新金豐餐廳

營業中

休息中

是日公司九成同事外出進修，剩下小貓三幾隻，我係其中一隻！買個外賣返同事慢慢歎，我認為新金豐係石蔭區內最好味茶餐廳，金豐附近開多間小小新喜樂園，有得揮喎！食物新鮮員工有禮，勁敵喇！其實金豐早餐都好好食，可惜係貴咗啲同埋勁唔環保囉，好似我叫一個早餐可以有成三個發泡膠碗盒，依家轉咗仲湯還湯，麵還麵咁用發泡膠碗，真係唔好！仲有厚多士同奄列又要一個發泡膠盒裝，一份早餐，成個降落傘咁大，誇張呀！講返食物，厚多士真係好嘅my favour，熱辣辣加上原盒仔butter，喜歡塗與否，自己決定！奄列都係熱辣辣，加上通粉上一同食，好味。其實最好就係一個早餐任你點拼都得，服務又唔差，難怪lunch要輪位！不過為咗地球好，環保啲喇！啲客應該唔介意架！

同honey 一起食晚飯, 最愛叫 餸食晚, 有 family feel兩口子, 一人要一客 晚飯餐: 兩餸+兩飯, 另加 一菜.炸咸魚肉餅, 好香脆, 幾待別...不過, 好熱氣, 幾oily...我們 都是 第一次 試這店......覺得 價錢合理, 味道一般....

每星期最少會幫襯2-3次,最極力推介係佢地既羅宋湯,用料十足!價錢不貴!平均每人30蚊左右!晚飯炒菜抵過去酒樓,真係好值得一等再等既餐廳!

昨天，工作忙，下午茶時間先食飯，所以叫左外賣下午茶(炸雞脾拼薯條)。兩樣都炸到脆仆仆，又冇過火，唔錯，讚成前篇食家所評此茶餐廳算是石蔭區有水準之店，所以以此區生活水平較低之地區，一客下午茶要$24，算是貴喇！

是晚與母親到這裡用膳, 因為母親剛下班, 從這裡回家十分近.坐下來母親覺得十分冷, 換了幾次位侍應依然十分友善, 值得一讚.想也不想叫了海南雞飯和土魷蒸肉飯(小菜), 我的最愛嘛!先來例湯, 冬瓜瘦肉, 夠熱且味道剛好, 少許味精, 渴後沒有口乾, 不俗.很快便來海南雞飯, 雞的份量有點少, 切的不太好, 幾件連在一起的.雖然賣相不太好, 幸好雞夠嫩滑, 不是油膩的, 不錯.油飯不夠香, 而且比較濕身, 雖然大碗, 但只是麻麻地.這個附有一碟菜, 我們選了白菜, 只有蠔油淋面, 味道清了點.差不多吃完整碟海南雞飯肉餅也還沒來, 侍應主動上前說"差一點就好了".我們不趕時間, 也沒有催促, 可是侍應這舉動實叫食客滿意.果然只一會, 肉餅便來了, 土魷放於肉餅面蒸, 不是我想吃的那種..T^T可是挺好吃的, 肉餅不是又鞋又實的, 很淋而且十分入味.放面的土魷則有點少, 但絕不是乾身的cheap貨, 肉飯汁送飯一流, 好味道!!我與母親都抱著大肚子回家去~今次是第二次來, 上一次是吃宵夜, 不得不提這裡的串燒也是不錯啊!

今早又去咗買早餐，都係叫咗我喜歡嘅沙嗲牛肉通粉早餐，拼餐肉蛋，凍啡！今日個通粉略失準，幾啖口，餐肉蛋就ok好味，凍啡都不嬲有啲水準，所以今日又係好full！

每逢午飯時間, 必有起碼几堆人在門外等位. 茶餐廳竟要揾一位專人在門口分配座位.都算巴閉!!食物方面有4種套餐供選擇,天天不同口味. 員工傳菜快高効率. 炒粉麵飯水準平均有鍋氣. 咖哩飯好正.有青有黃任擇.焗飯也好正. 鴨腿湯飯大碗到咕哩也吃不完!!! 平均每位@$25-27 飽到黃昏.

今早去咗食早餐，叫咗一個沙嗲牛肉通粉早餐有紅腸拼蛋半件厚多士，再加上一杯凍ｏ茶，份量十分足夠。沙嗲牛肉通粉味道好濃，通粉亦冇話放一陣就會發脹，good！紅腸拼蛋不過不失，可以啦！我最愛嘅厚多士，剛烘起，熱熱哋，good呀！凍ｏ茶亦沖得唔錯，味唔會太淡！不過以石蔭呢區價錢就略為貴咗少少！$21

這間晚飯小菜有酒樓水準, 有獲氣, 故晚飯時間例必滿座晚市客飯-小菜+ 例湯或茶($32至$48)煲仔飯奕做得不錯, 餸料足, 飯軟香口但水吧出品不好, 飲品ok,只是早餐類, 湯通粉,米粉,公仔麵,沒有口感

2月25號, 我同幾個friend黎金豐餐廳食晚飯. 新裝修後環境唔錯, 比以前闊落左, 乾淨左.我地叫左$128三個餸, 包三碗飯, 湯同飲品(凍飲+$2)白菜豆腐湯- 夠火喉, 一流西芹雞丁- 不過不失, OK生炒排骨- 夠味, 幾好食, 夠鑊氣薑蔥生蠔煲- 唔錯, 味道適中服務唔錯, 個阿叔仲送多一碗飯比我