星海薈 (利舞臺廣場)

營業中

休息中

這間位於利舞臺的酒樓，晚市主打多款小菜，食物款式精緻，質素不俗。店員先送上花生，茶錢每位$15，小食$20。椰青燉花膠雞湯原個椰青起肉後燉，花膠彈牙滋潤，雞湯鮮甜，加上椰青清甜。金磚脆豆腐豆腐炸至金黃香脆，豆腐嫩滑。五香牛什煲牛什煲炆得很入味，帶點微辣，牛膀牛肚炆得很腍，蘿蔔吸收了醬汁的味道，十分清甜。曹白蝦糕蒸五花腩五花腩肥瘦均勻，肥膏部份甘香，梅香咸魚提升五花腩味道，送飯一流。粟米龍躉斑塊龍躉肉彈牙鮮甜，粟米汁則較稀，未能達至掛汁。豉油皇蝦乾炒麵炒麵乾身爽口，而且不油膩，還有些蝦乾。

偶然間好想去食下高質點心，飲個靚茶才回公司繼續工作，就會去這裡吃，因為點心的確比同區其他酒樓高質。先說最有驚喜和特色的姖松茸野菌翡翠粉果，其實我一向都唔鍾意食粉果，但這間酒樓的除外，因為入面並不是塞滿菜和花生之類的食物，而是非常多的菇，而且粉粿皮薄、晶瑩剔透口感好好。胡椒濃雞湯灌湯餃都好有特色，灌湯餃是超大粒的，配上超濃香的胡椒味，以及雞湯香濃味，的確幾好飲！而灌湯餃皮薄，入面包滿了肉加彈口蝦，好豐富。碧玉鮮蝦腸粉也是少有地做到腸粉皮薄滑香，還有彈口的蝦肉～鮮蝦腐皮卷皮脆得來不油膩，還夾了彈口蝦肉，帶來雙重層次感蟹籽燒賣皇一上菜熱呼呼的，肉質軟香彈口😋好想一個人食4粒！

自從疫情甚少去酒樓飲茶食飯，最近梢為好轉，放心出外，就約了朋友去利舞台飲茶。呢間酒樓樓底高，台與台之間都有距離，感覺寛敞，也有一盆熱水可洗洗杯碟，另食客覺得放心。燒賣大大粒，蝦隻爽口，好味。姬松茸野菌翡翠粉果，皮薄餡靚。晶瑩剔透的粉果皮，透出餡料的真材實料。咬了一口，好香！有嚼口。鮮蝦腸粉最特別係加入了生菜絲，食起來，有新鮮感。胡椒濃雞湯灌湯餃幾特別。一般灌湯餃湯底是雞湯之類，有了胡椒的原素另味道更特出。腐皮卷就普普通通，外層皮如果再脆口一點就完美。

喺銅鑼灣成日食西餐，食到開始有啲厭，所以決定去利舞台間譽宴飲下午茶！未夠兩點，已經好多人排晒隊，等咗幾張枱，終於到我哋。一望張餐牌，下午茶真係好抵食！ ！例牌地叫咗蝦餃燒賣，當然唔少得叫個叉燒米粉，冇諗過一碗叉燒米粉咁平，做到好大兜！而且啲叉燒唔似平時茶樓乾爭爭，有叉燒汁，軟硬適中😍😍😍其實我仲想叫咗一碗，但係同行嘅兩位朋友都唔想食咁多麵！我只好留返下次再嚟過食😂😂😂其實每次去親茶樓，如果有春風得意卷，我都一定會叫黎試，今次我都一樣有叫☺️☺️☺️每次都好鍾意食春風得意卷，但係因為入邊有西芹，所以每次我都會食兩舊就唔想食，但係今次呢個西芹味唔算太苦，而且唔算放咗好多西芹，我非常欣賞呢個春風得意卷😍😍😍我哋仲叫咗雞札、鳳爪、馬拉糕，唯一冇叫嘅，就係鳳爪排骨飯，可能下午茶，唔多飯類選擇🥲最後，梗係食埋甜品先走啦，我哋叫咗一個楊枝甘露，一個椰汁燉塗膠，楊枝甘露極度甜，啲芒果一啲都唔算，其實食完一碗仲想食多一碗！但係，因為呢個係下午茶，唔想食就太飽。最後埋單超級抵食，三個人，先食咗$400左右！

U-banquet The Starview💜 Chinese Tea🥢..有時下午都會同媽味飲個茶，呢排去開利舞臺食飯，知道樓上有一間飲樓食廣東點心，而且佈置華麗帶點氣派，樓底好高 環境舒服，飲個茶🍵 吃個一盅2件吧。蟹籽燒賣皇、香麻叉燒酥、胡椒濃雞湯灌湯餃碧玉鮮蝦腸粉、姫松茸野菌翡翠粉果，分別點左數款點心🥢。其中香麻叉燒酥特別喜歡❤️，鬆化酥皮包住熱辣辣叉燒餡料，趁熱食味道佳呢。點心精緻、味道不錯、坐得舒服，下次經開銅鑼灣想飲茶，會想再到訪呢。..×××××ש銅鑼灣波斯富街99號利舞臺廣場5樓..U-banquet The Starview

疫情令人一點也不梳乎，這些日子，唯一帶來的好處是可以平吃一些平時唔去的飯店，例如今日去的譽宴，本來主力做婚宴，現在點樣唔使講，婚宴生意大減只有做多些午晚餐，要吸引客人就要減價，我們就把握機會來吃抗疫震撼優惠。呢三款都是抗疫價，低於半價或以上，可以一齊點，冇限制。冰鎮花雕五頭鮑魚 $68紅燒煲仔翅 $188招牌白胡椒蟹 $298冰鎮鮑魚雖然好好食，點一隻兩個人分依然足夠，首先讚賞個樣，加乾冰放玻璃碗上菜得分，如仙境中的珍寶，預計先切片又係值得讚，食得方便，分吃正好，味道當然都唔錯，清香軟熟。紅燒煲仔翅份量都唔少，兩個人食啱啱好，都有幾多翅，厚身大塊，煮到好軟，湯汁濃郁幾和味。今晚最精彩的是：白胡椒蟹，真抵食，肉厚大只，肥嘟嘟的蟹鉗，醬汁味道好，就是洋蔥都好好食，必點。

一般不是跟好友用膳，就是與母親大人用膳。今次難得兩位姨姨們都抽空跟我和母親大人一起用膳，所以今次選擇用膳的地方一定要有好的中菜，那就能夠令她們會更為喜歡。未開始點食物之前，這裏雅致又帶點貴氣的環境已給了我們相當不錯的感覺，座位還相當舒服，就這樣為今餐晚飯揭開了序幕。椰青燉花膠雞湯母親大人一向都是湯控，所以見到餐牌上的椰青燉花膠雞湯正在做優惠，只是$98便可享用，我們都忍不住點了兩碗來分享。沒想過只是$98一碗的椰青燉花膠雞湯，湯料竟然這麼豐富，實在令我們感到驚訝！清甜可口的雞湯不但喝得到椰青的清香，又不失雞肉、花膠和響螺三者精華所帶來的鮮甜味，美味的雞湯配上豐富的湯料一起享用，滋味十足之餘，又討得我們歡心！得獎金磚脆豆腐本身自己就很喜歡吃豆腐，加上看到這道菜是得獎菜式，所以不得不把這道得獎金磚脆豆腐點下來。豆腐炸至金黃可口，外脆內軟，豆腐外層味道鹹香，而豆腐本身富有豆香味之餘又軟滑。不論是味道還是口感都出色不已，另外特別要一讚的就是廚子能夠巧妙地將非常軟滑的豆腐炸至挺身又能保留豆腐本身的軟滑，可見廚子的功夫了得。鮮菠蘿脆皮咕嚕肉咕嚕肉同樣炸得香脆可口，肉香味濃，肥瘦適中。味道又甜甜酸酸

好耐都冇一家四口一齊飲茶🫖😊，帶寶寶去中央圖書館借書，難得爸爸又得閒，一齊去附近嘆下茶。黎到啱啱下午茶時間，我哋order咗海蜇燻蹄、灌湯小籠包、懷舊雞扎、晶瑩蝦餃皇、燒腩仔米線、薑蔥牛柏葉、咖喱薯角蒸土魷、和風長春卷、花雕醉雞和桂花脆麥麻花點心份量唔算多，但由擺盤造型到味道，都睇得出細心。下午茶必選嘅燒腩仔米線，個皮脆卜卜，肉質紮實而且食落有汁。雞扎裏面啲料都大大件，而且味道天然，沒有過多嘅調味，食得出的鮮味。款款都好精緻，大人小朋友都好啱食🥰由細到大最鍾意就係飲茶，所以我對點心嘅要求都比較高，呢間確係可以入選我嘅酒樓啲list😄

今天和朋友相約聚餐，選了這間位於銅鑼灣利舞台的酒樓，可以坐得舒服一點這間酒樓原是主打婚宴的，樓底較高，空間感十足現在晚市都有幾款優惠椰青燉花膠雞湯 - 有已拆肉的椰王，雞肉，花膠和瘦肉。這個湯超有驚喜，加了椰青水的湯是份外清甜龍躉兩味 （碧綠炒龍躉球） - 炒龍躉球是無骨的，魚肉口感爽口，配了四季豆和木耳來炒，十分有穫氣龍躉兩味 （蒜蓉蒸龍躉頭腩） - 蒸龍躉較炒更能帶出魚肉的鮮味紅燒皇子鴿 - 乳鴿外皮炸得十分香脆可口，乳鴿肉肉質鮮嫩，滿滿肉汁星海薈小炒皇 - 小炒皇有鮮鱿，蝦米，韮菜，銀魚仔。是很有穫氣，十分惹味這間中菜酒樓食物高質，坐位舒適，是朋友相聚的好地方

今日下午同家人去咗位於利舞臺既「譽宴．星海匯」飲茶，樓底好高，裝潢高貴，食物質素唔錯，我哋都食得好舒服。脆皮菠蘿焗叉燒餐包餐包熱騰騰，望落去好似菠蘿包，咬落香甜又夠脆，但入面其實係叉燒餡，份量足，味道不錯。灌湯小籠包皮夠薄，湯汁清甜，一籠有三隻，但我哋4個人都想食，所以叫咗兩籠。春風得意腸呢碟腸粉超推介，腸粉好滑，中間果層油炸鬼脆卜卜，最內層有蝦滑，絕對係有誠意之作！和風長春卷春卷好香脆，長條形，入面有啲沙律醬，小朋友一定會鍾意食！福建炒飯由呢個福建炒飯就知道廚師係咩料👏🏻！炒飯材料好豐富，包括有雞肉、冬菇、蝦仁等，炒飯軟硬適中、粒粒分明，而且淋於飯面的醬汁非常滋味，大家都食到舔舔脷呀！💯

一入到就俾佢富麗堂皇嘅裝潢吸引，環境的確幾靚！同行嘅朋友呢話想食佢哋嘅招牌白胡椒蟹呢隻蟹嘅份量算大估唔到白胡椒同埋蟹肉係咁夾胡椒既少少辣度到令到蟹肉突顯鮮甜蟹膏亦都好多，用來配飯一流！唔洗三百就食到 很划算！椰青燉花膠雞湯熱辣辣嘅湯上枱嘅時候已經勁香嘅椰子🥥味細問之下原來佢哋係真係用原隻嘅椰青肉，去燉呢一個湯，眼見材料亦都非常之豐富，有花膠，飲落去鮮甜，令人眼前為之一亮😍菠蘿脆皮咕嚕肉🍍呢個係侍應推介我哋嘅其中一道菜估唔到真係有驚喜！有別於我哋平時喺中式餐廳食到嘅咕嚕肉，佢嘅外皮炸得較有層次，咬落去似係有幾層炸粉 ，但又不會油膩，唔錯！總括嚟講呢餐飯都好滿意，完全值得再食

譽宴成日聽好出名， 不過就一直冇機會去食， 今日終於可以去食， 佢呀好多分店，最後決定去銅鑼灣食，貪佢交通方便， 地鐵行過去都只係五分鐘路程。酒樓裝修十分富麗堂皇 ，絕對係高級酒樓嘅氣派，而且酒樓嘅衛生十分好，每一枱仲會畀一個大鐵盤裝住滾水畀客人清洗餐具。 碧玉鮮蝦腸粉， 佢嘅腸粉皮十分透薄，包住大大隻嘅鮮蝦，鮮蝦十分新鮮爽口彈牙， 配豉油恰到好處。 蟹籽燒賣皇， 燒賣十分好食， 大大粒包住新蝦，冬菇同豬肉， 口感豐富，味道一流。 姬松茸野菌翡翠粉果， 佢嘅素粉果成個都係用什菌製成， 有著鮮菇嘅鮮甜味， 對於鍾意素食或者喜歡清淡嘅朋友呢個係一個十分好嘅選擇。 小籠包， 佢嘅小籠包皮薄多汁，咬落去湯汁即時湧出，十分好味。招牌胡椒濃雞湯灌湯餃， 通常灌湯餃都係配 清湯 ，但係呢個灌湯餃係配胡椒雞湯，成個雞湯除咗味道鮮甜之外， 最欣賞係佢仲有淡淡嘅胡椒味， 原來灌湯餃同胡椒湯都可以好夾。 如果想要試傳統點心又想試一啲新潮嘅點心 ，呢度絕對係一個唔錯嘅選擇。

前日為左慶祝老公打針無事，老公即刻話要食大餐慶祝下，因為佢係銅鑼灣收工，所以就佢係銅鑼灣搵間有海鮮食既，因為我老公勁鍾意食海鮮，一去到佢勁心急即刻叫咗個上湯龍蝦伊麵，隻龍蝦好彈牙，仲有個汁嘅味道整得好夾，另外一人叫咗一個燉湯，我地叫左椰青燉花膠雞湯、黑蒜螺頭燉雞湯,真係老火湯嘅味道，保持原汁原味，仲有大大嚿花膠喺入面😋😋啱晒我地，另外梗係要叫佢嘅招牌菜菠蘿咕嚕肉，炸到脆卜卜，加埋個汁上去佢都唔會林左，真係無得輸！最後梗係要叫個上湯浸莧菜，清清地幾好食，菜又唔會勁老🤣🤣

呢間酒樓係銅羅灣地鐵附近，地理位置相當方便。一到餐廳門口，就見到啲打卡花花樓梯，幾賞心悅目前菜叫左冰鎮花雕5頭南非鮑魚鮑魚有手掌咁大，相當彈牙同新鮮，而且已經切好分左5份，進食果陣都好方便椰青燉花膠雞湯熱辣辣上枱，入面超足料，最底層係椰子肉，另外有幾件雞髀肉，仲有花膠添，個湯真係好甜，同埋無味精，搞到我好想再飲多碗鮮菠蘿脆皮咕嚕肉係我好鐘意既一碟菜，本身覺得會平平無奇，但估唔到咕嚕肉係脆皮，超級惹味，另外用左鮮菠蘿，令成件事好fresh!得獎金磚脆豆腐脆豆腐超滑🥰

銅鑼灣有好多野食，平時食嘅都係以西式日式為主，今次要食嘅就好唔同，因為係食中菜。中菜真係非常考驗師傅功力，經驗嘅加成可以輕易令到一味普通菜色生色不少。招牌白胡椒蟹，呢期做緊大特價，一斤$298，幾百蚊食到大大隻蟹，超值。食得出蟹肉係非常新鮮，特別係蟹鉗， 又厚肉又鮮嫩。 味道方面辛辣有勁， 有新加坡嘅水準，好味到 連個殼嘅汁都舐埋。鮮菠蘿脆皮咕嚕肉，$148。呢味菜完全食到廚師嘅功力， 好普通嘅菠蘿咕嚕肉就算茶餐廳都經常食得到， 但係呢度嘅菠蘿咕嚕肉無論口感，肉質，以及味道都係出面不能夠比擬。 而且佢用嘅係新鮮菠蘿， 所以不論係賣相同埋新鮮程度都好高。食完到呢一刻都仲係回味無窮。