星十五

營業中

休息中

🇭🇰 Tsim Sha Tsui｜Star Fifteen 星十五Introducing you an affordable and HIGH QUALITY Chinese traditional dessert 🍨 shop in centre of TST! So convenient to come enjoy some dessert after your meal nearby 🤭 Here are some of what they offer that we tried:「𝕄𝕦𝕤𝕥 𝕋𝕣𝕪」🥭𝐂𝐨𝐜𝐨𝐧𝐮𝐭 𝐒𝐡𝐚𝐯𝐞𝐝 𝐈𝐜𝐞 𝐰𝐢𝐭𝐡 𝐌𝐚𝐧𝐠𝐨, 𝐒𝐚𝐠𝐨, 𝐓𝐫𝐚𝐠𝐚𝐜𝐚𝐧𝐭𝐡 𝐆𝐮𝐦 𝐚𝐧𝐝 𝐕𝐚𝐧𝐢𝐥𝐥𝐚 𝐈𝐜𝐞 𝐂𝐫𝐞𝐚𝐦 黃金雪山 - 芒果椰汁雪燕綿綿冰🥥𝐁𝐥𝐚𝐜𝐤 𝐆𝐥𝐮𝐭𝐢𝐧𝐨𝐮𝐬 𝐑𝐢𝐜𝐞 𝐰𝐢𝐭𝐡 𝐂𝐨𝐜𝐨𝐧𝐮𝐭 𝐌𝐢𝐥𝐤 𝐚𝐧𝐝 𝐆𝐫𝐚𝐬𝐬 𝐉𝐞𝐥𝐥𝐲芒果椰汁黑糯米仙草凍🌾𝐃𝐫𝐢𝐞𝐝 𝐁𝐞𝐚𝐧𝐜𝐮𝐫𝐝 𝐰𝐢𝐭𝐡 𝐆𝐢𝐧𝐤𝐠𝐨 𝐍𝐮𝐭𝐬 𝐒𝐨𝐮𝐩𝐰𝐢𝐭𝐡 𝐉𝐚𝐩𝐚𝐧𝐞𝐬𝐞 𝐌𝐨𝐥𝐭𝐨𝐧 𝐄𝐠𝐠日本流心蛋腐竹薏米白果糖水-If you are l

平時同囡囡上完興趣班，我哋都會食埋下午茶🫖早幾日佢話好想食糖水，我哋二話不說去左尖沙咀至愛糖水店⭐️星十五，已經回訪數次🤣次次都食到呢個小朋友舔舔脷😋店鋪裝修簡約，座位闊落舒適，平日夜晚時段都需要排隊等候，下午茶就啱啱好✌🏻有位即時可以入座🙌🏻囡囡揀左佢至愛招牌楊枝甘露🥭媽媽我就揀左佢哋嘅格格款式💕🥭招牌楊枝甘露我哋揀左標準款另加一份芒果肉🥭果肉豐富，粒粒新鮮芒果肉，加上西柚，西米，芒果汁，好正啊😍味道清甜 ，芒果肉甜而冇渣👍🏻夏天食真係一流😋超足料每個糖水都會配上一杯茶，貼心🫶🏻😋一人六格格打卡一流嘅格格拼盤📷選擇困難症😂所以一次過試晒兩款糖水🙌🏻揀左新會遠年陳皮紅豆沙同芝麻糊🫘兩款都係招牌，紅豆勁大粒，褒到起沙，而且真係微甜，店家仲用上18年以上嘅陳皮，好清香，like 👍🏻而芝麻糊絕對唔會係好稀個種，啖啖濃郁😍大滿足🤭小食可以揀3款，分別揀左咖哩魚旦，醉香雞翼，流沙湯圓每款有2件，湯圓煙靭流沙🤤魚蛋勁大粒又彈牙🥰佢哋仲有啲其他皇牌甜品🥰例如綿綿冰🍧燉桃膠，腐竹薏米糖水等😍全部都好吸引，下次再試過😍

同朋友喺附近食完飯，想傾多一陣，見到呢間甜品店幾光猛舒服，就入去食個甜品啦！🥰意大利特濃榛子綿綿冰加雪上加朱古力雪糕 🍧🍫🌰士多啤梨味嘅綿綿冰好清新，酸酸甜甜好開胃！🍓 朱古力雪糕連埋榛子一齊食，就好似食緊金莎咁，口感豐富，味道又夾！😋椰皇燉蛋白+湯圓 🥥🥚熱辣辣嘅椰皇燉蛋白，食落好滋潤！🤤 椰香味濃郁，蛋白又夠滑，加埋煙韌嘅湯圓，口感一流！而且甜度啱啱好，唔會太甜膩！👍擂沙湯圓 🍡見到有懷舊食物擂沙湯圓，當然要試吓啦！😋 湯圓入面係香濃嘅芝麻餡，一人一粒，做個小食都唔錯！👍最欣賞佢每道甜品都會附送一杯茶，食完甜嘢可以清一清味蕾，好貼心！🍵星十五地址：香港尖沙咀加連威老道26A號地舖 📍

乍暖還寒既天氣，令人特別想飲中式糖水☺️。曾經試過自己煲糖水，但冇耐性結果煲燶。。。所以糖水都係心機野，出街食好過自己煲。而且即叫即製。下午餐有糖水同小食，同時滿足兩個胃✌🏻。🥥椰皇燉鮮奶：✨推薦✨一上枱就聞到好天然既椰子味，燉奶好滑，連椰肉食埋更滋潤。🫘新會遠年陳皮紅豆沙：陳皮香令紅豆沙更出色，紅豆大粒，起沙效果更明顯。🥭楊枝甘露：芒果肉幾新鮮，柚子冇苦澀味，好清新。🥢酒香蛋、沙爹肥牛麵: 小食都好讚👍🏻，尤其是酒香糖心蛋，蛋黃香同酒味夾，食材高質。沙茶醬肥牛也惹味。🫖清茶：呢度既清茶味道特別，可以獨立買。

喺尖沙咀行街行到下午茶時段，就嚟咗呢間港式甜品店休息吓😎 小店主打各式中式甜品同煎炸點心，仲有啲新式嘅綿綿冰甜品，總有一款啱口味🤔下午茶套餐有得揀招牌糖水或飲品，再加三款小食😚 非常推介招牌蛋白杏仁茶👍🏻 味道香濃，係個好養生嘅甜品，滋補滋顏🥰 小食方面，鮮炸蝦卷、吉列炸蟹腳同埋炸雞軟骨，幾款都係即叫即炸，上碟時熱辣辣。黃金雪山呢個甜品係芒果椰汁雪燕綿綿冰，呢個價錢有埋雪燕都幾抵食😛 底下嘅綿綿冰係椰汁口味，加埋面頭有雲呢拿雪糕。配料方面有雪燕、椰果、西米、新鮮芒果同埋芒果汁🥭 我哋仲額外加配咗煙韌嘅小丸子，覺得同芒果嘅味道好夾。生磨河南芝麻糊係碗好濃郁嘅芝麻糊，入面仲食到啲好幼細嘅芝麻殼，所以就知道係餐廳自家製嘅生磨芝麻糊嚟🙈 每個套餐仲包括咗一杯清茶，以伯爵茶為主調，再加咗其他茶葉調配，細細杯口感好有層次🤭 整體嚟講係間幾用心嘅甜店小店🤩

🌸芒果椰丸子皇燉鮮奶+爆珠，新鮮嘅椰皇配埋滑溜嘅燉奶，好香濃嘅椰香奶香味道！味道好夾，配埋芒果椰丸子同埋另加嘅爆珠，材料好豐富，口感層次味道都好豐富，整體味道甜而不膩！好味🌸招牌蓮子合桃露好足料，合桃焦香味道好香！質感濃稠而又細緻滑溜！蓮子份量都算多，鬆化又香口，口感層次好豐富🌸下午茶餐A：咖喱魚蛋+吉列炸蝦+熱紅豆沙，咖喱魚蛋大大粒又好彈牙，炸蝦外皮酥脆，蝦肉新鮮彈牙！紅豆沙煲到起哂沙，而且仲好足料，紅豆入口軟腍，甜度啱啱好餐廳舒適寬敞，甜品會配送一杯茶，茶帶有甜味，而且好香口，好飲

🍨 經過尖沙咀加連威老道呢間「星十五」，好似唔錯😍 今晚同friend去試咗幾款招牌甜品，真心好味。👇 【芒果椰汁雪燕綿綿冰 🥭❄️】 椰汁香濃，雪燕增加口感，綿綿冰入口即化，真係夏天必食！🌞 【合桃糊加芝麻糊 🥜➕🖤】 傳統糖水，合桃糊同芝麻糊雙拼，一啖食到兩種滋味，濃郁得嚟又唔會太甜，養生又滋潤，啱晒秋冬驅寒暖胃🔥 【椰皇燉鮮奶 🥥🍼】 椰皇嘅清香同鮮奶嘅滑溜完美結合，入口即化，仲有椰肉可以刮嚟食，健康又滿足！💚 埋單人均$60左右，晚市都幾多人🔥 記得早少少去霸位啦～ 呢間糖水舖真係傳統同新式都做得唔錯，會encore！🍧💯

之前睇過別人介紹呢度既中式糖水好吸引😗就諗住睇下可唔可以發掘到多一間既心水甜品鋪😛平日夜晚去人流唔算好多😌但係個度既裝修都好光猛同舒適😝好岩飯後落腳傾下計食個甜品叫左一份蛋白杏仁茶🙂以$48蚊呢個價錢黎講😌份量都算係足夠既😗而且佢有杯茶俾你🤓比較少見☺️都算貼心😂味道黎講😂可能係食慣茶樓既口味😝呢碗比較稀同埋啲蛋白同蛋香就差少少🤣可能佢地擅長既都係紅豆沙個啲掛😆味道整體上同個裝修仲有價錢未能掛鉤😛但係有樣要讚既係店員好熱心☺️係加分既

🌗⭐️🌟星十五 (尖沙咀)尖沙咀加連威老道26A號地舖地點好易搵，就係尖沙咀嘅大街小巷，糖水店主打中式糖水， 每叫一款都會伴隨一杯香濃中式茶，今次我品嚐到凍頂烏龍茶的味道🥹🥹 功夫茶好吸引好養生！我要個好意頭就點了黃金萬兩， 其實係芒果綿綿冰🍧黎嫁， 上層帶時令芒果🥭、 QQ爆珠， 西米，下層就係綿綿冰🍧冰粒粗幻好適中，入口即化！ 養生又點了湯圓椰皇燉鮮奶， 另加配桃膠， 好滋潤！香濃牛奶蛋白好滑溜，配上大粒黑芝麻湯圓、 桃膠， 好滋補啊🌝👍❤️ 以上兩款糖水180 元有找！如果對杯功夫茶意猶未盡， 可以買一盒288 大元作手信！ 帶回家再泡茶🥹 無諗到原來食完甜品再飲茶都可以好夾， 有回甘味😁😁☕️

夜晚去食，坐低左，先講限時40分鐘😓如果限時應該入座前講。講真糖水鋪食完糖水店員收走啲碗我都要走架啦，但講明40分鐘就感受唔係好好。坐低左就算，3個人坐4人枱，坐坐下，唔係搭枱1個人，係叫我哋3個人轉坐2人枱，朋友被逼坐走廊位加櫈😓糖水比較細碗，熱既糖水唔熱只係微溫，新會陳皮紅豆沙，陳皮味唔係好出，亦無乜沙。未食完一路望一直想收我碗，搞到我都無胃口食，最後未食晒就想走，中間仲聽到店員傾計講咩仲有6分鐘，似係好認真幫第二枱客計緊時。最後我哋由入座開始計半個鐘就走左，頂唔順。事實係入座後，我哋都要睇下想食咩再落order，再等糖水黎到，又搬下位咁，真正食既時間唔多😓價錢係正常，食物質素就偏中下，服務質素下

✨新會遠年陳皮紅荳沙表面加入左遠年陳皮絲 陳皮香味幾突出 帶少少回甘紅荳沙濃稠起沙 紅豆大粒 口感粉綿整體唔太甜 幾暖胃✨椰皇燉鮮奶椰皇都幾大個 份量十足燉鮮奶 有淡淡奶香 椰味較清香 口感滑溜 甜度適中 唔會太甜✨酒香雞翼除咗糖水甜品之外 另外仲有多款小食供應今次試左兩款 酒香雞翼雞翼皮爽肉嫩 酒味清香 ✨酒香蛋半熟蛋 蛋黃流心程度唔錯有蛋香 酒香突出 夠入味總結：裝横新派嘅甜品店 主打傳統糖水 甜品低糖少負擔 環境唔錯 地點方便 服務可以

想食糖水，朋友推介依間位於尖沙咀嘅糖水舖，佢哋有特別嘅四宮格、六宮格同埋九宮格，糖水加小食系列，不過啱啱食飽飽，都係揀返甜品！芒果丸子椰皇燉鮮奶 $88本身想叫個熱嘅椰皇燉鮮奶，但係餐廳賣曬，所以只好叫凍既，成個椰皇連蓋上，表面鋪滿芒果肉同埋小丸子，芒果酸甜，小丸子口感煙韌，燉鮮奶食落香滑，食完大滿足！日本流心蛋腐竹薏米白果糖水$66另一款就叫咗腐竹薏米白果糖水，呢款就揀咗熱食，特別之處就係用咗日本流心蛋，另外加錢叫咗桃膠+西米，腐竹薏米白果糖水入口偏清淡，加流心蛋、桃膠+西米就增添口感，同椰皇燉鮮奶一樣，甜品附有一小杯茶飲，可以解膩鳳梨桂花雪梨茶 $45揀選咗雪梨茶，一開始會飲到鳳梨嘅香味，之後雪梨嘅甜味+桂花香就會接踵而來，暖暖哋飲落肚好舒服

食完飯行過口福街見到派傳單話新開冇耐，所以就諗住去試吓我就叫咗個最簡單嘅芝麻糊🥳眼見佢都好有誠意，每一個甜品都會有杯茶，杯茶都幾好飲至於芝麻糊，我就覺得比較甜頭幾啖都覺得唔係咁好食😢

食完餐生日飯諗住食埋糖水happy ending係尖沙咀 賣$88 新會陳皮紅豆沙.話做緊優惠半價.諗住一試手機落單時問左姐姐有講過埋單時會減返但最後都無減到收多左🥲💸 變相真係唔值得食$88一碗.味道正常但成碗紅豆沙都好稠.稠到好似淨係煲底個層咁驚自己唔識食又驚錯怪人上網睇埋人地食既都係呈水狀既紅豆沙同店員反映一下..講左句煲到起沙就轉身走(???).加上見到有啲人甜品配一杯茶好似好有gimmick 但我地全部到無 再問之下解釋D茶沖淡左所以無再沖.但櫃枱賣緊自己店既茶葉。。。我諗你比杯茶人地飲都係想宣傳自己茶葉?.湯丸有粒煮到爛爛地都上比客都係第一次見.一粒湯丸值幾錢.重要偏細粒😮‍💨😮‍💨.整體體驗都好深刻😂所以忍唔住出個負post

之前吃過黑糯米和紅豆沙覺得不錯，這次點了蛋白杏仁茶，杏仁茶本身還可以雖然略過甜。但蛋白煮到一大舊，不像平常蛋花湯那樣。還是放了蛋白沒有睇火呢？問問侍應了解一下，他解釋是這樣的。其實下午三點左右客人並不算多，建議可考慮即煮蛋白，相信不會浪費很多時間。這個蛋白杏仁茶也賣$48，這個價錢外面酒樓也吃得到更好。真的覺得這樣煮到實的蛋白配杏仁茶有點奇怪。或者可能自己期望太大，這次真的有點失望。希望老闆能夠改善。