影片
營業時間
今日營業
12:00 - 22:00
星期一至四
12:00 - 22:00
星期五至六
12:00 - 22:30
星期日
12:00 - 22:00
以上資料只供參考, 請與餐廳確認詳情
-全店裝修都走韓風型格路線，裝飾使用紫色黃色嘅霓虹燈，電視不停放着輕快嘅K-Pop，充滿韓國大排檔特色，氣氛超好，吸引好多年輕人幫襯，而我完全為醬油蟹而來，因為香港好少地方有得食！先上前菜:韓式泡菜、芽菜同蘿蔔絲🦀🦐招牌醬油蟹拼盤 （配麻油紫菜飯）$298呢個拼盤包含醬油蟹同醬油蝦，食落口仲係微凍，肉質都新鮮唔會有雪味，醬油蟹包裹着多蟹膏，入口充滿鹹鮮味，正宗醬油蟹都偏鹹，但呢個蟹不會太過鹹單食都可以，仲有青辣椒調味，層次算豐富。至於生蝦肉就好爽口，蝦膏配合麻油紫菜飯食一流，感到好幸福！🍯🍶招牌原粒蜂巢蜜米酒（2人 $98份）呢個設計真係好特別，成支「新沙洞米酒」送上，蜂巢入面隱藏好著多蜂蜜，米酒唔會太嗆口，口腔慢慢滲出淡淡蜂蜜甜味，好順滑易入口，亦都好啱女仔飲！❤️泡菜豬肉豆腐湯 $118 傳統韓式味道，屬於小辣，酸酸辣辣好開胃，入面料好多元化，除咗有泡菜、豬肉同豆腐外，仲有蔬菜同菇類，有點似韓式羅宋湯，呢個配飯食都好好食！🐟金槍魚飯卷 $108正宗韓式飯卷，除咗有吞拿魚蓉，仲有青瓜、甜蛋和紅蘿蔔等配菜，份量都足夠，食到勁飽！💛早一日打電話訂座，順便預留醬油蟹就最抵，優惠價$198就食到，（星期一至四全日供應/星期五六日只限七點前/公眾假期無優惠，優惠不能同時使用）-
繼續閱讀
每次經過開元朗呢邊，都比呢間小店橙橙黃黃的裝修同燈光所吸引，充滿韓式大排檔風味🤩❇️秘製柚子蘿蔔($20)▶️先來一個前菜，蘿蔔醃製過，配合柚子醬，甜甜酸酸都幾開胃❇️鐵板燒濟州黑毛豬($188)▶️連埋石爐上枱，因為上枱侍應先至會點火，可以自己控制烤的時間。黑毛豬肉厚切，肉味香濃。中間有豐富油脂，燒熟後都唔會太乾，配理附上的醬汁食更加惹味❇️韓式牛肉炒粉絲($108)▶️份量都幾足料，頂頭有好多蛋絲，下面牛肉份量都好多，肉味夠，除咗粉絲，仲有蘿蔔絲、椰菜絲及洋蔥，口感層次豐富，亦唔會炒得好油❇️新沙洞炸物拼盤($118)▶️入面有：甜薯芝士條、紫菜粉絲卷、炸韓式餃子及韓式年糕配甜辣醬。炸物全部即炸，外脆內軟，每款味道都幾香濃。年糕口感煙韌，配醬汁食都幾惹味亦唔會好膩。❇️招牌原粒蜂巢蜜米酒 /2人份 ($98)▶️第一次飲呢款米酒，個酒埕好有風味，每隻杯都有好大粒的蜂巢蜜，將米酒倒入去飲，蜂蜜其實唔會溶得好多，不過都會飲到淡淡的甜味，就算唔太飲得嘅朋友都啱飲❇️順帶一提，呢度其中一款招牌菜係醬油蟹，不過由於唔食得生冷野所以今次冇叫到依家做緊醬油蟹預訂優惠$198（原價$298）一至四全日供應五六日，只限七點前公眾假期沒有優惠優惠必須電話訂座⭐️優惠不能同時使用
繼續閱讀
入元朗去朋友新居，好難得入去，刨定資料睇吓有咩好食.試咗近日網上大Hit嘅韓風大排檔，今日炎熱天氣食吓醬油蟹醬油蝦再飲番杯真係透心涼. 餐廳喺好熱鬧嘅食街，真係超多食肆花多眼亂，但係韓式復古大排檔橙色主調裝修真係別樹一格好搶fo. 入到去全程播住輕快嘅韓國歌K-Pop好有氣氛. ⭐️招牌醬油蟹拼盤配麻油紫菜飯🦀🦐🍚我哋早一日預訂$198，食到咁大嘅拼盤真係好抵，原價要$298 㗎，抵過自己去超市買，正！ 醬油蟹滿滿蟹膏好鮮味，蝦好爽蝦頭好多膏，個醬油好滋味，配埋麻油紫菜拌飯食好滿足. 星期一至四全日都有$198優惠，五六日呢就要七點前，公眾假期就冇呢個優惠㗎留意番，記得早一日電話預訂啦. 💥⭐️招牌炸雞🐓食韓國嘢，點少得炸雞啊. 兩個人叫咗半份，原來都好大份. 叫咗秘製蒜蓉醬汁. 重口味蒜香味十足好惹味. 同埋佢個雞肉都真係好嫩滑，雞皮好香脆. 如果想試多隻汁加$10就可以雙拼啦. ⭐️韓式牛肉炒粉絲賣相成座山咁好巨型，牛肉份量好多而且有肉味. 仲有勁多蛋絲點綴散發蛋香，其他配料都好足料有菜、洋蔥等等. 粉絲幾煙韌彈牙不過估唔到炒粉絲偏清淡唔油幾健康. ⭐️夜空清夏燒酒配棉花糖呢隻大熱Sparkling燒酒超好飲. 入口清爽香甜，漸漸散發白葡萄酒香味，唔怪得喺韓國咁hit 啦. 酒精濃度只有7%，易入口過其他燒酒好多. 配埋棉花糖甜味口感更佳倒落去睇住棉花糖溶化好治癒啊. 呢間餐廳原來除咗元朗，大角咀都有分店㗎.市區嘅朋友都可以去試吓. 好有風味，適合大家影相.
繼續閱讀
Copper Wedding 第二場去左按摩～好舒服食飽飽按住第三場去食我想試既醬油蟹～同埋呢間裝修好有feel招牌醬油蟹拼盤配麻油紫菜飯$298嘩嘩原來係拼蝦呀！醬油蟹有白飯小偷之稱，一d都無誇張果凍質感既蟹肉蟹膏加一啖有麻油既紫菜飯實在太滿足，另一啖計埋蝦食又係另一個層次，蝦肉爽口彈牙，擠晒d肉之後記得啜埋蟹腳，仲有好多肉架，咸度適中好入味。招牌原粒蜂巢蜜米酒$98/2人份每杯都有原米蜂巢，好滋潤，米酒就咁飲已經好正，配埋蜜糖👍韓式辣炒豬肉配生菜$158好惹味，生菜包住辣炒豬肉＆泡菜，超夾。新沙桐炸物拼盤$98包括：甜薯芝士條兩條，芝士多到可以拉絲，外皮甜甜地，甜薯既甜突出到芝士既咸香，好食。脆炸紫菜粉絲卷兩條，呢個口感好特別，外脆內軟，好香紫菜味。炸韓式餃子兩件，餡有肉汁。脆炸年糕配韓式辣醬～我本身超鍾意年糕，呢款炸過更加好煙韌，但又唔會痴牙，配埋辣醬剛剛好。韓國粟米茶（凍）$38/2人份老公未好番晒無飲酒，所以叫左粟米茶飲，仲有粟米粒粒，解膩一流。呢間好旺場愈夜愈多人，大家都好醒咁訂左位，原來醬油蟹做緊優惠⬇️⬇️🦀醬油蟹做緊預訂優惠$198▶️原價$298🦀星期一至四全日供應🦀星期五六日，只限七點前🦀公眾假期沒有優惠，優惠必須電話訂座✨️優惠不能同時使用喔~訂位時可以問清楚😆店員們好有禮貌~下次會再嚟想試海鮮豆腐湯，今日賣晒~7點就無證明應該唔錯。
繼續閱讀
最近對韓國野食念念不忘 去開元朗都試吓搵韓式餐廳 又真係有一間以大排檔風格 以食醬油蟹叫招倈的新沙洞大排檔 就決定一試前一日order定醬油蟹預訂可以優惠價$198 有$100 折扣所以前幾日就用左電話訂座 星期六日要七點前入座 平日就冇時間限制 不過公眾假期就冇優惠去到餐廳坐低除左門口兩張大枱都接近滿場 我地除左醬油拼盤 另外叫左一個沙律🥗一份小食仲有米酒🍶招牌醬油蟹拼盤 （紫菜拌飯）包左一隻醬油蟹 四隻醬油蝦 紫菜拌飯餐廳亦有預備好手套 濕紙巾 食物盤方便進食 醬油蝦 蟹都醃製頗入味 醬油味道不會過鹹 唔會搶過左蝦蟹的鮮味 沒有腥味 肉質亦有鮮甜味道招牌原粒蜂巢蜜米酒🍶韓國好出名飲米酒 不過口味就未必個個接受到今次加左蜂蜜反而更易入口 口感甘甜 頗適合女仔品嘗 醬油八爪魚配沙律菜相對輕怡的選擇 沙律菜口感清新 令醬油味更加突出 反而可以係一道開胃小菜脆炸芝士薯波上枱時熱辣辣 大致都做到外脆內軟的口感 亦唔會太飽濟 諗唔到係元朗都可以食到一間唔錯的韓式餐廳 可以多一個選擇✅
繼續閱讀