新森林焗之專門店 (威靈頓街)

營業中

休息中

在中上環返工搜尋「焗飯」一定會搵到新森林推薦。這間餐廳我都幫襯過幾次，每次都覺得好大份，以女仔較細食的話要搵多人分享下先得。今次要了「芝士蟹籽珍寶海鮮焗飯」打開飯盒會見到蟹籽和滿滿的芝士汁鋪在飯上，餸方面好足料，有兩塊大大塊魚柳🐠、兩粒帆立貝🐚、兩隻迷你原隻魷魚🦑及兩至三隻蝦🍤。飯底用雞蛋炒飯，比較香白，無白飯般寡口。味道方面，芝士味算濃厚，不過最好食飯前拌一拌飯，否則去到尾未必夠汁。海鮮配料都好好食，特別欣賞帆立貝☺️

在中環區，其中一間我很喜歡去吃早餐的餐廳，不但價錢平，水準還不錯，最緊要份量也不會因此而減少，真係可以話「平靚正」；所以每到月尾的日子，總不時會見到我的身影。這裡的豬柳漢堡，肉質鮮嫩鬆軟，還帶有一定肉汁，值得一試；頂級餐肉側是，採用肥瘦相間的混合豬肉，食落特別有口感。反而奶茶只是好一般，吊吊癮也不妨一試。新森林焗之專門店 (威靈頓街)地址: 中環威靈頓街99號威基商業大廈地下D舖電話: 25442000

中午食飯叫個外賣自取 但係一打開好似食過咁。。。成日都幫襯 平時都正正常常冇乜野 但第一次咁樣 誇張左 都幾失望 希望呢次係忙先會咁 而吾係俾人食過 希望店員可以注意下啦下啦 🥵

假日過嚟逛逛活化後嘅中環街市，總共有三層好多野買，絕對係最新文青蒲點👍🏻行完喺附近搵到呢間街坊價錢嘅餐廳🍴呢度下午茶幾多款，見到側邊有好多人都食迷你焗飯，如果唔食焗飯個啲可以叫小食配搭之選，左配右配幾有新鮮感，價錢真心抵！我叫咗芝士吞拿魚脆豬+豚王菜肉煎餃子🥟餃子皮薄身且微微煎過，入口軟腍，帶少少煙靭感；脆豬係迷你size。無論餃子同脆豬都無整到燶晒好熱氣嘅感覺，岩晒我！餐飲+$6叫懷舊菠蘿冰梳打，味道甜絲絲，大大杯透心涼！

呢度嘅午餐都幾抵食 而且有好多選擇 我今次呢就嗌咗b餐 有一個主食同埋兩款小食再加杯嘢飲 我嗌咗芝士焗肉醬意粉+蒜蓉包加羅宋湯+加三蚊叫多咗一份吉列豬扒 意粉就冇乜特別都係一般嘅肉醬意粉 細細兜 味道正常羅宋湯幾好飲 蒜蓉包就係用奶油豬果隻面包黎整嘅 幾香脆而我最鍾意食嘅就係塊吉列豬扒吉列豬扒雖然唔係好厚，薄薄地 但係都幾大塊，炸得好好食 層炸粉都唔厚 加3蚊絕對抵啦！而且成個餐都只係59蚊 性價比好高 係中環打工仔午餐平靚正之選！

🐣假期尾聲走到新森林吃下午茶，發現他們推出了新款素食新品 - 令人聞風喪膽的『#肉醬意粉』。肉醬意粉本來就是很大眾的料理，但坊間的素肉醬意粉，老實說...「伏」味都很濃 😩 所以要點選這款菜式的確需要很大勇氣。熊貓在點餐後也做足最壞的心理準備... 結果這家做的還不錯嘛～🍝 焗素肉醬意粉 (走芝士) - HK$55 * 跟餐含熱飲一杯推薦指數（5分為滿）：🐼🐼🐼營養估值：450～500Kcal 不像一般餐廳用地捫茄醬勾芡充肉醬，這家的意大利茄醬除了有粒粒分明的蕃茄碎，還加入大量胡蘿蔔、洋蔥、西芹、蒜頭、草菇及白精靈菇等的碎粒，口感很豐富，同時加上香草，意式香味甚濃。『素肉』則是選用豆乾製作，驟眼看好像沒啥存在感，但每一口都仿佛吃到肉碎的質感，而且相對天然。另外意粉也算焗得夠乾身不軟爛 👍🏻$55一個焗肉醬意粉是不是很划算？不是。這道肉醬意粉是不是做得很優秀？也不是。但以一間平民葷食餐廳肯做到#素食友善 又能做出這種水準的素肉醬意粉，就

通常都係食早餐多， 不過唔算份量大（只是個人意見），如果可以多返些少會更好。午餐只食過一次，但堂食不太化算😒外賣有85折比較抵。至於服務態度早餐時段會比較好些，但到午餐時段換左另一批人，感覺冇早上嗰批咁好。

好耐之前已經聽過呢間焗飯專門店 今日終於有機會嚟試一試佢😚一入門口 店員就同我地講 下午茶淨返兩分鐘 原來下午茶係做到六點 真係好感激店員咁為我嘅荷包著想😻 不過如果你miss咗下午茶時段 晚餐都有一模一樣嘅餐 不過就貴大概六蚊啦我同友人都各揀咗一個迷你焗飯+前點+小食嘅餐 貪佢種類夠多 啱晒我呢啲三心兩意嘅人😊芝士汁焗魚柳意粉 賣相好好 見到好濃郁嘅芝士 魚柳都食唔出雪藏味 不過食到後面就覺得個意粉比較乾😮 如果再多啲芝士汁就好喇鮮茄焗豬扒飯 呢個幾出色 番茄醬甜度適中 豬扒連骨所以呢個部位嘅肉質幾好 迷你焗飯份量比想像中多🙊 覺得幾滿意奶油脆豬 由於太多嘢食嘅關係 我地放咗一陣先食 不過依然好脆🤓豚皇菜肉煎餃子 餃子幾大隻 不過應該都係現成買嘅貨 冇乜太大驚喜 都算幾好食嘅😗即炸吉列魚柳 係咪即炸我就唔識分啦 上檯嗰陣係熱辣辣嘅 仲炸得幾香口 配埋沙律醬都幾好食🐟 藍莓芝士餅 不過不失啦 可惜呢碟甜品係一落完單就嚟 個次序唔同咗 好似冇甜品會後上咁滿足😅 不過都唔緊要啦 有甜品揀已經好好食咗咁多樣野 兩個人埋單都係一百蚊 本身驚迷你焗飯會唔飽 但係有咁多小食 都係好滿足咁行出餐廳㗎

今日同同事去食飯呢間都幾平價49 蚊有個迷你焗飯 但一d都吾小分量仲配一樣小食 我地全部叫黑椒芝士豬扒飯個人覺得黑椒汁太多但係芝士就冇咩不過佢啲豬扒係好滑另外佢個蝦春卷都好有趣 唔會話太油不過對青木瓜沙律有啲失望 覺得唔係咁好食另外薯角都唔錯夠大份

This restaurant specializes in baked rice/pasta. It's been around for years and the quality is consistently good. I ordered the baked seafood with rice in cheese sauce for take out and the sauce was still hot by the time I walked back to the office. Not to mention the food here is value for the buck and I do recommend this place to those with larger-than-average appetite.

講到焗飯、焗意粉🍝依間集團式餐廳一直保持水準，而且大件夾抵食堂食或外賣食物一樣保持美味推介焗芝士豬扒飯除左豬扒大件、芝士🧀多，焗豬扒飯個汁吾錯另推薦牛魔王芝士焗飯🍚一般餐廳有牛類焗飯，焗出黎都會好乾，但依間集團式焗飯烹調控制食物不錯牛扒吾會好乾👍🏻餐廳茶底吾錯，有茶餐廳風味除左焗類食物、小店下午茶餐亦不錯仲有粉麵套餐，分店堂食環境整潔，服務員落單清晰，客人不用重覆再講餐廳堂食用餐環境不錯，以餐廳黎講坐得舒服😌

限聚令實施之後，晚餐成日都要買外賣今日R爆頭諗唔到夜晚食咩，最後去咗好耐都冇食過嘅新森林焗飯專門店度，買咗個焗飯同阿媽一齊食去到先見到原來午市焗豬扒飯做緊優惠$18都幾抵，下次再去買<焗豬扒飯$57>雖然晏晝食平好多，但係真係忍唔住啦，都係叫咗個焗豬扒飯豬扒有成兩大塊，都幾多肉下，上面佈滿芝士，邪惡得來真係幾好食嘅特別要讚下個飯底，係有炒蛋嘅炒飯，而家有啲快餐店焗飯用白飯底，見到都嬲<素牛扒飯$57>另外個飯揀咗個素食焗飯第一次食素牛扒，感覺唔錯喎素牛扒同埋真正嘅牛扒，仿真度都幾高，食到有纖維嘅口感，黑椒味又令到夠素肉更加好食

由於疫情反覆, 又要過外賣日子喇今次行遠公司少少, 見到呢間專食焗飯嘅餐廳一於試吓, 不過我係用OpenRice嘅外賣自取服務可以揀取餐時間, 所以去到唔使等就有得攞講返我哋叫咗皇牌鮮茄芝士焗豬扒飯同深海鱈魚柳芝士焗飯, 首先我覺得鮮茄豬扒飯嘅汁可以造返甜少少覺得比較酸, 而豬扒醃得幾淋幾入味唔錯嘅, 有成4塊仔咁, 而另外魚柳焗飯個汁味道唔錯, 佢唔係平時係街食到嘅普通白汁, 係比出面更高層次嘅芝士白汁, 個人覺得味道幾好, 而魚柳就因為無得醃製嘅就普通魚柳啦有兩塊咁, 整體覺得值得一讚嘅係佢哋個汁份量都幾多, 因為係出面食嘅, 食到一半咁上下就已經冇晒汁得返啲飯, 而佢呢一個食到尾都仲有汁可以拌飯嘅已經好好, 同埋份量都算多, 女仔黎講都食唔哂食淨少少下次會再試吓佢嘅其他焗飯

餐廳位置少少隱蔽，平時成日行過都冇留意，今日15:00去食抵下午餐，套餐A有主食+前菜，套餐B有主食+前菜+小食，兩人去食叫左一個A一個B，成枱野食食到好飽，仲要包飲品，唔加一，都只係$89，抵到爛，食物質素都好唔錯，下次會試埋午餐。

呢間餐廳一直都係覺得佢食物選擇多種類, 價錢平民化, 味道沒什麼驚喜, 今天因為吃素, 選擇咗呢款, 材料都算多, 有西蘭花、什菇、粟米粒、加一隻煎流心蛋, 配以忌廉芝士汁, 味道很清淡, 可能不是很多人吃得習慣, 不過偶然吃一下素食, 還是可以選擇來吃的 🍴