星海薈 (利舞臺廣場)

營業中

休息中

平時阿媽成日同朋友嚟飲茶，今晚想坐得舒服啲食下中菜就上嚟試吓。鐵板白胡椒煎焗澳洲龍蝦寫明足斤半，果然係大大塊肉，彈牙鮮甜。 重點係白胡椒醬真係好香，惹味得黎唔會蓋過龍蝦嘅鮮味，反而有加分作用，正到連啲配菜彩椒粒同洋蔥都食到乾乾淨淨。本地雞蛋蒸花甲皇有驚喜，花甲新鮮清甜，本地雞蛋真係食到好有蛋味，冇加好多水所以質感實淨少少，真材實料。 欣賞個豉油較得好好味，鹹甜比例得宜，會想為咗佢再嚟。紅燒乳鴿正常發揮，新鮮炸起有肉汁。

同長老係銅鑼灣食飯， 都係要酒樓先攪得掂。搵間靚小小， 又抵食嘅就啱哂佢地心水。個鋪面裝修得靚， 啱哂老人家心水。有stage有樓梯， 老人家話啱哂擺酒，，叫我要擺係到擺去到聽到咋咋聲， 睇黎好多人都嗌左白胡椒蟹，我都嗌返隻先個胡椒蟹真係勁大隻， 鐵板上，咋咋聲勁吸引。個蟹鉗成個手板咁大。。勁開心拆出黎， 勁多肉。先講肉質，肉厚實唔會散，一定是新鮮蟹。白胡椒汁勁香， d味沁到入蟹入面， 帶出蟹鮮味。 是正的。 同場有人想嗌都嗌唔到， 原來最好要早一兩日訂先有得食。另外嗌隻乳鴿，68 蚊唔算貴。 炸得香脆， 肉又夠味。 也是正再嗌多個薑蔥蠔雞煲薑絲大大條， 好有趣蠔大大粒，薑蔥汁好惹味，雞肉都唔會鞋，送飯一流。最後老人家食得滿意，話要下次再黎

星期日開開心心family day, 結果係惡夢開始，普通街坊茶樓質素仲好過哩間第一次食哩間酒樓，去到上左三層電梯之後冇路上，係三樓搭lift竟然係冇5樓，後尾先知係有一架獨立life，屋企人分頭去大家都兜圈。之後終於去到接代處阿姐態度都幾差，態度哩家野見人見智，我唔詳細講。食物質素真係唔講得笑，發左霉嘅馬拉糕都可以上枱，同佢地講完道歉都冇聲，我地仲要食左先見到，店員話馬拉糕唔收錢，到結帳時仲見到單據有收馬拉糕錢，即刻出聲同佢講。職員態度差，食物質素差，唔知點解仲咁多人食，自己都中左招，真心冇下次，一個美好的星期天哩間野搞砸了。

普普通通飲茶，牛百葉蒸得很爽滑好食，鹹水餃都OK。叉燒中伏。不過不失飽肚一餐，對食物有品質要求就會失望。叫了普洱茶，茶好淡。員工都Nice，但是人手不夠，派錯野仲要派了三次來，最後經理話介唔介意食，員工落錯單。經理都有禮貌，但是始終唔想食派錯的食物，經理都即時整過再派。如果食物整得好味D，都會再來。始終算有好的員工，食的人情味。週五飲茶兩人叫了5個點心，300幾埋單，性價比不高。

    今天到銅鑼灣探望伯父帶他外出茗茶選點當然不能馬虎，因為他是一名老饕對食物，環境有一定的要求。 最近一次在利舞台廣場五樓的「星海薈」參加過婚宴，這裡華麗的裝潢令我很印象深刻。除了裝潢最重要是這裡的出品味道出色，還記得當晚的味道外氣氛更令人陶醉。從商場二樓直接乘搭電梯直上五樓全層~甫入伯父先被這座佈滿花朵的旋轉型雲石樓梯吸引著稱讚漂亮，有氣派夠華麗！在座位上他抬頭欣賞著天花顶上的海洋魚群旋轉暢遊的設計吊燈大讚有心思！器皿清雅茶也很香~多項選擇~列出的點心小菜都很精美~伯父對這份：精緻雀籠點心十分感興趣。點了出場令人眼前一亮！三層點心非常精緻！頂層~雞粒天鵝酥 和 雞粒魚酥中層~蝦多士 和  趣緻奶皇蘿蔔仔底層~  蝦餃，燒賣另再加一份點心蒜蓉蝦棒棒  觀賞一番後不知從何吃起！就先吃熱呼呼的蝦餃燒賣吧！燒賣和蝦餃鮮蝦大大隻鮮味爽口，燒賣翠綠色應是用了蔬菜汁搓皮，蝦餃表皮掃上了閃令令的金色，造型一絲不苟。蝦多士，脹卜卜的好酥脆，除蝦膠外中間還藏有原隻蝦一只Q彈鮮甜。奶黃蘿蔔仔顏色奪目精緻外表，面層酥脆帶軟糯內裏蘊含着又滑又香的奶黃醬。有點不捨得吃！天鵝做型的 雞粒天鵝酥，一絲絲酥脆外皮

今晚同朋友到銅鑼灣利舞臺5樓星海薈聚會食晚飯。今晚點了鐵板白胡椒煎焗澳洲龍蝦🦞，紅燒皇子乳鴿，蒜芯爆炒黃鱔。當出lift就可以清楚見到長長旋轉雲石樓梯，樓底夠晒高，加上水晶吊燈。絕對係婚宴進場打卡好地方。店員拎左一盤熱水俾我哋先碌一下餐具，這真是窩心，真是飯局好地方。前菜先食個酸喬頭開一開胃先。鐵板白胡椒煎焗龍蝦🦞：白胡椒香味混入三色椒，洋蔥等配料爆到香一香。龍蝦新鮮好味道，肉質爽口彈牙。鮮甜海鮮味道隨著鐵板蒸海鮮香味出來加上個汁再令餸菜味道提升一個層次。紅燒皇子乳鴿🕊️：香口好味道，肉質都好好，乳鴿香味十足。蒜芯爆炒黃鱔：試一試依個順德菜，蒜芯同黃鱔都炒到好香口。黃鱔肉質爽口彈牙，黃鱔魚香味十足，加上白飯吃簡直一流。

平時都會同爸媽嚟飲茶食點心，因為佢地中意星海薈地點夠方便，而且有私人𨋢直達，高底高又有長樓梯，感覺有氣派，好埋聚會同飯局，更適合舉辦婚禮～ 呢晚我就同佢地嚟食晚飯，原來晚市都幾多選擇，仲推出咗順德菜、海洋公園食本地鮮推介、粵菜推介等等，仲有$268-$338 嘅孖寶套餐，幾抵食！ ** 茶芥 每位 💲18 **🦀《 招牌白胡椒蟹 💲638 》 好大隻夠份量，多肉又鮮甜，白胡椒好提味～底下舖有爽甜嘅洋蔥🧅 整體惹味，果然是招牌菜～ 🐦《 乳鴿 💲68 /隻》 原價$88/隻，現推廣價$68/隻～雖然係瘦瘦的，但皮脆肉唔乾～ 🐟《 順德菜 ：蒜心爆炒黃鱔💲128 》蒜心鮮嫩無渣，黃鱔先爆炒過，香口爽脆～ 份量都多～ 🍚 《 白飯 💲17/碗 》要有啖飯落肚嘅～呢度坐得舒服又唔嘈，都係一個晚市嘅好選擇～

有次公司來這裏午膳, 就喜歡上這裏的裝潢佈置, 尤其滿佈花花的拱形門及樓梯, 打卡一流, 非常適合婚宴而這次來主要是為了雀籠點心精緻雀籠點心 $198共有6款點心分別放置於雀籠內的三層, 打卡一番後就開始品嚐雞粒天鵝酥 - 外型精緻細膩, 口感極為香脆雞粒鮑魚酥 - 鮑魚燜得軟腍, 撻皮夠酥脆懷舊蝦多士 - 香口惹味, 配有沙律醬趣緻奶皇蘿蔔仔 - 造型相當可愛, 像真度高, 味道香甜, 口感軟糯金箔蝦餃皇 - 加了金箔的蝦餃變得很高尚, 蝦肉非常彈牙原蝦燒賣皇 - 原隻蝦放在頂層, 再加上一些魚籽, 外皮帶點翠綠, 外型吸引, 蝦肉彈牙珍菌雞湯浸菜苗 $60菜苗為菜心, 新鮮好味, 而且份量比想像中多薑黃咖哩土魷 (大)從未吃過這樣爽口的土魷, 薑黃咖哩辛香而不辣, 連平時甚少吃這點心的我也吃得滋味鮮蝦腐皮卷 (大)腐皮卷外皮相當薄脆, 餡料份量十足, 口感豐富有層次, 配有喼汁, 令味道更為提升, 必試的點心之一招牌胡椒濃雞湯灌湯餃 $58很少吃到以胡椒濃雞湯來熬製而成的灌湯餃, 好吃又好喝生磨蛋白杏仁茶 $38杏仁味香濃, 滋潤美味這裏環境優美, 座位舒適, 招呼周到, 是飲茶吃

中國人喜歡到茶樓飲茶吃點心, 吃飯宴請親朋。星海薈位於銅鑼灣利舞臺廣場, 酒樓裝修華麗優雅, 可以踏上花海佈置嘅梯級, 高樓底懸垂著水晶吊燈, 悦目耀眼, 好適合婚禮嫁娶等活動, 也是飯局聚會嘅好地方。點心設計懷舊與新穎兼備, 甚有心思。雀籠點心是茶樓嘅特色點心, 尤其適合打卡, 金色雀籠非常搶眼, 上層盛著雞肉鮑魚酥和蝦肉天鵝酥, 中層是得意嘅紅蘿蔔奶黃酥和鬆脆蝦多士下層則是蝦餃和燒賣, 啱睇又啱食。蒜蓉蝦棒棒 棒棒熱辣辣好香脆, 口感像春卷, 饀料是香口嘅蒜蓉蝦肉, 香脆油香又唔會好油膩, 點配喼汁好合適。當然也有我們愛吃常叫嘅點心, 蜜汁叉燒腸粉粉皮幼滑, 叉燒饀料夠曬足料。還有蝦餃皇, 蠔皇叉燒包和香煎鮮蝦腐皮卷等 一邊飲茶一邊吃點心, 談天說地, 輕鬆悠閒, 這就是上茶樓嘅樂趣。

Since they were offering a special deal on barbecue ribs, we couldn't resist trying them. The ribs are crispy and fragrant on the outside, and inside, the meat is well-marinated and plentiful.Fresh Shrimp Spring RollsThe shrimp in these spring rolls are unusually large and the crispy exterior has just the right amount of saltiness. They can get a bit heavy after a few, but don't worry, a pot of tea on the side will balance it out nicely. So, keep munching!Five-Spice Beef OffalThe beef offal was

相約朋友聚舊，我哋選擇咗銅鑼灣這間酒樓。 是第一次去。下午茶，二時入坐。單有寫明至到三點半。個半鐘頭都ok啦。 入座後， 開咗茶， 洗好杯，落好單都1O-15分鐘。 點心一到齊就立刻同我哋就講 last order。 2:40pm就埋嚟叫我哋埋單。 真的好離譜……1）入坐唔夠45分鐘就叫我哋埋單， 單上是寫3點30分。2） 問點解，佢擰歪面唔望你，唔睬你。3) 送和點心上枱,是 很大力的 放在枱邊， 衰過茶餐廳。有收加一服務費㗎。4) 枱上有三碟餸還有一半，就問我哋重要唔要。想收。真係想收工得甘緊要。5） 2:45pm未走的人客，已給晚宴的櫈圍住。這樣的環境下可以安心嘆茶嗎？都是快快離去, 以後不會再幫襯.

同媽媽去完花展睇花，跟她去利舞臺酒樓飲茶入門口見到旋轉型雲石樓梯，華麗奪目的水晶燈，氣氛一流見到個精緻雀籠點心幾特別，叫咗一個 $1983層點心最上一層係天鵝酥，鮑魚酥。天鵝酥栩栩如生，成隻天鵝咁，鮑魚酥就成隻鮑魚鋪喺面。兩款都好香酥中層係蝦多士，蝦多士炸到金黃色，非常香口。紅蘿蔔造型的流沙奶皇餡，香甜軟糯底層係蝦餃同燒賣，大大粒蝦餃， 晶瑩剔透，燒賣足料雀籠啲點心每款兩件，一人一件剛剛好。欣賞佢哋將創意融入傳統，中式酒樓都有去酒店食下午茶的感覺牛油果鮮蝦雪茄春卷 $48在別處未食過，一共有三件。成支雪茄型好有趣，裡面有牛油果同鮮蝦，春卷好香脆還叫了媽媽喜歡吃的點心，老乾媽蒸鳳爪 $30鳳爪好淋好入味招牌胡椒濃雞湯灌湯餃 $58香濃胡椒雞湯化皮腩仔 $108食腩仔最緊要塊皮香脆，腩肉肥瘦均匀，入口即化又唔油膩，呢度做得好好這裡環境唔錯，交通方便，除咗擺喜酒婚宴，平時同家人朋友聚餐，都非常適合

陪朋友搵結婚擺酒嘅地方，朋友話婚禮場地一定要有樓梯，有樓梯嘅話就感覺靚好多，於是佢就帶咗我嚟利舞臺廣場嘅星海薈，呢到有直達嘅升降機，啱哂宴會完結時唔怕要等𨋢等得耐。一打開𨋢門就見到樓梯上嘅擺設好靚好多花，真係好適合結婚，如果著住件婚紗行落嚟，影相效果仲靚！嚟到朋友影完條梯樓就話喺度食埋飯，因為朋友係一個蝦控，佢話見到個順德菜火焰蝦想試吓，好彩時間早，職員就即刻安排到位比我哋。兩個人叫咗5個餸，包括：紅燒皇子乳鴿火焰鹽焗羅氏蝦晚市孖寶-金銀蛋時蔬&原隻鮑魚滑雞煲金銀蒜蒸蟶子另外一人一個湯，川貝海底椰花膠螺頭雞湯&花旗蔘竹絲雞海螺燉花膠湯紅燒皇子乳鴿，乳鴿皮脆肉嫩多汁火焰鹽焗羅氏蝦煮好後原煲上枱再灑哂點火，火焰熄咗後酒香撲鼻，蝦有膏之餘仲帶有酒香，蝦肉彈牙，值得一試！原隻鮑魚滑雞煲有四隻鮑魚都幾抵食，另外雞嘅味道真係好適合送飯，而且仲好嫩滑。金銀蛋時蔬就用菜芯，菜芯都幾鮮甜。金銀蒜蒸蟶子夠新鮮兩個燉湯都好足料夠味食完呢餐後，朋友話揀呢度擺酒個機會都好大，因為每樣餸菜都好啱佢口味。

同朋友食Farewell飯，約咗銅鑼灣利舞臺星海薈飲茶，本身以為普通飲茶冇乜期望，但係啲點心嚟到全部都好高質素，蝦餃仲有金箔喺面，又睇得又食得。甜品叫咗椰汁糕同埋芒果卷，芒果卷個味道稍為淡咗啲，椰汁糕就好好味。

和同事去銅鑼灣做完野，BOSS見我地咁辛苦，搵了星海薈這個地方，同我地食好野，去到見這個地方樓底又高，水晶燈又靚，一入到門口，有條靚靚佈滿花花既長樓梯，勁適合婚宴打卡的地方，假如婚宴黎就正，新娘同姊妹可以影好多靚相。他位置都算方便，在銅鑼灣時代廣場或希慎出口出都算近。【花旗參竹絲雞海螺燉花膠湯】花膠含豐富蛋白質，響螺滋陰補腎，有滋陰潤肺的功效，花旗參味突出，如喜歡花旗參的味道必叫的。【古法沙薑雞】沙薑帶出豐富的香味，味道濃厚，雞方面肉厚嫩滑，再點少許沙薑醬，特別惹味，【孖寶C- 脆皮燒腩仔】燒腩仔皮脆肉嫩，每次都會必點，肥瘦均勻，肉質夠腍又嚼勁，層層相間。【孖寶C- 清蒸龍躉班】龍躉仔不算大條，但勝在蒸得剛剛好，肉質嫩滑，連蔥一起食，真是可餸幾碗白飯。【砂窩鮑汁鱆魚雞粒飯】非常之足料，炒得夠入味又夠均勻，色香味俱全，放在了砂鍋，仲有煲仔飯底既飯蕉口感。足夠三至四人份量。【蛋白杏仁茶】白滑細緻的杏仁茶，口感加上養顏美肌功效，杏仁味突出，仲帶點甜。