新花清湯腩餃子專門店

營業中

休息中

相信應該係最後一晚探病，前一晚食得太豐富，所以今晚食碗粉就算。醒起附近有間牛腩粉好好食，之前都想試吓個蕃茄湯，所以就過嚟試吓。但係牛腩冇得配蕃茄湯，咁就嗌咗個類似常餐嘅嘢。豬潤蕃茄湯米線，另外本身配煎餃，但係佢話冇煎餃，咁唯有焗住食尖椒，媽子太肚餓，所以嗌咗個咖喱牛腩飯。題外話，落完單之後另外一台人嗌二人餐，佢特就可以照叫煎餃，我心底裏灰了一下，暗嘆厚此薄彼。明明幼稚園搞都唔做俾我，小嬲。同埋個尖椒魚肉就熟，但係個千焦仲係索索聲。好彩玩豬潤米線好好味，個豬膶唔會嚡個湯飲完都唔會口渴。另外間餐有埋個野葛菜湯，但係就得半碗到喉唔到肺，亦都試咗媽子碟牛腩飯。牛腩係冇得輸嘅，但係個咖喱汁就稀咗少少。好抱歉扣分係扣佢唔煎餃俾我。

星期日約下午五點，無無聊聊行到去佐敦，突然牛腩癮起，走去新花整番碗牛腩米。假期預咗崩沙腩 爽腩嗰啲實賣晒，幸運亦都冇喺我身上發生，真係得返普通牛腩！不過都坐低咗就照嗌啦。碗牛腩米嚟到都幾失望，一望就知又韌又黐牙嗰種，放入口就知道瀨咗嘢，好難咬完全未煮夠身嗰種感覺😩😩，好彩蘿蔔同湯仲保持到佢哋嘅水準，如果唔係我真係負評你㗎！仲有見到隔離枱叫嘅餃子，竟然係喺冰櫃攞出嚟煮，餃子專門店賣冰餃真係好？或是我少見多怪？今時今日喺香港做飲食都幾難，做起咗個朵，有生意緊係好事，但係品質keep唔到遲早都會出事，希望佢哋係偶有失手🫵🏻🫵🏻是日消費：牛腩米 $50

1點去到已經坐滿晒人，在門口排隊等了10分鐘～點知咁早已經賣晒坑腩和爽腩，咁唯有試下清湯牛三寶河粉啦…呢度嘅牛三寶好特別，有牛腩牛肚牛脷，香濃牛味夠腍，蘿蔔鮮甜美味，下次可以叫多份淨蘿蔔。點會少得野葛菜生魚湯，原來可以清熱和降火，依家天氣乾燥，對生津潤肺止咳都有幫助。

🤮🤢想嘔，話說慕名幫襯點知一入到去見到個肥阿姐冇帶手套包餃子已經覺得不妙，點知食到一半已經聽到，佢瘋狂流鼻水，跟手拎張紙巾直接擤鼻涕🤧冇洗手之後又繼續包餃子🥟🤢🤮🤢🤮差啲想嘔出嚟啲牛係好食落單時，個肥阿姐喚狗咁喚其他顧客真心香港仲有d 咁既侍應都真係一個景點有呢個肥阿姐喺度….衛生衛生意識差到咁，真係下次永無幫襯

輕斷食完之後心囉囉攣想食嘢腩河，又咁啱出開尖沙咀上堂，早上11:10來到，因為上次中午已經冇晒爽腩同埋坑腩今次專登早啲嚟。入到去現金急不及待同阿姐講話要個桑拿，點知阿姐話爽腩等到12:15 。咁我話要蝦辣，佢又話無坑腩。咁起身走，阿姐突然間轉方向，佢話要等十五分鐘有坑腩。咁我就等啦，同埋另外嗌多咗碗大嘅野葛菜湯，輕斷食完之後飲番個湯真係個人精神晒。個坑腩嚟啦，同我之前食過普通嘅牛腩河又冇乜太大嘅分別，可能我唔識食。咁下次就唔使專登咁早出嚟。白蘿蔔依然保持水準入口即化無渣，下次睇吓餐牌有冇淨蘿蔔，可以考慮叫一份。

呢間舖頭開咗好耐，不過地方好隔涉！間舖頭就喺佐敦同埋油麻地之間，所以每次過嚟都要行好耐！但係為咗食好嘢冇辦法！間舖頭有好多不同種類嘅食物，主打清湯腩同餃子！當然仲有其他小食。今次大約12:30到達，本來諗住食崩沙腩或者爽腩，不過原來以上兩種都未出，定係唔知係咪賣晒？最後只有食坑腩，叫咗碗坑腩米！加淨食湯餃子！碗坑腩米嘅份量都唔少，湯底偏甜，食得出有少少味精！但係啲坑腩嘅質素唔錯，同埋係新鮮牛腩！價錢好相宜！另外湯餃子都好好食，煎得好脆口，裏面好Juicy！呢間舖頭係性價比之選！雖然舖頭都多人，但係起碼唔使排隊！

星期六落去尖沙咀，做完嘢之後就心郁郁落嚟想試吓牛腩粉。嚟到嘅時候1:00都未到，已經爆曬場。好彩一個人攝到位坐。但係坑腩爽腩全數沽清得返牛腩。都係第一次幫襯，小試牛刀叫個午餐牛腩粉加兩蚊試埋佢個野葛菜生魚湯。先嚟個牛腩粉，湯底都幾清甜。飲完個湯，係時候不辣椒油，正常桂林辣椒油冇乜特別。好彩不咗少少唔好浪費食物。跟手就試埋佢個蒜辣醬。嘩！有少少後勁蒜香味幾重。跟粉裏面有嚿蘿蔔，平時好少食白蘿蔔怕化氣。但一個半夠就算啦，好彩有食咋，食落去完全冇渣，入口即化亦都冇蘿蔔嗰種苦澀味，唔記得睇個餐牌有冇淨蘿蔔賣，如果有，再食一碗都冇問題。牛腩雖然唔係咩特別部位，但係都幾有咬口唔會食到黐牙。最後飲埋佢個鯊魚湯，可能加兩蚊，個碗Double碗飲落去幾鮮甜出咗門口行咗幾個街口都唔覺口乾，應該係真材實料嘅，不過就細換咗少少。有機會再食，要試埋佢啲煎餃同埋其他小食，最緊要係平日去，因為走嘅時候出邊已經排咗五六個人。

YouTube有個肥仔，專介紹香港非網紅推介餐廳，前幾日跟佢推介食雲吞麵，非常對辨，今日再跟佢食牛腩。講真，如果唔係推介，經過一百次都唔會入去，唔係普通嘅潮州粉麵舖，外觀似餐廳多D。入到去舖仔細細六張枱，搭枱就無可避免，除咗牛腩外，有好多選擇，煎餃、雞，墨魚餅、牛脷⋯⋯今日只係叫咗一碗牛腩米，冇叫特別位置。三件肥三件瘦加一件蘿蔔，湯比較淡口，不過牛腩就不得了，有咬口嘅，肥瘦都好好食，蘿蔔清甜唔會太腍，辣椒醬都有三款，試咗兩款，辣椒油正常，麻辣都OK，呢間實有下次👍🏼👍🏼是日消費：清湯牛腩米+凍檸茶(套餐) 共 $52

新花清湯腩 @ 佐敦本身好鍾意食清湯腩…所以都周圍貢下試試下。今日呢間新花係佐敦…不過位置就係邊皮位dd 坐低見到除左清湯腩…仲有咖哩食…人生交叉點了…兩樣都好想試…小朋友先做選擇…點知特色腩都賣哂…得番普通腩… 唔緊要啦。好味就得。加多個咖哩牛腩飯…原先見到餃子相唔錯…點知都賣哂。最後加多個小食呢度個清湯腩唔錯…個湯底好香濃…河粉都幾滑酹酹…牛腩夠腍又鬆化…普通腩都做得唔錯…對特色腩好有期待咖哩牛腩…咖哩汁係巴其斯坦"樹dieO"…好多洋蔥粒…少少辣…但又好香。分開食驚浪費左廚師一番心血。人手轉做「單手飯」。牛腩依然好腍…有薯仔🤩🤩🤩。煮得軟硬適中小食係墨魚餅同釀青椒…魚肉水準之上…有空位以點黎試下我會再返黎食特色腩😌😌😌同餃子#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #佐敦 #清湯腩 #釀

好耐唔見嘅牛腩控啊，今次我黎到呢家店，真係留下咗唔少嘅口水印記🤤！店入面擺咗一大碗餃子河，餃子大隻鮮肉，香茜西芹夾出嘅清新，啖啖肉感，皮薄餡足，一口咬落，味道簡直係正到爆！湯底就絕對係驚喜加分，野葛菜生魚湯，一啖喝落去，清新解膩，完全唔卡膠，真•至Out至正👍！然後呢，我仲加多碟芥蘭，簡直就係綠油油嘅健康所在，脆爽得嚟又唔會苦澀，食落真係鍾意到不得了。不過，呢家店仲有一寶，就係標榜嘅牛腩啊，蔔蔔清湯牛腩真係食到我心都化咗，淋淋哋嘅肉質軟熟到剛剛好，蘿蔔出汁，錫住啲湯底更加美味。總結，呢個食評就係一場餃子與牛腩之間嘅美麗邂逅，一碗好湯，一盤好菜，一肚滿足，點滿足唔到？下次再黎，定必要試盤爽腩，保證我嗰牛魔王之心再次狂跳！實話實講，這家店真係令人回味無窮，犇過嚟試下，準冇錯！🐄🎉🔥

路過佐敦街市， 新填地街見到有間小店， 舖頭雖然唔大， 但都坐無虛席，睇嚟係街坊店，唔會中伏😜😜我主要係被佢嘅野葛菜生魚湯餃子吸引。湯底果然足料好飲，野葛菜味道好突出， 飲完喉嚨好舒服。👍🏻👍🏻🌟睇返資料，野葛菜生魚湯清涼潤肺，生津止渴， 好嘢嚟㗎。 餃子係韭菜豬肉餡，韭菜青綠香口， 應該係新鮮包起，豬肉同韭菜比例恰當， 係我鐘意嘅餃子，呢碗餃子同湯都幾好，可以同唔少餃子專門店相比🤗👍👍😆令外見到唔少客人叫牛腩粉麵， 都係呢間小店主打食物，應該都唔錯呢🥳🥳🌟

食物好食，但係店小枱細，店員只想將客人擠滿，也不管背撞背，肘碰肘，遲來人多佔大枱，食物再好都冇意思。最理想是疫情時做法，只做外賣，不做堂食。既然唔識尊重客人，就不如尊心做好食物强項， 錢賺得開心

佐敦有好多貼地嘅小店，周圍行下會見到好多唔同菜式，呢間好特別，主打蕃茄同餃子。鋪頭細細，坐得比較逼，類似一般粉麵店格局。*蕃茄煎蛋米線*蕃茄量超多，好夠味，蕃茄控一定要試，條條米線都掛到汁。煎蛋雖然普通菜式，但同蕃茄夾埋真係冇得輸，下面仲有四隻煎餃，有四種口味可以選擇，我要左韮菜，好香好新鮮，煎餃Size好大隻好飽滿，皮好薄，肉少菜多，果然係主打餃子的，相當唔錯。朋友叫左牛脷米線，牛脷正常發揮，夠淋，但再厚啲會開心啲。

食物ok，D阿姐似趕客，好似求佢落單咁，叫幾次都話唔得閒住。好啦，終於落咗單，又亂曬龍，無咗張落單紙仔，等咗半個鐘先至上。如果返工食lunch，一定遲大到。第一次食，無下次！

今日中午經過佐敦，原本想去新強記買個乳豬五寶飯，見到旁邊橫街有餃子牛腩食，見門面舊舊地而且很多人入去，就都過去試下啦。入到去很迫很少座位，不過唔緊要，如果好食就得啦。見到有午餐精選，見佢招牌除了餃子還有牛腩，於是叫個咖哩牛腩飯，另加煎韭菜餃。見牛腩價錢都成$65，使問下有冇得加錢要坑腩，點知回答沒有坑腩賣，唔係掛，你餐牌都有寫，我最多給正價食也沒有。咁餐廳話沒有，只有要回普通咖哩牛腩飯。食物到就當然開動，嘩😳，牛腩好少而且沒牛味還好韌，咖哩炒得唔香，配料薯仔又少，只是汁多。完全失望。反而之後個煎餃子不錯，不過我當時非常失望所以以為餃子也虛有其表，所以沒有拍照，但真心說餃子是可以，牛腩就差D了，性價比很低，這個價錢我可以選擇其他牛腩餐廳進食。