日山 (合和商場)

營業中

休息中

東京米芝蓮一星名店「日山」進駐灣仔合和商場✨灣仔新店重現⽇⼭東京⽇本橋百年老店嘅獨特魅⼒，沿途有唔少打卡位，更設有特色獨立包廂房😍「鶴」房陳列東京總店各樣珍貴原裝百年古董，而「秘」房設有獨立吧台，由主廚喺客⼈⾯前即席烹調，近距離享受美食體驗❤️✨ 日山 · 和牛料理✧ 前菜5點、日本米飯、漬物、味噌湯及甜品 ✧❀ 前菜 🥢先上5款前菜：梅酒啫喱、枝豆、時雨煮和牛、千切大根配蜆肉及蟹肉茶碗蒸😍 每款都別具特色及心思，最鍾意酸甜開胃嘅梅酒啫哩及香滑鮮甜嘅茶碗蒸❀ 壽喜燒 A5和牛嚴選部位2片｜野菜盛 🐮席前即席烹調壽喜燒✨ 揀選了西冷部位，油花分佈均勻，肉質柔嫩多汁且重油脂香👅 和牛吸收醬汁嘅香甜，搭配豆腐、冬菇等蔬菜，濃郁入味，令整體味道更豐富🥰❀ A5 和牛三品盛合｜和牛清湯 🐮和牛三品分別係炙燒西冷、簿燒肩胛、慢煮腰脊，可以一次過品嘗唔同和牛部位❤️ 簿燒肩胛係冷盤，配以酸汁沙律清爽又開胃✨ 炙燒西冷外焦內嫩，入口油香滿溢，而慢煮腰脊整得非常軟腍，充滿肉汁👍🏻 旁邊嘅和牛清湯湯頭鮮美，每啖都有陣陣肉香，濃而不膩～❀ 柚子雪糕 🍨❀ Green Tea Fizz 🍹❀ Summer Pas

同朋友慶生去咗日山位於灣仔合和嘅新店。餐廳入面嘅裝潢都非常有特色，除咗大廳係以「村上美術館」為概念，擺滿唔同風格嘅畫作，包廂嘅房間亦各有特色。好似「鶴」房就擺放咗由東京總店運過嚟嘅屏風同畫等珍貴原裝百年古董。而另一間需要預先預約嘅「秘」房就設有獨立omakase吧台，師傅會喺客人面前即席烹調，可以近距離欣賞到師傅嘅手勢。我哋分別叫咗七道菜嘅「松」($1298)同六道菜嘅「竹」($998)兩款套餐，套餐除咗有主打嘅A5和牛壽喜燒，仲有前菜、刺身/壽司、蒸物/溫物、飯/烏冬、甘味等嘢食，非常豐富。前菜「松」嘅季節前菜有四款，「竹」就有三款，每款都睇得出用咗好多心思配搭炮製，好似係清涼開胃嘅梅酒jelly 同沖繩水雲，用高湯焯過爽彈鮮甜嘅白梅貝、煙燻八爪魚刺身、黑松露和牛肉碎脆波波同鹹香Parma Ham芝士卷。刺身/壽司「松」嘅刺身三品盛有爽口甘香嘅兵庫縣黃金武士生蠔、幼滑鮮甜北海道海膽同吞拿魚。而「竹」就有三件唔同部位嘅和牛壽司，鵝肝A5和牛壽司用嘅係低溫烤焗嘅牛肩胛，肉味香濃，加埋火炙過嘅鵝肝，牛同鵝肝嘅油脂融合埋一齊，油香飽滿。海膽A5和牛散壽司用咗切成細粒嘅和牛西冷配搭creamy

今次同朋友聚會，放工之後一齊去日山食壽喜燒🍴壽喜燒嘅食材超級講究👍🏻有證書的和牛油花分布平均，和牛入口即溶😋鹹甜適中的醬汁配搭埋不同的配料令到整體的風味更加豐富🤤而且每道菜品嘅擺盤都十分精緻😍特色嘅甜品都係不可以錯過，清新爽口為整餐飯畫上一個完美嘅句號🥳特別值得一提呢度有獨立的房間😌今次我哋喺鶴房入面聚餐🦩環境安靜舒適又私密，而且配搭咗日式擺設🐅令我哋可以喺度無所詳談，絕對係聚會嘅好地方😚

與太太在結婚紀念日這天，我們選擇了灣仔合和商場新開幕的「日山」慶祝。這家來自東京、連續十年獲得米芝蓮一星榮譽的壽喜燒名店，在香港的第二家分店完美重現了日本橋百年老店的精髓。我們預訂了「松」套餐（每位$1,298），從前菜到甜品共七道菜式，每一道都展現出對和牛料理的極致追求。環境與服務：穿越時空的日式美學踏入餐廳前，先經過一條模仿東京淺草鷲神社的隱蔽小路，擺放著象徵好運的巨型吉祥熊手，讓我們瞬間有種置身日本的錯覺。餐廳內部以「村上美術館」為概念，處處可見藝術畫作，而我們被安排的包廂「鶴」房更是驚艷—陳列著從東京總店空運而來的百年古董，包括原裝漆面大餐桌、和風玻璃球吊燈等，細節處盡顯大正年代的風雅。服務員身著和服，以日式跪式服務細心講解每道菜，專業而不過度打擾，完美體現了日式「おもてなし」（款待）精神。「松」套餐：一場和牛的味覺交響曲前菜四點開場便令人驚喜：蕃茄啫喱酸甜開胃，煮鮟鱇魚肝軟嫩入味，蜆肉清爽鮮甜，而炸芝麻酥更是香脆惹味，讓太太讚不絕口。刺身三品盛北海道海膽濃郁甘甜，入口即化；兵庫縣黃金武士生蠔爽脆帶礦物香氣；吞拿魚中腹油脂豐潤，每一片都展現了對食材的嚴選—後來才知這裡的和牛與海

之前都有食過尖沙咀分店，灣仔分店呢間感覺好唔同，好有懷舊日本風～今次仲book到包廂房，同朋友慶祝生日夠晒private，最緊要係唔怕嘈到人😂經理仲話其實兩三個人都可以安排我哋坐包廂，所以諗住下次再帶阿爸阿媽嚟食多次坐細房房入面嘅裝修都好有儀式感，一入房就比盞古式日本吊燈吸引住今次叫咗竹set，其實食物方面因為之前食過尖沙咀店都係咁上下預期之中🤣不過因為包廂關係，staff介紹啲嘢食個陣可以問得清楚啲同埋任我哋影相影到夠先開始燒牛😂😂😂我覺得2塊呢個份量真係好夠，因為餐廳經理介紹塊牛係必須要跟日本日山規定厚度咁樣切出嚟，所以超級大塊，而且前面已經食咗前菜啊溫物啊壽司，再食2塊牛加野菜其實我已經好飽😂所以最後個雪芭真係可以為味蕾refresh一下，超清新，食完成個set真係好滿足🥰呢間分店好啱朋友gathering食，因為包廂呢個特點真係好啱一group人～下次再有咩gathering都可以考慮再食過🤣

最近同朋友揀餐廳慶生，發現日山喺合和酒店開咗分店，仲有包廂俾我哋傾計，感覺好有私人空間，唔似平時啲餐廳咁嘈，真係好正！🥰入到去發現原來係成間餐廳都係房既設計 好有型喎 😍😍我唔算好大食，就叫咗梅套餐，朋友就揀咗竹套餐。梅套餐包括前菜、逸品、壽喜燒牛配飯或烏冬、甜品，飯同烏冬仲可以無限加添，啱晒我呢啲又想食飯又想食烏冬嘅人。烏冬仲有凍熱兩款選擇，真係好貼心！😋逸品入面嘅慢煮A5和牛頰肉味道超入味，令人印象深刻。重點嚟啦，當店員送和牛上嚟嗰陣，已經震撼到我哋！梅套餐嘅A5和牛肩胛同竹套餐嘅和牛西冷，雪花分佈均勻，店員仲好有心機拎埋證書俾我哋睇，令我哋對質素好有信心。😂😂店員幫我哋煮得非常專業，仲問我哋想食幾熟，過程中已經令我流曬口水！見到佢將牛肉同啲菜菇舖得咁靚，已經覺得勁好味，牛香味勁重，忍唔住影咗好多相，但又驚凍咗會影響味道！最誇張係連啲菜同菇都好甜好入味😂本身食烏冬已經好正，見到朋友食飯又好似食得好滋味，於是我都加咗飯，份量剛剛好，超滿足！🍚最後嘅甜品係水果雪芭，粉紅色嘅其實係菠蘿，味道清新，完全冇令我失望，完美解膩，為成餐飯畫上完美句號。🥳🥳總結嚟講，喺香港都可以食到有日本水準嘅料

星期五收工約咗一班朋友收工聚會，順便來個小酌談心！朋友介紹我哋去灣仔合和酒店新開的日山，佢本身都好多間私人房用黎食飯，不過我哋人數多所以店員預留一間和式懷舊風十足的房間，塌塌米座位、吊燈及傢俬都係日本空運過嚟，好打卡，坐得幾舒服，私隱度夠高！今次試咗梅同竹套餐，包括前菜、溫物、壽司、壽喜燒及甜品。喺開始之前我們點了清酒，仲可以自選清酒杯及筷子。前菜一共三款，八爪魚漬、水松及巴馬火腿芝士。壽司亦有三款，鵝肝A5和牛壽司、海膽A5和牛壽司及魚子醬牛肉卷。壽司飯size適中，味道有驚喜！最令我印象深刻就係壽喜燒，選用熊本黑毛和牛「和王」，西冷肉質粉嫩，仲有埋證書，而且有專人烹調！和牛入口淡淡油香，牛味濃郁！壽喜燒亦可以配白飯或冷熱稻庭烏冬。中，人夠多自然可以試晒飯同烏冬。食完和牛，職員會烹煮野菜，野菜掛滿牛肉及壽喜燒汁精華，味道濃郁，好好味！食到好滿足，餐廳好貼心送上解膩甜品 - 水蜜桃雪芭及粉紅色菠蘿，味道酸甜清新！最後嚟個驚喜生日蛋糕作晚餐總結。整體味道、服務好好，店員耐心介紹清酒種類及和牛，而且環境適應，好適合一班朋友去！

朋友話日山喺灣仔合和開咗新店，仲話有靚房可以book，我哋成班嘈嘈貢梗係二話不說話要去試，果然冇令我地失望。餐廳就好似一間美術館咁擺滿藝術作品，打卡一流。我哋book咗ge「鶴」房個設計係將日本本店還原到香港，所有傢俬都係從日本空運到港，氣氛感滿滿 ！我哋一行8人一半叫咗「梅」套餐 ($798)，另一半叫咗「竹」套餐 ($998)，套餐除咗有主打嘅A5和牛壽喜燒，仲有前菜、溫物、飯/烏冬、甘味，而「竹」套餐仲有壽司，非常豐富。我哋仲另外嗌咗一枝日山清酒，注重儀式感ge最開心就係有得揀清酒杯同埋筷子ge環節。前菜：兩個套餐都有3款 - 煙燻八爪魚、微酸沖繩水雲、鹹香Parma Ham芝士卷，開咗個準備食A5和牛ge胃口！溫物：「梅」套餐係慢煮A5牛頰肉，「竹」套餐係鮑魚、車海老、青海苔；慢煮A5牛頰肉醬汁濃郁，個人偏好牛肉多一點。「竹」套餐仲有三款壽司，食完令我更期待壽喜燒！壽喜燒：「梅」套餐係肩胛部位，「竹」套餐係西冷部位，我好慶幸兩款套餐都嗌咗，因為好食到做唔到選擇！配夢美人白飯一流！配菜跟埋個汁都好出色。最後朋友為我送上埋生日驚喜，除咗有自己準備ge蛋糕，仲有寫咗祝福ge甘味，開心

雖有米芝薘一星光環，但侍客之道令人舒服，不硬銷，不冷面，亦不過度殷勤，服務態度以客為先。分別點了松、竹兩個套餐，侍應主動問是否二人分享，並無白眼。主菜和牛質量、烹調都恰到好處，其他烹物、魚生令人滿意。海膽温度適中，入口即溶。連食具都很別緻，尤其喜歡那隻銀白瓷碟，清雅亮麗，與彩色竹筷成絕配，賞心悅目。特別推介和牛配冷烏冬，那碗高湯令和牛的豐膩濃厚轉化為清辛爽潤，令味蕾打轉，不容錯過。很滿意的一頓晚飯。

試吓合和新場，從商場去很穩閉，入口走廊怪怪，從四樓平台入去又日曬雨淋！食咗拉麵，冇味，湯底如水，麪身也差，角切魚生飯都只係平價幾粒，午餐價錢也一點不平！但員工落力反應好，裝修有快歺店味道，配不上專賣和牛格局！

呢間灣仔日山真係正到爆燈！佢哋嘅A5和牛壽喜燒，啲肉靚到癲，雪花均勻，入口即溶，加埋啲新鮮蔬菜一齊煮，個湯甜到不得了😋前菜三款精緻又開胃，鮑魚同車海老鮮味十足，爽口彈牙！最正一定係個壽司三點盛，鵝肝和牛握壽司濃郁香滑，海膽散壽司鮮甜到震，魚子醬和牛卷奢華到爆，每啖都幸福到暈😝😝最後可以揀日本米飯配清湯，或者稻庭烏冬，清清哋又夠滿足！😍呢間餐廳環境好有格調，日式裝修低調得嚟好有品味，服務又細心。真心值回票價，和牛愛好者一定要嚟試吓！A5和牛壽喜燒油花細膩，入口即化，令人回味無窮。前菜三品精緻開胃，鮑魚與車海老溫物鮮美彈牙。環境非常好，竹木裝潢充滿和風禪意，服務細緻。每位$998物有所值，是頂級和牛愛好者的必訪之選！💯💯💯

黎間分店提供全包厢制嘅用餐體驗，每間房都獨立且裝潢典雅，帶有一絲傳統日式嘅歲月感。勁適合dating或者聚會✨有staff全程負責煮食，完全懶人福音！前菜包括左章魚、海藻同Ham卷芝士，十分開胃🤩令人食慾大開！一共兩片A5和牛，包括西冷和肉眼，我哋揀左5成熟🥩肉質鮮嫩，staff煮到啱啱好👍🏻入口即化，配搭主食烏冬勁滿足😙最後以清新的甜品作結，西柚巴菲搭配清爽的水果，口感滑順，畫下完美句號～整體黎講，無論係服務、環境同味道都非常值得再次光臨！🌟🍴

之前食過尖沙咀嗰間，今日試吓灣仔新開嗰間，位置有點難搵，裝修跟尖沙咀有點不同，比較新潮，侍應服務很好，有親切感，不過每張枱距離比較近，感覺不太好，壽喜燒食物質素保持良好，總括來說，今天的用餐體驗不錯。

被全房型設計吸引😙 每間房門口都有佢嘅名，今晚食嘅係「鶴」房，聽完店員介紹先知原來係百年房🫣 神還原日本! 都唔知原來咁有歷史價值👍🏻 呢度全房型設計好啱我同啲朋友嚟💯 食飯傾偈一流!! 唔使怕影響到人😙 啲牛係國寶級牛💖 入口即溶，真係同我喺日本食嘅一模一樣，唔使飛就有呢個享受⭐️ 啲staff 態度好好，好俾心機介紹嘢食🫣 喺香港飲食業好重要….！ 不過最驚喜嘅竟然唔係啲嘢食，我覺得係成個環境好舒服坐得，見到好多嘢都係日本空運到港，感覺有種半去旅行感覺…. 連住個商場去又方便又方便，我覺得除咗同朋友帶屋企人都好適合!!! 會再嚟幫襯🥹🥹

襯住朋友生日先有藉口去灣仔合和商場嘅日山試一試一入到間房 就已經比日式懷舊的裝修包圍住未開始食飯之前仲比我地自己揀左自己中意嘅筷子同Sake杯 滿滿嘅情緒價值🤣因為好想食壽司所以我叫左「竹」套餐 價值$998個set 包左前菜+溫物+壽司+壽喜燒牛+飯/烏冬+甜品 前菜+溫物份量都比我想像中多壽司亦都估唔到原來咁大份咁足料！個和牛散壽司加個A5和牛壽司真係好amazing 三款各有特色嘅壽司我都已經食得好開心🥹跟住到個主角壽喜燒和牛出場 完全震撼到我味蕾塊牛勁大塊 仲要有兩塊 記得要配住個日本米飯食原來碗飯用嘅米都有名堂 叫夢美人 最後最後 一間餐廳能唔能夠為食客留低好印象回唔回頭係個甜品到真係可以見真章雖然望落去好似好簡單 係時令水果雪芭但係原來有一舊粉紅色玻蘿 我人生都係第一次食個雪芭都好好食 食完好refreshing 解左啲牛嘅油膩 總括嚟講成餐飯 好豐富 有私人房間個環境好靜好舒服 可以同朋友傾住計 慢慢食 餐廳職員都好有熱誠咁介紹所有食材亦都係細節到感受到師傅完全無手鬆 一啲都唔馬虎 估唔到香港都食到日本人個種細心 日山真係有帶到驚喜比我 特別日子絕對會再翻嚟一戰