日船章魚小丸子 (已搬遷)

細細個就食日船嘅章魚小丸子🍡🐙之前聽到話全線日船執粒 即刻勁sadddd🥹上次行過旺角先發現原來仲有嘅😂😂旺角舖仲由細舖搬到去好景商業地舖 見到即刻要買返盒嚟食！！佢由始至終都係呢隻味 好感動 冇變過～就係好簡單嘅調味 好啱我口味😋…查看更多

日船章魚小丸子 係好多港人嘅童年回憶，亦都係我第一次接觸章魚燒嘅地方。當年以為日本章魚燒就係咁，直到後來試過正宗大阪風味，先發現原來 日船 係台版章魚燒。今年三月結業，決定再食多次，好好回味呢個熟悉嘅味道。章魚小丸子 $30外皮炸到酥脆，唔會腍啤啤亦唔會過油，完全係關東風格。淋上甜甜嘅醬汁，再加上最具標誌性嘅透明沙律醬，當年第一次見到已經覺得好神奇，食落又真係沙律醬嘅味道！Wasabi芥末醬微辣帶刺激，但唔會太嗆，每次都要額外加醬先滿足！童年味道 vs 正宗章魚燒，而家香港開咗好多日式章魚燒店，醬汁同配料都更加豐富，質素亦有所提升。但 日船 嘅台式章魚燒始終係童年回憶，呢種味道係其他店鋪取代唔到。如果你同樣有呢份情懷，記得趁未執笠之前去試返次！未食過嘅朋友亦可以嚟感受下90後嘅童年滋味！🔥🐙…查看更多

問職員咩醬最經典佢話蛋黃醬•燒汁⋅芥末真係好食芥末簡直係點睛無諗過小丸子配芥末襯到咁少少攻鼻但令到成件事無咁漏又無咁咸OMG不過啲小丸子一早整定咗所以有啲淋唔係脆脆地嘅皮少少扣分…查看更多

日船，喺香港已經超過10年歷史啊，佢初初一開始都係係喺台灣過江龍過嚟香港，但係我識啦執吓一間執吓有一間而家已經剩得一間喺下年三月嘅時候會結業，咁佢主打就係章魚小丸子啦咁章魚小丸子雖然細細粒但係裏面都好足料㗎 $30有六粒其實幾抵食然後佢有啲掛面啊芝士意粉咁樣其實全部都好味好味仲有啲串燒其實都好抵食，不過啲串燒就略嫌有啲貴啦，都要幾廿蚊一條仲有得少少肉，所以呢其實最好嘅就係食多幾粒章魚燒再食埋個芝士意粉掛麵咁就非常之好！…查看更多

章魚小丸子🧆最緊要係新鮮熱辣🔥🔥🔥🔥，啱啱整起就係最好食😋😋不過唔係好多地方食到新鮮熱辣嘅章魚小丸子🥺，好多時都係整定，但係啲貨又去得唔夠快🐌，擺喺度等人買，最後變得唔新鮮🫣🫣🫣🫣🫣呢度嘅章魚小丸子因為比較多人買，流轉得較快，整完無耐就比人買走左，所以啲小丸子可以一路keep住新鮮熱辣章魚小丸子味道可以話係正常，但唔算特別好食，只係勝在係夠新鮮不過蛋黃醬麻麻地，好似煉奶…查看更多

天頭熱，想買杯沙冰飲，行過見到哩間日船章魚小丸子，有芒果味，於是買杯飲吓，原以為簡單不過交易，都出現小問題.芒果沙冰制成後，睇落D色水唔多對路，好似加咗奶，細問之吓原來真係加咗奶，可惜我受唔到奶，餐牌上只寫上芒果沙冰，而制作果位妹妹居然仲話沙冰一定有奶!慶幸收銀嘅姐姐明白事理，知道我唔受得奶，即刻幫口整過另一杯.咁好嘅服務當然會幫襯下次，而且沙冰芒果味夠濃，無偷工減料，價錢又唔係貴，所以必定會再嚟幫襯.…查看更多

講起小丸子，我一定諗到呢間，不過平時行過唔覺得有人買:(唔通佢變左味?! 🤔$28/份（6粒），呢個價錢真係算好抵食喇，其他鋪頭閒閒地都$30以上。工作人員會問要唔要wasabi，咁我緊係要啦～攻鼻又咸甜咸甜咁，先最好味俾左錢、唔駛等，即時有一盒。鋪滿木魚碎，仲有多到瀉嘅照燒汁同沙律醬＆wasabi 效果好澎湃 唔好以為係凍嘅，佢其實仲熱辣辣，我成粒食都好辣口成個口感係比較軟少少脆咁，包住爽脆嘅生菜同一粒頗大粒嘅章魚粒，係真係好好食我個人就好like喇 不過一人食晒6粒真係好飽肚，食到後面仲覺得太多醬添下次再買要叫佢少醬先得個人覺得呢度仲係咁好食，價錢又合理:)…查看更多

記得好多年前我都係排好耐隊先食到，隔數年之後經過見到，就想再試一試。$28蚊6粒呢個價錢以依家嘅物價黎講算係抵食，佢整定一盒盒放係度，所以唔洗等即刻有。章魚燒嘅外皮好淋，個人比較鍾意外脆內軟，蛋黃沙律醬又甜又鹹咁好好食，成粒最鍾意就係佢呢個醬😂…查看更多

重溫舊夢 日船章魚小丸子🐙以前曾經有一排好鍾意食日船既章魚小丸子，仲記得嗰時係好似喺惠康定百佳有攤檔擺，好方便。之後就越來越少見，而家應該得返一兩間，好在有一間喺旺角行開都會食下。今次再食番，啲感覺出返晒嚟，係個Wasabi比以前攻鼻。大致上都食返當年嘅味道🥹本身$26一盒， $35-37左右連杯野飲。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：7.5⭐️環境（10⭐️滿）：7.5⭐️賣相（10⭐️滿）：7.5⭐️味道（10⭐️滿）：9⭐️（感情分）價錢（10⭐️滿）：8⭐️服務（10⭐️滿）：7.5⭐️地點（10⭐️滿）：8⭐️［日船章魚小丸子 (旺角)］📍旺角花園街18-24號華園閣地下3號舖#食飯 #推介 #美食 #美食推薦 #美食日記 #外賣 #外賣自取 #takeaway #hkfoodpic #delicious #foodpics #foodies #topcitybiteshk #foodblog #hkblogger #foodhk #hkfoodshare #discoverhongkong #hkeat #eeeeeats #foodiegram #instagood #winsomelai…查看更多

而家香港好多小丸子嘅價錢都好貴，日 船 嘅價錢比較容易接受；加上味道都唔錯，每次食都係熱辣辣， 個醬汁好正！而家佢唔係嗰啲lum到爛 一pat嘢嗰啲～ 章魚都偏向大粒！不錯～環境方面，地理位置好方便，喺旺角市中心～如果將來可以喺其他地方都有分店會更好 唔洗專登過旺角買嚟食🤣🤣🤣$26/6粒 真心幾抵食…查看更多

一直幫襯開都幾好食但呢間舖頭新請返嚟嘅店員態度好唔掂加左價但應該好好培訓吓啲店員要配料話冇配料 仲要啲小丸子係整定嘅小丸子唔係熱辣辣嘅話其實唔會好食希望呢間舖頭好好改善…查看更多

食左幾年，早排以為佢頂唔順執左，點知今日經過旺角見到佢，原來搬左折刻買番盒小丸子支持下個外賣盒幾有心思，有一個個窿比啲小丸子散熱，唔怕擺耐左會有倒汗水今次叫左芥末醬小丸子，一共有六粒小丸子，章魚大小適中，芥末醬有小小辣，都係原咪啱我啲…查看更多

呢間經典港式章魚小丸子，真係每次經過都要食。就算唔會經過，都會揸車去買盒食😂多沙律醬小Wasabi多木魚碎呀唔該，啲女人真係好難服侍，叫盒章魚小丸子都咁多嘢。但係呢一個係最好食嘅組合，一定一定要咁樣叫😂😂😂 因為太多Wasabi會攻鼻，太少沙律醬又唔好食，最緊要係多d 木魚碎🤤🤤🤤仲要記住記住，買完要即刻打開個盒蓋，唔可以俾佢焗林，咁先keep 到佢外脆內軟。講起我又好想食啦！ ！ ！ 好想又買返盒黎食呀…查看更多

以前成日見到日船，而家唔係度度有加上好耐無食過章魚燒，咁啱行過日船就幫襯下先～叫咗一份六粒章魚燒🐙見好似有唔同味揀，最後都係揀咗基本款，照燒汁口味😂排隊比完錢後，店員就拎出一盒已整好咗嘅章魚燒再為我哋加醬店員十分快手，好快就整好比我哋醬汁方面，照燒汁同沙律醬落得好足，柴魚片亦落得好多，好味！😆而章魚丸本身非熱辣辣，但仍然不減佢嘅風味入面嘅餡料有椰菜同章魚，真材實料一盒六粒$24，價位適中，買嚟過下癮都不錯。…查看更多

🌄日船🛳呢間舖頭嘅章魚燒係整定嘅😗所以拎上手係微溫💥但佢好足料👍🏻面頭亦沾滿蛋黄醬 燒汁同木魚😆蛋黄醬雖然唔太濃 但勝在夠多🧈佢入面有幾粒章魚🦑有唔少椰菜🥗口感十足🤤但佢就冇其他款味🙈只係得原味～.回頭率💫： 🌕🌕🌕🌗🌑💰$24…查看更多