昌哥粵菜館

為三星做壽，當然由壽星們揸主意在那裡吃飯，飯館以手工菜馳名，很適合愛吃中菜的大家。飯店屬小館格局，裝修明亮，侍應的服務態度也親切。💢菜膽杏汁白肺湯白肺湯真材實料，湯味濃郁，湯料都煲至軟爛，湯水和湯料同樣美味，一份四碗，童叟無欺，但也絕不多給，如想多喝一點，敬請加單。💢燒雲腿蝦球燒雲腿切得厚薄適中，經滾油浸泡後更顯甘香，蝦球個頭飽滿，入口爽脆，外層還裹上非常薄的玻璃芡，令蝦球爽中帶潤滑。💢古法鹽焗雞鹽焗雞色澤金黃，肉香徐徐飄來，令人食慾大增，雖然已多時不吃雞皮，但雞皮透着的油光確實誘人，雞肉亦鹹香緊緻，越嚼越香。💢欖角蒸豆腐蒸豆腐雖然平平無奇，但這樣的組合還是頭一次吃到，味淡的豆腐配鹹香的欖角，實在別有風味。💢菜遠生魚卷菜遠生魚卷賣相普通，但手工卻繁複，生魚片切成「雙飛」，藏入火腿絲，再捲成魚卷，魚卷的外層微酥而內裏仍然濕潤，火腿絲為魚卷加添咸香，搭配清甜碧綠的菜遠，大家都吃得津津有味。💢蝦醬啫啫唐生菜鮮魷煲生菜鮮魷煲上桌之時沒有啫啫之聲，蝦醬的香味亦不如想像中的突出，幸好這樣令鮮魷的本味更顯現，只是份量有點少。💢黃薑粒叉燒蔥花炒飯黃薑把炒飯染成金黃色，其獨有的香氣亦為炒飯增添了一份溫潤感，叉燒和炒蛋固然是炒飯的上佳配料，然而青綠的蔥花也是必不可少的，小蔥不僅提亮了賣相，還令炒飯更加鮮香。💢生磨合桃露 / 蛋白杏仁露 / 杞子桂花桃膠羹三款甜品均是水準之作，桃膠羹適合愛甜之人，而合桃露和杏仁露的果仁香和甜度則很容易為人所接受。…查看更多

真係不吐不快！專登訂咗隻八寶鴨同屋企人慶祝生日，點知中晒伏。隻鴨急凍到肉質鞋烚烚，咬落去乾爭爭，仲有陣好明顯嘅油益味，感覺雪咗好耐咁。🥹最嬲嘅係同店員反映，諗住佢哋會改善下，點知佢哋唔認、仲要黑面駁嘴，態度差到不得了。其實我哋都係善意提醒，簡單講句「唔好意思，下次叫廚房留意下」件事就已經完滿解決啦，之後全程都話冇其他人咁樣反映過你係第一個咁講，然後收碗碟都黑晒面其實都唔明我哋係好善意咁樣去提醒同埋反映點解會覺得客人有問題全程黑面呢？搞到成個生日飯局冇癮到極點，一家人開開心心出嚟食飯，最後搞到一肚氣。本來係慶祝生日，結果變成咁，真係好失望。以後都係幫襯第二間算了，呢間真係一次都嫌多！其實簡單一句下次會叫廚房注意一下就可以啦 、本來係慶祝屋企人生日、掃興了 都很失望…查看更多

聽老婆介紹下終於book到昌哥食飯，一行4人平日夜晚上到去都見到full booking就知無介紹錯。蝦多士脆卜卜乾身又唔油，仲食到蝦嘅鮮味，正。招牌咕嚕肉外脆內軟，酸甜汁好平均地掛到每舊咕嚕肉，酸甜味比例剛剛好令人好開胃。琵琶豆腐將肉末蝦仁讓入豆腐再蒸炸變成琵琶嘅樣子，精緻還原呢度傳統粵菜，口感豐富，味道依然好味另一招牌炸子雞都係推介，炸到連骨都好脆想食埋，真係食落口雞皮係好脆口，仲有肉汁，實在太好食甜品食左即磨腰果露，食唔到有粉，只有香濃嘅腰果味，而家已經好難食到腰果露喇，難忘加上侍應都好禮貌主動，整餐飯都滿足…查看更多

昌哥（估計是大師傅的名字）果然係有超班嘅手藝，幾個簡簡單單嘅小菜，食得出有誠意兼且不平凡嘅粵菜味道。就以呢一個鹽焗雞為例，皮香肉嫩夠曬入味，呢個都幾考功夫，因為焗得耐得滯，味道雖然濃，但係啲肉就有機會會嚡，如果焗唔夠時間啲肉雖然會嫩滑d，但係又唔夠入味，呢一種傳統鹽焗雞嘅味道喺坊間已經買少見少，提一提大家呢一尾餸要訂位嗰陣時候預訂。呢一味菜亦都做得好好，唔好睇佢呀求其有啲生菜魷魚撈埋一鍋就算，要做到惹味燈嚟唔會太鹹，又要食到生菜同埋魷魚嘅鮮味，其實都唔簡單。椒鹽九肚魚粉漿做得薄，蒜蓉炒得香，而且一啲都唔油膩，顯出師傅嘅功力。最後呢個合桃露糖水香滑濃，就係越簡單嘅菜式就越考功夫。…查看更多

已經聽聞呢一間粵菜館專做傳統懷舊粵菜好耐，而且師傅手藝非常高，今晚終於有機會試得到，食物質素同埋侍應嘅服務都非常好，雖然我哋只係家庭式小聚，叫咗幾個簡單嘅餸菜，不過樣樣都高水準。當中最好食就要算呢個子薑菠蘿咕嚕肉，首先最精彩係個咕嚕肉嘅汁，真係用山楂去做，嗰種果味係其他用醋溝嘅汁永遠取代唔到。子薑嘅哋亦同山楂汁同菠蘿仲有咕嚕肉都好夾，好好食。另一個好好食嘅就係要預訂嘅腿蓉鷓鴣羹，食落啖啖鷓鴣嘅鮮味，無得頂。呢度連涼瓜炒蛋都做得好食，蛋炒得好滑。侍應介紹我哋試吓老少平安，呢個都做得好，魚肉同埋豆腐嘅份量好平衡，有魚味又有豆腐味，個芡汁薄薄一層都做得幾好，唔會太稀唔會太杰。最後呢個皮蛋子薑都係侍應介紹，皮蛋同子薑都靚，皮蛋係溏心皮蛋，子薑真係冇根，美味的配合。…查看更多