明星皇宮

小朋友對中菜一般般，不過就好鐘意芝士焗伊麵，午市明星皇宮有芝士焗海蝦伊麵，好多芝士，多芝士到連海蝦同伊麵都幾乎係見唔到！小朋友對芝士焗伊麵有讚無彈，海蝦新鮮又爽又彈牙，食起來肉質完全唔會又霉又爛！芝士焗海蝦伊麵份量唔少，一碟幾個人一齊食都好飽肚！除左芝士焗海蝦伊麵，再叫左兩個點心，印度煎薄餅同埋妙醬蒸鳳爪，印度煎薄餅一碟六塊煎得幾香口，妙醬蒸鳳爪好夠汁鳳爪好入味，記得唔好錯過係鳳爪下面既花生，又腍又好味！…查看更多

平時同老友都好鍾意去明星食晚飯，之前都有好多唔同嘅優惠，好似夜晚8:30後會有八折，不過今日就冇晒呢啲優惠了而家夜晚唯一優惠就係呢四項，但係只要選其中一項又要叫佢一款正價嘅菜式所以有啲覺得麻麻地低，喺樓下就睇唔到，上到去嗰張紙先知道嗌特價嘢要叫多一款正價小菜我同老友叫咗呢款$20嘅片皮鴨，味道還可以😌加咗呢個正價小菜蒜香一字骨都幾多肉呢個$88蒜蓉粉絲蒸蟶子都幾新鮮呢個又係$88蒜蓉開邊蝦，份量都幾多，只係淡味咗少少我哋總共叫咗四樣嘢埋單$449…查看更多

最近去左間酒樓食晚飯 ，整體來說，味道中規中矩，普普通通。京式片皮鴨片皮鴨是重頭戲，鴨皮烤得金黃酥脆，油光發亮，搭配薄餅、青蔥等等，口感豐富。蒜蓉粉絲蒸魚貝香味俱全，蒜蓉既香氣撲鼻，粉絲吸左啲湯汁，入口滑嫩。魚貝新鮮，蒸得恰到好處，肉質ok。蝦醬通菜炒牛肉蝦醬濃香，通菜爽脆，牛肉切得薄都嫩，火候炒得幾好，口感不錯。只是蝦醬既鹹度略高，食多左有啲膩，建議會搭配白飯中和下。咕嚕肉咕嚕肉酸甜可口，外皮炸得酥脆，內裡豬肉軟嫩，配撘青椒同菠蘿，色澤鮮艷，賣相不錯。總括嚟講，今餐既菜式表現穩定，味道都符合預期，適合想吃傳統餸菜的朋友，但如果追求創意或者細膩既口味，可能會覺得平淡。價格合理，服務都算周到。…查看更多

原來成日黎明星飲茶，但無寫過佢食評？是日就寫下先。母親節黎左明星飲下午茶，勁少人完全唔使等位就直入，唔知係因爲部𨋢壞左，定因為今日正價啦…開壺茶後掃code落單，無晒特價之餘仲無晒小點😂算啦節日都預左。⭐皮蛋叉燒酥一碟有三隻，食第一隻時幾正常，叉燒甜甜地皮蛋軟綿綿，食第二隻時一陣酸味，明濕係個餡壞左，但同一批貨唔應該喎🤔⭐香煎蝦米腸煎得幾香口，點醬食正。⭐香煎家鄉糭煙煙韌韌，煎得外脆內軟，但糭只有紅豆為餡，味道偏淡。⭐蟹籽燒賣肥肉好多的燒賣，食落唔香同太油了。坐下傾下偈ok啦，因為真係好少人，勁靜幾好傾偈😂…查看更多

心血來潮想飲茶，明知星期日去飲茶要排隊都堅持要去，除左因為想食點心，仲好想食芝士焗龍蝦伊麵﹐好彩既係大檯先排得耐，中檯唔係排好耐就有位。一直都覺得明星皇宮既芝士焗龍蝦伊麵好出色，已經食過唔少次，但係其實價錢都唔平，不過成日食既話都有少少肉赤。咦！芝士焗蝦仁伊麵？突然發現原來有得食平DD，蝦仁平過龍蝦唔少，無論芝士焗蝦仁伊麵定芝士焗龍蝦伊麵都係一樣咁出色，因為最出色既係芝士，大量芝士焗既伊麵真係好食到不得了！…查看更多