日常小館

營業中

休息中

店面小小，但有種歐陸寫意的感覺，可以留意到即使餐點精美，份量依然十足。吉列豬扒蛋包飯(日式咖哩汁) ♥♥♥♥ (自選日式咖哩汁/意式茄蓉汁/白菌忌廉)最值我留意就是內有芝士、可以拉絲的滑蛋，嫩滑之餘蛋味香濃，隱約好像有點奶味。豬扒炸得夠脆也不柴，但炸粉有點厚，估計是買現成的。可惜汁略嫌不足夠吃完整個飯，而配菜除了甜洋蔥和軟軟的紅蘿蔔就沒有了。甘筍忌廉湯(附香草多士) ♥♥♥♥ (升級優惠+$15可配日常餐湯/沙律)沒想到還會跟個包，不過認不出是什麼香料。平時多士只有烘底，但這塊外面脆裡面鬆軟。湯有點開得不夠好，有點一舊舊粉(?)整體都好creamy，只留甘荀的甜味不會"腥"。香煎西冷牛扒配燒汁伴薯菜 (週末早午餐D)見很多人都點這個餐，也有加飯的。試了口牛扒，外表煎得焦香但軟身，猜大概有5-6成熟。

七點幾去到已經坐滿人，老闆好nice，叫我地留個名先去附近行下，返嚟就有位坐。雖然店仔細細，但座位舒服。餐前有南瓜濃湯和餐包，南瓜濃湯金黃香濃，因為太肚餓一上菜就起匙，冇影到相🙈北海道帶子蟹肉蝦汁拌意大利飯帶子煎得都唔錯，唔會韌。每一口意大利飯都有濃濃的蝦汁和雪白的蟹肉纖維，又有濃厚的芝士味鋪墊，味道豐富又有層次感，適合喜愛濃味的朋友。特別鍾意佢用木製拖板放牛扒，切嘅時候唔會有切到瓷碟刺耳的聲音。男朋友叫左七成熟，不過佢話熟咗少少，但味道唔錯。蜂蜜香梨 & 柚子蜜蜂蜜香梨非常解膩，特別適合夏天飲。

第一次去這間餐廳吃東西，雖然環境很狹窄，不過心想如果食物不錯也沒所謂了，但是後來服務員的態度十分差，多次叫他也完全不理會，是看到又故意不理會！再叫多幾次，佢就用不屑既語氣講：等等啦！體驗非常差，所以以後不會再來！其實我覺得無論是任何行業都好，好的服務態度是十分重要和很基本的。忽略了這一點，就會慢慢流失了很多客戶 這個不是即是看得到的結果，但是慢慢就會發覺越來越少客戶，以我為例，來過一次感受到這種態度，以後便不會再來

晚上阿媽唔煮飯所以我就自己一個就落咗街搵食但係又唔想食好普通茶餐廳嘅晚飯知道屋企樓下開咗間小型西式餐廳，就諗住自己一個落去食，驟眼睇舖面完全係唔起眼嘅一間餐廳仔，但係入到去之後你會發現餐廳內裝修具有北歐風情，餐廳內嘅佈置食具碗碟都以北歐的風格內呈現雖則是小店餐桌並不多，但係晚市都有好多人在門外等候，可能我係一個人嘅關係等候時間都並不長就可以入座餐牌上菜式極具有高級餐廳的水準，有西餐之餘還有日式餐感覺上好多元化適合每一位客人嘅口味鍾情牛扒嘅我就點咗紐西蘭西冷扒配薯菜，晚市套餐會附送日常沙律或者日常餐湯和一杯熱飲小木板襯上小鐵兜，盛載是日餐湯忌廉湯，忌廉細滑creamy還有一塊小多士可以點綴牛扒嚟到嘅時候同樣係用一個木製板托上並非一般西餐廳所用瓷器白碟，這樣令客人望落美觀又覺得餐廳很用心製作每一道菜式！紐西蘭牛扒我order了medium 肉質好嫩滑呈嫩粉紅有濃郁牛肉味，樹菜方面有幾粒焗薯迷你露筍和甘筍，醬汁方面選擇咗黑椒汁提升牛排嘅肉味

之前已經食過一次覺得唔錯,weekend為左犒賞自己又嚟多一次🥰🥰🥰粟米湯粟米湯有驚艷到我,係真係磨碎粟米後煮既湯,唔係平時d粟米忌廉湯咁🤣另外,個麵包都有加香草,好香～牛油蘑菇鐘意大大粒既蘑菇,咬落去十分juicy,口腔充滿牛油味蟹肉帶子意大利飯之前自己試過整risotto,知道唔容易整得好味,呢道risotto 飯粒唔會淋又吸左醬汁既味道,加上新鮮帶子一流！鵝肝蘑菇意粉意粉煮得啱啱好,又有原隻鵝肝既加持,掂！酥皮三文魚一開始叫呢道菜都係貪過癮,覺得自己係屋企應該整唔出🙈雖然無其他兩道主菜咁正,不過三文魚唔會乾,伴碟既薯菜亦落足心機去整朱古力雖然店面唔大,但每道菜都感到廚師既用心,實在係小西灣既hidden gem,期待下次到訪試其他新菜式🥴

係美食沙漠既小西灣，竟然有間高質素既西餐廳 對係附近返工既人黎講係件好美好既事。同同事食過幾次，叫過牛排意粉、同日式咖哩炸豬排蛋包飯，全部都好滿意今次lunch試新野，叫左石班三文魚捲配薯菜上碟食材烹調lunch set $50-70左右，包一杯飲品，佢既咖啡都唔錯架☕仲可以加錢叫沙拉同餐湯老闆係高級餐廳做過㕑師，食物抵食又有高級餐廳既水準，上菜等位都唔算耐，大家下次經過小西灣呢個天涯海角可以黎試一試佢

在小西灣，平價小館比較多，但這間西餐廳的食物質素可以媲美高級餐廳，而價錢卻10分便宜。我最喜歡吃這間西餐廳的意大利飯，他會按時更新意大利飯的款式，早前我吃過南瓜雞肉意大利飯，蟹子蝦仁意大利飯，而今天我就吃了北海道帶子意大利飯：每一口都嘗到帶子的鮮甜，飯粒充滿忌廉香味，加上木魚，口感真是10分好。我早前在長沙灣吃了味道不如他的意大利飯，花了$125 ，而在這間餐廳的意大利飯只需要$62。

聽聞這間小店的西餐做得不錯，但座位很少，祗得10多個座位，今天放假特意到來吃個brunch ,香煎牛扒配黑椒汁薯菜，牛扒半熟，味道醃得不錯，不靱，有肉汁，兩面微燶👍，薯菜也不馬虎，爽甜，配埋個沙律，好滿足啊😋

成日都會經過呢間餐廳，但從來都未試過入去食過，今日放假見得閒就即管試吓佢嘅下午茶，睇吓係咪同傳聞所講咁高質素一入到去見到其實位置唔太多，只有幾張枱，但職員都會好貼心安排你入座，之後遞上餐牌。餐牌上面下午茶嘅款式唔多，大約有五至六個，最後我選擇左個熱狗餐🌭️黎食，飲mocca，唔使再另外加錢叫完之後職員會話飲品食物嚟到之後再上，好貼心等左大約15分鐘熱狗就送上嚟，擺盤好精美，個熱狗都幾大個，仲有唔少配菜，條腸睇得出應該係自家製造，食落去同出面嘅味道唔同，好有肉汁，再加埋佢自家製嘅醬，食落去好好味。跟住嚟咗杯野，都幾大杯，飲落好有咖啡同朱古力味，飲完即刻精神晒，係一個好滿足嘅下午茶

話說老公今日帶左我去小西灣一間裝修簡單、店鋪細少（約得十多個座位）的一間小店。雖然店鋪細細，但差不多坐滿人，相信食物應該唔錯。見到佢個餐牌介紹咖喱蛋包飯個賣相好似幾好，所以叫左個蛋包飯一試，不過價錢唔算平，約$50-$60一個餐，野飲另計。個蛋包飯確實唔錯，咖哩汁唔算辣而係甜甜地，蛋好厚身，而且好滑好軟、仲有少少芝士，好味好味👍🏻。至於隻炸蝦個粉漿都好薄，食落唔會覺得好厚粉。整體味道都唔錯唔錯，不過略嫌個份量少左D，冇咩配菜，食完有少少唔喉。

今日喺小西灣做野，有同事介紹去日常小館食蛋包飯，仲要咖哩汁，雖然呢位同事成日都伏人，唔太可信，但係我都姑且一試。去到門口，店很少，大約16個座位，心諗都應該又中伏，打開menu，$50-$60一個lunch，雖然唔貴，但都貴過茶記，頓時覺得佢又係好介紹。咁一場嚟到，就叫一份咖哩雞蛋包飯試試，先試下蛋，入口即刻對果位同事改觀，堅係正，蛋好軟熟，又唔會太生，最重要係有芝士拉絲，配埋咖哩汁，yes for me。雞粒都炸香口，飯都係粒粒珍珠米，果然係正，呢個價錢係抵食啦。 小西灣驚喜，都非日常小館莫屬。

食物質素不錯，但小店經營的服務員態度應更親切，又不是午餐繁忙時間，為何服務員好似別人爭佢幾佰萬咁？難道是老闆？真心覺得就算食物再好食都好，服務員態度其實都好重要的。

去左友人屋企玩，佢話帶我去食間好好食嘅蛋包飯。個人黎講冇話鍾情蛋包飯，佢話好食即管試下。叫左個lunch set係咖哩吉列豬扒蛋包飯，仲有其他汁揀：茄汁同蘑菇汁。第一次食唔敢搏，叫左最穩陣嘅咖哩汁。等左一陣，熱辣辣嘅蛋包飯終於登場。第一啖即試個蛋，一食即刻喺個心入面嘩嘩聲，好好食呀！個蛋好嫩，又彈牙，仲有芝士拉絲，真心正。個吉列豬扒外脆內嫩，都好好食。第一次食咁好食嘅蛋包飯，話說幾年前喺台灣食過算係幾出名嘅蛋包飯，個蛋好老，食到驚左。但今次一雪前恥，令我對蛋包飯改觀！

It was Friday at 12:00, they had just opened so I was immediately seated.I ordered the Omurice with the fried pork chop.It arrived about 5 minutes later.Omurice with fried pork: It was nicely presented and a huge portion. The egg and cheese was still very creamy on the inside which was amazing. The Japanese curry, was actually bland in flavor and the portion compared to the other parts of the dish was a little small which really hurt the overall dish as it made it dry. The pork chop was done bea

小西灣一個彈丸之地，實在沒有太多高質素的選擇。大部份不是領展的連鎖餐廳，就是街坊經營的小店，因此質素偏低，而且質素參差唯獨日常小館屬於別樹一格，鶴立雞群的一間食肆之所以叫小館，因為全店只能大約坐10個人所以大部份嘅時候，都係滿座，需要排隊輪候入座可以令到香港人排隊，可見質素一定有保證日常小館頗注重食物細節，小如一個餐湯，都用特色餐盆送上。當然味道極佳，濃郁滑溜，冬天恩物吉列豬扒蛋包飯，咖喱偏甜，配菜略小不過吉列豬扒炸得非常出色，粉漿極薄，新鮮熱辣仍有彈性及肉汁雞蛋就略嫌缺少鹽巴同時叫了一個牛肉漢堡及炸薯條，炸薯條又是非常有心思，最適合打卡人士。牛肉漢堡用料極足，牛肉有極濃焦香味，但卻沒有常見的燒燶苦味口感整體而言，$50-$70食到這種心思同質素，絕對超值，同級質素在觀塘區價位大約徘徊$80-$90不過就不要期待可以在日常小館坐得好舒服或坐得耐