新泰東南亞餐廳 (雙子匯1期)

營業中

休息中

知道啟德近幾年開咗好多新嘅商場，今日決定過嚟覓食😝坐地鐵去到啟德站，一出行冇耐，就見到啟德雙子匯，地點好方便👍🏻今日想食泰國菜，所以最後揀咗「新泰東南亞餐廳」，佢環境境都好舒服寬敞😌充滿泰式風味，令人好放鬆！打開menu，都見到有好多選擇，三心兩意咗好多耐，終於決定到點咩菜😝🔸泰式明鱸魚$228呢道餸真係好正，見到熱辣辣原條鱸魚上枱，又聞到好香好清新嘅香茅、檸檬葉同芹菜香味，食落味道酸酸辣辣，有啲梅子肉，魚肉吸滿湯汁的味道，越食越開胃，仲有啲肉碎同菇菇🤤最後極速清晒！重點完全唔會有腥味！🔸香芒軟殼蟹米紙卷$98一碟有八件大大件米紙卷，份量都好足！入面有滿滿炸到好香嘅軟殼蟹，仲食到蟹膏嘅香味，搭配埋生菜、紅蘿蔔絲、青瓜絲、牛油果、檬粉同甜甜嘅芒果，面頭仲有炸乾蔥，一啖咬落去真係好滿足！旁邊仲有魚露甜酸汁「碌冧」👍🏻🔸燒西冷牛扒$138牛肉燒得好香，好夠牛味，我哋叫咗五成熟，完全唔會乾柴，係出色的，個底仲有啲雜菜，旁邊又有啲醃咗嘅蔬菜，可以食下fresh下，佢仲有兩個醬汁，鍾意可以再加埋泰式醬汁同辣汁，轉換下口味！🔸泰式凍奶茶$48超鍾意泰奶嗰種好香嘅泰式茶味，如果你都同我一樣，嗌佢唔會令

同班friend約飯最煩揀餐廳，今次殺入啟德雙子匯新開嘅「新泰泰國餐廳」，門口大大個打卡位IG-able，入去發現裝修走輕奢風，服務員姐姐超nice，加分！**🍤香芒軟殼蟹米子卷** 透明米紙卷睇到爆餡嘅橙黃色芒果同炸到金黃嘅軟殼蟹，面頭撒咗啲炸紅蔥頭。芒果酸甜balance返油膩，最驚喜係裏面夾咗薄荷葉，成個口腔即刻fresh晒。**🍢串燒拼盤（雞牛豬各2串）雞肉串啖啖肉又juicy，豬頸肉帶焦邊最正，牛肉就稍為韌咗少少。精髓係個**自家製沙嗲醬**——花生碎多到瀉，仲有淡淡椰香，個醬濃到可以撈飯。**🥬鴨肉生菜包（小辣）** 鴨肉碎炒到乾身又鑊氣十足，生菜葉新鮮，包住鴨肉+薄荷+青檸汁一啖塞入口，辣勁慢慢湧上嚟（小辣都好夠kick！）**🦪鐵板蠔仔炒蛋（$148）** 鐵板「滋滋聲」送上枱，蛋邊脆到似煎堆。蠔仔肥嘟嘟無沙，仲落咗大量九層塔同魚露，鹹香帶微甜，朋友最like,邪惡度滿分。 **🍝泰式炒金邊粉** 擺盤靚到不捨得搞亂——金邊粉堆成小山被脆網蛋包住，十分搶眼。炒功一流，酸甜醬掛晒上粉條，仲有淡淡羅望子香。特別讚佢用粗身金邊粉，索汁得嚟唔會爛腍腍。**💬後記**

「新泰東南亞餐廳」在尖沙咀的分店已經食過，仍然記住佢哋嘅食材和味道有多出色，依舊人氣晚晚排長龍，今日再嚟到啟德Airside 分店食晚餐，一樣係超爆場，裝潢充滿泰式風味，地方好大座位夠晒寬敞👍▪️串燒沙嗲（雞、牛、豬）每枱必點即叫即燒，上枱熱辣辣充滿肉香，而且每串都非常大串啖啖肉，雞、牛、豬燒得一樣出色，外焦肉Juicy ，沾上惹味嘅沙嗲花生醬，超正宗泰式風味▪️泰式去骨海南雞 （半隻）/ 雞油飯泰式海南雞飯，海南雞份量好多，雞件已經去骨，雞皮爽脆，雞肉滑溜又夠入味，唔需要點任何醬汁都好夠味，當然沾上泰式風味辣汁和薑蓉更有風味，配上泰式雞油香飯超美味▪️明爐烏頭魚泰式明爐燒魚，熱騰騰原條魚上枱，有肉又有湯，味道酸酸辣辣，魚肉吸滿湯汁的味道，越食越想食令人特別開胃，香茅、南薑、辣椒、檸檬葉及芹菜香味特別突出▪️芒果雪糕配糯米飯不能錯過這裏的甜品，這個用原個椰青起肉，再放上熱辣辣嘅糯米飯、芒果雪糕、新鮮清甜芒果、甜椰漿和白芝麻，所有食材配搭一齊食，味道超級驚喜▪️椰青椰青超大個，夠晒冰凍椰水清甜好飲，消暑解渴一流▪️芒果沙冰即點即打既芒果沙冰，口感濃厚，芒果味香甜濃郁，完全好似食緊芒果一樣

🦀香芒軟殼蟹米紙卷 $98煙韌嘅米紙加上香脆軟殼蟹仲有芒果牛油果口感好正又唔膩！🥬馬拉盞通菜 $88辣辣地開胃得黎有鍋氣👍🏻🥩燒西冷牛扒 $138表面微微燒焦好香！本身有調味又軟淋配上泰式醬汁別有一番風味🤤🦐泰式蝦炒金邊粉 $118大大隻蝦食落彈牙, 金邊粉炒得都幾香👍🏻蛋絲包住金邊粉擺盤好特別🥥椰青斑戟 $60未食已經聞到好濃郁椰香味煙韌軟糯嘅口感仲有少少椰子肉同椰絲甜甜地, 值得一試！呢到價錢適中又大份性價比唔錯！室內外都好多位置人氣爆滿👍🏻👍🏻

【啟德抵食泰菜午餐！】 今日試咗啟德sogo入面14樓呢間泰國菜，午市套餐$75起，超值！必點**黃咖喱雞飯**，椰香濃郁，雞肉嫩滑，送飯一流；**泰式炒金邊粉**鑊氣足，酸甜開胃，蝦仁爽彈。仲有海南雞飯都係一樣價錢，抵!套餐包飲品，加$28有*炒菜或者串燒*，地方一流，靚位，性價比爆燈！ 環境光猛闊落，冷氣夠，服務快手。缺點係份量小小偏細，大食人士可能要加餸。整體來講，$75.sogo入面食到好味泰菜，打工仔午餐首選！ 👍抵食指數：★★★★☆ 📍地點：啟德sogo

呢度環境好大，又有梳化坐平日都人頭湧湧 價錢大眾化先叫咗六串串燒，已經有齊晒豬牛雞唔使選擇 配合惹味嘅沙嗲醬 都好Juicy 唔會太乾泰式柚子蝦沙律啲柚子好甜 又多前菜嚟講呢個幾開胃，又夠健康原個菠蘿咖哩蝦 呢個比較特別 係喺個菠蘿中間開咗個窿入邊 就係咖喱汁加咗啲菠蘿 令到咖喱味多咗份甜同埋酸酸哋啲蝦都幾大隻 又夠多汁 撈埋啲飯一齊嚟食幾好奄列海鮮炒飯 係用隻蛋包住啲炒飯入邊有充足嘅海鮮配料，例如魷魚青口魚龍眼冰大杯，亦都有香甜嘅龍眼肉

醃無骨鳳爪沙律 $78-酸辣醒胃的泰式風味，鳳爪去骨後口感爽脆彈牙，醃料以魚露、青檸、辣椒及香草調配，層次鮮明，開胃首選。泰式莈蘿炒飯$138-原個菠蘿炒飯，鑊氣十足，伴肉鬆、腰果(另上可以按自己口味加落飯到)，另外葡萄乾，酸甜果香平衡油膩。麵包焗咖哩軟殼蟹$248-整隻酥炸軟殼蟹浸潤於濃郁黃咖喱中，麵包吸盡椰香醬汁，外脆內綿。軟殼蟹炸得透徹，連殼入口鬆化無渣，份量都幾大，建議多人分享以免膩口。芒果糯米飯$78-食泰國餐一定要食既經典甜品，芒果熟甜無絲，糯米加紫米飯溫熱軟糯，淋上濃稠椰奶。**環境係新淨企理, 所以用餐感覺都唔錯. 經理同有D waitress 係泰國人, 個feel都幾好~

位於啟德SOGO 14樓的「新泰東南亞餐廳」，環境寬敞舒適，裝潢帶有泰式風情，適合朋友聚餐或家庭聚會。菜式選擇豐富，部分菜色表現出色。牛油大蝦蝦肉新鮮彈牙，牛油香氣濃郁，醬汁惹味，配薄餅非常適合！冬陰功湯底酸辣平衡，香茅和南薑的香氣突出，味道偏鹹，不推薦。柚子沙律柚子新鮮多汁，搭配腰果、椰絲和魚露醬汁，口感清爽。好吃！ 煎蠔餅蠔餅外層酥脆，蠔肉份量多，粉漿不厚鑊氣足，有口感不油膩。搭配辣醬一流。十個讚！ 泰式奶茶茶香濃郁，甜度適中，奶滑順口，冰涼解辣，必點。青咖喱雞咖喱椰奶香濃，辣度溫和，雞肉嫩滑，配料有茄子、豆角等，非常下飯。但醬汁稍稀，若再濃稠一點會更完美。 薄餅現點現烤，外層酥脆，內裡柔軟，蘸咖喱或牛油蝦醬汁一流。份量足夠有八塊，推薦必點！ 泰式金邊粉配料有蝦、豆腐乾、蛋絲等，味道酸甜平衡。味道普通。 雜錦串燒串燒（雞、牛、豬）肉質尚可，沙嗲醬香濃，但部分肉類稍乾，建議趁熱食用。 總結推薦菜式：牛油大蝦、薄餅、煎蠔餅、柚子沙律整體而言，泰菜水準中上，適合想在香港品嚐泰式風味的食客，部分菜式值得回頭再去！

今日同一班朋友去咗雙子塔食泰國菜服務員都係泰國人 地方同環境都一流 我哋今日叫咗個4人餐 加冬陰功湯 生菜包 菠蘿炒飯四人餐包括有豬頸肉沙律 🥗 （辣辣地幾好食）串燒 （d肉都幾大舊 ）咖喱蝦 （唔好食 咖喱汁唔香咖喱味）蒜蓉包 （好食）炒金邊（唔好食，感覺好似食緊蕃茄意粉咁）太濕4杯野飲 ….綠豆沙冰幾特別同好飲～而另外加嘅冬陰功湯 好咸 麻麻地 菠蘿炒飯 個飯都好濕 生菜包 普普通通 不過不失 最後埋單$800 左右 6大1小份量 ….4:30前有8折優惠總括嚟講呢個環境食嘢算抵 有得坐露天環境都幾舒服但係食物嘅水準就麻麻哋 。

今次嚟到呢間啟德雙子匯食泰國菜，店內環境好有東南亞氣氛🏖，窗邊嘅卡位坐位非常舒適，仲有枕頭可以挨住。蒜蓉炒貴妃苗 $98份量好多，啲貴妃苗堆到成座山咁😮，蒜蓉嘅香氣好吸引，貴妃苗亦帶有鮮甜嘅味道，口感又爽口又滑😛。燒豬頸肉 $98食落肉質好嫩，肥瘦比例啱啱好，彈牙嘅口感👍🏼。豬頸肉嘅邊位亦被燒到有焦脆嘅口感。本身就咁食會有少少辣味🌶，配埋佢嘅醬汁，酸酸辣辣嘅感覺，又再開胃左。燒西冷牛扒 $138牛扒好厚實，口感有嚼勁🥩，牛味都好重，燒完嘅牛扒食落更香口🔥，再加埋泰式醬汁，令肉味更出色，昇華成個味道。馬沙文牛腩 $108牛腩大大舊，面頭有啲椰汁作點綴，賣相非常吸引，咖哩食落味道甜甜地，香料同椰汁香味好濃厚🍲，牛腩每舊都好大舊，但食落依然好稔。另外叫個薄餅用嚟沾個醬汁🫓，牛油味好香，令人想一啖接一啖咁食晒成個薄餅。番石榴沙冰 $55係平時比較少見嘅飲品，番石榴嘅味道好香濃，唔係死甜，食到咁上下飲返啖沙冰，冰冰涼涼又解膩🍹。

睇演唱會前喺啟德搵嘢食朋友帶我嚟Sogo呢間泰國嘢位處14樓 居高臨下望出去 外面景色一流仲有室外位置 夜晚涼涼地坐出去食 一定好chillMenu選擇超級多Weekend都仲有lunch set 抵食👍🏻先要咗個泰式柚子蝦沙律好大份好fresh啖啖柚子肉 非常juicy蝦大大隻 食落爽脆加埋洋蔥、腰果、熟蒜 好開胃好好食🥰香芒軟殼蟹米紙卷冇諗過有8件咁多 勁抵食件件都份量十足軟殼蟹入面有少少蟹膏 咬落去湧晒出嚟好食！🙂‍↕️泰式蝦醬炒飯顏色非常靚 蝦醬味道幾香飯粒粒粒分明 加埋肉鬆、蛋絲、腰果粒同腸口感豐富 非常開胃👍🏻跟餐+$28仲可以有小食 要咗個馬拉盞通菜馬拉盞醬冇得輸 超香加咗少少辣椒同蒜頭 香口而不辣燒豬頸肉 必點！！超級好食 肉質好鮮嫩 顏色呈粉紅色燒得剛剛好 加埋sauce一齊食 簡直係perfect🫶🏻甜品試咗芒果黑白糯米飯賣相好靚綿滑嘅黑白糯米 加埋椰汁好香芒果新鮮鮮香甜A great ending!跟餐加$8又可以升級特飲椰汁冰甜度適中 唔錯朋友嘅咸檸七都好正啱晒睇演唱會前飲🤣食咗咁多嘢埋單又唔算貴性價比高！👍🏻

今日同朋友去啟德行下街，去埋新商場雙子匯行SOGO，見到有好多餐廳，大家都想食泰國菜，就決定食呢間！餐廳裝修幾靚，好有東南亞feel，座位闊落，坐得舒服😁餐牌有好多選擇🥳我地叫左4個菜，香芒軟殼蟹米子卷、泰式蝦炒金邊粉、鴨肉生菜包、排骨山香芒軟殼蟹米子卷 $98軟殼蟹炸得好香脆，配上芒果，牛油果同新鮮爽脆蔬菜，仲有炸蒜，口感好豐富，味道清新🤤泰式蝦炒金邊粉 $118金邊粉用蛋漿整成嘅網包住，賣相精美，金邊粉有鑊氣，炒得剛剛好，唔會太油膩太濕，仲有幾隻大蝦，好新鮮彈牙，味道甜甜酸酸，好開胃😘鴨肉生菜包 $118鴨肉味道香濃惹味，唔會太肥膩，生菜新鮮爽脆，包住鴨肉一齊食，口感豐富又清新😁排骨山 $248排骨份量都多，啖啖肉，食到好滿足，湯汁酸酸甜甜，好惹味🥰

呢間新泰係sogo上面星期日都有午市套餐，價錢非常抵食！仲配埋呢個環境，唔怪得咁多人等～午餐 椰香青檸海鮮粉絲湯呢個湯底充滿椰香，仲帶點青檸既酸，非常開胃，粉絲吸哂湯底既味道，清新而不膩，仲配上唔同種類既海鮮～午餐加錢可以配小食越南蝦米紙卷米紙包住唔同既蔬菜和蝦，蝦好彈牙，口感清脆！馬拉盞通菜炒得充滿鑊氣，馬拉盞既咸香令到成碟菜都好惹味，帶微辣！香蘭葉包雞雞肉用香蘭葉包住後燒，保留左濃郁的香氣，令到雞肉鮮嫩多汁，一d都唔柴！串燒牛有6串，份量十足，牛肉外焦內嫩，肉質鮮美，配上惹味既沙嗲汁，正宗泰國味道👅燒原隻魷魚大大隻，燒得岩岩好，唔會太燶，魷魚口感彈牙，配上燒汁

今日我和朋友去了啟德行街，順便去了這間餐廳食泰國菜。越式蟹肉炒粉絲（$118）：越式蟹肉炒粉絲的味道十分鮮美，蟹肉的鮮甜與粉絲的彈性相結合，讓人一口接著一口。粉絲的口感非常滑順，與蟹肉的嫩滑形成鮮明對比。每一口都能感受到蟹肉的鮮嫩和粉絲的Q彈，配合著各種蔬菜的清脆，整體口感非常愉悅。蝦醬炒飯（$98）：蝦醬的鹹香與炒飯中的蔬菜和其他配料相互交融，讓每一口都有層次感。蝦醬的海味強烈，但不會 overpower 整道菜，反而增添了深度。米飯粒粒分明，炒至金黃色的外皮讓人食欲大增。燒豬頸肉（$98）：燒豬頸肉一般呈現出金黃色的外皮，油亮誘人，令人食指大動。外皮的脆度和顏色往往代表著燒製的技巧。豬頸肉部位肉質較嫩，油脂分佈均勻，通常肉質滑嫩多汁，咀嚼起來口感順滑。而酥脆的外皮與多汁的內部形成鮮明的對比，讓人回味無窮。

琴日同同事去咗雙子匯間新泰東南亞餐廳食晚飯，兩個女仔叫咗幾樣嘢share，份量啱啱好！🍨 椰子殼芒果雪糕糯米飯個樣真係好IGable！成個椰子殼上枱，打卡一流～糯米飯暖暖地，配凍凍地嘅雲呢拿雪糕幾過癮。芒果就正常甜度，兩個人share食剛好唔會膩。🥣 細冬陰公湯細細碗但料都幾足，有兩隻大蝦。湯底酸酸辣辣好開胃！🫓 印度薄餅新鮮炸起熱辣辣，脆卜卜咁。點咖哩食真係無得輸，我哋仲用嚟點冬陰公湯，出奇地夾！🍤 菠蘿大蝦黃咖哩最驚喜係呢個！用半個菠蘿上枱好得意，咖哩甜甜地，啲蝦又大隻。最正係啲菠蘿肉，吸晒咖哩汁超好味～🍢 串燒拼盤有雞牛豬各兩串，沙嗲醬花生味好濃。不過肉質有啲乾，如果嫩啲就perfect啦！🍜 海鮮濕炒河海鮮都算新鮮，味道正宗，下次可能會試其他主食。環境：燈光暗暗地幾有氣氛，坐得都舒服。服務：侍應姐姐幾nice，見我哋兩個女仔仲主動提議幫我哋分湯。上菜速度都算快，唔使等好耐。總括：呢度幾啱兩個女仔去食，可以試多幾款唔同嘢。最推介菠蘿咖哩同冬陰公湯，下次會想試埋佢哋嘅生蝦刺身！記住要預早少少去，晚市都幾多人等位㗎～