旺旺至尊燒鵝冰室

營業中

休息中

I often stay in Kennedy Town. There are lots of great restaurants. Wong wong is one of them. Hong Kong style restaurant is not common in Kennedy town though. If you are craving for local food, you can definitely give it a shot. The prince of char siu rice in Hong kong is fluctuate. Wong wong is comparatively expensive but it is definitely worth it. Char siu rice is my first recommendation. The most important thing for char siu is the sauce which won won is doing pretty good, not too salty or too

佢開張食到依家，雖然唔係日日去，但起碼一星期食到一次。我順口嗌B4熱咖啡都俾樓面姐姐叫我睇睇餐牌先。三個月前加咗一次價，尋日又加價。早餐沙嗲牛肉麵價格由$38飆升到$42。唔緊要，我就慳返$2，試吓你鮮滑牛肉係點啦。我想嗌火腿奄列，樓面姐姐個反應好猶豫，原來個餐牌無咗。佢嘅反應似係今次有，之後唔知仲有無。好，最後食咗嘅早餐就係咁。啲牛肉都算係咁，係唔錯嘅。但老實講，呢碗麵無咗沙嗲醬，掩蓋唔到啲麵唔好食嘅本質。如果第時連奄列都無埋，就更加無啖好食了。

今日打電話佢問有冇乳豬，舖頭話有，得返一份1/4隻乳豬，$150蚊，問我留唔留，我話好，叫佢留俾我。咁大間舖頭，我問使唔使俾埋電話佢，因為我怕淨係留個名佢一陣間俾錯人，舖頭話唔使㗎喇，你講個名落嚟攞就得㗎啦。咁好啦，我落到去同佢講話留咗名訂咗份乳豬，點知佢竟然話俾咗人，激到我彈起！首先1/4隻賣$150都唔係平，我真係未試過一間舖頭開門做生意會咁不負責任咁冇誠信，如果佢要我落訂佢可以講，但唔係咁樣話俾就俾咗人。以後要買外賣訂單嘅都小心隨時訂咗都冇得食，我以後都唔會再幫襯！

Lunch time見到咁爆場應該唔差得去邊，叫左個午市套餐-蒜香焗牛扒飯配熱咖啡，一叫完野店員就放低杯水，餐具同餐牌都係枱下面，方便攞同埋乾淨d枱面成張賭枱幾有特色。成個焗飯一送到黎都好夠熱，蒜蓉汁比較甜仲有d芝士係面，牛扒好淋易入口，如果有d西蘭花之類既配菜就更加好啦，炒底蛋絲唔算多但d飯夠乾身，熱咖啡正正常常冇特別，一路食先發覺原來好多人叫燒味，肥叉同沖繩黑糖豉油雞d燒味望落都幾吸引，下次再黎可以試一試。

作為經常買外賣油雞嘅我，只有一個好簡單嘅要求；就係唔好孤寒啲蔥，呢間嘅油雞其實質素唔錯，肉質夠嫩，而且多蔥都唔孤寒又唔會嗌晒加錢（可能因為佢賣貴同區十幾蚊至一倍不等）。可是，在一個非繁忙時間，沒有出餐壓力之下，竟然將淨雞（非油雞飯）的薑蔥直接倒落隻雞度而沒有獨立裝起，廚房造出來一隻靚雞就咁糟蹋了，這種發夢行為在這個價位是不能接受。所以大家有要求想買到質素有保證的食物，去幫襯時真係要金睛火眼望實唔係好易出事。

這𥚃佈局同一般茶記分別不大，但你試過佢哋燒味之後，尤其燒鵝，黑糖油雞，义燒及燒腩，包你有如置身美食天堂，那𠆤咸魚煎肉餅肉質鮮嫩多汁美味，殺招蒸魚腩，一字骨，肯定一絕，職員服務態度非常友善，老細又有把朗過油既口！包大家食得開心，價錢受惠食過返尋味！

燒味真心高水準放工落去買隻出爐燒鵝返屋企加烘料更是無敵佢門口有寫燒鵝出爐昤間可以睇返因為喺附近返工所以都成日食另一個真心推介係魚香茄子炆米茄子、米粉都處理得好好

已幫趁N次，因為食完呢間燒鵝後上左癮。份量又算多，呢個價格絕對好過食附近果D少辣米線。燒鵝外，燒腩仔，叉燒，鵝油撈面都好好食，但胃得一個，多數都係黎點燒鵝燒腩仔都我有2次黎食都around 8至9點，仲係脆！皮！叉燒食過幾次，冇特別指定肥瘦，有黎過半肥瘦又黎過瘦的，但難得係唔柴，肥嘅一定好食D, 但瘦叉唔柴真心難得。而且水準隱定，暫未食過失手，燒鵝我亦從冇指定位置，胸瘦d肉多，好食，比肥D香D, 都好食

同同事見完客成7點幾一於食埋飯先返屋企啦！行行吓有一間非常金光閃閃勁光猛嘅冰室，真係被吸引係門口企一企，店長好温暖問想食咩入泥幾位呀。。。woo咁就坐底咗啦！嘩！真係座無虛席呀！餐牌仲有好多嘢食架😋出爐古井燒鵝, 金牌蜜汁叉燒皇, 燒鵝五寶飯, 常餐沙嗲牛肉麵配黑松露滑蛋, 晚市小菜啫啫田雞煲, 蜜椒薯仔牛柳粒, 懷舊椒鹽雞翼😋😋💯💯真係花多眼亂呀😁😁😁燒鵝貴妃雞飯配熱檸茶$58，見枱枱都食燒味一定好正，嘩！係好大碗，燒鵝貴妃雞份量多又大件，貴妃雞好嫩滑多汁，燒鵝好香好多汁又惹味，正呀！價錢仲好抵添呀😋👍常餐叉燒湯意黑松露炒蛋厚多士配凍檸茶$55，Yeah有常嘱超正呀！黑松露炒蛋d松露好好味多士脆卜卜“正”，金牌蜜汁叉燒皇真係名不虛傳堅好味，蜜汁好香甜叉燒係厚切d肉軟淋淋好juicy呀👍👍旺旺至尊燒鵝冰室 地址: 西環科士街36號聯興新樓地下C&D號舖 （堅尼地城站C出口一出就係）

堅尼地城打完波想食間大啲嘅地方，見到一間金碧輝煌嘅燒味舖頭就入左去。地方幾大，有埋制服。d姐姐幾講得笑。叫左個XO醬炒豬扒公仔面+例湯$6 例湯係金銀花紅蘿蔔🥕幾重料，抵，冇感覺到味精。豬扒都幾脆，唔算油XO醬公仔麵係冇得輸㗎啦本身就，肚餓時特別好食！價值抵食唔錯，姐姐服務加分，地方寛，乾淨，會回頭走嘅時候俾我見到原來咁多獎狀……又有藍帶邊又有證書喺度諗冇食燒鵝係咪蝕底呢？決定下次再過嚟打波嘅時候食埋佢啲燒味！因為我見到傳說中嘅黯然銷魂飯哈哈一定要試吓！

堅尼地城新裝飾燒味餐廳都幾有特色，今次特意來到食下午茶，叫左燒鵝勲蹄瀨粉$50,加$6凍檸茶，燒鵝皮脆但脂肪較多同較油，鵝肉算唔錯，勲蹄味道幾好，皮肉脂肪均匀，成個下午茶餐普普通通啦

今日經過，之前睇網上有KOL介紹過，咪試下囉，地下又污糟，啲餐具無遮就咁放左響個架度，舉手落單，舉到手都軟，啲樓面俾我感覺唔憂做咁，啲餐具用熱水洗完幾次都好油，叫左個燒鵝飯同炆米，燒鵝又凍又唔好食，炆米個底全部油，好似嘅油唔駛錢咁，仲可以有面叫至尊？真係無下次

既然是以燒鵝命名的餐廳，當然先試一下燒鵝⋯⋯外賣晚餐148元燒鵝粉蹄雙拼，想加例湯，但要補原價。到家打開一看，巨大的大包盒，空空蕩蕩⋯量少就算了，質素更差⋯⋯燒鵝又肥又少，切的大大小小，而且冰冰冷，基本上沒有肉，這樣的燒鵝怎麼吃？微波爐加熱出了很多油，能吃的部分就更少了，全是油，全是皮⋯粉蹄帶紅點，沒有味道⋯不明白這樣質素的餐廳怎麼在堅尼地城生存，也不明白148這定價是怎麼產生的，一定沒有下次⋯中伏⋯⋯

今日買咗兩個燒鵝胸叉燒飯， 鵝胸係要加錢嘅， 點知返到屋企 竟然以為自己叫咗片皮鴨和片皮叉燒， 刀工之好真係一絕！ 每塊平均都唔會多過0.2 cm， 正常size既話應該得3件，叉燒都係大約3件，真係嘆為觀止！ 佢哋啲燒鵝同叉燒係好食嘅， 不過下次都係諗過先啦

看到這張枱，是否有下注的念頭？「咪玩喇，而家連大海都過唔到呀，條航道連中華白海豚都有……」收到，收到……這是張茶記的餐枱，不是賭……這舖位，終於開了一家燒味茶餐廳。前身仍是開張不久的火鍋任食時，本還想去試試，怎料已倏地結業了。現在的零售飲食行業就是如此殘酷……一雞死一雞鳴，難道這茶記是懷著「搏一鋪」的心態？既然是以燒味做主力，那麼我倆也決定「小注一試」，嘗嘗其燒味的「食力」。要將主打的幾款燒味都試一試，最好的選擇就是雙拼：同伴點了燒腩仔加叉燒。前者在酒家吃，單點動輒七八十而只得寥寥數件，這裡收五十大洋是情有可原。至於一隻近五百的「至尊燒鵝」，我們就單拼「侍候」了！講多無謂，不如立即「揭盅」，睇吓開乜！雙拼各有五舊，燒腩仔夠脆算有水準，至於叉燒，用眼看也知道，實在是太瘦了，顯乾。自詡是「叉燒大王」，相信還要再努力一些！平心而論，燒鵝的部位選擇，以茶餐的價位而言，已算不吝嗇了；論皮脆肉嫩，對我而言可以接受，不過同伴認為灣仔「乜哥」的燒味更勝一籌，還是要改天再前往，比較一番！店內除了有趣的枱飾，還擺放了大廚制服、烹飪大賽獎盃等，似乎是要告訴食客，這裡說的「贏」不是靠「賭」而是靠「拼」：不是「