新泰東南亞餐廳 (馬鞍山廣場)

營業中

休息中

星期日去踩單車，由沙田踩到馬鞍山，踩了個多小時到馬鞍山中心，泊好單車後便搵餐廳，那裡有很多食肆，但都很多間要排隊等枱，在商場周圍行下找找有還有那間餐廳，經過見到有間裝修很有泰國feel的泰菜，而且在下午茶時段，不用等枱，便入去試試。我們3人共叫了2個午餐海南鷄飯，荔芋焗海鮮飯，配龍眼冰及凍檸茶，再另加香芒軟殼蟹紙米卷，賣相不錯，軟殼蟹炸得脆卜卜，味道亦很好，最後埋單時原來下午茶全單有八折，所以都算抵食。

近排天氣炎熱，最啱就係食清爽酸辣嘅菜式開胃，泰國菜就係我心目中No. 1嘅夏天菜式朋友知我好中意食甜甜酸酸嘅嘢，又食得辣，就推介我嚟食呢間餐廳～呢間餐廳都小有名氣㗎，我成日經過尖沙咀都見到佢，但就真係只係經過 今日難得收工帶埋媽媽過嚟食晚飯，睇吓我朋友有冇介紹錯餐廳喺馬鞍山廣場，一出馬鐵就係，極度方便。雖然位置比較隱蔽喺商場嘅角落頭，不過咁樣反而令餐廳環境更清幽，獨自有一個小天地 個門口都好grand好有格調，張凳仔用嚟打卡一流通常食飯前我都會做定功課，所以好快我同媽媽就諗好食咩。我地一致都想食海鮮，所以叫咗一個細嘅冬陰功湯、南瓜焗咖喱海鮮、青檸蒸鱸魚同埋參峇炒羊角豆。落完單後，再靜心一睇餐廳嘅佈置，我以為自己去咗酒店食飯，因為啲裝修真係太靚喇就算係兩個人都可以有闊落卡位坐。我覺得呢間餐廳都幾適合情侶撐枱腳，或者同朋友屋企人gathering 都唔錯～呢套靚靚薄荷綠色餐具真係深得我心等咗一陣冬陰功湯到！呢個份啱哂我地2個share，每人都可以飲到一碗多啲啲嘅份量。當然食材同味道都好重要啦。呢碗湯相當足料，有大量嘅菇同幾隻蝦。通常去西貢或街市先會食到新鮮嘅海鮮，但呢碗湯嘅蝦我真係可以用鮮

環境舒服😌美味好食嘅泰國菜之前聽朋友介紹，咁啱屯馬線開通今次終於嚟到馬鞍山try try 呢間泰國菜😛不過呢間餐廳位置係商場入面有啲偏僻，可能搵一陣，餐飯環境幾好，坐位好寬闊泰式串燒 （豬，牛，雞）串燒岩岩整起新鮮好熱辣辣，啲雞燒得好嫩，另外沙嗲汁好好味，配埋d 串燒一齊好正，加上有豬牛雞三種肉一次滿足三個願望😂豬肉生菜包生菜包啲料都算多，豬肉有啲啲辣辣地好惹味。豬肉碎份量足，生菜包唔曬啲肉碎再叫碗飯食都好好味😋泰式蝦炒金邊粉份量都算多，金邊粉炒到好乾身，好爽口，麵上仲有蛋花網紋，好別緻，店員岩岩送到嚟都掛住影相唔捨得拆散佢嚟食鐵板蠔仔蛋用鐵板上蠔仔蛋別有一番風味，啲蠔仔好滑又唔腥，加上有鐵板保持住熱辣辣，配埋d 辣醬岩岩好

依排天氣熱到好似去左泰國咁，搞到好掛住泰國美食， 小叉就揀左去頗有好評嘅新泰食晚飯～🥭芒果沙冰飲落有好香嘅芒果味， 冰嘅比例唔會太多硬到飲唔到，依排天氣咁熱一流🦀香芒軟殼蟹米紙卷一睇就見到入面都幾多料， 軟殼蟹，牛油果，芒果，配菜， 點埋泰式魚露，食落酸酸甜甜，好開胃～🍍泰式菠蘿炒飯都係泰菜必點之一，跟埋有腰果肉鬆， 飯入面有提子乾同蝦仁， 仲有新鮮菠蘿肉， 小叉唔小心食左好多🤭🦪鐵板蠔仔炒蛋本身以為係似潮州蠔餅咁， 原來係炒蛋形式， 冇溝面粉。都幾足料好多蠔仔同芽菜， 蠔仔新鮮又唔腥～🥬泰珍珠椰菜苗炒香菇平時好少食椰菜苗， 所以叫黎試下。椰菜有少少硬， 但花菇數量唔少，而且都夠入味

位於地鐵隔離的商場,超方便. 平日來到已經好多人,😱full booking. 幸好我們book了位, 😚要不然就要等位. 不過餐廳好大, 好闊落, 坐得舒服. 😚環境也很有泰國feel, 門口和內部裝潢, 配上大大隻的泰文,加上泰藉的職員,有如身在泰國. Menu 選擇好多, 全部也很想試.🥺💠泰式蝦炒金邊粉🦐🍝 $108𝙋𝙖𝙙 𝙏𝙝𝙖𝙞 𝙁𝙧𝙞𝙚𝙙 𝙏𝙝𝙖𝙞 𝙉𝙤𝙤𝙙𝙡𝙚𝙨 𝙬/ 𝙨𝙝𝙧𝙞𝙢𝙥 𝙞𝙣 𝙖𝙣 𝙊𝙢𝙚𝙡𝙚𝙩必試!! 賣相好靚. 🤩上面用了網狀形奄列包著金邊粉,裡頭有蝦, 份量多又大隻又多肉, 超好食. 金邊粉不乾身, 加入青檸汁, 酸酸地好好食.👍🏻👍🏻💠串燒沙爹 (雞, 牛, 豬) 6串 𝙎𝙖𝙩𝙖𝙮( 𝙥𝙤𝙧𝙠, 𝙘𝙝𝙞𝙘𝙠𝙚𝙣, 𝙗𝙚𝙚𝙛) 🐓🐂🐖🍢$88有齊3款肉, 3隻都好好食呀, 好嫩滑.雞肉味最特出,配合沙爹醬一齊食更野味.😋😋💠泰式甜品小拼盤 𝘿𝙚𝙨𝙨𝙚𝙧𝙩 𝙋𝙡𝙖𝙩𝙩𝙚𝙧 $88試到4款不同口味的泰式甜品. 好喜歡黃色那款, 😍雖然不知道是什麼口味, 但好好食, 好煙韌, 好似食糯米糍的口感. 椰汁西米糕跟西米露味道一樣, 入面還有栗米粒. 千層糕口感好

泰國癮又發作🇹🇭又要黎頂一頂癮呢間坐得舒適 食都出色•沙嗲串燒雞🍢食泰國野又點少得叫串燒燒得入味 跟埋個醬YUMYUM🤎•泰式濕炒海鮮河呢個我每次黎食都一定會點佢個汁做得好出色而且唔會炒到成個河粉散哂配埋菇 青口 魷魚 好味呀•燒西冷牛扒熟既程度岩岩好 外面燒到微燶裡面既肉岩岩好配埋個泰式辣醬 推介🤎•泰式奶茶飲埋杯香濃既泰式奶茶滿足

<<Thursday Couple 為食記😋👣>> 今次終於試到！新泰！已經聽咗佢呢個名好耐，好多朋友都同我推薦呢一間泰國嘅美食餐廳，知道佢最出名嗰間係尖沙咀，但係今次嚟到馬鞍山，估唔到開咗新嘅分店，👍🏼👏🏼👏🏼所以我同男朋友入去試吓，究竟係咪真係咁食呢？🥳🥳🤩環境好好，乾淨，寬敞，衛生🥳大集團嘅泰式餐廳，全部都做得好靚，又有好傳統嘅風味，亦不失新式嘅裝修，好泰國嘅特色，雖然應該冇尖沙咀嗰間咁豪華，但係絕對係配得起新泰個名！😂👍🏼👏🏼👏🏼Menu見到好多唔同特色嘅嘢食，而一般嘅泰式餐廳有嘅佢都有！👏🏼啲碗碗碟碟都係有花心思！好靚！❤️嘢食黎喇！首先，係佢個內裏非常粉嫩，外表香脆嘅炭燒豬頸肉，同出面一般唔太一樣，咁會燒到太焦燶，感覺上比較light d ☺️一入口，佢好嫩，好少見會整到咁嫩口，粉嫩色嘅肉質！🥳🥳唔會太重味，但仍然有豬頸肉嘅香，同埋爽口感覺！不錯！👏🏼👍🏼之後就係青咖喱。青咖喱真係做到冇得頂！☺️☺️我好中意！嗰個濃稠度，同埋嗰個椰奶味恰到好處！加上佢啲配料，有南瓜，豆角等，係入邊配搭得好好👏🏼🤩個青咖喱味道正唔再講，連雞肉係好嫩滑，似用新鮮雞肉去做

今日才發現馬鞍山都有吃泰國菜的餐廳，餐廳位置較隱蔽，是平常逛商場都不會逛的位置，但看食評感覺不錯，所以過來試試。我們大約晚上8時到達，餐廳入座率大概7成，餐廳環境不錯，檯與檯之間沒有很擠的感覺，而且還有不少卡位座呢！今次我們被安排卡位座，梳化加上咕𠱸裝飾，感覺舒適；加上食客不是太多，環境比較寧靜，不錯！食物選項方面看似全面，基本的前菜小吃、燒烤類、咖喱類、粉飯類、飲品和甜品類都有，不過第一次試就不想冒險了，所以只點了些熱門項目。串燒一客有6串，有雞、牛和豬三款選擇，可自由配搭。今次選了雞和牛各3串。沙嗲醬味道帶甜，味道不俗；但牛肉肉質較硬，沒有牛味，一般；至於雞肉，肉質雖然嫩滑，但有雪藏味，麻麻。泰式菠蘿炒飯炒飯賣相不錯，配料有臘腸粒、雞肉、蝦肉、提子乾、青豆、紅蘿蔔粒和菠蘿粒等；另有一小碟肉鬆和腰果，不過略嫌兩者份量偏少，用來配飯不太足夠。炒飯夠乾身，但本身調味較淡，而且配料質素麻麻，未能為炒飯畫龍點睛。肉鬆少且較碎，味道不夠濃；提子乾不太香甜；蝦肉沒鮮味；雞肉粒有雪藏味，唯一稍好的是腰果脆身和臘腸帶油香；但整體來說，炒飯味道偏清淡 ， 建議加重調味。麵包焗咖喱軟殼蟹份量比想像中大，

平時食泰國野通常去九龍城估唔到馬鞍山都有間小泰國整體黎講味道都算唔錯蒜蓉越南牛油雞翼$78雞翼即炸好夠熱濃濃嘅蒜香味雖然係炸..但唔覺得好油膩值得一試泰式蝦炒金邊粉 $108泰國野黎講我最中意食金邊粉賣相好靚…唔係度度有蛋皮包住酸酸甜甜..好有泰式風味金邊粉口感一流軟硬適中必食之選串燒 $88泰式必叫就係串燒即叫即燒雞豬牛各2串..新鮮熱辣味道都算唔錯印度燒餅$32簡單簡單..但口感一流配上咖喱…一定更好好味泰式凍奶茶$25心大心細叫唔叫好我本身好怕好甜..好彩無失望味道剛剛好…如果茶味再濃d就更啱我口味了

馬鞍山區呢個食物沙漠🏜️終於有啲好嘢食！食咗呢一間泰國菜，味道唔錯；而且價錢又合理。叫咗串燒有豬、牛、雞，每樣都有啲，笑得幾好唔會太老，配埋沙嗲醬幾好食😋另外叫咗蒜蓉牛油雞翼，佢好似避風塘風味咁、蒜蓉牛油味都幾香，雞翼夠味。叫咗個咖喱雞，唔會太辣。配薄餅及蒜蓉包都好食😋呢度嘅薄餅新鮮整起，好好食！蒜蓉包又夠熱又夠香，冇得頂！泰式金邊粉都幾好食，賣相幾靚，整到成個鳥巢咁。配料有蝦、芽菜、蛋等等。金邊粉味道甜甜酸酸，好食！馬拉盞炒通菜幾惹味！加埋杯泰式奶茶🥤我鍾意飲泰式奶茶、佢呢度嘅茶味好香濃，又唔會太甜，必叫！

第一次來這間餐廳，見平時都多人在內享用膳食，我諗唔會差吧！今天端午節，12:15左右，排3張枱，不需15分鐘。我看沒有潔淨員及傳菜員之分端午節單人午餐 @75，另加11. 冬陰功海鮮金邊粉： 酸味重，無冬陰功味，見顔色可見椰汁過多。2. 青咖喱雞飯： 雞肉粗，白飯輕微硬。平時很喜歡飲椰汁冰，但這裏的椰汁冰味道怪怪的，連囡囡平時很喜歡飲的都說「唔飲」餐後1小時，開始肚痛，痛了近3小時。應該是杯椰汁冰出事！痛得救命！

依間餐廳我係喺好多人嘅Instagram見到推介所以我都心思思想去，今日終於約到啦，可以電話訂位嘅，個日只係平日星期四但係都好多人去食，我都驚訝了。冬陰功湯佢個冬陰功湯就都幾有泰國食嘅味道嘅，而且仲有一隻蝦，一啲草菇作配搭，感覺都唔錯，佢唔算太啦，如果鍾意好辣嘅冬陰功湯朋友可能會失望，但係我就唔食得辣嘅所以就覺得啱啱好我最鍾意食係佢嘅串燒拼盤，佢嘅肉質燒得好嫩，一啲都唔會太硬身，而且佢嘅沙嗲汁都好好食，係會想點完再點，點晒成碟沙嗲汁鮮蝦金邊粉呢個我一開始就覺得有啲淡味，就叫咗侍應攞咗啲魚露俾我點，點知撈埋與我就真係帶到佢嘅鮮味出嚟，仲係咁係咁食，因為真係好正，所以我建議大家如果食呢個金邊粉都可以叫佢俾埋魚露你買單都係幾百蚊，呢個性價比唔錯，唔使特登出去九龍城食

星期五晚放工後去到馬鞍山已經差不多七點，嗱嗱聲跑過去攞位。。。唔知係咪因為餐廳大，定因為係位置較偏遠，都仲有六七張怡，我們一行三人獲安排坐入門口轉左嘅單邊位。餐牌有好多選擇，真係眼花撩亂，而且好多樣都想食，花咗啲時間先可以落單。叫咗米紙卷(蝦)，炸軟殼蟹，青咖哩(雞肉)，印度薄餅，炒金邊粉同芒果糯米飯。米紙卷(蝦)有啲硬，味道正常，配埋個酸酸辣辣嘅汁好開胃。炸軟殼蟹上枱時暖暖哋，有啲三色椒粒粒同炸蒜托底，好夠味。青咖哩(雞肉)比想像中辣，用嚟配印度薄餅好啱，不過薄餅好油，食咗兩三件已經有啲滯。炒金邊粉無乜特別，係比較甜，好似唔似主食似甜品咁。芒果糯米飯，有芒果，黑白糯米飯各一球，配埋椰漿，顏色夠晒搶眼。芒果甜、糯米飯咸咸甜甜，好得意、椰漿就太甜。餐廳枱櫈放得比較鬆動，係我哋坐個位頭頂上有冷氣機出風位，好凍。

好日都唔會入嚟馬鞍山，今次朋友介紹入嚟食間幾好食嘅東南亞菜，我哋好早就已經到，五點幾去到都好多位，但係六點幾就已經坐滿晒人。環境好舒適，食物種類好多，樣樣都好想試，但係基於兩個人，叫嘅嘢食唔多，下次可以試吓叫多幾個朋友一齊嚟食。叫咗個越式蝦米紙卷，個紙卷好薄，面頭隻蝦好大隻，呢個前菜好好食。叫咗個芒果糯米飯，芒果好甜，糯米飯熱辣辣上枱。串燒沙嗲六吋，新鮮燒起上枱，好好食，好惹味，牛肉好有牛香味，雞肉好稔，正。叫咗個越式蝦炒金邊粉，金邊粉酸酸地好開胃，佢哋嘅配料好多，傳統嘅金邊粉好似真係有個蛋包喺面，兩個人食真係夠晒。叫咗個馬沙文牛腩配印度薄餅，牛腩好有牛香味，好軟身，入口即溶，如果配白飯都好正，但係我哋想試吓印度薄餅，配埋薄餅一齊食個口感唔錯，不知不覺間食晒。

雖然馬鞍山成日比人話係個美食沙漠，但其實認真發掘下都係會搵到好野食，就例如呢間泰國菜餐廳😋🍍泰式菠蘿炒飯($118)炒飯用四分三個菠蘿裝住上台，只係睇個賣相已經覺得好吸引，而入面嘅炒飯更加係令人感到surprise~炒飯同平時食開嘅中式炒飯唔太一樣，佢加左提子乾、臘腸、蝦同菠蘿粒，大概係因為加左菠蘿汁的關係，食落仲會有淡淡的菠蘿香味🤤隨炒飯送上的，仲有一碟肉鬆同炸腰果，加落個炒飯上別有一番風味🦐泰式蝦炒金邊粉($108)朋友話咁大個女未食過金邊粉，一於叫個比佢試下，金邊粉上面有個用蛋煎出黎嘅網，令成個賣相瞬間加分左唔少金邊粉酸酸甜甜，最岩呢個炎熱的天氣食，夠曬開胃，蝦仁大隻而爽口，再加埋旁邊少少花生碎食，滿分💯~🥥🍧椰青沙冰($58)呢間餐廳的飲品主打係沙冰，menu上的沙冰口味選擇幾多，原本想同朋友一人叫一個味道試下，但環視四周發現唔少人張枱上面都有個椰青沙冰，好奇心驅使下，決定同朋友一齊share一個椰青沙冰沙冰上台嘅時候，同朋友都不約而同咁哇左聲，因為椰青好大個，而且沙冰堆到好高好滿，完全足夠兩個女仔share~沙冰的椰青味道好香好濃，飲得出真係用椰青水製作而成的沙冰，而且沙冰好