新森林焗之專門店 (已搬遷) 新店位置

新森林食物一向多花款，最近推出左兩款焗飯好吸引，一於同男朋友去試下！9點幾來到旺角店竟然滿座氣氛好熱鬧啊！焗飯好多地方都有得食，但配原隻春雞真係第一次見！仲要低溫慢煮@@雞年試下呢個雞飯先！上枱嘅時候隻雞已經切開左一半，新鮮熱辣焗起都係用手套食好d。我好暴力咁撕開d雞肉😂真係熱到出煙🔥大家小心燙啊！肉質嫩滑多汁，特別係雞脾啖啖肉好滿足仲帶有陣陣煙薰香氣~估佢唔到咁夾底下係芝士焗飯 ，雞蛋炒飯鋪滿香濃芝士 ，飯粒有點乾身，我覺得加多少少醬汁會更好吃。另一款係開邊芝士焗龍蝦伴松葉蟹膏芝士焗飯（可配炒飯/意粉/薯菜）。 龍蝦+蟹籽+蟹膏真係邪惡到不行了😈龍蝦焗得有點乾，鮮味一般，幸好有滑溜豐腴兼帶鹹香的蟹膏搭救！撈飯一流兩款焗飯都係6pm後供應，各款套餐均送餐飲，加$5配餐湯，加$7配餐湯連餐包。原隻春雞份量真係幾大，唔大食嘅兩個人都夠食。

今晚同男朋友黎食，之前食過一次覺得好味又抵食，今晚再食M023 經典鮮茄大胃皇芝士焗飯 ($52)食肉獸必推之選。雞扒、豬扒、漢堡扒、司華力腸炒飯底配蕃茄汁。雜扒大份，真係大件夾抵食。蕃茄汁有蕃茄粒，蕃茄味濃，略嫌醬汁唔夠。M026 芝士焗海鮮豬扒鴛鴦飯 ($52) 一次試曬兩個口味。一邊係海鮮，配卡邦尼磨菇白汁。海鮮有鱈魚柳、帶子、開邊蝦、蟹柳。蟹柳唔夾焗飯，鱈魚柳唔夠脆，帶子都幾大粒。開邊蝦真係好貼心，一叉一轉就食到啦。一邊係豬扒，配蕃茄汁。豬扒薄身但大塊。可能有2個汁，依個飯汁量都OK。加配湯 ($5)粟米忌廉湯，湯濃但得幾粒粟米，多啲會更好。三重奏拼盤 (跟餐加配$28)小食2款+是日甜品- 香辣雞肉焗招牌芝士大啡菇菇味濃，手掌咁大。配芝士醬，好味。- 黑咖哩雞中翼雞翼唔夠熱，黑咖哩偏咸。- Brownie 唔會太甜，不過放係咸野隔離沾到汁，可改善跟餐飲品熱檸蜜 : 檸檬有3-4片，杯細，偏酸。奶茶紅豆冰 ($6): 奶茶味唔濃，紅豆份量都多。旺角鬧市黎講，7點幾又唔洗排隊，而且52蚊食到扒飯跟餐飲真係好抵食，雖然我覺得所有野再熱啲會更好。

昨日跟朋友約了去旺角買電話買完之後，已經7點多，又餓又凍又累走進通菜街，見到這間焗飯專門店~Well ~ 正合我心意嘩~ 餐牌有好幾張，非常多不同的焗飯，加小吃也只是幾十元感覺非常抵經過數分鐘考慮，結果點了 .... 飲品要了特飲我的是荔枝梳打，朋友的是巨峰梳打酸酸微微夠開胃解渴我們每人都點了一個焗飯，加28元就有一個小食併盤小食併盤中我點了墨魚骨串，軟軟脆脆加上香蒜味，很香口朋友點了其中一樣是麻辣椒鹽魚肉豆腐，小小麻辣，豆腐味道有點像魚腐、魚角，也不錯另外我們點了一人一個蟹膏海鮮焗帶子，味道也是預期之中，好吃開邊芝士焗龍蝦伴松葉蟹膏芝士焗飯 (HKD78)低溫慢煮原隻春雞配芝士焗飯 (HKD78)天氣凍凍，吃焗飯最暖胃了想不到的是，焗飯的料除非常足焗飯是炒飯底，加上以芝士來焗，味道很JUICY，不乾而且吃下去很香開邊龍蝦啖啖肉，肉質爽脆又甜，半邊也很大隻夠新鮮又有驚喜最想不到的是「我是一隻雞」，大得令我覺得，付78元非常抵雞皮帶有小小香草味道，雞肉也夠嫩口熱辣辣吃完焗飯跟小吃，非常滿足

話說早前同屋企人去左酒樓食左隻大龍蝦，好掛住啲龍蝦肉既味道咁岩見到新森林做緊呢個開邊芝士焗龍蝦飯其實好耐以前都有來新森林，咁耐都仲係到即係都有番一定水準啦，諗都唔諗就入左去食～！一入來馬上點個龍蝦焗飯，見到依加做緊優惠有小食可以追加，好啦，加個蒜茸包，焗西蘭花同埋沙律先～首上來左個西湯，味道有點淡，不過磨菇都挺多，入口都萛唔錯，西蘭花焗得夠淋，一口就可以咬到，海蝦沙律夠清之中仲有啲爆谷係到，口感又幾得意，出色！好啦，到主菜———開邊龍蝦焗飯！隻龍蝦好大隻！而上面亦帶有蟹膏及濃厚芝士！！可以見到芝士遍佈滿係龍蝦肉上面，一入口有齊三種味道，只係食呢啲都飽呀！由於芝士大部份係龍蝦上面，飯量又相對較多，只能靠蟹膏同蟹籽送飯，如果多番啲汁就更好！可能我叫得多野食，最後真係食唔哂成個飯，最後來多杯白朱古力咖啡，完結今晚呢餐，好滿足既一晚，下次再見！

昨晚, 我和朋友在旺角一家小型西餐廳進食晚飯。到這裡的原因是因為我的朋友是一位芝士控, 而我知道這間餐廳做的芝士菜式蠻不錯的, 它最出名的就是芝士焗飯。我點了一份鮮茄焗牛脷意粉, 牛脷質感軟熟，茄汁醬也算多。我們亦點了芝士焗西蘭花和一客廚師海蝦沙律。我點了涼粉紅豆冰凍飲, 紅豆粒的分量很多, 甜度適中, 很好喝。

weekend去旺角行街街，行到肚仔餓入咗呢開醫肚。叫咗我至愛燒春雞飯，隻春雞真係好大隻，仲好幽默咁插咗支"我係一隻雞"嘅旗仔，見到都會心一笑，食落煙燻味好香，肉質嫩但帶乾身，如果多個汁點就更好味。另外仲點咗追加食物炸雞翼同沙律，10蚊份咋！個雞翼熱辣辣，咬落去鮮嫩多汁好好食。特別想讚沙律相當大份，菜好新鮮每塊都好靚無生銹，醬汁份量亦啱啱好。比較特別想講嘅係沙律竟然加咗焦糖爆谷！！沙律菜本身帶點苦澀我好怕食，為咗健康我都會迫自己食，但加咗爆谷之後係可以中和菜果種苦澀味，Good 👍

琴晚係旺角女人街walk下，睇下。見到D間好多人開餐既舖頭，望下有咩食。焗。芝士。好似好正。入去坐低，見到餐牌，包羅萬有，任君選擇，點配都得。套餐A，B，C。。好似吾低食。決定散叫2個 A la carte.. 1. 羊扒雜錦配意粉同 2.海鮮芝士焗飯。另加 3. 小食 雙拼先講1. 名不符實。羊扒細塊到死，大佬我主要係食羊呀，吾係其他野呀！好彩其他味道都ok. 2. 抵食首選。帶子，蝦都夠大隻，而且味道好好。3. 驚喜之作。 大菇配芝士海鮮焗，好味。怪不得，未到八点已經賣晒。正。如果下次再去的話，再食過。總結： 價錢和質素 一 合理。

到個接近晚餐的時候去食下午茶真係少有。隨便在旺角搵一間食入去餐廳係好少人既，點了到個名為松茸豬飯，由於肚餓，仲加左7蚊要個包同湯，當不少得成日要飲既凍檸茶。話明肚餓，湯同包當然要食住等，個湯好飲，夠料夠濃厚。松茸豬相信係個名，同松茸無關係既，林林地既豬排，炒飯底，米本身唔靚，硬硬地既，味道好一般，但勝在夠飽肚。食到6點，剛好晚餐既牌要換，望一望，相差十幾蚊....如果要俾多十幾蚊就中伏了

和爸爸來到旺角，記得這裡坐得舒服，便帶爸爸來試這間。有不少焗飯或焗意粉可選，價錢實惠。公司茄蓉湯意粉的餸放得幾靚啊 意粉很爽，不會太腍。番茄蓉量較少，融在湯中也不濃郁，可以再多點番茄。雞翼煎得有點乾，漢堡肉質太腍，豬骨軟硬剛剛好，入味。這個珍寶大胃王有好多材料啊 面頭的芝士如果可以覆蓋大點的範圍就更好了。炒底的焗飯真好吃，還有點蛋絲 但焗飯可以焗得透些會更佳。這裡大部分座位都是卡位，是女人街少數坐得比較舒服的餐廳。我喜歡這裡的餐飲菜牌；熱飲不用加錢，就可以飲奶茶咖啡檸茶檸水以外的選擇。

以前試過喺旺角返工，成日都食呢一間新森林嘅下午茶，跟住今日同朋友喺旺角行街，又諗唔到食咩，決定過返嚟食雖然晚餐嘅價錢及下午茶同午餐嘅吾同，最少都大概40幾蚊一個餐，但係都算超值！因為佢味道都相當唔錯，而且份量都幾大！我哋就叫左一個黑咖喱豬軟骨飯，另外仲有個焗羊扒飯，呢兩個都附一杯熱飲，然後我地再叫多咗一個湯配餐包，都只係加＄6首先個白湯忌廉湯都相當唔錯，雖然餐包有啲普通，但配個湯食都OK！至於呢一個黑咖喱豬軟骨飯，係對我來講超級好食！份量好大之餘，豬軟骨仲係相當好食！食落口有入口即溶嘅感覺，而且軟骨部份都相當易咬！雖然黑咖喱嘅味道唔係好吸引，而且同我哋平時食嘅比我，冇乜咖喱味，不過豬軟骨嘅份量同口感足以修飾佢嘅不足！而且個飯仲有一個大大嘅煎蛋，蛋黃仲要係流心，真係好吸引！再加下面仲有一大塊芝士，一齊食口感豐富，味道多層次！另外一個朝黑椒焗羊扒飯，我就覺得普普通通，不過不失！羊扒唔會好so,不過就未去到好嫩嘅感覺，不太特別最後兩個人食到勁飽都只係122蚊，講真算好，如果大家仲嫌貴嘅話，就記得下午茶嚟食，就仲抵食！

星期六中午，我和男友去這間社企餐廳吃午餐。我們叫了午市套餐，黑咖哩雞扒焗飯和燒汁豬扒拼芝士龍脷柳飯和蒜蓉包。飲品叫了煉奶鴛鴦（鴦走）和凍菊花蜜。黑咖哩雞扒焗飯方面，有2份雞扒，雞扒大小適中，而且都算厚身。不過雞肉肉質不算嫩滿，比較（鞋）了一點，而且沒有雞汁。雞蛋我叫了熟蛋，蛋黃不算太乾身，味道不錯。這個飯是炒底（有雞蛋在飯內），白飯上有芝士。飯十分美味，不過芝士有點臭，味道一般。燒汁豬排拼芝士龍脷柳方面，龍脷柳是即炸的，十分脆口。不過豬排比較薄了一點，但都算軟熟。不過白飯上完全沒有汁，比較乾了一點。蒜蓉包方面，蒜蓉包十分脆口，不過不是即製的，冷冰冰的，味道一般。煉奶鴛鴦方面，鴛鴦十分甜，其實味道一般。凍菊花蜜方面，完全淡而無味，這個還是新產品，簡直是失敗之作。環境方面，本人十分討厭餐廳十分擠逼。這間餐廳有卡位，十分舒適。不過，由於這間是社企，所以有部分員工的精神是有點問題的，希望不要介意。價錢方面，黑咖哩雞扒焗飯$46，送熱飲，豬扒龍脷柳$45，凍菊花蜜加$3，蒜蓉包$6，餐廳午市不用加一，2人總共$100。總結來說，這間餐廳環境舒適，而且價錢都算便宜，食物味道都算可以，大家可以一試。

豬軟骨玉子魚蛋烏冬 : 豬軟骨炆得好入味，但啲軟骨好硬，玉子魚蛋幾彈牙，烏冬煮得太腍。墨魚軟骨好濃嘅蒜味同埋都幾辣。大啡菇好腍好Juicy, 而且釀咗啲蟹柳，洋蔥喺上面。雪梨紫貝天葵梳打只飲到雪梨味，但味道還可以。

平時去開mk都會揀哩間小店，抵食而坐得舒服網上見到好驚喜既優惠，開頭唔信自己隻眼今時今日 $8 可以做到乜，M記包都要 $1018/7 – 24/7每晚8點開始，$8 一個牛魔王焗飯今晚7:30pm去到已排左廿幾人禁下電話傾下計, 半個鐘好快過去準時8點開始放人入去2個人被安排到4人卡位，但無人搭枱抵讚  唔會因為4人卡位而比後面既人入先，仍然根據排隊既先後次序坐低先叫左2個焗飯，然後再睇有咩小食飲品雖然小食 & 飲品計正價，都要支持下既雪梨紫貝天葵蜜梳打($20)，有粒粒蜜糖爆珠朋友叫熱檸蜜($13)好快個飯就到，分量完全同正價一樣，無將貨就價牛魔王焗飯 = 黑椒牛仔骨 + 咖哩牛腩鴛鴦焗飯3大舊牛腩好林好厚肉，2件牛仔骨正在於有少少根超級滿足既一餐有舒服卡位，任你叫幾多個都得，任你食幾耐唔限時

夜晚原先約左個FD出黎旺角食飯，點知佢臨做左機師= =，放左我飛機，咁我唯有行多陣街自己一個人搵野食啦。經過女人街見到有間門面幾靚就入去試下啦！入去到環境好光猛，裝修都幾清新，同姐姐講左一個人，但因為個時唔係太多人，佢就比左個四人卡位我坐，坐落先發現個四人卡位好大，如果女仔黎嘅話坐６個都唔係問題！睇睇下餐牌發現左有樣好ＳＯ嘅野，淨係係facebook度like佢地個page+簽到，之後upload張食物相就可以係三個小食入面免費揀一個送！！！但係我發現有個問題，就係要叫左野食先有相影－０－，唯有轉頭先啦。咁我就係一個比較三心兩意嘅人啦，望住張餐牌好耐都唔知食咩好，忽然見到有一part自選，啱晒！最後叫左個芝士汁雞扒焗飯($50)+開邊虎蝦($8)+脆皮腸($8)，再+8蚊轉左杯巨峰梳打特飲。另外，因為見到小食menu個到實左太抵啦，2個小食加是日甜品先$24，平衡每樣野先8蚊！忍唔住跟手叫左個三重奏拼盤，要左個牛肉芝士漢堡同黑咖哩雞中翼。等左幾分鐘，首先黎左個三重奏拼盤❤❤❤，今日個甜品係有三粒Chocolate Brownies❤，個漢堡好得意，上面插住支英國旗仔，隔離有三隻超多咖哩

旺角行街肚餓，行入女人街覓食。行左一圈都覺得呢間好似幾抵，決定試下！兩個人就選擇2人餐方便d選擇118既餐，感覺都夠食啦，一個焗飯+一個薄餅+2款小食+2杯野飲焗飯味道OK，茄汁好入味，份量好足，豬扒煎的軟硬剛好，薄餅一般水準，有濃濃的芝士，有個紫薯炸物小食好評 炸粉不厚 炸的剛剛好 幾酥脆 搭配紫薯甜甜的口感非常不錯呢個價錢份量都算OK既！環境服務都唔錯，可以一試！餐廳有做fb打卡活動，打卡po相送小食，玩下送左吉列鯖魚，粉有d厚，所以食左兩啖就好飽，反正鯖魚本身唔係貴野，免費送既都算麻麻地啦