新明記(肥牛)豬骨煲

營業中

休息中

點菜時，問店員象拔蚌是否加拿大？，佢話係跟住下單，大象拔蚌刺身$900多，上菜時碟象拔蚌好像得一半，象拔蚌膽只是俾一半，成碟象拔蚌好像得半條，口感像加州蚌，沒有加拿大象拔蚌鮮甜爽口，好像死去好耐，叫海蝦都是，問店員一碟有多少隻，店員話要看大細，他不清楚，店員話條象拔蚌有兩磅多重，不建議在這火鍋店叫海鮮，每一碟火鍋配料都很少，火鍋配料尚算新鮮，但手切牛肉偏瘦普通牛肉，其他食品如冰豆腐，生麵都好食⋯⋯

香港人喺冬天來講10餐起碼有5餐都係打邊爐呢一日我就同朋友約咗喺呢度食團年飯，同埋摸吓酒杯底 今晚我們仨都好辣 一於麻辣湯底湯底香濃但不會太辛辣的雞件肉厚不帶雪味的蝦滑彈牙 但是不太有蝦味鴨肉 嫩口彈牙不腥開心💝羊肉 有𡁻頭少少騷 正韭菜水餃自己包 大大隻 韭菜同豬肉嘅比例係7:3左右口感清爽 食完一隻已經好滿足豬肺拼豬粉腸豬肺同埋豬粉腸喺火鍋配料都比較少出現因為處理麻煩 呢度竟然有 豬肺冇騷味 粉腸亦處理得乾淨👍 我最鍾意食鱔 呢到鱔片的肉質鮮嫩帶香濃魚味 冇諗過芋頭打邊爐都好夾 吸晒湯底既味道吃 十分過癮

依間平時好夜凌晨見佢門口都多人坐低食火鍋同點心今次嚟但廚房10:30PM就收咗 無哂炸嘢叫唔到蜆介鯪魚球 餐前小食得返炸魚皮就skip小食啦叫咗大份手切牛，加$1 配鹹菜胡椒豬肚火鍋湯底，湯底舀咗幾碗飲，食埋啲豬肚👍🏼居然兩人食唔哂，因為都叫得多嘢。手切牛 牛味OK，係瘦啲有咬勁啲，但肉質尚算腍，食落其實似牛柳應該都幾啱炒嚟食，如果火鍋就唔好淥太熟。我個人都偏好食手切本地牛，貪佢唔肥肉味濃，反而肥牛和牛嗰類我mmd。珊瑚蚌桂花蚌雙拼，幾鮮甜👍🏼山東羊肉唔錯，有少少🤏🏼羊膻味👍🏼魚皮餃好大粒，咬開啲肉汁流晒出嚟，味道唔錯👍🏼火鍋我鐘意食脆骨腩，不過就唔係度度有同好食。依度看似細細舊，食落都爽脆，係要小心啲碎骨。棉花魚肚好棉！好食！雞子、什菜、鮮淮山就正常嘢啦唔洗講有回頭嘅食店😆👌🏼

誤打誤撞入左呢間餐廳，晚市以打邊爐為住，叫左$158細碟本地手切肥牛，加$1皮蛋芫荽湯。而手切肥牛真係好新鮮，牛味濃，好好食，推薦！鮮蝦滑新鮮彈牙，好好食，推薦！而豬腰同黑柏葉都唔錯叫左個金沙魚皮，脆口但好鹹，建議少d鹽。鮮魷+新鮮鵝腸：爽口，分量少左d整體黎講，配菜都新鮮，分量較少，價錢略貴。

今次去到大圍美林村打波其實一路期待緊係打波後的活動就係去 《新明記》打邊爐呢個先係全日的重點門口有得泊下車位置係大圍油站附近非常方便！其實新明記晚市都幾多人同朋友先行去搵位啦搵完位其他人好耐都未到太肚餓忍唔住叫咗一個 金沙魚皮金沙魚皮出色！非常突出的咸香鹹蛋黃炒到起沙 口感一流！魚皮本身好香脆0秒清碟想再叫多一碟但要留肚打大佬！極品肥牛船頂級既！一上檯被佢霸氣震懾左你見到餐廳內師傅將肥牛逐塊逐塊手切放上船牛肉本身好靚牛船食到唔同部位嘅牛有手切肥牛 / 牛黃喉 / 牛仔粒 / 牛爽肉每個部位的牛肉都有特色有軟淋的 / 有爽口的 / 有牛味重的 / 有肉味甜的基本上每次再去打邊爐極品肥牛船係我必定會叫呀強力推介！

我其實成日食呢間酒樓，不過疫情中主要叫外賣，我叫左雞扎，薑汁雞包仔，菜苗餃，雞絲粉卷，瑤柱蛋白炒飯（小油鹽），味精相對比較小，但雞絲粉卷入面有骨，所以食嘢要小心，比起大酒樓，呢度有懐舊點心，環境比較一般，價值比較平，所以不能要求太高。支持下小店，夜晚有打邊爐，不過我未試過，大家可以試下。

假日人多，到處都冇位，咁啱路過新明記，平時看上去是打邊爐的，亦應該因為位置的原因，不是很多人知道這裏可以飲茶，所以有位，就一嚐。春卷，裏面有些芋頭，正常level。鹹水角，皮有啲厚，咸料可以。這個點沙律醬食，味道不錯。懷舊燒腩卷，因為不是到處都有得食所以叫了，推薦一試。招牌蝦餃王，蝦幾大粒，熱辣辣。豉汁蒸鳳爪，同樣是熱辣辣，大大隻。香芋鴨腳扎，裏面有鴨腳、豬肉、芋頭，味道正常。亦拍下了部分的餐牌參考。

好耐之前行過都想來呢間試下，因為朋友話呢度啲火鍋料都幾新鮮，好趁朋友生日，一於兩個人黎浪漫下先打邊爐前先來一碟黃金炸魚皮，濃香蛋黃味，魚皮也很香脆因為今晚想食的蟶子同鮑魚都無了🥲於是就叫下其他珊瑚蚌拼貴妃蚌 ，兩樣都鮮甜爽脆，但個人認為貴妃蚌更勝一籌呢一份係醉雞鍋的雞件，有半隻左右 ，雞不算很肥，肉質都適中，不會覺得好瘦同鞋口帶子上枱時切開咗一半 ，一淥就可以食，鮮甜味美友人打邊爐最愛 蟹柳黃金包 都係正常交貨的丸 皇帝菜 我的打邊爐菜類至愛鴨血 正常煙韌 無腥羶的味道藥材雞煲的湯底 滾滾下帶出一點甘甜 忍不住叫咗一碟烏冬吸湯 為整個晚餐帶來一個happy ending

沙田大圍~新明記今日朋友推介這個火鍋店初初以為價錢好抵‼️原來份量只有一半‼️坐位100%滿(記得預先訂位)沒有什麼可以特別介紹🤷🏻‍♂️唯獨章紅魚活魚刺身$680-👍🏻環境-😅6⭐️滿分服務⭐️⭐️⭐️⭐️價錢⭐️⭐️⭐️環境⭐️⭐️食物⭐️⭐️地點⭐️⭐️⭐️整潔⭐️⭐️⭐️回頭⭐️每人埋單大約$4006人一枱，可以食到12點🥃免開瓶費🥃(以上內容只供參考)

未試過咁好食嘅點心，間鋪頭嘅伙記好有禮貌同人情味👍🏻👍🏻👍🏻👍🏻👍🏻👍🏻👍🏻另外夜晚有火鍋食湯底夠味，牛肉好食老闆仲送咗啲牛仔皮比我去！一定會返去再食

一個平民好簡樸嘅地方，見到周圍都係啲街坊。我哋兩個人食，叫左燒賣、鷄絲粉卷、雞球大包、焯菜心、干炒肉片河。鷄絲粉卷真係好少地方有得食，可能有啲人都未食過，都試好味，唔錯。鷄球大包更少地方有，都好多料，值得一試。干炒肉片河粉都好乾身，味道唔錯。服務員同我講，嚟度啲點心係師傅自己整，唔係交貨黎嘅。如果有時間，都可以去試一試。😋😋

$6x一碟餸，叫左椒鹽魷魚、咕嚕肉、雜菜送到嚟竟然係小食份量😡 未見過外賣個份量少得可憐，貴過酒樓無下次！！ 打去問餐廳回應話一直都係這個份量。 真心唔明做生意點解可以咁，一次已足夠！ 搵笨

查實..... 我從未食過灌湯餃!因為感覺灌湯餃係自私食物.....自已絕少一條友去嘆茶, 成班人去飲茶, 睇怕又唔會 share 隻餃,  自已食哂成隻餃又好似好自私.....之后, 灌湯餃好似失蹤係香港嘅酒樓.早排家人告知大圍有間酒樓有灌湯餃同d懷舊點心, 於是放假即刻飛車去試試!睇睇張點心紙, 除咗有灌湯餃係必點之外, 重有就係干蒸牛肉!依家d酒樓, 只有山竹牛肉, 干蒸牛肉已經變成懷舊點心鳥.....雞絲粉卷係另一款懷舊點心,  叫!想叫隻糯米雞, 睇吓入面落咗咩料.再點咗蝦餃同牛肉腸粉.灌湯餃 :  先講個浸住隻餃嘅湯底, 味道咸咗d,  餃皮比想像中厚, 餡料有豬肉, 蝦肉同筍,  我無落醋,  食落似一隻厚皮水餃.干蒸牛肉 :  記憶中以前嘅干蒸牛肉頂部有粒青豆,  眼前嘅當然無疾而終,  而且外表白色嘅皮都好似份量少咗,  大家都知山竹牛肉同干蒸牛肉同一個膽, 所以食落味道同口感跟山竹牛肉無太大分別.雞絲粉卷 : 好奇怪, 外表粉皮唔多上豉油,  不過唔係壞事, 因為內餡味道重有咗d, 連粉皮食啱啱好, 餡料無偷工減料, 讚!蝦餃 : 未食餃皮已經爆開, 扣分! 蝦肉彈

最近真係好多同事生日，上次食完鐵板燒，今次就決定去打邊爐～有人提議試下呢間係大圍既打邊爐店，於是我地就一行人興奮出發。雖然仲係夏天，但係香港人熱愛火鍋既心真係勢不可擋，全場坐滿呀！好彩我地一早訂定位～呢間火鍋係屬於單點既，而且每碟火鍋配料份量都幾多，要睇住食量黎點，唔好眼闊肚窄浪費食物～肥牛尤其大碟，望落去色澤好深唔係特別靚，但係食落去就會發現肉質好嫩滑，好濃牛味😃牛的紋理都幾靚幾平均，唔會有過多肥膏～👍🏻不過真係太多客人啦，所以店員都忙出忙入，落單之後要等好一陣先送到過黎～好味指數：🌕🌕🌕🌖

前晚同朋友一行6個人黎左呢間新明記打邊爐，聽人講佢地嘅牛肉好食，所以試一試。老實講，所有食物質素都算唔錯，只係某d牛肉較韌。但令我地最唔滿意嘅，係佢地收費方法唔老實。首先佢第一次拎張單俾我，見到好多項目都正確，而其中一個項目[火鍋醬料]單價$10冇錯，但佢數目打左62個！只係[火鍋醬料]你收我$620!? 全張單總數$2064!? 果下我即刻叫老闆過黎，俾個落台楷佢叫佢再check清楚咩一回事。幾分鐘後佢更新張單俾我，大家睇到呢張單，如果check單時，通常會逐個項目加埋，當中某d有折扣嘅項目就減，最後會得出下面sub total，再計加10%，就會得出總額。但我計過sub total係$1284，而佢打出黎係$1345，佢計多左我$61。我就叫老闆黎一齊當面計清楚，佢見我計完一次之後，佢話我計嘅方法錯，佢話應該先將所有項目加晒，再加10%，再減返當中一d有折嘅項目價錢。好！既然佢咁講我再以佢嘅方法計多次，但最後得出佢依然收多我20幾蚊。當時我地因爲趕時間要走，所以我地冇打算再同老闆糾纏，佢見我地俾左錢準備走，佢離遠問我地條數仲有冇問題，我就喺間舖大大聲回應佢: 今晚我學到嘢，你收多我