日昇小食

營業中

休息中

勁厚嘅韭菜餅！土瓜灣勁方便黃店💛.土瓜灣多黃店就係人都知🫡今日嚟到呢間係區內外都頗有名氣嘅日昇小食，主打魚蛋燒賣等等小食，其中最出名嘅係塞爆韭菜嘅韭菜餅！.1️⃣韭菜餅（$18/3件）唔知係心理作用定點，我次次一買嘢食，後面好多時就會出現咗條人龍🤣一落咗單等5-10分鐘就有得攞。睇住佢即叫即炸，唔會話炸好晒擺喺度等夾入袋俾客，抵讚！一上手feel到熱辣辣，皮邊煎到金黃香脆soksok聲🥬皮薄之餘又唔會好易就拮爛，成件餅係紮實嘅感覺，有重量有希望🌟入面個餡係滿爆嘅韭菜（睇嚟廚房都割咗好多），仲有豬肉碎，比例大概係九比一。啲餡都充滿油香，不過就食到輕微嘅麵粉味。荃灣民x韭菜餅（藍）係扁餅，呢款就係厚餅，視乎唔同人鍾意咩口感，至少如果想食韭菜嘢又唔想成日食餃子又想幫襯良心小店都絕對有選擇🤭.性價比：🌕🌕🌕🌕🌖美味度：🌕🌕🌕🌕🌑獨特性：🌕🌕🌕🌖🌑.📍日昇小食 (土瓜灣)🫓土瓜灣馬頭圍道428號地下C舖

【土瓜灣名物平民小食 皮薄饀靚韮菜餅 】順便試埋呢間嘅韮菜餅 必試小食‼️ 呢間都韮菜餅同芫茜餅都有好多人推介，平民價錢高質素，鐘意韮菜嘅要試😋😋___ ___ ___ ___ ___ ___ ___ ✨韮菜餅 $18/3pcs 即叫即煎，新鮮熱辣辣上手，表面煎成完成金黃色，令人食慾大增🤤🤤 皮超薄又脆 ⚠️要小心一咬落去就爆汁，juicy😋可以見到係好足料，用嘅係韮菜段！ 而唔係攪碎嘅韮菜，真材實料，調味咸度剛好⚠️記得抹咀會有啲油

🇭🇰日昇小食·其實我地本身冇諗住做美食之旅嘅 係第一次去既時候茜麵無開 但係難得去到想食下附近啲小食 食下食下都食左好幾間😈不過因為而家喺條街度好難除口罩食嘢 所以我哋大部份都係外賣 影出嚟唔係好好睇🙊🤣🤣·韮菜餅$18/3件呢間我哋第一次去嘅時候佢已經賣晒 我仲覺得好可惜 係第二次去先終於買到😭佢入邊真係超多韮菜 好juicy 而且個外皮炸得好脆 真係唔錯 不過佢食到最尾就偏油少少 我自己覺得兩個人分3舊岩岩好🤣🤣·📍土瓜灣馬頭圍道428號地下C舖·

今日大食妹帶大家嚟到日昇小食食土瓜灣必食嘅韭菜餅, 睇吓係咪真係同傳聞中講嘅一樣咁好食<韭菜餅>一份三件, 皮薄餡多煎得好香口, 裏面爆多韭菜混合咗少少豬肉, 非常重口味我鍾意<忌廉蟹肉薯餅>淨係食韭菜餅又點夠喉, 加多一份忌廉蟹肉薯餅即叫即炸, 香脆十足, 味道唔算特別濃郁, 但幾creamy<自選兩餸麵>淨係食小食好似唔係好夠飽, 嗌多碗麵兩個人share兩餸揀咗魚肉春卷同魚皮餃, 面底就揀咗薯粉魚肉春卷幾大條, 口感彈牙, 味道唔錯魚皮餃普普通通薯粉超級入味, 酸酸辣辣好開胃

呢排夜晚冇得堂食,有時口痕唯有食下街小食外賣🤭而早排經土瓜灣就試左佢地區內好有名嘅-日昇韮菜餅🤤.🌟($16/3 件)開係土瓜灣,絕對唔會坐地起價,價錢非常親民,而且非常高汁! 外表炸至金黃色,皮薄,咬落去係會爆汁(小心辣親🥵)見(圖二)韮菜量係非常多🤤 一食即刻停唔到口,特別係依家天氣凍凍地咁食仲正,難怪見區內街坊係半打/一打打咁買返去..🌟($20/3件)韮菜餅外另一選擇🤤係我再訪日昇小食時試,果然冇令我失望👍🏻都係皮薄多汁,啱哂各位‘茜’友🤟🏻.除左韮菜餅/芫茜餅外其實仲有好多小食,價廉物美,如果經過土瓜灣不妨一試👍🏻😋

土瓜灣黎講，呢間都算係好出名，有賣啲唔同既小食，每次經過都總會有一兩個人買緊，今次經過見到有芫荽餅，俾佢吸引左🤣默默地拎張廿蚊紙出嚟💸。🐒芫荽餅💰$20*3本身以為係大塊啲，但原來係細細塊既，好足料，芫荽控唔會失望，不過因為係半煎炸，有心理準備都幾油。另外我覺得入面中間位唔係太夠熱，如果再熱啲就應該會好正😋另外都有試韮菜味，不過就普普通通，值得一讚嘅係佢嘅料好足，同埋好juicy，$20有三舊來講算係咁

土瓜灣最好小食店！夜晚依然在覓食既我選擇落巴士後光顧這間小食店，這間小食店時常獲土瓜灣街坊力推。店員有兩個，我叫了一碗重慶酸辣粉，$36/碗加兩餸和一包紙包飲品。我叫了墨魚春卷和芝士腸作為配料，湯底小辣。其實這間重慶酸辣粉不算正宗，略嫌沒有麻的口感，亦不夠酸味，不是傳統川味味道。整體來講都是好味，夠辣，配料墨魚春卷好味，浸過湯後更為入味。芝士腸和粉條則不過不失，正正常常。下次還是會繼續光顧，宵夜之選。

🥟韮菜餃 • 🥟芫荽餃💰$16 (3件) • 💰$20 (3件)😈平時成日想經過就買日昇小食既韮菜餃🥟我今日接🐻收工就去買個🥟點知見到佢岀左芫荽餃😍我地都係茜人所以我就各買三件返去試下🤤不過好多人叫所以都要等多一陣😝一拎上手真係好香我地快快手揸🚗返屋企都仲係少少微暖💛但係一打開我地已經分唔到佢邊個係韮菜邊個係芫荽😂但食落就會知🥬想講下佢個皮真係做得好薄身但入面佢個餡係超爆餡同好足料😝食落仲勁香芫荽韮菜味🥟佢係用煎既方式去整呢個餃子🥟煎到好香口但咁多餡又唔會爆🤤建議大家要早少少黎買因為下午就會好快賣哂😢我見啲人都係大量咁買

今日黎到土瓜灣staycation見到呢間小食店就叫左幾樣野試下炸魚腐$12/3粒，係凍肉店買反黎的，普通d花枝粒$15/細份，大份就$22，感覺好似真係食緊魷魚腳禁呢個好味，後悔冇叫到大份黎食！最後個韭菜盒$16/3個，外面脆卜卜，裹面有濃濃的韭菜味，如果佢係裹面加少少肉，應該會更加好味，不過整體和個價錢都算唔錯。今次的vip我會比花枝粒，因為好似係大排擋食緊新鮮的炸魷魚禁！正下次如果有機會經過土瓜灣我諗我都會再光顧

話說屋企人買咗盒韭菜餅返嚟平時食譚佬都會走芽菜韭菜嘅我諗住咬一啖試吓點知停唔到口😂真係好好食🌟佢韭菜唔會有嗰種我最唔鍾意嘅草青味同埋好好好好好足料👍🏽價錢仲要好平 $16/3件

芫茜餅Price：$20 / 3 pcs📌繼馳名既韭菜餅之後，又新推出咗芫茜餅，作為一個稱職既芫茜黨黨員經過開梗係要試下🤪Order即叫即做，等大約10mins左右⏱芫茜餅熱辣辣，好足料撐到個餅漲卜卜🥳芫茜味好出眾，食哂3個都幾濟，成個口都係芫茜味好滿足🤤

-炸花枝粒 無影相簡單啲講炸魷魚 新鮮有咬口 唔係梅身個個粉漿做得夠薄身 但又唔會炸到甩哂粉上粉依一部份無返咁上下技巧炸出嚟會甩皮甩骨-鹽酥雞粒 都係無影相雞肉唔會太乾唔會炸得乾身-芫荽餅＋韭菜餅香口，皮薄，餡料比例幾好正正因為有啲肥膏粒所以個餅唔會鞋烚烚 咬落有汁

如果想食香口既小食，去日昇小食就一定冇錯。坐落響馬頭圍道，日昇既店面毫不起眼，亦都冇華麗既裝修，係一間樸樸實實既街坊小店。小食黎講，選擇都唔少，而且好味質素好，價錢又相宜。有招牌既韮菜餅($16 三件)，有芫茜餅($20 三件)，亦都有其他小食，好似魚蛋燒賣，炸花支粒，腸粉，雞翼尖，仲有有辣有唔辣既兩餸麵餐(都只係三十幾蚊)。今日因為唔係好肚餓，就買左芫茜餅同大既炸花支。炸花支係我時時都幫襯既小食，鍾意佢啖啖肉得黎炸得香口又唔油，$22蚊大大包，一食就食唔停口。芫茜餅有三件，充料又炸到脹卜卜，一個人清晒係有D多，但又忍唔住會叫。

喺關注組見唔少人討論過芫荽餅，所以唔順路都特登走咗過嚟買。去到睇睇，原來小食都有唔少選擇，有炸燒賣，韭菜餅，鹽酥雞等等。最後自己揀咗個酸辣粉，再試吓個芫荽餅。不過因為係買外賣，隔左成30分鐘先真正坐低食，酸辣粉已經太林🤣酸辣粉份量都唔少，同其他地方一樣，都係配左榨菜同埋肉碎，我自己就加咗魚肉同魚皮餃兩個餸，揀咗小辣。芫荽餅$20三個，都幾足料，脹卜卜，不過可能始終放耐左少少，所以標咗少少油。最後自己到咗啲醋黎點，個味道都幾正

📍日昇小食 (土瓜灣)土瓜灣馬頭圍道428號地下C舖芫荽餅😋$20/3件土瓜灣必食名店👏🏻平時我都食開佢地個韮菜餅😄咁啱今日又經過，竟然遇上佢哋最近推出嘅芫荽餅🍀我呢個芫荽黨黨員當然衝去試吓🥸由於即叫即煮，所以都要預返10分鐘左右先有貨☺️新鮮熱辣辣🤗件件都好飽滿😎芫荽味都算幾出😜整體都算OK🤗芫荽控可以一試嘅🙂但係同馳名嘅韮菜餅相比😆我都會揀返韮菜餅食🤣注意：疫情期間，無堂食🙂