明記粉麵茶餐廳

營業中

休息中

Fairly standard place in this type of neighborhood. It’s a little crowded in here so I’d advise you come earlier. I got 清湯牛腩 which was good. It’s oilier than a lot of places in hk, but personally I don’t mind that. It’s exactly $32 dollars so the price is pretty good, though the portion is medium.Since I live around here now I’ll probably be back!

上次試過佢既墨丸牛雜粗麵，墨丸口感爽甜非常好食，牛雜味濃，本人十分欣賞。價錢合理，只係啲樓面人員服務態度麻麻。店內算大，感覺環境衞生情況就一般。墨丸值得推薦試試

呢間街坊粉麵小店 幫襯左20年有多每次路過都聞到陣陣腩香牛腩 牛雜質素一直相對穩定牛雜用上 牛腸 牛肺 牛膀 牛肚雖然係雪藏牛雜 但烹調得宜 加上潮式特香辣椒油加持味道唔錯 加杯富奶香既凍奶茶$38埋單 價錢合理 路過不妨一試呢間粉麵鋪仲有一個特色無論8號風球 甚至10號風球佢地都風雨不改照常營業而且絶無坐地起價 算係良心食肆印象中其中一次無營業 係水吧大佬玩野 拉大隊走人 果排真係無營業到 廚房佬真係唔惹得有咩事就拉大隊 玩死老闆

牛筋麵，麵不彈牙，又無麵味，無舊日味道。墨魚丸米，米粉好碎，又短！同以前好大分別。炸魚皮，好細袋，魚皮味道，同以前新鮮又香口，分別太大。芥蘭唔係爽，而係好硬，又細碟。根據以上經驗，對此老牌街坊店，真係好失望。過去一年半，多次外賣，相信今次係最後一次。

身為街坊，已經食過無數次明記既牛腩麵，明記既牛腩次次都可以完全保持到水準，真係無得彈，所以一諗唔到食咩都會食明記！佢地既牛腩煮得好好，肉質好軟，而且好有牛味，加埋蔥花一齊食真係特別好食！麵底個人鍾意配米粉（賴健康）。佢地每碗麵都會配幾條菜，可以嗌少碟菜😂另外我都想講下佢地既環境。佢地有兩個鋪位，所以提供比較多既座位，我重未試過要等位，不過就基本上每次都係搭枱。而佢地既裝修都無咩特別更新過，所以都比較陳舊，衛生同一般既街坊茶記差唔多，不要要求太高。

呢個係由細食到大嘅味道，中學喺附近讀書，當年拍拖食飯打波都係喺附近活動，呢間明記粉麵由細食到大，今日突然間懷念以前，就揸車返去食返個味道。喺門口已經聞到濃濃嘅牛腩香，口水已經喺口腔凝聚着，一坐低咩都唔使諗要碗牛腩河粉，加多個炸魚皮！阿叔依然風趣幽默，牛腩依然可口，牛腩真係好大碗，肥瘦分布平均，炸魚皮吹波波，點腩汁就最正！咁多年來味道同埋感覺都保存着，而家長大左真係好珍惜呢啲成長嘅回憶，希望呢間餐廳一直保持住🥺

呢間係我成日都去食宵夜嘅地方，每次黎我都係食牛腩河，加碟菜，同凍奶茶少甜，佢啲牛腩同d腩汁都好正，牛肉味好濃，牛腩好林，同埋我一定會加佢哋嘅辣椒油，落咗之後好惹味，但都幾辣下，同埋佢嘅好處係開到好夜下，就算睇完波都唔怕太夜冇嘢食。

呢間野成日同媽媽去食～因為啲牛腩又足料又好味一碗都係廿幾蚊做午餐又得晚餐又得岩晒慳錢一族！可是最近一次去就有啲失色份量唔單止少左牛腩的肥肉太多了跟以往的半肥瘦有差別呢希望佢可以keep到以前既質素啦～

細細仔跟婆婆住嗰時，間唔中都會跟阿姨、舅父喺婆婆屋企附近食吓嘢先返上樓，所以對 #街坊小食 情有獨鍾♥️ 琴日咁啱喺附近路過，梗係要去懷舊吓啦！#明記粉麵 喺呢頭做生意無三十年都一定有二十年，大家就好似老街坊咁，一樣嘅味道、一樣嘅伙記、一樣嘅裝修🥳 #小秘書 依然最愛 #明記 嘅牛雜米，牛肚爽口又炆得入味，就算連我唔好嘅 #牛腸 都整得好好食👍🏻 可惜 #伙記 快快手將對面食客碗河粉送咗嚟我前面，我又掛住影相，無留意一野就夾咗落去... 唉😌街坊街里費事難為人啦👉🏻👈🏻 唯有硬食😓 仲以為口味差唔多啫... 原來都唔係我要嘅味道嚟嘅😌

黃大仙鳳凰村一向多野食，咩種類都有，仲越夜越有添！今次宵夜時段覓食，專登過黎呢邊，貪種類夠多！路過明記粉麵，d牛腩味係鋪外已經聞到，太香喇，一於食明記喇！第1次黎明記粉麵，鋪頭好特別，以綠色為主，枱，椅，筷子，員工圍裙都係綠色，老闆真係好鐘意綠色呢！第一次食緊係點香噴噴嘅牛腩喇！牛腩河牛腩河大大碗牛腩肥瘦度適中好夠林湯底唔會好油膩仲附有生菜🥬性價比高之後就點左我覺得係最冒險嘅項目墨魚丸喇！因為墨魚丸係咁多丸入面最易食出係高質定買返黎嘅！好食就會好好味，唔好食就真係捉蟲架喇墨丸河首先呢間墨魚丸唔係平時食到嘅味好彈牙入面的墨魚仲好大粒整粒丸好有墨魚味食完之後對呢間粉麵加哂分無點錯呀一碗5粒抵抵抵！炸魚皮魚皮好脆呀！好味

黃大仙呢間明記粉麵茶餐廳，我讀書果陣差唔多每個星期都會嚟呢度食佢個牛腩麵做lunch🤣🤣🤣 大大碗即刻飽晒! 食咗咁多年都仲係好好食 😋 其實佢係我咁多年嘅飯堂🍲🍲🍲 會使諗唔到食咩好嘅時候就會嚟幫襯佢!!!一碗牛坑腩河再加埋佢個辣椒油🌶🌶🌶真係好出色。湯底＆麵＆牛坑腩 = 10個滿足😆

如果想食牛腩麵 ，我就會想起黃大仙區鳳凰鳳凰村嘅明記， 呢間舖頭並沒有好大嘅裝潢 裝修，好簡單 ，但係佢有一種好親切的感覺，好有懷舊的感覺。來幫襯嘅很多都是幾十年嚟嘅熟客，呢度嘅牛腩係好好味道，好冧，好香。牛雜好入味， 可令你食到津津樂道。潮州魚蛋又好食 ，雲吞又好大粒，每次食完都覺得好滿足 。好想喺度分享 ，好令人 回味嘅牛腩、牛雜 。加上入到去食嘢，這間店舖裏嘅侍應好殷勤招待，好似喺屋企食嘢，非常舒服，非常享受。

這間麵店可以做得我飯堂，每個星期我都要食幾次！主要係食牛雜牛腩粉！出邊好多間我都有試過食過，但係最終都係覺得呢間最好味!平視我就鍾意食佢哋嘅牛雜，首先清理得好乾淨，唔會好似出邊咁有時都有啲毛喺上邊，但係這間食好多次從來都冇！今日我就食佢哋嘅肥腩米，牛腩肥肉同粥嘅脂肪比例正如我想要的肥肥地，令到口感更好，肥膏再考慮更有一份香味！他們湯底消得來，牛味有特別清香，配埋面一齊食真係正！ 通才季節的時候他們還會供應腐乳通才，一樣係咁新鮮！

假日的早上，又係到樓下食早餐的時候。以前屋企好鍾意來明記食早餐，依家選擇多左，自然就少左好多。既然咁耐冇食過，不妨試下有冇唔同喇!雖然係7點幾左右，但比起其他粉麵店旺好多，證明咁多年來儲落幾多熟客。由於，經常食傳統早餐，火腿通雪菜米，都食到厭了，今日就轉下口味，食牛腩麵吧！對於我來說，牛腩肥的部分都幾多，早知一早叫瘦腩。但其他人就一啖放入口，好滋味呢爸爸就叫了沙嗲牛肉麵 火腿煎蛋 牛油方包成pat汁喺面...牛肉都腍，但沙嗲汁個味同以前好似有不同，我試味後覺得不是想象中的味道，麵底只是一般。不過，28蚊食到個早餐已經好難得，希望遲啲加價都唔好咁快。

每個星期都要帶牙仔到附近學英文，所以每個星期都會嚟到呢度食面！其實附近都係一些街坊生意鋪頭，全部都係茶餐廳！相信這個店舖都有幾十年歷史最少，不過好開心越做越大兩個鋪位仍然咁多人去食，因為這裏的牛雜我覺得真係好好味跟這半年定係一年我都唔記得，他們新出左牛三寶，又本身鍾意食牛雜米線嘅我轉左食這個牛三寶米線$43包埋餐飲牛三寶有牛肚：非常入味，口感軟淋牛腩：我食過好多次都係差唔多牛坑腩部份，所以牛味會重啲，半肥瘦牛筋：又係非常入味，膠質重湯底：牛雜粉麵檔佢哋嘅湯底10分我真係會比9分食完10分滿足，又抵！