日牛涮涮鍋專門店 (已結業)

一向偏愛打邊爐及放題, 今日放假, 正好趁機約好友在沙田第一城的日牛涮涮鍋專門店吃午市放題。這間食店每逢周未周日都輪候人龍甚長, 但今天是平日, 無需輪候已可入座。由於是限時90 mins 的放題, 跟朋友都好快 order 了心水項目的午市肉類單碟套餐 + 自助區任食放題!  我選了日本霜降黑毛和牛, 果然油脂分佈平均, 只要在湯底中略為灼熟, 夾起來吃, 已有入口即溶之感湯底我選了辛口赤味噌湯, 只是輕微的辣, 跟味噌湯的微鹹放在一起, 異常獨特的一種味道。平時常點調味醬料的我, 今天無需點醬, 單靠湯底已是非常入味朋友則點了澳洲極上黑毛和牛, 朋友認為賣相不甚討好, 太多肥肉, 但吃落雖無霜降和牛入口即化之感, 仍可稱得上美味朋友選了鹽麴番茄雜菜湯作湯底, 她的評語是湯味濃郁, 值得一讚在圖左的傳統芝士年糕與圖右的紫薯年糕當中, 我選了較特別的紫薯年糕, 不嗜甜的我也覺得咬口有煙煙韌韌之感, 味道也不太甜，可以接受麵食方面有素麵, 蕎麥麵及烏冬類別, 個人覺得素麵較嫩滑順喉, 值得一試 自助任食區的一隅 想來吃的朋友記得要留意營業時間唷!六款特色湯底任君選擇午市放題之 Menu

第一城間日牛都算食過三四次，我地每次食日牛都係叫178，佢都話啲牛係瘦啲，咁我都ok 既，水準都可以話ok .. 但係今次真係要同佢講bye bye la今次同樣encore左兩次牛，第一次要6碟，好快就上台，第二次要左5碟，等左一陣都未黎.. 但係間舖我諗得四份一既客都唔知有冇... 叫佢跟一跟單，原來冇落到，都唔緊要上枱頭兩盒都好正常，第三盒開始我地就好疑惑，點解一盒牛肉有啲方向唔一致，入面有啲咁深色（深紅色）有啲咁淺色（粉紅色）淥一淥仲出奇，係白色既肉叫左個女仔過黎問佢... 佢第一句就話，因為哩塊係豬肉，係豬肉！！下... 點解一碟肉入面又有牛又有豬，係我地冇食太耐佢地改左咩？豬牛唔係都會分開放？由於放既方向又有啲唔一致，我地真係諗過勁似人地食淨倒埋一齊.. 佢話幫我問我師父，跟進下... 但係後面係乜都冇，唔好意思都冇句... 再講，其實我最欣賞既係佢既乳酪雪糕，但係琴晚我真係唔知自己食左杯咩？勁奶味既一杯野... 一啲乳酪味都冇... 真係 無下次....

星期日去一田SHOPPING，因為裝修，好多店都無左，有DD失望。揀左E間牛肉放題DINNER，6點半入座唔洗等，鴛鴦湯底又唔洗加錢，正！揀左特選牛（ ＄178），一入坐，店員已經搬三碟靚牛（見圖）+一碟豚肉上枱，切到好薄，一滾就熟，外面有任食蔬菜肉類，仲有汽水、檸茶、熱茶同軟雪糕。我地兩個人，食完三碟再三碟，三碟再三碟，出菜超快，轉頭就有，絶無黑面，重點係碟碟都係靚牛，抵讚！（有D店越出越差，但佢一直KEEP住靚牛肉）一個鐘已經食到好飽，最終食左15-17碟牛，滿足到爆炸。最後半個鐘食雪糕傾計都幾正。

放工唔想煮飯，係屋企附近行下⋯睇下有咩好野食啦，原來附近有一間食牛涮鍋放題，見佢價錢好平又任飲任飲就會一會你啦，親！身為牛魔王的我，愛好牛的程度好高！甫進店，裝潢不俗，但燈光較暗，可以叫有情調吧?!餐廳內有一自助吧，可自行挑選飲品、火鍋配料、甜品、熟食。令我驚訝的係，我黎食牛涮鍋，點解仲俾我攞牛肉丼？係咪玩野安排好座位後，原來日牛係一人一鍋！我地揀左最平個個套餐！同友人一起選配不同湯底，可以一次過試2隻味。我揀左個原味昆布，朋友揀左牛骨湯底原味昆布湯底：老實說，呢個價錢，要求唔會太高，味道好淡，但清清地都係一個唔錯的選擇牛骨湯底：牛味都濃，用黎淥牛好正跟住就到主角，牛牛牛牛質素一般，同平時係街市買的雪藏雪花牛差不多，係比較薄豬肉片都係中規中矩、雞件夠嫰飲品質素麻麻，係汽水機打氣的質素自助吧食物質素尚可唯一美中不足係店內燈光有問題，會眨下眨下

一言已敝之：  差食物差，服務差，飲品差全部不達水平，第一次來的牛肉質素都可以，但後加的全部都是較低品質，自助吧的食品全都是亷價貨品，生怕你吃多回本，飲品也只是汽水或茶，咖啡機存在，但不運作，員工服務態度惡劣，做服務業做到如此，命不久矣⋯⋯

今日lunch time同幾個同事去日牛烚下烚下星期一至四$99一位任食，而且買三送一😍👍🏼好抵依間餐廳提供六款湯選擇今次我就先試試胡椒和牛清湯😋😋如果鍾意辣辣地既一定要試吓依個湯底而且放咗一整條胡椒入去，非常香👍🏼👍🏼肉類方面，有豬牛雞選擇不過，佢每次比嘅牛有機會係唔同嘅部位Overall都係新鮮&嫩滑😋😋除咗肉類之外，亦有提供飯、汽水、茶仲有唔同嘅菜同丸可以自己任夾☺️雖然種類唔多，如果主力食肉嘅話，絕對冇問題食到最後，可以出去整個乳酪食下自己DIY😋😋👍🏼

今日約左舊老細食lunch順便同佢farewell 佢平日都喜歡食火鍋嘅 所以經幾個同事商議過後揀左日牛了 打去book位就話full只接受walk in所以around 1210 就出動囉位 去到等了3分鐘就可以入坐 平時門口企晒人等 今日算好好彩6個人一至決定食放題 $98 一位 還有promotion offer買三送一 一人一鍋每個都可以揀自己心水湯底 先揀選湯底 有多款選擇骨膠原雞湯 ， 鯤布清湯，胡椒和牛清湯， 辛口赤味噌湯，鹽麴蕃茄雜菜 壽喜燒(需加$10)連生雞蛋一隻 調味配料：柚子醋 帶柚子香味帶酸超開胃辣味蘿蔔蓉 帶點辛辣麻醬 醮牛肉最配碎蔥粒 蔥帶點微香連醬油無得輸醬油 係鯤布飲品同甜品乳酪任食 牛肉薄片薄得黎有牛味 脂肪分佈都適中 豬肉片係薄到透明 紋理清楚 比例剛剛ok不需滾太耐 嫩滑添 放題區 多種新鮮蔬菜 菇類 豆腐 丸類 烏冬 素面 粟米選擇物有所值 大家十分滿足添

平日放假如果想打邊爐都會揀去日牛好鬼抵＄98午市放題仲要冇限時食幾耐都得佢一開始會先比一兜雞一兜豬一兜牛你湯底有成六個可以揀我揀咗胡椒湯底湯底都做得唔錯好夠味出邊都有唔少菜同埋食物比大家揀飲品就主要都係汽水佢冇茶佢啲牛係最好食嘅所以encore得最多 芝麻醬個醬底都做得唔錯係係今年開始冇咗乳酪雪糕食改咗做朱古力雪糕係呢方面大打折扣左其餘嘅水準都係好平穩既你去叫佢哋添嘢食嗰陣時都會refill 得算快水準都好平均可以encore

午市放題12點鍾開始。無論你單點定係食肉類放題，所有蔬菜，丸類，面，飲品都係放題，而且平日12點食到4點無限時，非常抵食！但係12月1號開始已經無呢支歌仔唱喇。 平日要食肉類放題先無限時，如果只係單點，就限時90 分鐘我地揀左豚肉餐單點。湯底就揀左昆布湯同埋辛口味增湯昆布湯，清清地辛口味增湯兩個湯都幾咸，而且加湯唔加水，愈食會愈咸。而辛口味增湯唔會太辣，唔食得辣都可以試試。豚肉。 由於單點關係，每人只有一盒。 豚肉都幾新鮮，薄切，唔會太鞋，滾一滾就熟。其他自助區：丸類，面菜新既咖啡機同茶包，之前食都唔覺有乳酪雪糕同埋汽水機日牛最好就係一人一鍋唔使share丸類果d 都係拎貨，所以同平時食到既差唔多。日日都好多人黎d 食物都去得快，所以都算新鮮。最後食埋杯乳酪雪糕，正埋單加一每人70 幾蚊，同飲茶差唔多。 staff 服務唔係話好好，但都算ok.

本人於十月某天和家人上午到達該店 問題一 所有員工都帶有歧視內地人心態 因為我們點了兩個鍋後便去取食物 我家人取大部份是蔬菜 我大部份是丸類加肉類 但是我家人放了蔬菜後不久整個爐便沸騰起來 連爐具也失靈 我的爐具沒有問題 叫侍應幫忙沒有個人有反應 連旁邊的食客也說爐具有問題 但是分店經理走過來第一句說話不是慰問客人有冇燙傷 反而是直駡客人莫名其妙但是我從頭到尾都冇事 那麼是否員工有問題呢

今晚一行4大3小1工人姐姐去食晚飯，諗住叫埋同行工人一起坐方便照顧小孩，誰不知該店經理話所有人進入店內都要收錢，我已再三強調工人不會進食，但她堅持我工人要離開或收錢，難道我想舒服點食餐飯也不能嗎？我平時出面食buffet工人同行如不進食次次也會彈性處理也不需要收錢，你估我會cheap到偷偷叫我工人食嗎？真的㑄辱本人人格！

牛肉係E間鋪既一大敗筆~連係街市買既本地牛都不如..D牛肉太硬完全冇肥~接近100%瘦肉~想食牛真係唔好去...如果你想求其食下豬食下菜既都還可以既~湯底方面唔錯既~

之前有次嚟同阿妹食午市，單碟，諗住試下間野點係一人一鍋ge，但d配菜真係好少，食到好悶lor 仲要係d牛肉勁硬，好難食個湯底ok ge個位真係好細，攞啲嘢返嚟都好少位擺lor 唔抵食

一人一鍋，自己煮自己食。先點選主題牛或豬同湯底，自助吧自取配料…蔬菜，雜茹，雜丸，粉麵，款式種類多~牛肉片色澤鮮艷口感滑嫩，豬肉片薄薄的下鍋涮一涮已經食得，軟綿美味！放點菜，粟米，蘿蔔，脆肉瓜，整個湯底更鮮甜！只可惜牛豬只題供一份，未感滿足！但依個價錢黎講絕對超值！

返工前 同友人打個快快邊爐。日牛性價比不錯 又近公司 平干地揀個特選牛肉餐 埋單每人唔洗$90 抵。一人一鍋 唔洗爭。每次黎我都揀蕃茄湯底 唔會太酸 香香地唔錯。味精就點都有d 不過愈食愈咸就真。特選牛肉 薄薄一片 唔算好多 但勝在都有點牛肉味 淥幾秒即熟 快靚正。任食items都不錯的。丸類有四、五種 雜菜丸同菠菜魚蛋不錯 唔會成口粉。蔬菜類都幾多 有芽菜韮菜最開心。豆腐都好滑。手打烏冬必食。配蕃茄湯一流。推介～自助牛肉丼！珍珠米配洋蔥牛肉 任食。吉野家的翻版。都不俗。仲有汽水 乳酪雪糕任食 $90 仲想點。😎