明將迴轉壽司餐廳 (已結業)

聽朋友講,$44(計埋加一)任食壽司,好抵食~咁平,食tea buffet都唔只咁既價啦~裝修尚好,人流一般,入到去首先叫左3碟三文魚、兩碟鰻魚壽司,因為真係好肚餓,見到前面迴轉緊的壽司大多是沙律、吞拿魚(熟果隻),來來去去都係果d,仲要個outlook俾人感覺唔太fresh!!waiter態度ok,只係人手少,要叫多幾次先有人serve,等左大約15mins,終於有野食啦,鰻魚sushi都ok啦,d三文魚就唔多得,唔夠新鮮,好似一味得個大塊,仲有d壽司飯太大舊,相等於出面食到既1.5倍以上,食好少已可以好飽啦~同埋佢係枱面寫明"不准浪費,如有發現,$10一件"黎食野仲要倒貼......真係幾搵笨,唔怪得佢話任食啦~我total食左5碟......係就係平左($10一碟),不過如果午餐我俾咁既價錢,佢咁既質素,我仲有好多選擇囉~

四十四元, 我以為正野!怎知騙我!D野難食都算,服務差都.........唉!不如去元氣食過!不過這間明將都幾好,自助四十四元,最近有炸三文魚和烏冬食,不過不失啦!

我係同屋企人5個一齊去食$39.9任食,因為好早去到所以唔使等位(6:20).我地坐左1號卡位,不過好多時我地個位係最後先轉到,少個d一早無曬T_Td食物質素ok,三文魚幾好,炸三文魚好食其他不過不失(only for $40 任食).不過d野食出得一輪輪,一時好多一時好少咁唔係幾好,成日一開始要多幾碟,而且食左1個鍾多d先有三文魚上迴轉台,其他時間要向d staff order 同等,有小小煩,唔知係唔係因為太早.廚房d小食好"正",不過得好少,好多時一上迴轉台就無曬,後期仲要同人搶,但最終都係食唔到茄子=_=bd service 都幾好, d staff 無唔理我地而且有答我地d問題and態度幾好,只係有d忙.不過之後唔知係d迴轉台d碟放得太多定放得唔好,有碟壽司跌左落我個位度(just隔離小小),勁驚,好彩無整親我.之後又有staff 收碟時唔小心整側d碟,d汁整到我姐條褲污糟左,轉頭又見個staff整到第二個,完全扣曬分>.<

d侍應十個有九個都唔理d客人, 基本上剩係得一個侍應肯幫客人落order, 完全當d客透明, 仲有, 唔理d客人都算啦, 仲要兇神惡剎咁bear住人!次次叫佢落order都要話”轉頭先",o係"埋單"ge時候先會理人!總之d服務態度真係差到爆!

o個日去開深水步,咪去試下呢間出名既平壽司店.勁多人,冇人理都算啦,咁平多人都唔出奇啦,但都唔好搞到咁cheap呀.......我坐個位係睇住佢做同出壽司既,佢大量"啤"壽司,係咁"隊"入個迴轉帶,多到根本冇郁,仲要係d冇人食既款,eg紅豆,納豆.蓋住d壽司個蓋仲得人驚呀,蓋完呢個蓋o個個,上面仲有上一個款d料,真係見到飽.......我以後都唔去啦>.<

尋日去過，唔覺得自己食緊壽司，料還料，飯還飯，d飯好似冇用過壽司醋整過，一夾就散~ ~ 唔講味道，最基本既飯都整唔好~ 唔止，我番到屋企有d 腹瀉，我個朋友都係~唉~ 幾平都好我都唔會再去la~

聽聞有45 蚊任食, 就走黎食下期望本身唔係太大所以都無乜點樣失望壽司算係不過不失(以咁0既價錢計)所有壽司個配料份量都好少, 三文魚好薄有點都值得讚係店員服務都可以稱得上ok (其時人山人海)order 壽司黎0既速度都ok鰻魚壽司做得不錯~~味道3.5 服務3.5 環境3.5

黎尼黎去都係果幾碟野！！！你可以數得出得邊幾款。選擇少得恐佈。D飯又大舊。得個平字。

果度d 壽司好似好少款,好快食厭. d 壽司冇人拎又係咁轉, 認得出有d係由頭帶到落尾.加上d飯又暖暖地.....就咁放一個鐘真係怕中招.諗住只係食三文魚一味應該都夠滿足啦, 但三文魚太薄又唔新鮮, 又係加埋d仲暖o既飯, 食落口感覺幾差.

朋友聚會個friend提議去呢度食佢話好平好抵食(任食)又可以坐得耐咁咪試下o羅以前只係去過旺角新紀個間本人認為質素麻麻今次見朋友推介就試下啦去到D壽司飯多料少, 款又唔多, 又唔多新鮮出的東西分時段架比較好的都只係佢D沙律款的壽司同埋鮮炸三文魚頭但只係限量供應手快有手慢冇其餘的就真係……但如果要求低又大食的話都係一個不錯的選擇仲有呀成條line 既碟都逼到無人拎都唔理照繼續出真係服左佢地個環境都幾嘈....

我阿妹已經去過明將食好多次,但我跟埋一齊去都只係第一次.1月31日晚,一家三口o黎明將,出面唔係好多人,好快有位.但入面人多到嚇親.當晚食o左近30件壽司:小食系(八爪魚,海蜇,螺肉等),唔使點豉油都咁好味;三文魚:好味~鰻魚:可惜冇乜汁,被比下去;(中略)爭在某d壽司飯夠晒"即製",仲係暖.另外,壽司帶有好多甜蝦壽司,但係一小隻甜蝦疊住一大舊壽司飯,極之不合比例,原本阿妹想試,結果都係算.得閒食一餐,好過去大家樂一人一鍋~

晚上7 時半,39一位, 可能太便宜的關係,很多人等位, 我等了大概一小時多十幾分鐘吧, 早一點等位好些由於多人, 座位難免迫挾, 食物普通,落單質素是好一點, 因為轉來轉去都係0個d 野.環境嘈吵一點,不過價錢十分便宜.服務質素還可以不過倒是可以坐很久.如果有比得起錢, 我又唔係好suggest 食依間.不過粗粗地還可以。

以呢種價錢黎講，叫做好抵食!!

好耐好耐之前聽舊同學話e間d壽司都ok,又夠平,所以早排記番起,咪同個朋友去試下啦!!坐低無幾耐,我先食蟹子沙律壽司,覺得都ok啦,因為係凍,我諗都新鮮??!!之後order三文魚and蟃魚,都還可以啦,咁平,都無乜要求啦!過一陣,見到有生魷魚片壽司(一片白色隻),我碟,嘩!....放入口一咬之後發覺....片魷魚又腥又臭,仲霉霉地,勁唔掂,當堂吐都吐唔切,仲想嘔tim呀!!於是我咪同個侍應反映下lor.佢都好有禮貌咁同我講話叫d師傅睇睇.過一陣,佢就話俾我聽佢d同事試食過,佢話無問題喎??!!佢話魷魚本身係咁ga喎,仲話可能我食唔慣喎!!....我聽完之後真係火都呀#@*#xyz,我同佢講我唔會食唔慣生魷魚呀,我平時食都唔會咁ga!!但佢依然都係話我食唔慣.我真係想叫佢食下我食過碟睇下有無問題呀!!d食物有問題都唔認,仲要屈我tim!!而我個朋友因為唔想我同人嘈,所以叫我算數,跟住就埋單走喇!!一間咁恐怖咁壽司店,將垃圾都整俾客人食,簡直不知所謂,以後有人請都唔去呀!!

我都算係第四,五次去食喇,但今次都算係最好笑喇,因為我都係貪平先去,而且之前試過幾次喇,都知道衛生都係麻麻喇,因為你都唔係比好多錢人地...都唔會話要求好高,但今次真係好搞笑...話說係我同我女朋友一齊去的,咁我地其實都唔係太肚餓,但唔太貴就食下啦,點知...佢地係分兩條line的,每條line都好唔同,放既食物唔同,好明顯兩條line係一條好d,一條差d的,咁唔緊要啦,因為我地條line無得食都唔緊要既,因為都可以點嫁嘛,之但係我見到我地條line既食物又真係...有點兒那個...永遠都係出咁上下既款式,得四五種咁上下啦,得幾款都係唔緊要,都係果句,可以order,但係佢地出極都係幾款就當然唔會再有人拎黎食啦,但佢地又要勁出喎,咁變成碟疊碟咁情況出現...但佢地仲係咁出...出到....成條line既碟都逼到無人拎...之後仲....中途跌左一碟出黎, 好在唔係跌落我地度,但...真係好搞笑囉~