新景園咖喱小廚

營業中

休息中

📍新景園咖喱小廚 - #YFF灣仔 💛-可能係全香港最好食既咖喱豬扒飯⁉️次次經過灣仔都想幫襯呢間良心小店 但次次行到門口見到大排長龍就逼住放棄😟 有晚諗住黎買外賣食 點知又賣曬🥲摸左唔少次門釘之後 呢次終於食到 😤但其實都排左成個鐘先成功入座 仲要係平日非繁忙時間😨如果大家想食記住要預好啲時間！-🔸咖喱豬扒飯 ($90)咖喱汁味道好香濃‼️唔算好辣 但又唔係日式咖喱嗰隻甜 佢係港式既咖喱 微辣味道 非常惹味 送飯一流😛薯仔煮到好綿好入味！索左啲咖喱味 配飯食真心冇得輸！豬排勁大塊 鋪滿曬成個碟 食落好鬆軟 唔會話韌唔咬唔開👍🏻但又食得出唔係鬆肉粉做出黎個隻味道😜沾埋啲咖喱汁食 夾到不得了🤤 呢到既咖喱豬扒飯果然名不虛傳🍛😚至於份量方面 一上菜見到碟飯我呆咗 心諗塊豬排大到成個碟咁點食得曬… 結果同預期一樣 未食曬已經飽到上心口🥶-🔸乾炒牛河 ($82)睇相都見到碟乾炒牛河唔會話好油 炒到好乾身 條條分明 完全冇一patpat既情況出現 每條都炒到上晒色👍🏻味道方面 調味做得幾好 豉油味幾出 又帶有鑊氣既焦香感😆 配料牛肉大大舊 咬落腍滑 份量幾多 而且唔會話醃到好鹹😗成碟牛河份量都非常足

有朋友話過新景園係佢食過最好食嘅港式咖哩，我都唔知係咪最好食，但真心好食🤤50蚊嚟講，大大份豬扒，仲要個外賣拎咗半個鐘先食都仲有啲脆😆個汁都有啲辣，但會令人想一啖接一啖咁食！次次食完都好想再買多盒食🤣

因為新景園出名份量大，但飯腳們基本上都小鳥胃🙈，所以返左灣仔咁耐一直都未去試😂，今日搵左個同事同我一樣大胃就去試下😎。去到見到堂食得幾個人排，但外賣就超多人，所以我地決定都係堂食😌。堂食位置唔多，等左10~15min左右有位，唔算好耐。揀左角落頭坐都唔逼👍🏻。無記錯佢最低消費係$74，所以基本上每人都要叫個main，無得share。第一次食梗係揀最招牌既2樣野同同事一齊試(staff仲好醒拎定碗仔俾我地share 😚)。🔅咖喱豬扒飯 ($90)叫完等5min左右就有得食，咖喱同豬扒分開上，豬扒就有2大塊，飯都多到就跌出黎😂。咖喱有椰香又帶點辣，送飯一流！薯仔好入味好夠腍，好啱我口味👍🏻。一咬豬扒同同事即刻對望👀，終於知道點解呢間咁多人排🤤。唔單止因為係黃店，係食物都真係好高質！豬扒炸到好香脆，炸既時間同火喉都控制得啱啱好，炸到上左色唔會好燶，但肉質仲好鮮嫩好juicy，同鬆肉粉乸過既假鬆軟口感係唔同。我特登上openrice再望過，全部都相既豬扒都係同我今日食既差唔多，證明keep到同一水準👍🏻(薯仔原來固定都係一舊😂)。🔅干炒牛河 ($82)相比之下我同同事都覺得乾炒牛河就普通啲，但

第一次寫食評⋯⋯本來中午諗住去吃咖哩，落單後，都知雞係連骨個d ， 但點都估唔到餐廳並沒有煮熟食物，其中一件雞，一咬落去係生的⋯⋯⋯中午排隊等左20分鐘，咖喱汁正常，但如果要俾成90蚊而成個生的咖喱雞，就非常失望 ！！ ！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

難得放假去開港島就黎試試傳聞中既咖哩豬扒同乾炒牛河咖喱豬扒飯超級大塊既豬扒就咁淨食豬扒都好好味好脆呀！！咖喱汁係香辣而唔係偏甜啱哂鍾意食辣既朋友乾炒牛河啲牛同塊豬扒一樣都係大大件河粉夠哂鑊氣，加埋辣椒醬一流呀

聞名咖哩豬扒飯好出名，特登中午行快d黎試下，不過都要等15分鐘先入座，可能太多外賣又要等15分鐘先有得食因為知道份量好多，所以要一半飯就夠，一上菜就聞到好香豬扒味，一陣香脆味，肉質嫩滑唔痴牙，咖哩汁唔太辣中帶點層次，可惜只有一件薯仔，好冧好入味。但一個咖哩豬扒飯要$90真係貴左d,員工服務好好，有機會試下食夜晚

今次終於試到灣仔人龍良心店新景園, 午飯時間真係一位難求😂 第一次去必試推介嘅咖哩豬扒飯, 一上台已經嚇死我, 個飯大到…豬扒兩大塊, 炸得好靚, 外脆肉嫩, 好鬆化, 肉厚得黎好滑. 咖哩係另上嘅, 港式咖哩, 係稀啲不過味道好濃, 微辣到小辣左右, 唔食得好辣都唔驚. 撈埋飯同豬扒一齊食好滿足, 個feel頹但味道絕對唔頹! 絕對推介!

新景園咖喱小廚-🍽 咖喱豬扒飯排隊不是夢之真係好多豬扒💛灣仔咖喱豬扒專門店一啲都唔會陌生，一定係新景園٩(˃̶͈̀௰˂̶͈́)و 落單上碟唔耐，但排隊耐… 店舖面積需少，但勝在有人情味同有心(˶‾᷄ ⁻̫ ‾᷅˵)招牌菜係咖喱豬扒，當然唔會令人失望！2塊大大塊既豬扒炸到金黃色鋪滿成個碟面！外皮炸粉薄，脆卜卜，甚至食到最後都唔會好油，然後淋哂！然後肉質係鬆軟，唔係用鬆肉粉既效果，係用時間做出嚟既質素(°▽°) 但唯一美中不足係食5次總有2次炸得遍乾身~ 咖喱汁好濃，少辣，咖喱濃烈既程度係佢既味會長期圍繞著口裏面( ̀⌄ ́)然後配上薯仔，薯仔一早被咖喱汁注人(⁎⁍̴̛ᴗ⁍̴̛⁎)十分入味，所以絕對係送飯一流！如果你一開始想少飯，但食到最後你一定後悔，因為你會想用咁惹味既咖喱汁送哂成碟飯！最後，輕輕一提，堂食既價錢比一般茶餐廳貴！但外賣足足平一半！如果又唔想排又想試下，可以考慮外賣喔(⁎⁍̴̛ᴗ⁍̴̛⁎)📍 G/F, 20 Spring Garden Ln, Wan Chai

基於外賣比堂食平接近一半一向都係外賣返公司食，不過就算堂食貴一截一樣日日人頭湧湧，真係唔叫外賣都唔得🙈-🍛咖喱豬扒飯 $50每隔一段時間幫襯都加價，最新叫價五十大元仍然不乏支持者🤣不過除咗豬扒大大塊，飯都係大大盒，一定食得飽，所以呢個價錢加上味道我覺得可以接受。外賣膠盒係有啲質量果種唔係比發泡膠盒，咖喱同豬扒分開擺唔會浸到淋曬。豬扒兩大塊外脆內軟，香口又惹味，極度邪惡😈咖喱係港式風味果種，唔會太稀、少少杰身撈飯一流🤤之前覺得越食越辣今日又ok喎！-總結：打工仔午餐其中一個邪惡之選😈

新景園一到午餐時段永遠有班人慕名而來幫襯，超過八成客人都會叫招牌咖喱豬扒飯，外賣比堂食平一半，所以不少人都會叫外賣，但記得只係11:30-15:00呢段時間先有優惠😝晚市外賣係收原價，而外賣包裝都幾貼心，咖喱同白飯分開擺，唔影響豬扒的脆度👍🏻咖喱豬扒飯豬扒份量多到係兩人份！每件都大大塊，炸漿薄薄一層，炸到恰到好處，色澤金黃誘人，酥脆富肉香，真心推介🤤咖哩並非日本甜咖哩，味道幾辣，伴飯不錯，咖喱內有一大舊薯仔，幾粉同埋入味😋

長期長龍店🤣好彩8點幾去只係排4張枱，但坐底已經無哂乾炒牛河😫好彩咖啡豬扒飯係仲有嘅🤭豬扒真係超大磈，係見唔到啲飯😂，咖哩係地道港式咖啡味piggy又鐘意，下次一定要食到乾炒牛河🤪

日日放lunch經過，都見到門口排隊排到人頭湧湧。個炸豬扒有幾好食我諗排隊既食客都達成共識。難得今早11點9左右係附近做完野經過見到門口唔多人，果斷決定把握機會入去試下。等左5分鐘入左去，我一人就要同其他人搭台，不過有塊間板間開，所以都OK既。上菜都好快，唔使5分鐘，就一碟大塊過塊面既炸豬扒，連同一碗咖哩汁擺係我面前。豬扒熱啦啦，炸得好香好脆，又唔會好乾好柴，咬落係有肉汁既。就咁食既話略顯淡味，配埋個咖哩汁就岩岩好。食完埋單出來又係日常既人山人海既排隊景象。結論，好食，早d來食唔使排。

放工去灣仔新景園食💛第一次是咖喱豬扒飯👍🏼超級驚喜豬扒Juicy 又唔鞋，咖喱汁辣辣地又唔會太嗆口，薯仔超淋，一定會再encore，難怪咁多人排隊食🤤等得耐都值得

💰價錢$88 一客咖哩豬扒飯，細食既，兩個人都夠但呢度設最低消費$72/人，所以你都係要叫兩樣野😬😬飲品再散叫$18 凍飲食個lunch 都盛惠$106.🍛味道合格，但不至於超班到值得貴平時茶記一倍.🧍🏻‍♂️輪侯時間🧍🏿🧍🏽‍♀️星期六過左食飯時間都要排半個鐘以上，更得閒下次都唔會再排.💧衛生情況啲豬扒一大堆流哂血水放係廁所出面.... 成地都血水，去廁所個陣覺得有啲臭味.💬結論試一次就夠，又要排隊又要貴，CP值低

📍新景園咖喱小廚Hands down, the best Hong Kong style fried pork chop curry rice as well as 乾炒牛河 in Hong Kong. Period. Cheap, quick, easy and super delicious! Price: HK$100 pp Revisit: 10/10