明記黑山羊專門店

營業中

休息中

1- 黑山羊羊肉米線 配姬松茸蟲草花羊骨湯底 下午茶送嘢飲 $54羊肉好正， 本小妹覺得呢，食羊肉，要有少少蘇味先好味道的， 呢間嘅羊肉就真係有少少蘇味同肉味很濃，正 湯底係好濃郁嘅羊骨湯味呀， 但真係食唔出有姬松茸蟲草花味道呢個價錢如果午餐冇嘢飲就有少少貴，因為羊肉得嗰幾塊， 杯熱奶茶好飲2- 自選米線三餸 配金華火腿椰子雞湯底 下午茶送嘢飲 $44邊三樣餸唔記得（睇相），叫著2碗，記得嗰幾樣餸味道好一般， 同份量好少， 湯底係食唔出有椰子雞湯味哈哈哈呢個價錢嚟講都頗貴唔知會唔會因為下午茶，所以份量會少啲呢，， 如果午餐係呢個份量嘅話，本小妹一個人食一碗，係得5成飽的

建議： 有機會記得要黎食堂食，揀米線/米粉底👍東廣場既 明記黑山羊食外賣食過幾次，不過堂食就真係第一次😮 因為通常 Lunch hour 都超多人，唯有揀外賣。平日晚市都多人，不過等一陣好快就有位。啲店員姐姐好主動甘問你食咩，有啲咩好食，有啲咩賣曬。見佢地各自都有傾有講，舖頭氣氛都幾好 🤣今次試左：▫️馳名黑山羊米線 (姬松茸蟲草花羊骨湯底) (套餐HK$66)套餐可以自選一樣餸+飲品套餐價係單點加哂既價錢，已經幫你計好，方便選擇困難人士🤣 🐏 米線好爽口👍 羊肉配埋羊骨湯真係好補，越食越熱。同大熱天時打邊爐同一個道理，食完之後爆汗。加埋杯凍飲，爽YY 🤣 對比起外賣，堂食真係好食好多。本來都有哂心理准備，會好似外賣咁有超多酸菜，點知堂食又無啵👍 而且個湯亦都濃啲，飲得出有淡淡羊味▪️厚切紅燒牛肉上海麵 (HK$60)飲品＋HK$6 (冷熱同價)🐄 啲牛肉真心好厚切，啖啖肉。不過相比起米線，上海麵既麵質太淋身，所以口感就麻麻。下次應該都係會揀番米線/米粉底 🍜

記得小時候還是住在觀塘區時, 已經有聽過這家賣黑山羊米線的店名, 但一直也沒有動力來吃。站在店前的店員很賣力地抓住每一個路人去惠顧, 在附近的餐廳也沒什麼吸引, 也許是機會去試試看。他們餐牌除了主打的黑山羊米線外, 還有紅燒牛肉上海麵。黑山羊到底是什麼, 又有什麼特別, 我可不太了解。但既然是以米線作配搭, 太多是為高原地區保暖保充體力的主要菜式之一。這款米線的湯底是以姬松茸蟲草花調配, 從名字來看是打著養生的招牌。這裡點餐是以先付款, 後上菜的形式。在繁忙時間下, 他們的上餐時間也不算很長, 而每一位店員也有禮貌, 值得一讚。這個米線的湯底非常清淡, 不會帶有太濃的味道, 而羊肉只有微微的羶味, 也不會有太難受的感覺。一邊吃時被貼在牆上的通告吸引了注目, 寫上免費給外賣人員一杯飲品以表謝意。很少很少餐廳可以往辛勞的外賣員設想, 而在每天日曬雨淋的日子, 他們的工作可不容易。這家老闆也表明自己也曾當過外賣員, 也明白當日的辛酸, 這一點也是值得一讚。可是餐單的價錢卻是比同類的貴, $66 一碗米線配飲品在對面的商業大廈內也輕易找到更便宜的選擇。不過他們也不只是顧著賺錢的角度營運也是可以

最近想慳錢，夜晚個餐想食平啲，尼到東廣場，揀左間黑山羊米線食！一睇餐牌，嘩！抵到爛！自選三餸米線$44！好多款揀，肉類、丸餃、素菜類都有，我揀左菜脯煎蛋、椰菜餃同生菜。菜脯煎蛋煎得好嫰好香，椰菜餃既豬肉都幾新鮮，生菜都嫰口既！之前試左個黑山羊米線，一啲都唔「蘇」，唔會好韌，不過如果肥少少就更好！下次想試埋滷蛋同羊肉拌麵！櫈面仲有秘製酸菜另外店員服務幾好！好積極！會同客人傾下計，又會問熟客仔「今日想食咩呀」！

東廣場內小店雲集，今天選了標榜黑山羊肉旣專門店。未入店，門口姐姐已經好好口作招徠，店舖空間不大，且座位較密集。剛坐好姐姐已經站在旁準備寫單，今次叫了淨黑山羊，淨紅燒牛腩，腐乳生菜，下單後五分鐘內全部到枱快手黑山羊肉切得薄薄的，不羶但不夠細嫩，尤其因黑山羊沒甚麼脂肪，肉質嫩不嫩滑尤是重要。紅燒牛肉則正常發揮，不是台灣紅燒牛肉那種濃口味，且牛味較少。兩款的湯底都較清，可以放在旁邊的醃菜加重味道。整體肉的份量較之前吃的少，菜底份量也有這個情況。腐乳生菜的腐乳醬過咸第一口吃下去嚇死我。與外面餐廳吃到的非常不同，不知道是不是廚房失手，希望下次來會有改善。

建議：外賣自取可以考慮用拎得 #試伏專員 E君話想去東廣場試試 明記黑山羊米線，所以今日終於一行4人一齊出去買外賣~ 記得好似外賣仔 @takeawayboysss 定 pick eat @pickeat_hk 係有明記外賣，不過因為大家成下午1點先餓，所以就已經落唔切單 🙈今次第一次試用 拎得 @lingduck.hk ~ 無咩特別優惠，不過就每份減$1。係app入面 可以由米線到米粉都有得揀，揀埋野飲同加料，提交放落購物車就搞店😌不過最唔好就係購物車既單係修改唔到，如果你到最後一刻 (撳提交訂單前) 想加條響鈴，就唔好意思喇~麻煩係購物車del左個紀錄，重新撳過😆落完單大概等15分鐘已經有得拎~ show 拎得 個code 去到先比錢，都幾方便👍 明記成間舖都充滿左 羊既香味~馳名黑山羊米線配姬松茸蟲草花羊骨湯底 $55 一開始都驚騷味好勁🙈 不過又👌🏻接受到。湯底無咩驚喜，味唔濃而且酸菜太多，成個碗面都係。另外，個湯嗅落有羊味，不過飲落就無，配米粉係唔錯既選擇。羊肉唔嚡，有少少肥膏位~ 食完唔食話超口渴，但係就全口都充滿酸菜味 (啲酸菜差唔多填滿左成個碗面 😂)

下午茶時段（2-6）叫左一碗黑山羊米線送飲品$54 + 黑山羊魚皮餃米線連飲品$66湯底有d藥材味但好好飲，食到最後飲哂d湯羊肉片份量好多，起碼7，8嚿，唔太肥又冇咩羶味 至於米線同平時譚仔個款唔同，比較爽口同硬身唔食硬身米線嘅朋友，要注意⚠️ 總括黎講，10分滿分有9分味道分🤬🤬🤬🤬🤬🤬🤬🤬🤬🤬🤬舖面唔大，座位有限，地方淺窄。（第1個嬲😡）明白生意難做，但入去坐低個陣起碼有一半空枱，門口長頭髮個阿姐係咁叫你坐埋一邊，唔可以打橫坐，一定要打對坐個個入黎都係咁，成間舖頭一邊坐勁多人，一邊冇人坐（第2個嬲😡😡）阿姐送碗米線同野食上枱已經左穿右插。最嬲係當我食第一啖米線嘅時候個長頭髮阿姐埋黎計數（冇單），諗住同朋友食完比番佢講個個數。跟住個阿姐話要而家收錢，超嬲🤬同朋友停左筷子，個阿姐已經即刻過黎收碗好似趕收工咁，無言

呢幾日天氣好凍，想食羊肉暖下個身同補補佢～不過我本身好怕羊羶味，聽講如果用新鮮羊/黑山羊就唔會羶，所以我專登搵左呢間黑山羊專門店試試佢～大約平日既lunch time十二點半去到，店舖座位唔多，不過由於個商場太多選擇而且而家好多人買外賣，所以都仲有位～我叫咗個羊肉湯飯少飯，幾分鐘就黎左 (檯面有酸菜可以自己加)飲第一啖湯覺得有輕微羊羶味，但還可接受，飲飲下藥材味就愈黎愈出，遮蓋左陣羶味👍羊肉分量都幾多，某啲部分滑啲，某啲部分有少少少少鞋，真係無乜羶味，口感有啲似牛展湯裏面嘅生菜好爽脆，都幾好食😂五十幾蚊食到唔羶既羊，又大份又補身，我覺得都唔錯既 (佢另外仲有啲牛筋牛腩飯同自選米線，四十幾蚊正常價錢)

小編好鐘意呢間係東廣場既麵店，食過幾次外賣但無影低，早排午市太趕所以就去左堂食😍即刻熱辣辣食更好味😘馳名黑山羊米線（$54）性價比好高！係好大碗又足料！湯底係姫松茸蟲草花羊骨湯好濃郁！羊肉厚度適中唔太淋有咬口，仲要好多塊！配滷水蛋同菜😍米線係彈牙而且唔會碎濕濕！絕對係用心之作！男仔絕對夠食！除左羊肉，仲有牛肉/其他車仔麵料！仲有飯 ，好多選擇😎之前佢地店係咁俾正苦搞到罰好多款好慘，食物有水準真係好值得大家支持下😋😋但千祈唔好去錯隔離間藍店🟦都係賣麵！

觀塘周圍都係黃店，太多嘢食較遲都唔知食咩好。自己就好鍾意食湯麵，食來食去都係三哥好悶，好在今日嚟到觀塘，可以試吓呢間黑山羊米線，本來想食溶記㗎，點知原來已經做唔住執左，所以真係要支持多啲呢啲好食嘅小店。趁今日放半日假有時間，特登過咗晏晝peak hours先去食，啱啱好人流開始散，可以慢慢坐下。叫左個三餸米線，牛腩、菜脯蛋同釀豆腐，四十蚊貨仔啲野食又幾多喎，完全唔係嗰啲頹廢車仔麵，佢個蛋同豆腐都係有手工既食物，唔錯唔錯。牛腩係潮式粉麵既味道！$40三個有餸都唔係頹餸，仲要係觀塘市中心真心冇得輸！加凍熱飲都係六蚊，下午茶時段仲要送野飲，喂究竟咁平有冇錢賺架，好過份！今日試完，呢間絕對已經成為左我去觀塘嘅飯堂。

平日夜晚收工喺觀塘成九點幾，搵吓附近仲有啲咩有得食就搵到呢間食羊肉麵嘅店。以前食開同區另一間羊肉米線，不過好耐冇食，見到呢間就打算試吓。佢除咗羊同牛肉都有啲車仔麵餸揀，我哋兩個一個叫咗羊肉牛筋一個叫咗羊肉椰菜餃米線。羊肉份量唔少，米線都好多，米線質素好，唔係好淋嗰隻。羊肉唔羶 ，不過都幾好食又唔鞋，湯底好味，感覺冇乜味精，椰菜餃同牛筋味道都好唔錯。店內阿姐都好有禮貌，食物質素整體嚟講幾好，絕對會再返嚟食。

帶肥髀去觀塘剪頭髮，剪前要先醫肚，佢同我都喜歡食湯麵，所以帶埋佢去我食過嘅呢間麵店，入到商場原來轉了位置店號，店舖細加上隔板，當時已滿座，感覺是迫促及嘈吵，可以話草根風味（我喜歡😏）店員安排我味坐在出菜位置，四人枱隔開二人枱，內圍位置都要旁邊客人讓步才能坐低！（風味）落單隨要先付款，食物超快上菜！無收據！馳名黑山羊米線（$54）賣相平實，半隻蛋蛋黃剛熟，蛋白彈牙，有拉麵店嘅感覺，米線彈牙，羊肉半肥瘦肉片，略嚡微膻（羊肉愛好者接受到）湯底好香，清而夠濃味！整體好味肥髀食：夏日限定牛肉拌麵（$50）肥髀食晒，滿意，拌麵有碗羊肉湯跟埋，佢比咗塊牛肉我食，好似厚切金錢𦟌，炆得入味，筋部啫喱夾雜牛肉，軟稔彈牙，好味凍檸樂（忘記價錢）原罐可樂+冰底，加分店員係豪爽型，好熱情安排客人入座，收錢或講解有笑容！我哋見有人等位，食完即走佢哋都好熱情講bye bye街坊般熱情

明記黑山羊專門店，顧名思義，食羊最出名，無奈我唔鍾意食，所以去幫襯只能叫另一款名物：厚切紅燒牛肉上海麵。同另一間出名厚切嘅元洲牛肉麵比較，呢度嘅牛其實唔算好厚，不過比起坊間嗰啲燈影牛，咁就當然份量十足😆。四，五片牛肉軟腍入味，好食👍，其餘配料仲有半隻溏心蛋，白菜同豆卜，都幾豐富，湯底係金華火腿椰子雞湯，味道偏鹹（可能關金華火腿事🤔），椰子雞味相對唔係好出。成碗麵最弱嘅一環係個上海麵，好腍，冇口感，如果換咗拉麵，可以加唔少分。另外，食完之後成日扯水，相信調味都幾重手😂。

紅燒牛肉麵 $49 下午茶送嘢飲性價比極高半筋半肉，超級好味，好有骨膠原嘅感覺個個都叫羊肉麵但係我覺得牛肉麵都好好食員工個個都好有禮貌老細亦都態度好好，多謝前 多謝後🤓#讚岐烏冬 +$6 上次講完如果有讚岐烏冬就好 😍今次即刻有👍🏻菜圃蛋 +$6 必點呢間真係超高分🉐🈵💯地址：觀塘成業街東廣場G15 (大家記住唔好去錯隔離啊）營業時間：上午11點至晚上10點電話：24683838

讚1.湯底好，羊肉羶得黎唔會太強，仲有啲甘甜，而且唔油；米線質感相當爽滑；羊肉份量足，薄得黎仲有啲咬口，相當好2.服務快手，雖然一落單就收錢呢下做法好少見，但夠利落，仲會問客使唔使搬張檯放袋咁彈1.椰菜餃子既餡太爛蓉蓉，變左無乜肉汁，呢下我唔太鐘意