新金榮小廚

營業中

休息中

早前跟朋友到新金榮小廚，水準稍微下降，但整體還可以。我們點了豉掓炒蜆 黃金雞軟骨西檸雞 上湯娃娃菜蠔餅炒蜆～ 不過不失 蜆還算新鮮 夠鑊氣雞軟骨～ 咸了一點 佐酒小食一流 西檸雞～ 不錯 雞是新鮮炸起 西檸味很開胃菜～ 一般般蠔餅～ 蠔很鮮甜 不錯 5人共吃了400元 也算抵食整體來說 餐廳7.5/10

我在屯門三十幾年...呢間(新金榮)我起碼食左十幾年..同人講去何福堂.我念屯門人應該冇人唔識.可以稱得上係屯門一大地標...今日同三五支己來食晚飯.都是相識十幾廿年的屯門友.....今晚點了五樣菜...鹵水鵝掌翼拼盤:這裏的潮州鹵水.我同你講真的不吃不可.鹵水好香.鵝片真係好鬆軟～豬大腸肥美爽口.生腸.墨魚同樣脆口.鵝掌翼好淋滑好入味!..豉椒炒聖子煎米粉底:- 豉椒味濃,很野味.聖子爽口.煎米粉底塑晒豉汁..相當配合.令我再三回味海蜇燻蹄拼牛展:這個是泠盤.大熱天時食這個最岩..海蜇很爽.燻蹄和牛展唔會好諗岩岩好.再沾小小白酷一起食.酸味味.非常開胃....GOOD丫!!椒鹽獅頭魚:炸得香脆非常...外皮香脆..內裏香滑...每次來必食...送啤酒一流百花醲大腸:這個是在這裏做(店長華哥)誠意推界..炸大腸食得多..和墨魚膠混為一體再炸..我諗屯門區冇乜邊間有得食..我相信做這道百花炸大腸都相當多工夫...大腸好大件炸得香脆 .墨魚膠爽口彈牙...兩樣甲埋.簡直是天生一對....在新金榮可以食到正宗港式大排檔的知味....有機會大家一齊來屯門地標食個晚飯丫!!!!

搬咗入屯門唔係好耐，今晚同老公行錯路，誤打誤撞嚟到呢個麒麟徑，原來呢度有咁多大排檔，檔檔都好多人，見到呢檔個蠔餅幾靚，於是就坐低嘞件頭：9分蠔量：7分鬆脆度：8分好食，再食指數：9分食晒個蠔餅，個雞煲仲未嚟，今次叫咗個唔辣嘅奇妙雞煲，究竟有幾奇妙呢？如是者⋯我地等咗45分鐘⋯55分鐘後，卒之見到個雞煲失望，無咩特別味道，份量係夠嘅，不過唔知佢奇咗喺邊

屯門新墟麒麟徑一帶原來是大排檔林立的地方，尤以新金榮最旺場，於是在羊群心態下入內光顧，一嚐屯門的地道風味。是晚，天氣炎熱，人也不多，選擇室內有冷氣開放的地方。步上閣樓，人聲沸騰。遞來的碗碟，不油膩，卻有點點污積，需要自行再洗刷，大排檔嘛，也不能太講究了。既然是潮州小廚，先來一碟鹵水鵝片，以豆腐和花生托底，份量不太多，兩人食，剛好。鵝片肉質稍為「鞋」口，鹵水味不算濃，不過咸度已足，豆腐的豆味十足，花生屬於腍身，尚算合格。金沙四寶，包括茄子、豆腐、魷魚和南瓜。以茄子為上品，薄薄的脆漿外層，帶有少少的咸蛋黃香，內層的茄子汁多，配合得天衣無縫。而南瓜香甜，就像中式的天婦羅。不過豆腐炸得過老，魷魚外層太多炸粉，令到整碟四寶扣減分數。如果外層脆漿再多一點點咸蛋黃香會更佳。這道菜餚，最適合用來下酒，哈爾賓啤酒味道較清淡，跟炸物同吃，匹配。蠔仔粥以大粒蠔仔和魷魚同煲，粥底是廣東式的爆米花水，而非潮洲粥的稀飯狀。用來點綴味道的胡椒粉下手太重，而且蠔仔份量也不算多，整碗蠔仔粥味道只屬一般，過目即忘。如果吃潮州菜，還是太子新填地街那檔比較穩陣。以大排檔的水準而言，只屬可以一試之算，不過此店人氣為全條街最當旺

朋友帶我到此晚飯,沿途已坐滿客人,目睹客人多數叫海鮮,我們便跟著叫吧 豉椒炒蟶子 - 蟶子新鮮清甜豉汁惹味,必食推介 金沙蝦 - 蝦夠新鮮金沙份量啱啱好,必食推介 椒鹽九肚魚 - 脆漿薄而惹味,必食推介 什錦滷水變了 石頭窩芥蘭 - 芥蘭勁淋窩底那些還黃色的 我相信每間店都有自己招牌菜,而這店的招牌相信是"海鮮"及"惹味"煮法吧!!!起碼我們叫這三碟海鮮也鮮甜惹味

因某一同事話好食,所以突然決定一行6人去試下! 我們叫了分別是椒鹽魷魚,椒絲腐乳通菜,炒花甲,豆豉鯪魚炒油墨菜,後來因飲啤酒關係又叫了椒鹽九肚魚同鹵水鵝.除了炒花甲比較普通,其他大部分也是不錯!不過比較出色是用椒鹽煮的東西,又不會話太辣,但又覺得好野味!真係不錯!椒絲腐乳通菜,雖椒絲好少,但係夠獲氣!而油墨菜一直也不是我喜歡食的菜類,但因味道不錯也領我一直食!到最後埋單也只不過是每人幾十蚊,所以好低食,

第一之響呢度食野，有熟人介紹，黎左呢度食晚飯。呢個椒鹽九肚魚，超級好味！仲要岩岩整好，熱辣辣送上黎，又香！蠔餅都還可以，不過粉就較多。食幾舊就開始膩膩地…黃金蝦不得不讚，好食呀！！每隻蝦外殼脆卜卜，又沾滿蛋黃，粉粉地，適中呀。每次大排檔一定叫既炒蜆。辣辣地，超和味！而且無肉得殼既蜆唔多！抵讚！

朋友突然好想食炒蟶子~所以一行三人就決定到大排檔食飯~條街好多間舖頭~都唔知揀邊間好~因為間間都好多人~所以就求其揀左新金榮~我地19:30入座~叫人落單都叫左10分鍾~我地叫左：蒜蓉西蘭花炒蟶子椒鹽鮮魷紅燒豆腐等到20:00~第一樣餸終於黎啦~之後每樣餸要等15分鐘先送黎~呢餐飯足足食左2個幾鍾~臨走時見到隔離檯既情侶叫左碟椒鹽鮮魷~佢地食左幾舊~突然有個女人拎住碟餸走埋去問佢地係咪叫左椒鹽雙併~佢地話係~之後佢放低手上個碟餸~拎走碟椒鹽鮮魷~當時個男仔夾住舊鮮魷((佢應該未食))~個女人居然叫個男仔放番落碟椒鹽鮮魷度~之後就拎碟餸去另一檯~個男仔o左咀~我地向隔離睇都o晒……. >.<呢間野真係好dirty~食物唔係特別好味~我以後都唔會去呀~

聽朋友說新墟大排檔……JJ菜煲……好正，去到必食。昨晚有幸地入屯門，一定要去喇，去到大排檔，問下人邊間有得吃，仙人指路，指了我地去新金榮，JJ菜煲…菜要看情況而定，昨夜以芥蘭為主，用石鍋送上，石鍋保溫，放了好耐都仲暖，記得叫飯，JJ汁送飯一流，砵酒牛仔骨…用鐵板送上，錫紙包住牛仔骨，師傅教落，「筷子一插，錫紙即爛，香氣四散，一聞醒哂」，肉有軟有un，蔥白蒜頭都有，好味，鑊氣足。原來屯門都有大排檔，我第一次來到，我找食地點又擴闊了。

成日黎屯門, 鍾意系何福堂呢度一帶既大排檔貪呢度夠風味, 夠鑊氣, 又平,抵食經常黎新金榮, 因新金榮系何福堂呢度的大鋪4人的晚餐, 點了鵝片例湯石鍋芥蘭上湯龍蝦 (一早預定)白飯>鵝片 份量多, 味道唔錯, 有鵝味>例湯 魚湯夠味, 無味精 >石鍋芥蘭 又是一碟佳作! 芥蘭不錯, 石鍋夠熱>上湯龍蝦 (一早預定) 上次黎, 問有無龍蝦食, 話下次可預定, 因今次有人生日, 早幾日就預定 估唔到超好食, 超大碟, 龍蝦好新鮮,好旦牙好嫩總結: 服務OK , 食物OK, 價錢便宜 , 環境雖屬一般, 但來得大排檔, 就不好計, 食物最重要

本來光顧目標不是此店,但路過時,有店員與同行的相熟,以致被拉入了此店.六個人叫了:蠔餅(大)$40 - 熱辣辣,脆卜卜,可以接受!豉椒炒蜆$45 - 辣辣地,幾入味,但有三分一未開殼.杞子浸旺菜$38 - 魚湯幾甜,加鮮腐竹一起浸,味道O.K.蝦醬通菜$35 - 蝦醬冶味,通菜爽,好食!鹵什$45 - 一般,無驚無喜.紅燒魚頭$55 - 蔥和薑佔了半煲,最多得半個魚頭,碎到不堪,差!2啤酒$32再加4飯,2可樂,1米粉,埋單$344服務O.K.,價錢便宜,但食物就較為一般.

賣相好唔掂實在太污槽啦！唔該佢整乾淨d啦！真係幾dirty似的,有時feel到d碟係<痴痴淋淋>鵝片味道只屬一般鵝肉不太嫩鵝味不夠可以用難食形容,因為系酸酸地仲有潮州煎蠔餅，都係好普通嘅嘢，好難做得唔好食，但係我見到就唔多想食，隻蛋就好似加咗芝麻咁，好多鑊糞仲有嗌左個海鮮煲.. 都係好腥食唔到. 所以難聽講句狗都可能唔食已經差到唔想再數完全不願致評………質素一次差過一次,

尋日去左屯門掟鏢, 之後去左麒麟徑度打邊爐,有人想食羊腩煲... 不過呢個天氣都好難再食到,之後職員推介醉雞煲..那就試下吧..不過都整作需時..等都等左我 15分鐘都仲未有個煲出黎.於是我就入去廚房睇緊仲係度煲緊 @_@於是我再坐低等多 5分鐘.. 因為真係好肚餓,最後都係頂唔順又走入去..話唔使咁熱了出黎先再滾過.. XD基本上黎度都仲係出煙.. 應該係岩岩好, 所以就立即放D雞入去,一陣好香既藥材同酒味係咁攻入鼻.. 正! 雖然唔知個煲幾錢,但起碼好食過三陂坊果邊要成 180幾蚊既煲..飛快地叫了4碟既肥牛飽肚後埋單..每人都係一百..就趕車返屋企了..呢間食完.. 果陣味我到第二朝都仲陶"醉" 緊.. HEHE..

是日與媽媽到此家食店打冷位於天橋底的一家潮州食店環境實屬一般與媽媽並肩坐在街外兩個人吃不需點太多菜真是「三個夠哂數」>鵝片份量算多味道只屬一般鵝肉不太嫩鵝味不夠>鹵水豆腐夠抵食!豆腐入味!很大碟!真的可以食豆腐食飽!!!最重要的是價值便宜~>椒絲腐乳通菜又是一碟佳作!份量多不在話下~腐乳味很濃!通菜條條都帶住濃濃的腐乳味!可是....環境十分差劣...翼蟻多得恐怖...要邊吃邊趕蟻....真的很健康...(做運動?)最核突的一幕是有隻翼蟻沾了在腐乳汁上..作出垂死的掙扎...真是不太開胃.....但味道與價錢很合理~下次會再來光顧!

27-10-07 Sat 晚住屯門的, 又或成日黎屯門的應該都會食過何福堂呢度一帶既大排檔貪呢度夠風味, 夠鑊氣呢晚撞岩有市政唔俾d 食肆擺到出晒行人路實在大剎風景揀了新金榮見唔駛點等又有得打冷三人的晚餐, 點了潮州煎蠔餅(大)$35海鮮雜菜煲$50蜜味芝士鱔片$60嘉士伯$16(not sure)白飯$5(not sure)潮州煎蠔餅(大)$35: 份量一般, 炸得好脆好入味海鮮雜菜煲$50: 成煲滿晒, 有鮮魷, 芥蘭, 蠔等等味道係淡少少, 但清清地其實倒也不錯蜜味芝士鱔片$60: 個人愛吃鱔, 平時食開豉汁呢次食蜜味芝士原來有另一番風味本以為咁樣食會比較油但食落去又唔係甜甜地又夠香, 鱔肉又唔un 又夠味