旺記打冷小菜館

營業中

休息中

餐廳營業至晚上3點，鐘意夜麻麻食打冷既啱晒！個人覺得墨魚餅同滷水鵝係呢度最好食嘅，豉椒炒大蜆都好食，今次就無叫，但鐘意食炒蜆既可以一試。今次試了花生鳳爪，不過就一般般，下次再試其他小菜。

夜晚晚10點零係灣仔好多餐廳都閂門，咁岩比我地搵到間打冷鋪。係門口就見到坐無虛席，咁岩有人埋單先有枱，去到打冷鋪緊係叫返個「靚鵝片」食住先，之後仲叫左一窩「蠔仔🦪粥」，試埋個「黃金鮮魷」。「靚鵝片」將鵝胸肉一片片咁片出黎，食落去會食到鵝肉汁同滷水汁溶合埋一齊，再食埋底下嘅豆腐中和返就岩岩好。「蠔仔🦪粥」係潮州菜精粹之一，依窩蠔仔🦪粥有大量蠔仔🦪，湯底野味，再加埋冬菜芫茜🌿，一流！「黃金鮮魷」個粉漿唔會太多食落唔會大厚粉，食得岀用左大量咸蛋黃醃製，鮮魷又彈牙！味道：8/10環境：7/10價錢：7/10服務：8/10衛生：7/10

打完波，同朋友去焯一個潮州打冷，去咗旺記打冷小菜館，叫咗啲麻甩佬至愛，潮州大餅，蠔仔粥，小炒王，鵝片拼墨魚，黃金魷魚，炒四季豆。基本上旺記呢間老字號，每一樣嘢都出色好食，尤其是係我蠔仔粥，啲蠔仔差唔多粒粒都有手指公咁大，好肥，好新鮮，一啲都唔腥。鵝片拼墨魚味道幾好，滷水味好重，豆腐底都好入味，不過份量就真係比較少，小炒王係最有驚喜，啲蒜芯好新鮮，蝦米，乾蝦，腰果，全部都炒得好香脆，好正。蠔仔餅（潮州大餅）反而有少少失望，係好香脆蠔仔都好新鮮又肥美，但係個人鍾意食啲厚身啲餅底多少少嘅, 佢呢個就比較脆身，個人上就麻麻哋。黃金尤魚到出色，鹹蛋味好香濃，炸得亦冇過火，鮮尤都好有咬口。整體非常滿意！

三個麻甩佬，成年冇見，沒什麼好過去潮州打冷飲啤酒。星期二的晚上，雖然6:15過到來，但是竟然已經係最後一張walk In 枱！似乎訂造都很踴躍，生意很不錯。希望不是大家都害怕政府會再停止晚市吧⋯⋯二話不說喝杯啤酒才講。這裏的啤酒有很多選擇，有些德國啤酒是我很少飲的，還是喝最穩陣的 asahi 啤酒吧。由於我早來所以叫了潮州三寶送啤酒。又酸又鹹又脆，口感一流。鵝頭鵝頸，滷水豆腐，滷水味濃郁。另外嗌咗炸蠔餅非常脆口，不油潮式蠔仔粥，蠔仔肥美份量也不少。另外還有鹹蛋魷魚，豉椒蟶子等小炒，水準非常不錯。過了一個愉快的晚上。

本身想去附近食牛排但walk in冇晒🥲🥲 即刻轉場去左呢間旺記✨靚鵝片 $128都有十片八片 有啲老但都幾香鵝味嘅😋 附送嗰個辣椒醬好香好惹味🤤 ✨旺記小炒皇 $98有韭菜 菜莆 腰果 蝦乾 魚仔乾 墨魚仔 炒得都唔錯幾好味嘅👍✨椒鹽鮮魷 $108炸漿好鬆脆 不過我覺得佢唔夠椒鹽味🤔 同埋啲鮮魷唔夠爽口彈牙 一般般🍻asahi $36總括黎講味道都唔錯但又未去到好出色 環境方面都幾光猛幾企理 味道❤️❤️❤️❤️抵食❤️❤️❤️服務❤️❤️❤️環境❤️❤️❤️💰晚餐人均～$170

登龍街到三角街再到而家巴路士街一樣出色，真系好喜歡佢鹵味…有水準，好好味，蠔仔粥配小炒王系定律，豉油王炒麵配自家辣油系必須的。佢老板又好人。真心不能錯過。。。正

第一次去旺記，是差不多10年前。 當其時還在時代廣場後面，夜晚十一二點我們去吃宵夜打冷。之後搬了去灣仔街市，都有繼續幫襯。疫情期間成日都買外賣滷水回家吃。現在搬了過嚟巴路士街，當然也會去，看看什麼情況。新店舖明顯比灣仔道大了很多，非常乾淨光猛。沒有花巧的佈置，櫥窗掛住招牌潮州菜式。下午五時，我們算是第一批的食客吧，第一樣上來的當然是潮州滷水鵝，韭菜豬紅。滷水的香味，鵝肉的肥美，醋汁的酸味，再飲番啖啤酒，你懂的。豬紅略為油膩，但是菜式不是這樣就不好吃，也很挺身，都有啲咬口。個人喜歡再點辣椒油，濃味一點。此外還點了小炒。豉椒鵝腸及椒鹽九肚魚。先講椒鹽九肚魚。不算太大條的，大約手指大細。揸得非常乾身，外皮非常脆，要俾個讚佢。豉椒鵝腸似乎是去了肥膏，咬上去非常爽脆。味道很好，但略為油膩。唯有再飲多一啖啤酒吧。價錢很街坊，職員也很友善。