影片
以上資料只供參考, 請與餐廳確認詳情
招牌菜
話說唔使去九龍城，先有正宗泰國菜食！最近喺荃灣都搵到新紅山洗泰國菜館，真係令人大開眼界。餐廳環境充滿泰式風情，令人一入座就感覺好似飛咗去泰國咁。服務員仲好親切，點菜時會推介特色菜，俾人好舒服嘅感覺。泰式咖喱雞配蒜蓉包
咖喱雞一上枱，濃郁嘅椰奶同香料味即刻撲鼻，香到不得了！咖喱醬汁濃稠順滑，辣度適中，帶點微甜，雞肉煮得嫩滑入味，入口充滿泰式風味。配上香脆嘅蒜蓉包，包身烤得金黃，沾滿咖喱汁食，辣中帶香，每啖都好滿足。泰式生蝦
生蝦新鮮到爆，蝦肉彈牙爽脆，配上泰式酸辣醬汁，酸酸辣辣嘅味道好開胃。醬汁入面仲有蒜蓉同香草，提昇咗蝦嘅鮮味，食落去好似喺泰國街頭食海鮮咁過癮。柚子大蝦沙律
呢道沙律係清新嘅代表！大蝦爽口多汁，配上柚子嘅酸甜同少少辣椒嘅刺激，味道好有層次。沙律入面仲有新鮮蔬菜同香草，清爽又開胃，夏天食特別啱。椰青
椰青冰涼涼，清甜嘅椰汁飲落去好解渴，仲有助平衡泰菜嘅辣味。椰肉嫩滑，挖來食真是一個小享受。附送泰式甜品
餐廳仲好貼心附送咗泰式甜品，甜度啱啱好，為呢餐畫上完美句號。
繼續閱讀
有日無聊係Openrice度搵到。食評得4個，膽粗粗打去訂枱，店家提示如果雞及海鮮類別必須電話先訂。由於未幫襯過，先叫左泰式生蝦先🦐地點有少許難搵，建議先係Google Map望清楚大廈位置同入口（其實o係大街，但要上樓層），唔識打去餐廳都會話你知係邊道入既坐底後見環境唔太多枱，同埋似係做熟客生意居多，原因係無餐牌既😆大家都係直接落單，或者一早電話訂左指定菜式～泰式生蝦好大隻既蝦👍🏻肉質彈牙便知好新鮮泰式炸蝦餅聽到老闆娘話自己手打，見到不規則既外表，就知無花假～熱辣辣，食得出無落「粉」係純蝦肉，自然既彈牙感，好好味，有驚喜😙泰式串燒 ：雞&豬好好食👍🏻雖然唔肯定係咪用急凍肉，但只可以講雞同豬都無雪味外，食得出新鮮醃製，肉質係有彈性，特別豬肉真係有豬肉味🤭沙嗲汁好香有花生粒，帶少許甜，味係okay泰式肉碎煎蛋飯 同坊間泰國菜館嘅味道有少許唔同，佢係更加香（唔知點解～）加上豬肉有肉味，成件事好送飯，再加埋煎蛋用半煎半炸嘅方式去煮，超級香口，食到一粒飯都無剩😋飛天通菜我稍嫌唔夠辣同濃味，佢屬於偏清淡，但炒得都好有鑊氣珍多冰未試過飲咁好既珍多冰🥰粉條係煙靭嘅唔係好似涼粉嘅狀態。冰塊少，椰汁沖得好濃隨人頭送上甜品，係好味既椰青大菜糕😋甜但可接受，可以減少許甜，但椰青味都幾濃郁，今餐飽但好快都清晒😆新紅山真係好食過九龍城任何一間泰國菜館。見到隔離幾枱有燒鱔、燒鰂魚，冬陰公，蒜蓉多士⋯樣樣都想試😅下次同人食飯都去依間，因為我好想試晒咁多款😅
繼續閱讀
好多年無寫食評😗但呢次真係想鼓勵一下本地難得有質素既小店，所以決定寫一個🙂泰國人朋友介紹話呢間好正，咁啱放工要搵地方食飯興祝白色情人節，咁就不如擇日不如撞日打去book位再即時揸車🚗過去😋呢到上樓，舊樓行一層樓梯，唔係熟客/有人介紹就咁樓下經過根本好難會發現原來呢度有野食🤨無菜牌睇，聽閒基本上你叫得出(泰菜)佢都有得食，咁我地都有睇下其他人食評參考下叫乜好！電話book檯時順便留定個生蝦，嚟到坐底先比蝦片！生蝦好新鮮好脆口加埋佢個汁(個汁比出面一般好食)，好正😍好易食唔停～蝦餅，呢個真係出面食唔到咁好食，好重鮮蝦味，相信係自己手打，好正🤩冬陰功湯，呢個都好得，出邊好多時都會整得比較鹹，呢度唔會味道剛剛好，而且好夠香甜，啲蝦又唔會梅晒，好好飲沙嗲串燒，三串雞三串豬，個沙嗲汁唔辣，但係夠香，肉唔會太鞋，唔錯泰式炒通菜，出邊好多又係炒到好鹹，呢度唔會，但係呢個菜冇其他菜色咁特別好食，當然都唔錯香葉肉碎炒飯，好夠鑊氣，唔錯😋甜品送嘅，唔記得問佢叫咩，食到有新鮮椰子肉，我平時唔食甜品亦都唔鍾意食糕點，但呢個唔會太甜，又好有清新感，好好食🥳最後亦都叫咗一個椰青水，兩個人食，其實係食唔晒，最後我哋有打包！食咁多野土埋單都只係$55x🤩🤩性價比唔錯😎一定會再嚟，下次要試蒜蓉包、鱸魚先得😋Ps. 呢度有貓貓🐱😅
繼續閱讀
呢度真係幫襯左好幾年泰式私房菜形式🤪無餐牌 想叫咩就叫咩😌老板娘超級好好客又煮得一手好菜！生菜包份量挺多 少許胡椒味加埋生菜真係好fresh❤️完全唔會過咸咖哩蝦超大隻😳😳呢度已經係開左邊2個人比左3隻蝦夾埋都有6邊😂😂真係好飽咖哩汁超惹味帶少少甜味點飯點包都一流！超大愛呢個蒜蓉包🥹🥹因為真係極好食！好香口 又脆卜卜蒜蓉味仲好夠！！！麵包鋪都做唔到既級數！蝦餅自己手打好足料好彈牙！沙爹豬串啲沙爹汁真係另一個正野而且豬肉燒得唔鞋唔靭好味！最黎老闆娘特製椰青糕落足椰子料架！
繼續閱讀
同老公一齊食，同事介紹，佢話好好味，即刻來試吓，又冇介唔錯，哈哈個人覺得好味過九龍城個D乜乜出名鋪，冇menu，所以同事推介豬頸肉，生蝦，蝦餅..☺️⋯⋯記得要book位
繼續閱讀