新容記小菜王

營業中

休息中

好有人情味的食店, 因為去酒樓又係食果D標準餸菜，都係揀番呢間，叫左幾味毎樣都好好味, 可樂鵝夠入味，蒸豆腐帶子好新鮮，最緊要啤酒夠凍，價錢合理唔使就住飲，老版娘又好nice，真心推介呢間良心食店。

位於深水埗一出站既福華街，去到一間地道招牌港式小炒😁原來呢間有第二個分店😄好多明星去過食嘅😆仲有學生優惠添 大家鍾意食嘅大排檔小炒👍 學生會、聯會都好岩系呢度聚餐 👏👏🐷西洋菜豬骨湯好清甜😋清清地👍熱辣辣好飲🐔啫睹雞煲石鍋熱騰騰😄👍拎上盤來仲起泡泡滾緊👏足料 有雞肉 配料仲有美味既洋蔥、冬菇、豬肝做底👏👏🦪蠔仔泡飯相當大鍋👍非常之足料👏有啲系大大隻蠔 好甘😋🏷️新容記小菜王 (深水埗)📍深水埗福華街118-120號地下

Happy Friday同咗屋企人去深水埗食小菜，揀咗呢間好出名嘅新容記小菜店，佢喺深水埗一條街已經有兩個舖位，老闆招呼亦都好好，我哋每個人都食得好飽，滿載而歸🥰豆腐魚雲湯，呢個必叫，湯底好鮮甜，好多魚雲，大大隻嘅魚雲配上小白菜同埋豆腐，一啲腥味都無，啖啖肉，三個人都飲唔晒😋😋西芹炒鮮魷，西芹處理得好好，一啲筋都無，好新鮮好爽口，鮮魷份量亦都好足，好新鮮，配上蝦醬，送飯一流😋😋涼瓜炆䱽魚，呢個超抵食，大大條䱽魚好鮮甜，炆得好入味，涼瓜份量亦都好多，性價比超高😎

四個男人幾年冇聚過，終於相約在深水埗晚飯，志在飲啤酒，吹下水，試試區內人都好評的新容記，點了幾味小菜，大部分都值得推薦。先是燒腩仔，皮脆肉嫩，有落美極調味但不會太咸，送酒送飯都適合。炸大腸有咬口，但嫌佢皮唔夠脆，本人覺得麻麻地。可樂鵝醬汁香濃，上菜時撲鼻而來，鵝肉肥瘦得宜又煮到入哂味，極正。啫啫雞煲夠火候，糯米飯應該是生炒出來夠香夠誠意，乾身得來又軟糯，都不錯吃。小菜食完後飲酒為主，叫了碟墨魚嘴送酒，口感ok唔係淨食粉，也夠煙韌，可惜係調味上唔夠咸香扣咗分。成餐飯整體係好食嘅，可以再戰。

同朋友去深水埗買完電子產品，就捐窿捐罅睇吓有乜好嘢食，見到呢間餐廳好多人，主打大排檔風味嘅小炒🔥，仲有冷氣🧊嘆㖭，咁我哋兩個就入去試吓先～裝修好似傳統大排檔咁，將啲小菜菜名貼喺兩邊牆，帶點老香港懷舊風情，顧客似係附近啲街坊，美食加啤酒🍻，周末歡聚一下。我哋睇咗一陣餐牌然後點咗：🥢腰果肉丁$88朋友好鍾意腰果炒嘅菜式，所以點這個腰果肉丁，內有腰果、西芹、肉丁及辣椒🌶️等，材料切得均勻，炒得爽口惹味。🐓天下第一雞$138呢個店員介紹，咁我哋就點返半隻試吓，味道有啲似鹽焗雞，帶鹹香，送飯🍚一流。喺呢度食飯，感覺到熱鬧氣氛感，每枱都開開心心與家人及朋友共聚的氣氛～😆

記下我對這家餐廳的西芹炒鮮魷和咖喱牛腩飯的感覺。西芹炒鮮魷的鮮嫩魷身和清脆的西芹碰撞出了獨特的口感，爽脆中帶有鮮美的魷魚香，搭配著微微的辣椒和蒜香，讓人回味無窮。咖喱牛腩飯的牛腩肉經過慢火燉煮，肉質鮮嫩多汁，加上濃郁的咖喱味道，讓整個菜餚的味道更加豐富。米飯蓬鬆香甜，與牛腩肉的搭配非常完美。此外，餐廳的服務也很好，服務員親切熱情，讓人感到賓至如歸。整體來說，這家餐廳的西芹炒鮮魷和咖喱牛腩飯是一道值得推薦的美食，不論是喜愛口感豐富的海鮮還是濃郁香辣的咖喱料理，都可以在這裡品嘗到最道地的美味。近地鐵站ar

豉汁蒸䱽魚❤魚身嫩滑受熱均勻 ，一黎到成條魚出哂煙! 豉汁一D都唔死咸，食得出條魚真係好新鮮，而且條魚本身都好大條，呢個價錢，大推俾大家一試!脆肉鯇魚水煮魚 🤤呢個真係一百分! 脆肉鯇柔韌清爽，夠哂結實彈牙唔鬆散，味道鮮美一D腥味都冇!!!仲要咁多舊魚肉，一條骨都冇!!嫩滑爽口魚肉加上鮮麻辣湯汁，鮮 鹹 麻 辣，而且配料仲有粉絲同幾款蔬菜，食起上黎口感同味道一流!燒腩仔😍肥瘦比例岩岩好! 而且佢地用新鮮既豬肉，肉質軟腍無渣！入口先食到脆卜卜外皮，咬落又唔會成口油，再黎啖啖肉! 同平時出面食到好鞋好干身既完全唔一樣!成間餐廳既小菜性質比都好高，如果一班人黎食就更加抵食同可以試更加多唔同菜色，極力推薦俾大家❤

餐廳：新容記小菜王 (深水埗)地址：深水埗福華街112號地舖中式小炒喺香港人嘅至愛，一家人或者成班好友圍埋一枱，叫返10個8個小菜小炒，你夾俾我，我又夾返俾你，一齊嘻嘻哈哈暢飲返幾枝啤酒🍻，中式菜館確實喺唔少香港人食飯聚餐之選新容記小菜王 @new_yun_kee 喺深水埗已經屹立咗接近10年，佢哋顧名思義主打小炒、中菜，但有咩菜式喺特別吸引人呢😎？咪就喺唔少人坐飛機專登嚟香港都要食嘅馳名燒肉、秘製可樂鴨、燒汁牛仔粒等菜式。不過原來出晒名嘅燒肉工序繁多，需要花費足足兩日時間，由新鮮豬肉到斬件、醃製、6個鐘燒烤等程序一啲都唔馬虎，所以淨喺星期五同星期六先有得食，唯有下次夾啱時間再嚟過啦🙈✝️楊州炒飯 $58一個人試唔到好多菜，見佢哋嘅炒粉麵飯晚市都喺$58，所以就叫咗個夠鑊氣楊州炒飯，除咗粒粒飯金黃分明，當中仲有蝦仁🍤、叉燒、菜粒、蛋花、香蔥等配料，鹹香到位，食到底一啲油膩感都無，真心好食又抵食👍✝️啫啫滑雞煲 $98一上到枱就聽到「滋滋」聲仲喺熱辣辣🔥，惹味嘅啫啫滑雞煲未食就已經香到令人垂涎三尺🤤，醬油加上香蔥頭、洋蔥同蔥段嘅香味，令每舊雞件、豬潤、冬菇都相當入味，而且份量唔少，我一個人食

深水埗不嬲多好嘢食，當然唔少得呢間屹立咗十幾年嘅新容記小菜王啦，佢最出名就係燒腩仔🐖，聽聞個皮超香脆，今日放假特登晏晝諗住去食，點知個職員話原來晏晝係冇得食㗎，要夜晚先有，咁唯有今次食住小菜先，下次再食過燒腩仔。 小菜款式都有好多，老闆介紹咗2個出名嘅小菜比我哋。 容記第一咀：呢個其實即係墨魚咀，外脆內軟，口感爽脆有嚼勁，炸粉唔會太厚，充滿椒鹽香味，絕對係佐酒小食No.1🍺！ 燒汁牛肉粒炒得好有鑊氣，牛肉粒鮮嫩多汁，口感細膩，上面曬上好香嘅芝麻粒。每一口牛肉粒都充滿住秘製醬汁，非常惹味，送飯一流。配菜炸薯仔亦夠稔，外脆內軟。 午餐仲送老火靚湯添。

朋友帶路去深水埗食好野，我哋2個都好鍾意食魚，所以一人一個蒸鯇魚飯。每個餐都有跟白飯中湯同餐飲，鯇魚蒸得怡到好處，魚肉好嫩滑，梅菜唔咸，加埋個秘製豉油汁，撈飯一流。

中秋節 訂了這家，深水涉新榕記 八人吃飯 ，之前一晚 留咗屋企人喜愛的蒜蓉蒸吊桶仔 ，去到竟然話買唔到吊桶仔😑 跟住叫咗佢哋好出名嘅 炸墨魚咀，可樂鵝，欖角骨， 薑蔥蠔 同埋避風塘炒蟹 我六點半坐低已經叫菜，但係坐到七點半先話我知 可樂鵝賣曬！ 跟住再諗多幾樣餸包括 天下第一雞炒菜同埋 咸魚煎肉餅 坐到八點半 淨係黎到嗰碟雞 煎肉餅又話冇貨 要嗰樣冇嗰樣做節真係唔老黎🙄老人家坐到眼瞓，话嚟唔到嗰啲菜都不用來了😞 成餐飯最有印象係個薑蔥蠔 炸墨魚咀就一般，粉好厚，炒蟹正既， 欖角骨比較鹹。 其實我早一晚已經問咗話事人使唔使有啲餸要訂貨佢哋斬釘切鐵話唔使… 真係嬲咗下次唔再來😡

今日老公放工，係佢公司附近買咗啲燒腩肉，返屋企加餸😋搭車返屋企要半個鐘多啲，拎到返屋企都仲脆卜卜，肉質鬆化仲要軟腍無渣，同冇油膩感，仲食到肉香......真心超正！🤤如果堂食仲唔不得了🥹下次堂食一定要再試下！