日船章魚小丸子 (已搬遷)

好耐都無食旺角日船 以為佢疫症停開 上openrice先知佢搬遷左 今日去買 味道仲好食過之前 食小丸子一定要加芥末 佢既芥末係令小丸子更錦上添花 店舖裡面有企位比人食既 可以立即食到 整體來講 去旺角就一定會去食小丸子…查看更多

疫症之下，好少出去旺角。咁岩呢日有事出開去，又咁岩經過，發現日船要搬！！！！但估唔到咁岩，趕到搬遷之前幫襯。外賣左兩份章魚燒。大大粒章魚燒新鮮熱辣出爐👏🏼，舖係章魚🐙燒上面既木魚飄逸在醬汁之上，酸甜沙律醬加燒汁配合得剛好，一啖食落去惹味😋。不過我外賣🥡攞到返去食，冇左章魚燒既新鮮出爐挺身既口感，家下冧咗少少🤏，因為始終有醬汁係上面，不過冇辦法啦！但實體唔算太大影響，一盒6粒，食哂會有點過多，兩個人食會比較好，冇咁漏。…查看更多

招牌的章魚小丸子🐙🍡 HK$24醬汁有：照燒汁、日本芥末醬、蛋黃沙律醬、黑胡椒粉。個人建議要加芥末醬 小醬都可以！ 加左真係令小丸子更加惹味 佢地都比得幾多下 好似唔洗錢咁😂 一盒有六粒 外脆內軟 唔會軟淋淋 唔會淨係得啲粉漿 ，配埋芥末醬食，一咬落去芥末沖上個鼻到，之後就品嘗到熱騰騰，香味十足的小丸子，而每粒小丸子都有足料的章魚，椰菜絲，好滿足！ 佢仲有可以揀套餐 加埋杯野飲 都好平！ 👍🏻食完門口前面仲有垃圾桶比人扔 好窩心🥰…查看更多

呢間鋪係之前讀u陣時 個fd介紹過來食～之後幾乎每次經過都會買，有時候仲會特登過來買.日式章魚小丸子 HKD | 24有六粒～粒粒都飽滿creamy 。大大粒章魚🐙 。醬汁有：照燒汁 、黑胡椒粉 、 蛋黃沙拉醬、芥辣醬 。可以唔加芥辣醬 亦可以要求放旁邊。有芥辣會比較好味😋 最好熱辣辣地食 買完企係旁邊食食完有垃圾桶可以扔～.如果一個人食曬六粒 其實會有少少滯 。最好就係兩個人share～但可能都會覺得唔夠喉 哈哈哈～.買咗咁多次 都靜係食章魚丸～ 下次試下其他先…查看更多

講起章魚小丸子，日船我覺得可算是香港嘅元祖級。小時候佢係盛極一時，周圍都有佢嘅鋪頭，連超市入面都會有，可惜宜家已經得返一間分店，宜家行開旺角，我都會買一盒嚟食😂懷念一下。顧名思義叫得做日船，佢個盒係一隻船仔，係佢嘅signature嚟。買完最好即場食，啲小丸子係外脆內軟架😋而每粒入面都有章魚粒🐙仲有椰菜。外層脆卜卜，椰菜又爽口，而章魚粒不會太韌。上面有特別嘅透透地蛋黃醬，有柴魚片，仲有日式芥末醬，可以選擇要唔要嘅。除咗章魚燒，佢有其他嘢賣嘅，好似有冷麵，醉蛋，仲有其他小食，不過我多數都係食小丸子😂唔知你地有無同我一樣嘅童年回憶喇😂😂…查看更多