新羅寶韓國餐廳

營業中

休息中

炆宮中牛排骨 $235: 招牌菜式燉牛排骨🥰 醬汁係傳統韓式 鹹甜口味，配上蘿蔔年糕及紅蘿蔔炆煮，令牛排骨非常入味，肉質好嫩 一咬即散，最鍾意近骨帶根嘅部位特別爽口👍🏼🍲海鮮刀削麵 $108: 刀削麵質感煙韌，帶麵粉香氣🥰 海鮮有蝦、魷魚及蜆肉，湯底充滿海鮮鮮味 而且無味精，一鍋可以分到4碗 食完暖粒粒😋🤌🏼白灼豬肉辣菜包 $280: 白灼豬肉係五花腩😆 新鮮五花腩 配上韓式辣醬及醃蘿蔔絲，用生菜或紫蘇葉包住，爽脆內嫩🙌🏼烤多春魚 $88: 傳統韓國菜必有烤魚🐟 多春魚烤至皮脆肉嫩，簡單用檸檬汁更突出鮮味!高興柚子茶:比坊間一般唔同會帶點柚子果皮及果肉，口感豐富，酸甜開胃🍊

前所未有最差體驗，一直幫襯咁多年，第一次去美麗華分店。當日晚上大約6：30分，我去到門口等入座，等左10分鐘先有個抽住外賣袋嘅員工行埋嚟，我當時講緊電話所以俾個電話截屏佢睇，係openrice嘅訂座紀錄，該位女員工態度極其惡劣，一開口就話「咩呀？咩嚟架？」我話訂左檯6：30, 之後問我姓乜電話號碼係乜，訂座紀錄上大約有6個客嘅紀錄，而我個電話號碼排第二，佢竟然睇唔到然後話無，我話係第二個，佢先帶我入座。入座後大概15分鐘，完全無人理，無餐牌，檯上有一份套餐餐牌同飲品餐牌，我同朋友睇完就諗住落單，之後有個男員工過嚟話今晚無做套餐，俾個餐牌我睇，當時我先知原來係有餐牌只係一路無人理過我地，之後就點餐，啲生肉嚟到，又無俾工具，無鉗無較剪，之後問佢拎都等左5分鐘，食物質素簡直係比小區韓國餐廳還要差，前菜唔新鮮，完全見到都唔會想食，求其拿拿聲未食飽都想走，舉手想搵個員工攞醬油，舉左10分鐘都係無人理，扮睇唔到，所以放棄了，最後賣單，又係一開始果位女員工，俾張單我之後話唔好意思唔記得收燒酒錢，之後又俾過第二張單我賣，食到一肚氣，真心不知所謂的新羅寶，一定唔會再去，希望管理層見到呢個review可以

經過美麗華見到新羅寶搬左新舖，都有段時間無見，有點掛住醬油蟹就入去食。醬油蟹醬油蟹味道鮮甜，啖啖蟹肉，每啖都好滿足，醬油味道適中，不會過咸。烤牛排骨肉，豬肉，雞肉一人燒肉餐，牛排骨肉牛味濃郁，入口軟林，食材新鮮，雞肉幼嫩多汁，生菜新鮮爽脆，夾埋燒肉一齊食口感10分豐富。雜錦飯套餐有菠菜，芽菜，紅蘿蔔，木耳，冬菇，翠玉瓜，材料非常豐富，口感特別。豆腐湯豆腐蛋味濃郁，入口幼嫩，加上泡菜味道酸酸辣辣幾開胃。

餐廳位於尖沙咀，環境寬敞闊落，座位好多好舒適，格局、裝修都偏韓的餐廳餐廳曾連續多年米芝蓮獲得推薦餐廳，屬香港元祖級別的韓國餐廳，有多款傳統種類食物可以選擇，包括烤肉、韓式料理等，尖沙咀分店平日也座無虛席，建議先訂座~餐前小菜有五款，分別是兩款不同辣度和口感的泡菜、醃豆腐卜、菠菜豆芽及薯仔，而且餐廳其他免費前菜可自取，口感酸甜，開胃爽口豆腐海鮮湯鍋 $330冬天就是要吃鍋，鍋熱辣辣上菜，二人份量，份量充足海鮮湯鍋材料擺滿鍋內，有蜆、蟹、八爪魚、蝦，配料有海量大豆芽、翠玉瓜、豆腐、金菇、雞髀菇，香氣撲鼻，十分豐富湯底很濃郁，清甜中帶有鮮味又有韓國大醬的味道，是正宗的韓國味道，整體味道微辣但不過分，店員還會開着明火爐，可以鎖住溫度 (湯底惹味，很適合配飯)紫菜包飯 $70韓式經典食物，紫菜包著帶有芝麻油香氣的米飯、甘筍絲、雞蛋、醃蘿蔔、青瓜、火腿，份量不錯，味道鹹甜鹹甜，口感厚實又香脆，材料亦豐富足料，價錢合理-總體評分-環境：8/10 食物：7/10 服務：7.5/10 抵食：7.5/10

想在香港旅遊區搵一家價格不高、坐得舒服的餐廳，向來不是一件容易的事。今天分享的新羅寶在港屹立30載，其尖沙咀分店不僅位置方便，餐廳環境一點也不擠，我和朋友點了一個2人餐試試。套餐份量十足，除了5款開胃前菜，還有2款泡菜小食任吃，燒肉我們選了牛排骨肉、五花肉、雞扒。肉的份量剛好，我們將燒肉放在生菜上，再配搭韓國辣椒醬，每一口都清爽而惹味。最後還有3道熟食，包括炒雜菜粉絲、豆醬雜錦煲、石鍋飛魚子雜錦拌飯，其中粉絲味道最為吸引，而雜錦煲有大量洋蔥、豆腐、翠玉瓜等，味道十分濃郁。

5款前菜都各有特色和好味！特別喜歡乾身個款泡菜，有啲辣味，口感偏爽；第一次食前菜有花生粒，口感唔錯，甜甜地好食。炆宮中牛排骨$235呢個排骨真係好好食，已經係第二次叫，個湯勁濃，送飯食一流，加上連啲飯都好好味🤤口感煙韌又有飯香☺️牛肉好腍好入味，帶少少肥肉，所以一個人食晒會幾膩。鮮蠔仔煎餅（4塊）$135勁多蠔嘅蠔餅，煎得又香又好食，必叫之選👍🏻水冷麵$105正常味道，麵質煙韌，梨汁凍湯，唔錯。

今日收工醒起好耐都無食韓國野~ 經過Mira見到呢間韓國料理餐廳，就決定入去試下！野食方面，都有唔少選擇～我地都比呢個2人Set Special Offer吸引左！我地揀左Set A (Raw Meat Set)，呢個Set除左有牛排骨肉﹑烤五花肉﹑烤雞肉既燒肉之外，仲有南瓜粥﹑炒雜菜粉絲﹑豆漿雜錦煲﹑石鍋飯！咁多樣野食，大大滿足想樣樣都試下但胃口又唔大既我~食韓國野當然唔少得滿滿既前菜~韓式燒烤套餐係今次呢個set既一大亮點，包含左多汁的牛排骨肉、風味獨特的烤五花肉同香嫩的烤雞扒肉。外皮烤得恰到好處，内裡肉質軟嫩多汁，搭配韓式醬料後更增添左幾分風味，仲可以包生菜食，減少左D油膩感！食左咁多次韓國野，南瓜粥就真係第一次食，佢口感細膩，D粥亦都好綿密，南瓜既甜味恰到好處，唔會過於濃烈～炒雜菜粉絲亦都好貼心咁剪好，一筷子可以輕鬆夾起，而且粉絲都幾juicy，吸收左蔬菜既精華，口感滑嫩～豆腐雜錦煲既豆腐質地柔軟，湯汁鮮美，配合各種蔬菜同肉類，既營養又美味而未食過飛魚籽既我覺得石鍋飛魚籽雜錦拌飯係好有驚喜既！撈埋一齊之後，飛魚籽既爆裂口感同石鍋既的完美結合，令人回味無窮

餐廳裝潢充滿韓式傳統氣氛, 以木色系為主, 枱與枱之間有舒適嘅距離。𓊈白灼豬肉辣菜包 $𝟸𝟾𝟶𓊉一半放滿白灼豬肉, 另一半放有不同類型嘅生菜, 中間有韓式辣醬, 辣蘿蔔同辣香蔥, 白灼豬肉好軟腍, 唔會覺得靭, 連埋豬皮食充滿骨膠原, 好好食!𓊈牛肉菜湯飯 $𝟷𝟸𝟶𓊉牛肉湯以牛骨熬製而成, 有濃濃嘅牛肉香味, 入面有細細粒嘅牛肉碎, 部位雖然較肥, 但連埋湯同飯一齊食, 完全唔會有油膩感, 湯入面嘅蔬菜亦都好鮮甜。𓊈辣蕎麥冷麵 $𝟷𝟶𝟻𓊉見到menu 有3隻辣椒有少少擔心, 店員好好咁幫我地註明要少少辣, 冷麵面層有半隻蛋, 青瓜絲, 白蘿蔔片同梨片, 蕎麥冷麵麵質爽彈, 味道辣辣地幾好食!

點樣食推介✨⭐️經典韓國餐廳⭐️⭐️尖沙咀韓國菜⭐️新羅寶韓國餐廳 地址：尖沙咀彌敦道132號美麗華廣場1期食四方4樓403號舖🍖紫菜包飯 $70 (7/10)麻油味夠香，飯粒本身係有調味嘅，雖然餡料都係蘿蔔、醃蘿蔔、火腿同青瓜，但食落係好夠味嘅🍖炆宮中牛排骨 $235 (7.5/10)d牛仔骨的確炆得好腍，味道偏甜但好啱送飯，裡面嘅蘿蔔又好鮮甜，年糕同依個甜甜地嘅汁都夾！好快就食曬一大兜🍖水冷麵 $105 (6.8/10)麵嘅份量好多(⊙ω⊙)，食得飽兩個人-回頭指數:🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)-人均：$200服務：(6.8/10)

食韓國嘢梗係食老字號啦其實一啲都唔貴Keep住水準我今日係閒日6:00到唔使等位😲之後見到座無虛席果然係屹立不倒嘅韓國必食餐廳仲有我最鍾意食嘅蒸蛋🥳好fluffy 好濃烈嘅蛋味口感一流👍🏻同韓國食一樣咁好味海鮮蔥煎餅大大份熱辣辣好脆口份量真係好足夠三個人都食唔晒🤭🐮烤特級牛排骨我選擇咗原味唔好以為會冇味其實牛肉味好重食到牛肉有幾新鮮真係必食之選最後加多咗個雪濃湯🥩牛肉飯好完美嘅一餐🥳

大家未必留意，其實新羅寶早係1993年係香港有分店，店員都係韓國人，餐牌大大個有多國文字，俾人既感覺好似去左韓國旅行～一點菜後就會送上前菜五小碟，真細心。🍽️菜式烤牛舌烤去骨豬肉烤五花肉醬油蝦(2隻)🍺大大杯生啤--配肉一流我鍾意依間餐廳所有烤肉都附上冬菇同原片圈狀洋蔥，既可解膩又可以用洋蔥夾肉增加肉既口感。肉類色澤同味道都好好，用油份就逼到肉味出嚟。我最鍾意既肉係烤去骨豬肉。本身用燒汁調了味，而且肉質係超軟身，我食落以為自己食緊牛咁滑。醬油蝦個自家醬油做得好好，食落亦感覺蝦很新鮮。🧡想食正宗同老字號既韓烤店一定要食「新羅寶韓國餐廳」，依間係香港機場都有分店； 當然係韓國都有分店啦～一齊試下呀豬媽既手勢啦～

朋友最近迷上韓劇，順理成章提議去吃韓國菜，馬上想起這間老字號韓國餐廳。餐廳位於尖沙咀某大商場內，地理位置便利，裝潢充滿傳統韓國風格，環境寬敞舒適。食物款式選擇亦非常豐富，主打烤肉，更有套餐可以選擇。我們點了一個二人餐，下單後店員為我們送上前菜，有泡菜兩款、芽菜、菠菜、薯仔等。𓌉◯𓇋Set A - Raw Meat Set🥩 ($488)套餐有牛排骨肉、烤五花肉、烤雞肉合共300g。牛排骨肉油花紋路均勻，肉質鮮嫩，薄切輕易就烤至外脆內嫩，用生菜包著牛肉和燒肉醬一起吃更加惹味。🐖烤五花肉肥瘦適中，經燒烤後帶有微微的焦香，每一口都好滿足。🐔烤雞肉肉質嫩滑，燒至外皮香脆更滋味。🎃南瓜粥第一次吃韓國的南瓜粥，原來是冷盤而且味道是甜的，伴烤肉來吃有助舒緩熱氣。🥘石鍋飛魚籽雜錦拌飯飛魚籽鹹鮮味十足，配上切絲白蘿蔔、紅蘿蔔、冬菇、菠菜、芽菜、翠肉瓜等，而且有不少飯焦，攪拌食用口感好豐富，加入辣醬更加惹味。🥕韓式炒粉絲粉絲口感爽滑彈牙，不會炒得有油膩感，用上冬菇、紅蘿蔔、洋蔥、菠菜等配料，簡單又美味。🍲豆醬雜錦煲上桌時熱騰騰，味道有點像味噌湯，裡面有豆腐、翠玉瓜、冬菇、洋蔥等，配料好豐富。◦•◦♡.﹀﹀

新羅寶韓國餐廳喺尖沙咀美麗華，拎咗好多年米芝蓮推薦，佢都算係香港嘅韓式料理老字號，餐廳嘅格局同裝修都係傳統韓燒風格，尖沙咀分店好大，座位好寬敞，坐得舒服!!🙌🏻佢嘅套餐都唔貴，性價比都幾高，食物質素有保證～～去韓國餐廳食飯，一坐低當然唔少得啲韓式前菜小食啦☺️1️⃣ 烤鮮特級牛排骨 $228/2pcs牛排骨新鮮，肉質咬落去幾腍軟，帶有濃郁的牛肉風味，肉質柔軟嫩滑，唔會太難咬🐮🐮2️⃣ 軟滑豆腐煲 $110 道菜略帶辣味，但唔會太辣，非常開胃!!😚豆腐的份量超多，口感滑嫩，好足料，仲有一隻半熟蛋😋3️⃣ 泡菜豬肉煎餅 $155個煎餅上菜個陣放係鐵鍋上，可以保温，好有心思👍🏻👍🏻👍🏻煎餅邊煎得脆口，而且口感豐富，泡菜味道好濃，好足料唔係得麵粉🫶🏻

今日行開美麗華經過呢間曾經係米芝蓮推薦的新羅寶韓國餐廳想食下韓國燒肉就叫左份$488 的set A 二人套餐首先當然唔少得韓國泡菜等小食作為前菜泡菜仲可以出邊無限refill 😃呢個set 有牛排骨肉、烤五花肉及烤雞肉一上枱已經見到牛肉肉質鮮嫩，燒一陣就食得，另外五花肉的肥瘦比例適中，配埋生菜食，一啲都唔油膩👍👍石鍋飛魚籽雜錦拌飯石鍋嘅底部已經形成咗飯焦，飛魚籽攪拌在飯中配合埋獨製嘅韓國醬料，口感十分豐富😎炒雜菜粉絲份量岩岩好有蔬菜作為點綴，又香又健康👍冇諗過呢個餐又有飯，又有粉絲仲有個豆醬雜錦煲，食到最後真係好飽肚

是日蕉媽約咗日語小組嘅好朋友飯聚朋友話好耐冇食韓燒蕉媽提議去好多韓國餐廳嘅尖沙咀搵食我哋決定食韓國菜老字號新羅寶餐廳喺銅鑼灣同埋尖沙咀都有分店㗎蕉媽和MM爸拍拖嘅時候已經好鍾意去銅鑼灣新羅寶食韓燒㗎啦！反而尖沙咀呢間就比較少嚟尖沙咀分店寬敞舒適可以同時間容納很多人商務午餐亦有好多選擇例如鐵板烤肉、炆牛排骨、人蔘雞湯等等20多款套餐有選擇困難症嘅朋友就要小心啦商務套餐價格非常相宜價錢由$78-$115 不等除咗商務套餐，仲有1人BBQ Set價錢由$115-148不等真係好抵食呀😍我和朋友一人揀咗一個BBQ Set✅烤牛排骨肉、豬肉雞肉套餐（$148）✅烤鮮大蝦、帶子套餐（$135）燒嘢食之前首先食幾碟前菜醫肚，五款前菜分別係兩款不同辣度和口感的泡菜、一碟醃豆腐卜、菠菜豆芽及醃銀魚仔。其實有碗白飯已經可以當一餐😂。講返個BBQ Set❤️食韓燒最重要係食材要夠新鮮❤️醃製過的牛排骨肉、豬肉和雞肉，肉質非常鮮嫩，再經過蕉媽巧手烹調😂，更加可口大蝦和大帶子都夠晒份量，而且鮮味十足套餐包括包菜和包飯醬，配上燒肉和燒海鮮，另一種吃法，另一種口感。BBQ套餐還可選迷你版泡菜豬肉湯和豆腐湯跟白飯。兩款湯