新廣發

營業中

休息中

其實十年都唔會來一次粉嶺，因為朋友提議才來。交通方唔方便見仁見智，主要睇你住邊囉講返餐廳係街市入面有冷氣，環境算係咁啦！不過食物方面有少少搵笨，任食雞煲味道都ok，不過啲雞好似無得再加（我好少食雞煲所以唔知雞肉係未有得再添）之後加水打邊爐，食物選擇好少，幾種我鍾意食材都無（雞子、豬潤、響鈴）主要食材係丸子菜之類，肉類得肥牛，無豬羊肉海鮮限取一次。飲品無限供應嘅不過唔算得上物超所值，優點係無限時我們6點食到9點幾至走，住附近嘅朋友普通食飯ok嘅！

昨晚七點到粉嶺街市二樓熟食中心新廣發食火鍋，一行五人叫了秘製好味鷄煲，點了小辣口味，雞肉鮮嫩夠味。拿了肥牛很對版，不是半肥瘦的，也很好味。而有一碟限量海鮮供應，有生蠔和海蝦好新鮮美味，亦有種類繁多丸子、水魷牛柏葉及蔬菜選擇，推介是韮菜餃子和皇帝菜，冰筒內有五種啤酒選擇和汽水及茶類飲品種類繁多，我揀了純滑嘉士伯。最後食到肚滿腸肥，十點埋單走人，新廣發火鍋是一個性價比高的火鍋店，適宜一家大細或朋友聚會的好地方。👍

$140一位，其實真心冇乜要求，但求唔好太難食、食得飽就算，但係真係對新廣發好失望。今日12月17號天氣寒冷，街市勁多人打邊爐，當時6:30，好不容易有個位置坐低，就叫咗個雞煲任食。味道： 第一次食雞煲，雞肉勁羶，成個湯底都係好重羶味，好難食。 至於啲丸，唔係好食嘅丸囉，有啲味道怪怪地。食物份量： 食物嚴重不足，可以睇到下邊兩張相，丸嗰邊已經有啲冇貨。至於蠔同埋蝦係要拎張單過去每台一份，我哋兩個人，俾咗三隻蠔，八隻蝦。坦白講，味道算係OK嘅，食落都新鮮！ 但係唔知個份量/人頭係點計，有啲人多啲有啲人少啲。現場所見嘅海鮮有青口同埋極少量蜆，拎咗5粒之後，就冇再見過。 問過兩次，都係話未有。 所以蟹、魚仔嗰啲更加唔使旨意有。大約7:15出去想拎啲菜食，大部份都冇… 或者得返幾條，無人得閒refill 。調味料方面，有豉油、炸蒜、濕蒜、辣椒、蔥、麻油、醋。 濕蒜同埋蔥去到嗰陣已經冇晒，好多人都反映冇調味料，大約等咗15分鐘終於有😅環境： 講真，喺街市食都預咗環境差，有人食煙。 可能現場真係太多人，拎食物嘅位置人山人海，非常迫同污糟。服務： 都係嗰句，$140/位唔會預有咩服務。加湯、換Gas

🥢粉嶺 $140全包無限時麻甩任食卜卜蜆煲鮮甜大桶蠔火鍋🥢繼上次去咗沙田店非常後悔超熱34 度爆汗咁打邊爐，想起粉嶺街市熟食入面都有間分店，上次去隔離舖頭食都見到呢一度有蟹等海鮮提供，街市呢啲飲食檔口，一定要早去食，因為夜咗咩海鮮都俾人拎曬，今日同樣係6:00 星期日到達，有幾抵食先🥢潮爆卜卜蜆煲火鍋 $140 /位（全包）🥢火鍋最平$128 起就可食到任食火鍋，包曬任食火鍋飲品自取配料，及一碟是日海鮮，，今次好想食卜卜蜆煲，湯底係好多蒜同芫荽的味道，就同澳門的卜卜蜆煲一樣，充滿蒜香，如果想再蒜味濃啲可以醬料區自取蒜蓉及炸蒜加入，蜆肉粒粒非常飽滿肥美，一粒沙所無非常高質🥢是日海鮮上次經過佢地當天提供花蟹，今日變成了大大隻桶蠔及大蝦，海鮮由是按人頭分配，但份量都夠曬多，有六隻大蠔，隻隻都好新鮮飽滿甜美，蝦是新鮮爽彈的口感🥢火鍋配料用上經典的紅筲箕裝住丸類及肉類，可以隨便自由取，肥牛味道正常，平時街市買嗰啲質素咁上下唔會太韌，丸類類別非常多選擇，另外鐘意蔬菜全部都有洗乾淨🥢今日提供現包的韭菜餃子同新鮮魚仔，餃子係用雲吞皮薄薄的幾滑，滿滿的韭菜餃香氣，另外魚仔肉質超甜，不過有d 骨，如果識食

蝦蟹 有d人有 有d人無 7點半左右 咩都無。好似熟客先有蝦蟹。我地早黎又話無 人地遲黎又有 去問又話無 呃人店舖。大家幫襯真係要諗清楚 選擇又少。吾好學人做任食啦 搵人笨。湯底好似清水甘得個色。真係第一次食任食遇到呢個情況

麻甩牛豬雜豬腸火鍋，抵食好味😋。老闆話豬腸日日新鮮屠房出嚟，牛三寶牛筋軟滑入味。而且份量十足，淨係食牛雜已經飽。158一位，任飲任食加一份海鮮，海鮮有蝦蟹蜆同蠔，蟹仲係新鮮劏，仲要唔使加一，真心抵。其他仲有大路丸同菜，啤酒都係任飲仲有幾隻牌子揀。但美中不足就係有d熱同埋煙味，凍少少嚟食仲正，店員招呼都周到。

今日黎到粉嶺聯和墟嘅新廣發即係以前沙角村大排檔果間打邊爐佢位置比較難揾喺市政大廈，即係街市，樓上嘅熟食中心$138卜卜蜆煲再加任飲任食打邊爐真係冇得輸其實佢仲有個平啲嘅卜卜蜆煲，啲蜆就會細隻啲，價錢亦都優惠啲，侍應亦都推介我哋食牛雜鍋，佢話都好好食，不過呢個要等下次再嚟試啦最可惜係佢冇左玻璃樽裝嘅汽水🤦🏻‍♂️其實今次已經係第二次黎呢度食希望第三次/第四次/第五次⋯⋯可以見到大家啦餐後感：最緊要！我食完冇肚痛🤣

到粉嶺食晚飯！一上到呢度熟食中心！環境真係好一般！見呢個檔口坐滿人咁利害埋去 see see先！見到每位138 任食任飲牛雜鍋！即時要試試！抱住好又一餐唔好又一餐嘅心！笨實都係一次過！先上左一鍋牛雜鍋！頂佢丫！原來咁鬼大鍋！有牛肚！牛腩！牛筋同粉腸！味道不過不失牛筋夠淋！真係食完都飽幾成！粉腸真不錯！跟手加湯食火鍋！有菜有丸類！菜非常新鮮！可能樓下是街市所以有咁新鮮嘅菜！憑單記得取海鮮一碟！蝦蠔青口等！有時仲有蟹添！因第一次唔知道亞姐仲自動送過來！仲提醒我下次記得取！食物雖然不是太高質！但服務同性價比超高！會再來的

行完山，其實是因為親戚的朋友介紹那傳說中的牛三寶而行山的我，來到新廣發，一開始都懷疑是真是假門面如一般街市大街檔。但未坐下來已受到店員們熱情招待！分好枱後隨即點個牛三寶火鍋。再出去看看有什麼火鍋料選擇。真的非常多款選擇！而且食素的友人也找到她喜愛的火鍋料，而且對她來就也有很多選擇！主角來了！好入味的牛三寶，若再配他們的辣椒油，真是享受！吃到我們都超。級。飽註：個人非常滿意餐廳提供玻璃支樽的汽水！而且食到飽有質素來說真是好抵食！

朋友推介 經開粉嶺就試一下疫情影響下，熟食中心人流稀疏必食推介， 豬腸牛雜火鍋 任食火鍋，海鮮🦞 啤酒 汽水任食任飲只需$138 免加一，無時間限制仲有不同既火鍋選擇，例如雞煲，四季火鍋等等。地點位於熟食中心二樓，環境一般，衛生情況尚何。 但食物質數性價比高，火鍋配料選擇多，海蝦新鮮。 蔬菜🥬種類繁多。 平民既既價錢，食到真材實料既牛雜。店員服務態度欣勤，不時會主動幫忙加湯，照顧到客人既需要。店員注重客人既意見 值得再次幫襯

好耐都無試過有一間令我甘興奮既一間火鍋店性價比極高‼️比台式火鍋更正真心‼️九龍入黎食都抵‼️❤️‼️啤酒任飲‼️海鮮任叫‼️食物任拎‼️明碼實價，好後悔點解自己唔係學生一入到去都見到丸，肉，菜，都擺哂出黎，都fill得好快，種類都好多。海鮮新鮮到爆，可能樓下街市，識人拎到靚貨但我呢個價錢118食到甘靚蝦，蜆，超回本‼️‼️‼️唯一缺點真係唯一一樣野：街市熟食中心，環境比較一般。但丫姐d服務好好笑容又客氣.完全好地道，以前十幾年前打港式邊爐感覺❤️溫馨提示：海鮮係要同姐姐叫先有‼️

本來諗住上黎食小菜但有個姐姐極力推廣 話保證食完覺得好咁就試試有好多唔同煲 我想食蜆煲 但我fd叫雞煲最後食雞煲好好食 仲有豆卜同粟子係到食食下佢地好熱情問要唔要加雞不過我地食唔到咁多所以冇加然後又送左海鮮比我地食有蟹有聖子蝦蠔青口同埋佢本身可以食既野都好多炸魚皮都好好食仲有野飲都係任飲既之後佢地拎左炸蜆出黎任我地夾唔洗蜆煲都有蜆食目前黎講 我食過性價比最高既打邊爐有機會會再黎 真心抵野飲記得唔止忌廉 佢放左其他係後面見到有其他人誤會以為冇 好搞笑

新廣發以前係沙角都有幫襯過 , 雖然次數唔多 , 老實講90一個人  , 湯底24 , 食物質素你都唔會有高期望啦 , 但對得住個價錢有特啦 , 又可以自己出去揀 , 唔洗寫紙仔等佢拎俾你 , 有時D酒樓寫左又唔俾 , 仲有啤酒任飲 , 方便成班人吹水其實搬左去聯和墟街市環境仲好過以前沙角果陣 , 至少叫窒內又乾淨d 食物就推薦水餃 , 海鮮我就冇乜興趣 , 其他都係大路野 ,  可以想像到既味道不過睇Openrice食評啤酒有Hoegaarden , 但去到得Blue Ice, 獅威同森堡

First thing first:* 我食過全香港最抵食嘅任食火鍋，無加一，$100 有找* 任飲啤酒汽水、海鮮（蜆、螺、獅蚶、蠔、青口任食，蝦同蟶子一份份比你）、肥牛、鮮滑牛肉、雞、菜etc* 丸嘅種類多到好似去左街市買丸既鋪頭咁* 即包新鮮韭菜餃，正！* 熟食中心入面，坐得闊落，姐姐好好禮貌呢間餐廳真係平到不得了，我唔知仲可以係邊度搵到一間$100有找任食海鮮嘅火鍋店。坐低即刻揀湯底，冇記得晒湯底款，但肯定有胡椒豬肚、沙嗲、麻辣、清湯、鴛鴦（沙嗲加清湯）。任揀其一就唔需要加錢，如果要雙併嘅話只需要加$10，係成個煲只需要加$10唔係每個人都要加$10！👍🏻 我哋叫咗清湯同埋麻辣，個麻辣湯底非常之得，老老實實有幾多間任食火鍋店個麻辣湯底係真係麻同辣？而呢間個麻辣湯底係越食越麻！👍🏻😋😋上咗個麻辣湯底之後，佢會跟人頭配蝦同埋蟶子俾你。每人大概會分到幾隻蝦同埋幾隻蟶子。我本身對呢兩款海鮮都冇特別嘅喜好，所以佢份量多同少我都唔係好介意。我今次黎嘅目標係蜆！之前試過其他餐廳嘅卜卜蜆煲，而呢度嘅蜆係任你攞仲要基本上每一隻蜆都係無沙、大隻、鮮甜同飽滿！我其他餸真係食得唔多，但係我一個人差唔多食

$90一位任食，開爐費和湯底$24。四人，每人加多$6以前在沙角村食了幾次。搬去聯和墟熟食中心，升level呀，有冷氣食物質素一般，不過咩都有得食。海鮮要問侍應，有蝦，蟹，螺，蜆，聖子。我本人覺得蝦和螺食得過任飲飲品，樽裝汽水，好正。仲有玉泉的產品，好懷舊呀!湯底唔明無味，唯有己加配料吧!