得好香脆芝士焗糯米飯出品新穎

如題，絕對係同區收費最貴且最難食嘅酒樓。晚市冇咩餸食，問乜冇乜，主要得燒味同魚。問沙巴仔一條話要$788？？？燒鵝、乳豬鹹到苦，仲要勁肥。同經理反映話幫我哋取消一樣，結果埋單碌卡都係碌埋隻豬。整體體驗奇差，唔考慮再幫襯。

天氣熱辣辣 日日30幾度 諗住去酒樓飲茶舒適啲 點知飲茶飲到一身汗🥵🥵🥵酒樓裡面溫度只係比室外好少少🤏好多枱都沿住大玻璃窗擺 而我地就係被安排坐呢啲近窗既位 窗簾完全隔唔到熱 酒樓冷氣完全唔夠 間唔中仲感覺有啲熱風吹埋尼 再加上飲熱茶 佢仲要俾個蠟燭仔🕯️保溫啲茶😂 野食又熱辣辣 愈食愈熱 愈坐愈辛苦 未試過係酒樓食野食到滿頭大汗 勁辛苦😵‍💫不過酒樓點心係唔錯既 粉果皮晶凝通透 蘿蔔糕用左切粒蘿蔔 雖然易散 但算香口 排骨都好惹味 鳳爪同燒賣唔錯既 應該？食到後面已經熱到唔知食緊咩 淨係想快啲食完快啲走🏃🏻🏃🏻🏃🏻

旁邊的燒味外賣部服務態度奇差第1次買過乳豬四寶飯，幾好食的只係紅腸真係唔好食。第2次去諗住問下可否紅腸轉其他野，點知聽到話紅腸你可以唔要，我唔俾你渣嘛。我話我唔係唔要，係想轉其他野問個可能性。如此服務態度應該會令味道不錯的餐廳倒閉，感到可惜，我都因為唔想對呢個服務態度無再買。

見佢新開張又喺屋企附近就之前Walk in同屋企人試咗一次覺得幾好食。之後第二次諗住約埋親戚一行11日book定星期日飲茶。本身約咗book咗12點，我哋等到12:20都仲未有位，再問要等幾耐，竟然答要再等等。然後佢講嗰張預留咗嘅枱，根本人哋只不過係啱啱先至開始食。完全唔明呢個係乜嘢book枱嘅概念。如果你同我講星期一人多冇得book枱我會接受，但係我不能接受book咗枱完全冇枱俾我，仲要我哋11個人。不過都好不用再試！同埋都證實咗網上嘅負評係真嘅！

個人不太喜歡寫負評，無奈實在太失望及震驚。本身想嘗試一下啟德新開的酒樓，但沒有下一次，不會再光顧。但很遺憾地說，體驗並不愉快。點心的味道本身還可以，但在一碟剛上碟，還有煙的黑金流沙包上，發現了幾塊餅吃剩的鳳爪骨，這讓我感到非常震驚和失望，令人完全沒有食慾。酒樓沒有洗乾淨容器，亦沒有察覺有污糟，或異物。作為消費者，期望能夠享用到乾淨、衛生的食物，但這次的經歷讓我對這酒樓的衛生狀況產生了質疑。希望這酒樓能提升食品的衛生質量，確保能夠給顧客帶來更好的用餐體驗。