明記潮館 (砵蘭180+商場)

營業中

休息中

滷水鵝片(198hkd)好多片，大大片，肉質軟嫩，豆腐外皮炸過，入面好滑，必須配上潮州辣椒油，炒得好香滷水雜拼（188hkd）勁多款式，有紅腸、鵝腸、豬耳、豬頭肉、腩肉、墨魚🦑、豬大腸，滿足三心兩意的我😛鵝腸份量多、有咬口、好爽脆，墨魚爽口，滷得好入味，滷水有功架潮式炸蠔仔餅 (118hkd) 炸得好有空氣感的酥脆，好多蠔仔🦪粒粒都好飽滿，每粒都差唔多大小，無營養不良的蠔，粉漿亦過得不厚，不錯！得意熊仔冰檸檬茶大大杯(42hkd) 是日最大亮點✨超大杯，勁療癒可愛，見到即刻心心眼😍甜度不用調整也剛剛剛好～#foodiblum中式

昨晚book 左14人， 佢地安排左一張細檯比我地。 根本就坐得唔舒服， 我地要求轉入房。他們說房間消費最低3200元， 我地話冇問題。但他們重複3、4次這句話提醒我們， 真的懷疑我們消費不起！最後埋單5000大元！入房之後，房間放滿雜物， 房內有洗手間， 洗手間的環境真的恐怖😱食物煮得又唔好食！ 落單時問多一兩個問題都唔耐煩！服務差到極點！我自己本身係潮洲人， 根本啲餸都唔係正宗潮洲風味！一定不會再光顧！大家小心中伏

我同朋友行經旺角朗豪坊看戲後， 佢介紹有間明記潮館，是特色潮州菜，做街坊生意都多人支持，食物夠獲氣，環境又舒服，最近做優惠滿$300 加＄8就有滷水雜錦拼盤一碟，份量都豐富！椒鹽白飯魚外脆內軟，卜卜脆夠滋味大腸煲新鮮大腸打開蓋香味撲鼻，肥美可口大腸配洋蔥🧅等配料惹味十足！滷水雜錦拼盤8元滷水雜錦拼盤有紅腸、豬大腸、豬耳，豬腩肉等，滷水味道正宗可口！明記潮館 地址： 九龍旺角砵蘭街180號砵蘭180+商場3樓

今晚約朋友去旺角食晚飯.  大家喜歡食有鑊氣小菜, 決定去 明記潮館, 由商場電梯上3樓,館內有兩個食堂.   左邊以大圓檯為主. 右邊卡位雅座, 及細枱.店內有  檔,  食物好明亮 .又有打冷店擺設, 鹵水鵝, 鹵水食物如墨魚, 豬大腸, 鵝腸, 紅腸, 腩肉, 豬耳......好吸引.  有多個海鮮缸, 內有生猛魚, 蝦, 龍蝦, 蟹在游泳, 貝殼海產也不少. 有 潮州凍蟹,  大眼雞, 烏头......店內有嘉士伯啤酒小姐招呼, 啤酒也正做推廣.我們叫了嘉士伯, 啤酒好清涼. 慶祝週年紀念, 點菜滿 $300, 可以優惠只加 $8, 任擇 A, B 兩個選擇, 我們 選了鹵水雜錦拼盤 (優惠A), 店員迅速送上, 連同小食:  酸蘿蔔, 脆花生, 及醬汁.鹵水雜錦拼盤,  有鵝腸, 豬大腸, 紅腸, 腩肉, 豬耳, 墨魚, 墊著鹵水汁,鹵水鵝腸爽口,  墨魚片 彈牙鮮嫩.  豬大腸稔滑, 五花腩肉肥美可口, 墊底的大豆芽吸滿鹵水汁,  好食.鼓汁蟶子,  一客六隻,  師傅用上蒜蓉, 豆鼓, 上枱香噴噴.   肉質爽口彈牙,  伴上洋蔥, 惹味又開胃.被   吸引, 我們點了 

昨日同朋友喺旺角 shopping 完，肚餓想搵啲地道潮州菜試試，朋友推介咗呢間餐廳。我哋叫咗蜜餞欖角焗肉排、豉汁蒸魚雲同黃金鮮魷，味道真係令人驚喜！蜜餞欖角焗肉排香甜濃郁，肉質嫩滑，欖角嘅酸甜同肉排好夾。豉汁蒸魚雲鮮味十足，魚肉滑嫩，豉汁調味啱啱好。黃金鮮魷用咗鹹蛋黃裹住炸，酥脆可口，鹹香撲鼻，鮮魷嘅甜味同鹹蛋黃好融合，食落真係停唔到口。菜式份量足，夠晒鑊氣！餐廳適逢六週年推介，食滿300蚊加8蚊就可以揀韭菜豬紅或潮式鹵水雜錦拼盤，我哋揀咗鹵水雜錦。呢個鹵水雜錦好豐富，有鵝腸、紅腸、腩肉、 墨魚同豬耳朵，鹵水入味，鵝腸爽脆、紅腸香濃、腩肉軟腍、豬耳朵彈牙，碟頭超大，抵食到爆！呢度平日都幾乎坐滿，氣氛熱鬧，仲有房間，私隱度高，位置又方便，喺旺角真係難得。三五知己聚會，點幾味潮州菜，飲下啤酒，邊食邊傾計，感覺輕鬆又滿足。食物質素高，價格合理，下次一定再嚟試其菜式。

前幾日上網訂左桌食晚飯，訂左10個人，1) 他們張細枱我哋，坐得好唔舒服，2) 今日收到Open訂桌記錄記我無出現，但事實我們有準時出現，3) 服務很不好，4)食飽晚飯結帳時餐館職員和我說，這餐飯好貴， 畀我覺得我好像冇錢埋單咁囉， 我攞張信用卡出嚟找數後他們😁😁😁，

放工想吃潮州菜，朋友強烈推薦了明記，於是決定去試試，交通也很便利，出地鐵幾分鐘就到。點了幾個潮州特色菜，味道正宗，推薦！@蠔仔粥🦪🦪兩人吃分量充足，味道鮮美，蠔仔的鮮味與米粥的清香完美融合，非常推薦！@鹵水拼盤鹹、香、甜、鮮的完美結合，豬耳脆嫩有嚼勁，膠質豐富，鵝腸味道濃郁爽脆，配上豆芽和冷飲，不錯！@石鍋啫通菜熱氣騰騰，鍋氣十足，香氣撲鼻，口感脆嫩，吃潮州菜必備！@明記特色檸檬茶可愛的冰凍小熊，一定要試試！

♡ 深夜打冷｜明記潮館 ♡-想去打冷？我嘅首選一定係明記❤️今日放晏咗 其他餐廳都閂晒門 友人都想食打冷 就去咗明記潮館佢嘅嘢食水準一向都係了不起😍 性價比都好高！-♡蠔仔粥(小) ♡ $88蠔仔鮮甜飽滿，湯味濃郁滿滿蠔味，加少少蔥花同胡椒粉提味，每一啖都充滿潮州風味～ - ♡周年8蚊贈送鹵水拼盤 ♡ $8依加周年優惠加8蚊就可以有一個拼盤，份量適中～ 滷水都好入味，鵝腸墨魚份量都唔少，性價比超高。-♡ 潮州凍烏頭♡ $218作為潮汕地區的一道經典菜式，一直都好受大家歡迎。通常潮州凍魚一係烏頭一係馬友，今日就點左烏頭，配合埋自家製普寧豆醬簡直一絕啊👍🏻-♡ 熊仔凍檸茶♡ $42外型可愛，熊仔冰大大粒🐻清新解膩，係必飲之選～ 見到枱枱都拎嚟打卡用😍❤️❥#⇢店鋪資料：明記潮館 (砵蘭180+商場) (旺角)旺角砵蘭街180號砵蘭180+商場3樓#

第一次係有啲難搵原來地下電梯直上兩層就係員工態度良好值得畀讚食物都算好味夠大碟孖寶雞酒+馬友呢個天氣啱晒夠暖胃又美味朋友有驚喜原來有幾隻貓係入面🦊見到員工餵貓隻隻都好開心🦊😂但我驚動物所以冇去欣賞

朋友每年都會去明記嗰度食過年飯我哋第一次join埋睇到啲食評，所以都有一定嘅期望食物都係好食嘅但係有點Over price嘅感覺每一台都會叫佢嗰個熊仔頭檸檬茶幾有gimmic

今日年廿九,和老婆和外母行花市前於旺角明記潮館食晚飯打冷,我們點了豆苗,鹵水鵝片,蠔仔粥和豉椒炒蟶子皇,餐前小食有花生和菜脯,花生食落香脆惹味,佐酒一流,豆苗我們選了雞油炒,食落新鮮爽口,鹵水鵝片食落肉味香濃,有油花,而豆腐吸收鹵水汁,口感滿足,蠔仔粥蠔鮮甜肥美,粥底軟綿,最後豉椒炒蟶子皇共有6隻,蟶子大大隻,食落新鮮,吸收豉椒汁後口感惹味,餐店食物美味,份量十足,而且座位舒適今日年廿九,和老婆和外母行花市前於旺角明記潮館食晚飯打冷,我們點了豆苗,鹵水鵝片,蠔仔粥和豉椒炒蟶子皇,餐前小食有花生和菜脯,花生食落香脆惹味,佐酒一流,豆苗我們選了雞油炒,食落新鮮爽口,鹵水鵝片食落肉味香濃,有油花,而豆腐吸收鹵水汁,口感滿足,蠔仔粥蠔鮮甜肥美,粥底軟綿,最後豉椒炒蟶子皇共有6隻,蟶子大大隻,食落新鮮,吸收豉椒汁後口感惹味,餐店食物美味,份量十足,而且座位舒適闊落,食了一頓美味打冷,食了一頓美味打冷

近日朋友帶我去食一間好正嘅潮州小菜館度食飯，餐廳位置比較隱蔽，就喺砵蘭街嘅一個商場裏面，私隱度較高，餐廳環境好闊落，員工都好熱情招待，積極推薦熱賣菜式，菜式嘅種類繁多，有傳統嘅打冷小菜，熱炒，海鮮都有！價錢十分優惠，除咗有好幾款抵食套餐之外，而家撞正餐廳六周年紀念，加$8就有一大盤滷水拼盤或者韭菜豬紅！真係好抵食呀！👅金牌滷水鵝滷水鵝係最出名嘅潮州菜式，點都要試吓！喺呢度百幾蚊就食到一例滷水鵝啦！鵝肉得好入味又唔會過鹹，肉質結實唔乾柴，肥瘦適中！果然係金牌滷水鵝！下面仲有好多滷水豆腐墊底，啲豆腐朔晒啲滷水汁，真係好好食呀！覺得肥嘅可以點埋佢哋特製嘅醋，酸酸地好解膩。潮州辣椒醬都好出色，一定要試啊！👅椒鹽腰果雞軟骨呢味菜真係超級惹味，大人細佬都鍾意食，配啤酒簡直一流！腰果同雞軟骨炸到十分之香口，啱啱炸好熱辣辣，一啖一粒真係好過癮！👅脆脆銀魚醬油炒飯粒粒分明嘅醬油炒飯上面鋪滿咗香脆嘅銀魚仔同埋蔥粒，每一啖飯都充滿鑊氣味，口感豐富，魚同醬油嘅鹹鮮味真係好夾！食到乾乾淨淨一粒飯都無剩！😆👅滷水雜錦拼盤$8喺出邊連一串滷水串都買唔到，喺度竟然可以買到一碟滷水拼盤！仲要有鵝腸食添！除此之外，仲有大

明記喺以前讀書時期幫襯過好多次。諗住同friend黎懷緬下見佢又開得夜，10點後啤酒有二送一，食物又不過不失。雖然阿姐落單要叫佢幾次先過嚟，忙都唔緊要，我哋都理解。。。但食到一半前面枱大陸客人竟然喺座位度食煙。我同朋友都諗住費事小事化大忍一忍就算，點知佢煙駁煙，我哋準備埋單時問店員乜室內餐廳可以食煙嘅咩？佢竟然同我哋講冇辦法，同咗佢講。完全冇諗過解決呢件事，對於香港嘅餐廳變到好似大陸咁好失望。。。

❣️韭菜豬紅 $8超抵食！你沒看錯，真的是$8一大碗，很多爽滑的豬紅和入味的韭菜，絕對必點😊3️⃣滷水三拼 $188 + 鵝片 $70覺得鵝片不夠軟嫩，不過要讚滷墨魚非常爽彈，普寧豆腐非常軟滑，墊底的芽菜也十分爽脆👌🏻🦪蠔仔肉碎粥(大) $128非常推薦！看得見一粒粒米飯之餘，又有超多鮮嫩的蠔仔、香脆的柴魚和提鮮的肉碎。一入口已經夠味，無需再加額外的胡椒粉，令人不自覺地想吃完一碗又一碗😍🐂蜜椒一口牛柳粒 $168光看賣相已經覺得很惹味了；以為主角是香口惹味的牛柳粒？錯了！我們一致裁定真實的主角是充滿蜜糖和黑椒香氣的軟腍薯仔🤤🥬石鍋啫芥蘭 $118夠熱！夠鑊氣！芥蘭非常爽脆，又不會太鹹。但同行朋友略嫌石鍋底層的芥蘭因為長時間坐熱而變得軟稔😯

旺角食打冷，就咁walk in上去，兩個人由7點坐到10點都無俾人趕，阿姐服務態度豪邁，好有feel！6周年食滿$300 可以加$8 就有 滷水雜錦拼盤，原本睇相淨係見到墨魚同紅腸，覺得$8都冇乜期望，估唔到佢又勁多餸，有鵝腸，肥豬肉，紅腸墨魚就梗啦，仲有大腸添 。叫咗碟蠔餅，炒米粉，啫啫芥蘭，都真係幾抵食，埋單都係4xx，碟炒米粉好大碟，夠獲氣，真係幾好食，食唔哂好味到我仲打包番屋企 。啫啫芥蘭就要快食，擺耐左啲菜就黃，蠔餅相對地就冇其他咁出色，個餅底整得唔夠實淨，變咗淨係食脆脆同蠔仔，但啲蠔仔都新鮮大粒嘅 。要同朋友吹水揀呢間真係唔錯嘅選擇，起碼坐成晚都唔使俾人趕，坐得又舒服 。