旺記冰室 (九龍中心大廈)

營業中

休息中

透過朋友介紹，話呢間嘅滑蛋蝦仁飯好出色，今日經過尖沙咀就等我來試試啦。餐廳都幾容易搵，地鐵站九龍公園出口行五分鐘路程就到。餐廳環境裝飾同一般嘅冰室冇乜分別。坐低左望一望個Menu，見到有得揀雙拼，兩樣都想試吓嘅我就揀咗：滑蛋叉燒蝦仁雙拼飯$59一見到個賣相就流晒口水，好吸引！蝦仁食落彈牙爽口，再配上自家製嘅叉燒，濃郁嘅滑蛋，好快就食晒碟飯。甜豉油比例啱啱好，將成碟飯嘅味道昇華。不錯不錯！可以再返食！

同朋友係尖沙咀附近整頭髮，發現呢一間有名氣茶餐廳，於是入去試一試。呢度出名嘅係叉燒滑蛋飯，但因為我哋係早餐時間，所以就叫左兩個早餐，一個係鮮忌廉鮑魚雞湯火腿絲通粉，配鮮牛油麥包多士同炒蛋，雖然火腿絲同通粉嘅份量唔算話好多，但係鮑魚雞湯既清淡，唔會令你覺得好油膩。而炒蛋有別於平時嘅餐廳，因為真係食得出好香滑，因為呢度採用嘅係日本蛋，再配埋個多士，簡直大滿足。另一個餐係食沙嗲牛肉麵雖然平平無奇，配個奶油豬仔包，豬仔包熱辣辣沾滿煉奶，再加上外脆內軟，雖然卡路里好高但偶爾一次真係好滿足！我哋同樣地叫咗熱奶茶，奶味唔算好重，茶香味就好加分，如果中意茶香味嘅人就可以嚟呢度叫熱奶茶。我哋一致認為呢度嘅早餐都唔差，希望下次可以試到呢度嘅叉燒滑蛋飯。

食神入面話到：越簡單嘅野越難整得好食🤫相信叉燒蛋飯大家都一定食過啦，但點先為之整得好味呢？🧐可能每個人嘅意見都唔同，但我就覺得叉燒要半肥瘦，蛋要夠滑同埋飯要夠多😋咁啱呢間餐廳嘅叉燒蛋飯就可以滿足到我所有嘅要求，真係要讚吓先得呀！👍🏻今次第一次嚟呢度食飯，叫咗呢度最出名嘅"自家製叉燒日本滑蛋飯"😍佢飯量同叉燒量都好足夠，啲蛋都煮得好滑🤤嚟呢度食記得要試呢個招牌餸呀！🤩地址：尖沙咀亞士厘道29-39號九龍中心大廈地舖

本身今日lunch同同事去食牛一去到原來牛一裝修關佐門，太耐無食過旺記冰室，因為次次去都好多人食，要等位，等得太耐，今日去試下睇多唔多人😆好彩今日去到無咩人，仲有位唔使等！旺記冰室d食物質素真係無得頂，佢每一樣食物我都覺得好好味🤣🤣哩次食佐個叉燒蝦滑蛋飯😍完全唔流，好好味清盤🤣🤣🤣🤣宜家用哩種杯既冰室已經唔多！夠凍😆

無敵食神滑蛋飯🤤🤤🤤用最簡單嘅材料就做到令人懷念嘅味道。我地一行三人都不約而同叫咗雙併滑牛配滑蝦仁，配合埋主打嘅滑蛋，真係冇得輸🤭最後最重要嘅秘製豉油，成個配搭食極都唔厭。

之前有一排喺灣仔附近返工好鍾意食旺記 佢lunch time真係勁多人 但可惜佢嘅分店唔係好就腳 今日就去咗尖沙咀分店食夜晚💁🏻‍♀️好可惜我最愛嘅叉燒滑蛋飯竟然賣晒 就試咗雙併蝦仁牛肉滑蛋飯 雖然都係覺得叉燒好食啲 因為佢係似日式叉燒 肥瘦比較適中 係我覺得香港最好食嘅叉燒滑蛋😙 但係佢嘅甜豉油都係咁送飯 配埋啲蛋味香濃嘅滑蛋真係可以食晒成碟飯🤤 熱奶茶都好香滑比例唔錯 係喺尖沙咀平食嘅一個選擇💁🏻‍♀️

最愛這種好吃又經濟的冰室🤪但是要留意這家一定會排隊，預計至少等15分鐘，不過早上到1點前這段時間人流會比較少，想吃的話可以這段時間來😌它家最出名就是叉燒滑蛋飯（價錢$55）叉燒不會太干身而且有少少的脂肪咬下去很軟腍又香口，因為採用日本蛋炒得相當嫩滑，加上自家製的豉油同蔥花吃完好滿足，好想再來一碗🤤又叫了一碗特濃番茄午餐肉通心粉（價錢$50）番茄湯底相當濃郁，酸酸甜甜好醒胃這個餐還有配一份多士加一份滑蛋這些餐點都有包一杯飲料，我們各叫了一杯鮮薑汁奶茶和凍奶茶，奶茶都好有水準目前有4家分店，經過可以來試下😌

今次特登黎試吓超級人氣叉燒滑蛋飯嘅港式冰室，鋪頭位於街尾最角落頭嘅位置，但係都冇影響佢嘅客流量，晏晝四五點嘅時間路過都已經爆咗位，去到夜晚就唔使講啦，我哋一行五人夜晚去到都要等左半個鐘先入到餐廳🍴雖然要等但係見到佢嘅滑蛋飯真係好吸引，所以都願意繼續等落去❤️❤️❤️.排緊隊嗰陣已經留意餐牌同埋一啲店內通告，最令人失望嘅係叉燒數量供應有限，夜晚已經冇得食叉燒，有叉燒嘅飯會改為滑牛😭.等左半個鐘，卡位可以入座最多六人，店員們都好有禮貌同我地交代情況，值得一讚！因為一早已經睇好晒想食乜嘢，一入咗就即刻落order啦！.⭐️牛肉滑蛋飯（$57）咁一定要點下呢度嘅招牌滑蛋飯啦！一上到黎好大碟，牛肉份量都多 ，白飯粒粒分明，配上佢哋自製嘅甜豉油，味道非常之好！呢度炒滑蛋標明自己用日本雞蛋，炒得好滑，生熟程度啱啱好！至於牛肉方面，雖然唔係好想食嘅叉燒，但係質感同埋味道都好好，下次有機會一定要試返佢嘅叉燒！.⭐️柚子醬雞球拼醬油烏冬首先要讚下佢嘅烏冬口感，係屬於好彈牙嗰一款烏冬，聽店員講就係來自讚岐，配上醬油，識落就係好似印尼撈麵嗰種味道，但係就配上烏冬。雞球我就覺得有啲dry,覺得佢嘅柚子醬唔夠，如果多啲醬會

旺記冰室，點食都唔厭！午市去雖然多人但當食個快餐其實幾爽滑蛋加大大嚿午餐肉😍無敵✨✨✨ Btw ，今次想講座位安排由於係兩個人關係會被安排坐喺枱與枱中間其實真係好窄，坐得唔係幾舒服而且同朋友間嘅對話都會比隔離枱聽到，而且佢知道你未食完都會係咁係你面前行嚟行去會有想趕你快d起身嘅感覺！加上佢有人頭最低消費$16位，其實會欠缺彈性度！

超級多人排隊食嘅旺記冰室 平時lunch真係見到條隊都唔想排 難得有時間排隊 今次終於試到佢嘅招牌滑蛋飯喇！大大碟真係好吸引呀🤤 滑嘟嘟嘅牛乳炒滑蛋🍳 再配上叉燒同蔥花 同旺記自家製嘅豉油簡直好味到無法抵擋呀😍😍😍

🇭🇰冰室探店🍳旺記冰室✨呢間店我已經收藏好久了，終於打卡 「日式滑蛋蝦仁叉燒雙拼飯」， 配上凍鴛鴦奶茶共60hkd,都可以搭配其他嘢飲，尖沙咀地段個人覺得性價比都ok，睇起來普普通通既滑蛋飯但係超好食。✨雙拼飯分量不錯，鍾意鹹d可以落單前說要多點醬汁哦!!蝦仁不多，可能只有3-4個，不過肉好多，日式雞蛋好滑嫩，好吃，來尖沙咀一定不能錯過這家。🍳店名：旺記冰室✨環境：⭐️⭐️⭐️⭐️/5👅味道：⭐️⭐️⭐️⭐️⭐️/5💫回頭：⭐️⭐️⭐️⭐️⭐️/5💰性價：⭐️⭐️⭐️⭐️⭐️/5🧏🏻‍♀️服務：⭐️⭐️⭐️⭐️/5📍地址:香港尖沙咀亞士厘道29-39號九龍中心大廈地鋪29-39🚇地鐵:尖沙咀A1出口⏰營業時間: 07:00-22:00 (9:30以後停止點餐)💰人均: 60hkd

<我的茶記日子·旺記冰室🍴>_午6.鮮忌廉雞湯鮑魚火腿絲通粉$46 _作為翠記前BD仔，包包我呢就由本來唔食茶記嘅😂，到依家進化到可以一日三餐早餐敏華、午餐民華、晚餐翠華😆，而對上weekend 放假都走咗去食旺記🤓，而旺記嘅午6鮮忌廉雞湯鮑魚火腿絲通粉餐一直深得包包心😌，通粉係坑紋通，非常掛湯有口感，通粉冇煮爛，鮑魚火腿絲切得剛剛好，配埋唔會太過濃烈同死鹹嘅鮮忌廉雞湯到真係一流😬_至於個滑蛋呢，就老咗少少唔夠滑，牛乳味唔太出，鮮牛油麥包厚多士就幾特別嘅，夠香夠脆帶有少少小麥味，Ummm 杯茶走都交到貨嘅，煉奶多左少少，甜左DD

「旺記冰室」呢個大名周不時都會聽到，無論係身邊嘅同事或者朋友，佢地都會誠意推介你出開尖沙咀附近就一定要食個招牌滑蛋叉燒飯！唔講唔知～原來餐廳係用左日本雞蛋加入4.3牛乳炒成滑蛋叉燒飯，再配上獨家祕製甜豉油。去到排左十分鐘左右先入得，相信平日午飯時間一樣多人！阿梁點餐🧒🏻 $55 （午一）+$3大杯凍檸茶自家製叉燒日本滑蛋飯評分（10分滿分）：8⃣食評💬：蛋非常嫩滑，叉燒唔肥唔瘦，兩樣溝埋個甜豉油一齊食係非常易入口！好開胃！亦會食唔停口～豉油完全唔咸，唔重口味但都覺得幾好食！飯量唔多，所以女仔食應該岩岩好夠飽，男仔就爭咁啲🤔建議大家唔好就咁加$2轉凍飲就算，加夠$3變大杯感覺上抵飲啲！阿張點餐👦🏻 $46（午六）+ 熱奶茶鮮忌廉雞湯鮑魚火腿絲通粉配牛油麥包多士+4.3牛奶炒日本滑蛋評分（10分滿分）：5⃣食評💬：4.3呢個數字係代表啲咩呢？原來數字越高，代表其奶脂的百分比亦越高，換而言之，牛奶味道都會更濃更甜，所以個滑蛋先好味👍🏻相反通粉個湯真係無咩特別，史雲生雞湯咁，火腿絲個量叫正常，但鮑魚絲得果幾條，反而通粉個質感幾好，食落唔覺得硬！熱奶茶就正正常常，只係比普通茶餐廳滑少少～總結而言👉🏻

🔹招牌花生醬蛋生菜四式三文治 ($32) 連飲品.成功係11點26分叫到個早餐😭想食呢個蛋治好耐！利申未試過裕興，但呢個係香港絕對係放得上神枱之作！自從去完台灣，就發現原來花生醬同蛋可以咁夾！當然呢到唔會用福源花生醬🤣啱啱上枱嘅超厚蛋，又熱又滑差啲辣親個咀🤦🏼‍♀️個賣相好到隔離枱大陸人問我係咩餐😂一咬落去蛋香軟綿、生菜爽脆，再加上花生醬鹹香，烘底麥包，真係好乸正😳呢個真係超飽，可以當晏就🤣🤣🤣.📩tips:記得記得要拎起擺張紙係麵包底，如果唔係個蛋同水氣會整濕哂個包，真點後果自負後果自負！可以叫留邊/走肉～素食者都啱！-

久仰大名嘅旺記叉燒滑蛋飯，成日見到洗版post,見到滑luetluet嘅蛋同最愛嘅叉燒，非常吸睛。不過都聽聞好多大陸人排隊，所以都冇乜勇氣去食。結果有一晚weekday晚飯時間去尖沙咀分店碰一碰運氣，條人龍大概十幾個人，諗住應該都唔會太耐嘅，佢turnover rate咁高，結果等咗大概半個鐘就有得入去喇。我哋當然諗都唔洗諗，就嗌咗最招牌嘅～自家製叉燒 日本滑蛋飯 配旺記秘製甜豉油連要唔要蝦都唔使諗，男朋友唔鍾意食蝦，我就唔食茶餐廳嘅蝦仁...(富貴胃)果然名不虛傳，叉燒肉質爽口，蛋滑到「雪」一聲，個甜豉油味道都恰到好處。略嫌飯好似硬咗少少，因為本身比較鐘意食軟飯嘿嘿。但如果再食又要等半粒鐘，我又覺啲可以有第二啲選擇咁。