新泰東南亞餐廳

營業中

休息中

🏷️ 新泰東南亞餐廳🇹🇭📍 尖沙咀加拿分道25-31號國際商業信貸銀行大廈地下1A號舖及地庫(港鐵尖沙咀/尖東站N2出口,步行約1分鐘)📞21177003每隔一兩個星期就會有家庭樂嘅時間，姪仔姪女姨甥仔姨甥女個個都咁細個，有時都要諗吓食乜嘢好🥳一諗到圍埋一齊，多人先可以食得多嘢嘅菜式就即刻諗起泰國菜，新泰東仲要已經係encore咗幾次，有辣有唔辣，fit曬🥰🥰🥰一講起泰國菜，點會少得暖笠笠嘅冬蔭功湯，新泰東既冬蔭功(大$198)，夠酸得嚟又足料，小篇就最鍾意食湯入面嘅菇，每次都必叫，有住個小火爐一路熱住，就算飲到尾都仲熱辣辣❤️‍🔥推薦指數3️⃣.5️⃣/5️⃣今次仲第一次叫呢個「馬拉盞炒蒜芯」（$88），超級惹味，就算平時我對綠色嘅嘢冇興趣，今次一試都忍唔住再夾多幾條係自己嗰碟到，蒜芯好嫩完全冇揸，而且夠鑊氣，份量都好足🤪🤪🤪推薦指數4️⃣/5️⃣「菠蘿炒飯」（$138）係全場小朋友嘅最愛，酸酸甜甜嘅菠蘿仲有提子乾，小朋友簡直一啖接一啖，而且新鮮菠蘿做底，食完個飯小朋友仲拎個匙羹繼續食菠蘿，抵晒😂😂推薦指數4️⃣/5️⃣「麵包焗咖喱軟殼蟹」（$248），味道不過不失，勝在夠汁點晒成個麵包，而且麵包都脆卜卜，呢個價錢

放工同朋友諗住敘舊嚟到尖沙咀，有人提議想食泰國菜，咁啱喺附近就見到呢間新泰東南亞餐廳，幾年前食過印象不錯，今日再試吓。泰式生蝦 清新爽口配搭泰式生蝦醬，非常惹味。咖喱軟殼蟹麵包，咖喱味香濃，軟殼蟹鬆軟香脆，配搭白飯和薄餅，非常吸引。青咖喱，清香的青咖喱，同樣吸引 馬拉盞通菜，通菜充分吸收了馬拉盞的味道，微微的香辣，爽口好吃。

朋友仔推介就嚟咗呢一張尖沙咀嘅泰國餐廳🤤豬頸肉豬頸肉燒得香口惹味多汁，配搭咗酸汁更醒胃🤤冬陰功冬陰功湯 海鮮足料 原隻大蝦配搭多款香料 酸辣適中 入味🤤新鮮生菜包啲生菜新鮮到極致 追加咗多兩盤生菜用咗雞肉取代傳統豬肉做出嚟嘅生菜包 依然都可以保留到肉質鮮嫩 咬落去爽脆鮮甜嘅質感🤤排骨山就咁食落去嘅排骨冇咩特別 但係啲湯就好惹味用嚟打卡一流 佢嘅火焰貫穿咗所有嘅排骨🤤軟殼蟹米子卷好好食 😋 軟滑嘅米卷包住新鮮出嚟嘅軟殼蟹咬落去一啲都唔油膩 仲有淡淡嘅清新人均消費$300

尋晚同朋友黎食飯，環境舒服，有大枱，適合一班朋友聚餐，點左排骨山，排骨好軟淋，個汁好好味😋😋😋少少辣，生蝦刺生，每隻都好厚肉👍🏽👍🏽牛排就普通啦🤏🤏每個朋友都叫左一個椰青沙冰，無得頂，一頂要飲，其他食物質數都好高👍🏽👍🏽👍🏽👍🏽絕對值得一試

今次我同朋友去咗一間泰式餐廳，叫左午市lunch一齊share食。首先試咗海南雞飯，雞肉鮮嫩滑嫩，配上香滑的米飯，味道非常正。接住試咗越式蟹肉炒粉絲，粉絲吸曬蟹肉的鮮味，口感滑溜，味道帶有鹹香。再嚟就係青咖哩雞配白飯，青咖哩香濃，雞肉入味，搭配白飯真係一流。泰式炒什菜亦都唔錯，色彩繽紛，蔬菜新鮮脆口，拌上香醇的醬汁，津津有味。飲品方面我試咗紅豆冰同綠豆沙冰，兩者都清爽可口，適合解暑。呢間餐廳既有泰式風味，又整齊乾淨有氣氛，值得再去！

10月8號經朋友提議，試試這間新泰東南亞餐廳，我們訂了7:00 7位，我們3人6:30到達，看到用餐時間只有90分鐘，但是reception 的姐姐話平日唔計時間，於是我們3人就上去先坐，order左2杯飲品，7:30人齊，就開始點餐，叫左一個戴眼鏡穿灰色制服的先生來幫我們落餐，他第一句說話就是「你地坐左成個鐘頭都未落單」，他在給說話我們聽，食物質素可以，除左這位先生，其餘的招呼都很好，只是要叫才會冲水，有這個人招呼相對價錢就是偏貴，如果唔想受氣就千奇唔好去。

朋友生日，佢話想食泰國菜，我第一時間想起系K11 Artus對面的人氣餐廳。其實我未食過亦吾清楚系咪值得去食，只是每次經過都系企滿晒人在門口等位等入座咁，所以就襯今次網上訂位試下。這餐廳面積很大，果然坐滿客人，那天不是假日，只是星期五，但很多香港人都鍾意呢日約朋友敍餐吹水的，me too。😅豆腐酥沙律. $78講真：麻麻，吾太好味，口感怪怪的！馬拉盞通菜 $88應有既一般水準，只系食泰國菜必點菜式之一😂泰式明爐魚(烏頭) $228都系一般，湯汁沒有特別好味感覺，可能客滿關係，總覺得未夠用心製作咁。(掛住傾計，忘記影相添😅)辣椒膏炒大蜆. $128味道可以，但可以食到蜆肉的吾多。泰式菠蘿炒飯. $138當晚最好食的😋蒜蓉包. $42好味，夠脆，證明新鮮製作！甜品：椰汁木薯. $60麻麻地，吾推介芒果雪糕配糯米飯. $68幾好味！😋飲品 ：椰汁冰. $48紅豆沙冰. $55菠蘿沙冰. $55番石榴沙冰. $55總括來說沒有太大驚喜，滿腦子只有一個疑惑🤔，點解會有咁多人肯排隊幫襯？😁😆泰國菜我亦喜歡食，但這間就不會有沖動想食第二次囉！

新泰東南亞餐廳 Lunch Set (尖沙咀)套餐 $75泰式海南雞飯 👍人氣之選，雞真係十分滑，也比較油，不個通常如果太肥我們也不食雞皮的。雞油飯好香都好好食，也拼少少蔬菜， 個雞湯都幾好味，還有白蘿蔔。泰式蝦醬炒飯好有泰式嘅風味， 炒飯唔算太油膩， 蝦醬好出好吸引。 有肉鬆，果仁，炒蛋絲。材料也足👍椰汁冰 加$8青檸梳打 加$8第一次來朋友介紹， 裏面裝修真係好東南亞氣氛， 有好靚嘅木材設計 擺設 和 有些印尼泰國式嘅燈飾。 真係好似去咗度假咁。員工服務也好， 不會急趕叫你走👍📍尖沙咀加拿分道25-31

今日想食泰國嘢，收工過到去就應該差唔多時間，等位嘅時候已經睇定Menu有咩好食😂，兩個人勁多嘢想食，最後叫咗🍞麵包焗咖哩軟殼蟹➡️第一次食幾得意，個麵包中間放滿咗軟殼蟹同埋咖喱汁，之後可以切一舊舊點個咖喱汁一齊食👍🏻肉碎生菜包：呢個就同平時食開嘅生菜包差唔多，如果再辣少少會更加好燒西冷牛扒：我就叫咗七成熟，不過個牛肉就比較韌咗少少，不過個汁就OK嘅😛泰式凍奶茶：味道唔錯，唔會太甜，有茶香個

呢間水準幾高，入邊店員大部份都係泰國人，裝修設計都好有泰國風味🇹🇭燒豬頸肉 $98 豬頸肉燒得香口又惹味，配埋酸辣汁更醒胃😍生菜包雞肉 $98 呢款真心好特別，平時出去最多見到包豬肉、包鴨肉，第一次見包雞肉，仲要整得好食😍完美還原包豬肉嘅口感！味道都好似🥳雞肉感覺比較健康，冇咁肥膩～蒜蓉炒貴妃苗 $98 呢個菜真係好好味！蒜蓉炒得好香甜，自己食一碟都可以🤣馬沙拉咖喱雞 $108 呢隻咖喱幾好食，唔係好辣，不過雞肉有啲鞋，下次可能會點豬肉印度薄餅 $42 熱辣辣好酥脆！點咖哩好好食🤩推薦聚會過嚟食🥳🥳

突然好掛住Bangkok 食既排骨山，呢間隔咗一陣子無去既泰菜就去覓食一下頂住癮先1. 排骨山 💰$248比起泰國食既差好遠。。。。Bangkok 係大大舊既骨😍成座山咁高，hk 呢間就似煲湯既排骨🙃,味道就還可以，偏咸，同慢火滾住越食越辣😝2. 泰式柚子蝦沙律💰$118 柚子夠甜，蝦都爽既，不過個汁就略為偏甜，呢個價錢黎講，份量算少3.泰式生蝦 💰$1181碟有6隻🦐但好明顯雪咗好耐，隻蝦放落口時仲係硬身，唔新鮮，同無蝦味😣4.醃無骨鳯爪沙律 💰$78正常水準，酸酸地都幾好食👍🏻5.麵包焗咖喱軟殼蟹 💰$248面包沾咖喱無得輸😋索咗d 汁好好食，外面脆裡面軟， 個咖喱唔辣，男女老少都食得。 不過我本身就麻麻軟殼蟹，覺得偏油，整體算唔錯6. Beer Tower 💰$378最正係呢個，食泰菜點少得凍冰冰夠解喝既啤酒😂呢個有100 分😜整體：環境坐得舒服既，比一般泰菜坐得舒適， 但每碟份量較少，同唔夠泰式， 下次可以食其他好d 既泰菜

又去咗尖東依間「新泰東南亞餐廳」食飯，不得不說依間餐廳除咗炒粉麵飯充滿鑊氣值得一讚之外，佢哋嘅湯麵都同樣出色。*此餐廳收取加一服務費。窩巴牛肉（單點$98），牛肉肉質嫩滑，肉味濃厚，表面鋪滿巴東醬，食落充滿香料味道，配以窩巴食用，口感香脆，食落好香口，略嫌價格比較貴。冬蔭湯海鮮金邊粉（單點$88），鮮蝦肉質爽口，食落好新鮮；魷魚份量多，口感彈牙、不韌；青口肉質飽滿，味道鮮甜；魚蛋食落有鮮味；冬蔭功湯底味道酸中帶辣，帶有香茅、南薑味道，金邊粉口感幼滑，容易掛湯；配料包括有紫洋蔥、芽菜、生菜、香蔥。青木瓜沙律（單點$78），青木瓜口感爽脆，味道酸辣，配以櫻花蝦食用，味道鹹鮮，配料包括有車厘茄、生菜、花生，略嫌份量比較少。泰式凍奶茶（單點$48），茶味濃香、帶有回甘，甜度適中。凍綠茶（單點$48），奶味醇厚，茶味清香。

最近在泰國回港，我自己仍對泰國菜式念念不忘的呢！ 朋友說都想食泰國菜，介紹一間香港尖沙咀原來有間是正宗泰國菜😋的餐廳：新泰東南亞餐廳 ，原來1990年時開業了， 而廚師同大部分員工都是泰國人，加上充滿泰國風情裝飾，當我入到餐廳感覺就在泰國呢！其主打多款泰、越、星馬菜式，還有必食香中帶辣、好惹味爆炸蟹！這日午餐我們便簡單吃， 點了菠蘿🍍炒飯 、 芒果🥭糯米飯 🍚！菠蘿🍍炒飯有鑊氣、粒粒分明， 美觀又美味！芒果🥭糯米飯好有泰國風味，鮮甜芒果愛不釋手

今次我地黎左尖沙咀玩，經過呢間泰國菜餐廳門口幾多人排隊，而我地都鐘意食泰國菜，又有一排冇食，就決定揀呢間食飯啦🇨🇷呢間餐廳環境幾靚，卡位仲有枕頭，勁舒服，除左卡位，人多都有大圓枱，唔同人數都適合黎👏🏻泰式青咖哩（牛）（$108）印度酥餅（$42）咖哩配薄餅係我其中一個最鐘意係泰式餐廳會點既食物，咖哩汁既濃度岩岩好，唔會太杰或者太稀，辣度唔算辣，唔食辣既我認為都會食到，佢用黎點簿餅食好正，d簿餅整得夠酥脆，幾好食😄泰式燒雞（$208）泰式燒雞佢係即燒既，佢上碟時勁香，皮脆肉嫩，最正係佢跟埋泰式辣醬，泰式辣醬食燒雞好夾🐥泰式蝦炒金邊粉（$118）呢個金邊粉整得幾型，用d蛋絲包住上碟，拆開之後都幾大碟，d蝦大大隻，炒得香口，調味夠🔥芒果沙冰（$55）大熱天時就要飲沙冰消暑，芒果沙冰既甜味同果香都有，咁熱天氣夠曬正🥭椰青沙冰（$78）呢個沙冰就犀利，佢椰青味既沙冰，係成個椰青殻上，d冰堆到滿瀉，椰青味仍然keep到，睇得又飲得🥥呢間餐廳環境真係幾好，最正係有大圓枱，多人聚會又多間餐廳選擇，食物質素都幾好，而椰青沙冰都令我好深刻，好好飲☺️

抵食午市套餐🥹🥹有同事介紹呢間地理位置勁佳，就係k11商場對面，入到去發現位置好寬敞，坐得舒服既泰國餐廳，我地早左所以都唔駛等位😃😃每個午市套餐仲配一杯飲品~~泰式豬頸肉炒河🫢🫢份量好大份，豬頸肉軟硬適中，唔會太稔太鞋 河粉唔會太油，幾有質感，味道不錯！ ！喇沙鮮蝦魚片米線😲😲鮮蝦大大隻，夠新鮮，有幾舊魚片，味道一般，喇沙湯底比想像中淡，唔夠入味，稍為失色，份量足夠，下次黎唔會再點呢個餐