影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
啱好週末 諗住同屋企人去飲茶 又剛好有券 就去咗大圍明星其實之前有一次週末都去過飲茶 印象分已經好麻麻今次再去 我就會建議大家唔好去🙂首先一上到去 冇人帶位係正常狀態 ok 自己揾位揾到位坐低 叫人執檯 個阿姐已經係個門口就開始叫：“收到收到收到 等陣黎等陣黎 ”然後一邊講住 一邊繞場一周 全場都知 真係好乸尷尬 等佢忙完行過黎 🙎🏻♀️一開口就：“你有冇攞籌 ” 👧🏻：“冇啊 唔見有人派籌” 🙎🏻♀️：“做咩唔排隊唔攞 ”👧🏻：“前面冇人喔 點攞”🙎🏻♀️：“我個同事行開咗 你做咩唔等佢返黎攞籌 今次算 下次唔好了 飲咩茶……”（事實上係檯唔滿 都冇人排隊）點完嘢食 d嘢上到黎 好麻麻 有券就算了 食完野攞住券去埋單 行到去收銀 👧🏻：“唔該我想埋單 幾錢啊？我有券”🙎🏻♀️：“週末唔用券 一到五先用”我默默行返去 叫我阿媽黎（1.之前有一次週末去用券 個收銀已經話唔識點扣券 唔識用 叫我地唔好用直接俾錢 你有冇事？有優惠券唔用嘅話使咩食哩間🙄2.今次就直接見我後生 同我講唔用得 但係張券上面係冇寫明嘅！！然後換我阿媽去 畀人問候完一餐 就用得了！！鐘意返工畀人問候？？）總之，食到一肚氣，嘢食麻麻仲要受氣仲要畀人蝦！！
繼續閱讀
同屋企人慶祝生日，叫左半圍菜，一共11道菜，整體食物水平中上，份量大性價比高，適合一家人或與長輩慶生。1. 上湯龍蝦伊麵味道: 6/10性價比: 7/10推薦: 6/10伊麵味道偏淡，但份量超多，汁都偏少，龍蝦不太新鮮，肉質一般，但內有3隻龍蝦肉，份量都多。2. 蠔皇玉掌扣鮑魚味道: 8/10 ⭐️性價比: 8/10 ⭐️推薦: 8/10⭐️鮑魚新鮮大隻入味，鵝掌大隻且入口即化，煮得入味熟度剛剛好，份量大，值得一試👍🏻3. 清蒸大東星斑味道: 7/10性價比: 8/10⭐️推薦: 7/10魚新鮮且熟度剛剛好，好大條，肉質鮮嫩，但調味相對普通。
繼續閱讀
咁啱帶隻狗去絕育 晨早流流好耐冇飲茶就諗住去飲茶啦 行過最近就係呢一間 之後就上咗去 一上去攞飛嗰陣時嗰個人啲態度都已經夠差 我淨係講咗句唔枱 仲要我係非凡忙時段去 我都要等成半個幾鐘 唔緊要都算 張飛到咗行入去 冇人帶你去嗰張枱 你自己周圍喺度行 坐低嘅時候連張枱都未鋪 之後我就手機落 原本叫咗六樣嘢 先上嚟嘅係香煎蘿蔔糕 冇香味淡到食唔落口搵佢攞碟豉油都難過登天 好似完全冇人咁樣 之後第二碟上嚟嘅係杞子紅豆桂花糕 點知係酸嘅 酸到係你用鼻都聞到 咁我諗住搵個人幫我解決 點知叫極都冇人應機 等咗差唔多15分鐘 終於有人理我 我同佢講你啲嘢食變咗質 之後佢勁唔耐煩咁講我幫你換過一舊囉 佢真係拎返一嚿俾我，但係都係算 點知佢係咪喺人哋張枱食淨嘅俾我嘅呢？ 送餐上嚟嗰啲人態度都差到不得了 我同佢講我想要少少胡椒 佢應我一句胡咩椒吖胡椒粉就胡椒粉啦 你明嘅嘢點解又要再講多次呢？ 仲要係啲咁嘅態度。 跟住上到第四碟都仲未上齊，我直接同佢講剩低嗰兩個你幫我cancel咗佢 之後佢應我一句睇吓廚房出咗未 好彩未出，所以都退到 跟住佢同我講話如果要cancel就要而家去埋 咁我咪去埋單囉 去到埋單嗰個位嘅時候坐係收錢嗰啲人丢張單俾我 完全唔知想點 嘢食又難食態度又差冇一樣好 真係唔識點樣形容呢一餐飯
繼續閱讀
牛肉腸真係好正，咬落去有啲彈性，肉味濃郁，配埋啲辣醬，真係一流！鳳爪就更加好味，啖啖都係膠質，咬下去滑滑的，味道入味，令人一口接一口。至於山竹牛肉，牛肉嫩滑，配上山竹的清甜，味道真係好特別，酸酸甜甜，食完之後心情都好好！
繼續閱讀
晨早起身飲返個早茶🥰🥰飲早茶基本都會食牛肉腸，牛肉球，鳳爪，蝦餃，薄撐，今次叫多咗個豬腳薑🤤講下呢個豬腳薑唔會太酸又唔會太甜味道剛剛好🤤整體環境舒服，乾淨，味道可以唔會太差。
繼續閱讀
您可能會有興趣的...