斑蘭

營業中

休息中

Pandan Asian Fusion Bistro地址：尖沙咀柯士甸道西1號ELEMENTS圓方水區1樓1044-1045號舖 行圖方行到肚餓，打算搵間餐廳醫下個肚，經過呢間餐廳，見到人哋嘅肉骨茶好正，價錢仲要好平添！忍唔住入嚟試吓🤭中午個餐牌係自由配搭，我哋就揀咗A+B+C都只係$98，好抵食😁娘惹傳統斑蘭椰漿飯（巴東牛肉，脆皮雞卷）巴東牛肉鮮嫩多汁，脆皮雞卷香脆可口。配上椰漿飯，味道濃郁而平衡。整體味道正宗👍。新加坡白胡椒肉骨茶 配 油香飯個湯底濃郁香辣，肉骨肉質鮮嫩，仲配有豬肚，搭配埋香噴噴嘅油香飯，超級開胃🤤，個湯都好飲！可以再試！額外加多咗兩個甜品藍莓焦糖燉蛋 $46滑蛋口感，配上焦糖同藍莓嘅酸甜組合。呢道甜品絕對值得食，每食一啖都好滿足😍😍！海鹽雪糕粟米脆脆 雪糕鹹甜融合，粟米脆脆香脆可口。呢個組合帶嚟獨特嘅口感，幾特別，我就覺得個雪糕略為鹹咗少少，但係朋友就覺得好食，如果食開海鹽雪糕嘅都可以試吓！

去亞博睇演唱會前約朋友響圓方食完個early dinner 再搭機鐵入去 最順路是日星期六Book左6:00 原則上都冇乜人但係到我地食完離開已經大約8成滿先來一個前菜米卷味道正常 都係我鍾意嘅質地但係底層加左芒果就更開胃意粉質地就麻麻 唔夠爽，但係又唔淋D汁幾好食但係吾夠掛響D粉上面呢個焗椰菜花好得意成個球嘅椰菜花加芝士& 汁去焗但係個椰菜花依然好爽口好味😋😋Overall呢度係坐得舒服D餸菜係好精緻如果多D人來 可以share 多啲食物仲可以叫多幾項

我open rice 既第一次負評，三個內地人係度望入面有冇位，望望下仲行埋入去， 我一行四個人同後面有兩pair 情侶都排緊隊，個短頭髮女職員叫左班內地人入去坐， 我同後面既人都同男職員講，我哋排緊隊，男職員好唔耐煩等等啦 等等啦，後面pair情侶嬲到走左，我哋有老人家唔想佢走黎走去所以焗住等。食物係難食唔係唔好食，啲肉既雪藏味好勁，食到有蒜頭既衣，份量少得可憐，飯量係手掌肉咁少。真係有損圓方甲級商場既質素。

圓方呢間星馬泰菜環境真係好靚，餐廳座位都好舒適！朋友突然話好想食泰式生蝦刺身，所以就叫左一碟試下，啲蝦肉幾厚實，食落幾爽口～ 配埋酸酸地既青汁，好開胃🥰 我哋叫左個青咖喱炸軟殼蟹意大利飯，呢個飯幾好食，啲青咖喱汁好入味，而且好creamy 🥰 帶有少少青咖喱既辣味～ 口感豐富！ 加埋完隻炸軟殼蟹，好正～ 😍 平時會覺得啲飯太多食唔晒，但呢個餐係完全食得晒～ 仲想再食添！ 我地仲叫左碟炒椰菜苗 呢個用蝦頭膏炒既椰菜苗味道好濃郁！ 好夠味👍🏻 飲品我覺得一定要叫佢地既椰青～ 因為真係好清甜好冰爽～ 而且入而椰肉都好厚好軟滑🤤 整體坐得好舒服～ 係個好地方🥰

新加坡創意料理駕臨九龍圓方商場斑蘭是一家獨特的新加坡餐廳,提供融合了亞洲菜與西餐的美味菜式。餐廳以孔雀為主題，營造出一種當地熱帶雨林的氛圍，給客人們帶來新潮且有格調的用餐體驗。在斑蘭我們感受到餐廳致力於呈現精緻而美味的菜餚，並提供一個舒適、時尚的用餐環境。越式香茅烤豬頸肉豬頸肉烤至焦脆爽口帶嚼勁,濃濃的肉香,加上青檸汁口感更清新,好食的前菜~蟹粉蟹肉香葉辣肉碎伴脆脆球蟹肉再配上香葉辣肉碎,放在脆脆球內,比起用生菜更為有創意的料理,意外是蟹肉鮮甜與肉碎的濃味相映成趣~泰北青咖喱脆炸軟殼蟹意大利飯脆炸的軟殼蟹和意大利飯結合泰北青咖喱、茄子和蘑菇，營造出獨特的味道~鮮芒果布丁椰汁班蘭粉七彩的擺盤用芒果砌成的鮮花形狀好有心,椰汁鮮甜配上班蘭粉,100分的甜品~斑蘭 Pandan Asian Fusion Bistro尖沙咀柯士甸道西1號ELEMENTS圓方水區1樓1044-1045號舖#斑蘭 #尖沙咀 #柯士甸 #ELEMENTS #圓方 #青咖喱 #軟殼蟹 #意大利飯 #新加坡菜 #九龍 #豬頸肉 #蟹肉 #香葉肉碎 #濛仔 #浣熊 #拉拉鳥 #櫻花鳥 #香港 #美食 #singaporef

🪽 自家製腐乳蛋黃醬單骨牛油雞翼（4件）甜甜辣辣的醬汁好襯牛油炸雞翼🥖 越式牛油果醬法包配蕃茄莎莎（2件）非常醒胃的小食🐓 香茅烤雞肉串燒（2串）很重香茅味，惹味之選🍜 新加坡大蝦喇沙摻摻除有2隻大蝦🦐仲有白蜆，非常足料，香辣可口。🐓 招牌無骨海南雞 配 油香飯雞味濃郁，份量剛好。🍚 新加坡白胡椒肉骨茶 配油香飯足料又好味😋，配埋油條，下午茶有呢個量可以飽到晚飯都唔洗食☕️ 桂圓紅棗茶飲完會變靚的感覺🍍水果冰茶甜甜菠蘿味的冰茶，可口解渴

北海道帶子刺身帶子刺身大家都食過，佢配咗蜂蜜和泰國青檸汁，酸酸甜甜，加入Chives ，感覺十分清新，當然唔少得有三文魚子，增添口感。作為一個前菜， 很合適 。百香果冰茶新鮮百香果配以綠茶，酸酸甜甜！難得佢冬天都仲買到百香果……唔係用糖膠開，我都收貨!63度慢煮燒牛肋骨原條骨上，肉大概有十片，配埋沙律，同埋一個酸酸甜甜的蕃茄醋汁，係一個人份量嘅主菜 。牛肋骨，應該就是牛小排的位置，有豐富的牛肉脂肪，所以肉味香濃，解釋到點解去配一個酸甜的沙律和醬汁，用來解膩。焗完個有機椰菜花老實講，係唔係有機……係食唔出來……不過，西蘭花的大細形狀對於烹調時間，一定會有影響，今次個椰菜花尺寸處理得剛剛好，應該是在食材上邊花過心機。椰菜花的外面是芝士和乳酪，我個人認為有少少芝士的臊味，朋友就十分喜歡 。這一個椰菜花，又是另一個主菜，夠兩個人分享！不得不提，上面的果仁，烤得十分香脆，這道菜是素食人士的好選擇。

🍱餐廳：斑蘭 (尖沙咀)🍽️類別：Fusion菜💯推薦指數：8/10.≡※≡※≡※≡※≡※ 🍑桃仔推薦必試菜式🍑 ≡※≡※≡※≡※≡.▪️叻沙貓耳朵麵 $220叻沙的湯頭呈啡黃色，可見餐廳沒有加入紅油調味，所以味道以甜味為主，辣味稍遜。加上叻沙的質地不會很濃稠，味道順喉而不膩，且蝦香和椰奶味較為突出，每片貓耳朵的味道都十分濃郁。小編挺欣賞廚師以三文魚籽作點綴，其鹹鮮味有助平衡叻沙的甜味。≡※≡※≡※≡※≡※≡ 💁🏻‍♀️值得一試系列💁🏻‍♀️ ≡※≡※≡※≡※≡※≡※.▪️青咖喱軟殼蟹意大利飯 $236青咖哩的椰汁味出眾，甜中帶辣，醬汁濃度得宜，掛滿口感軟糯的意大利飯。軟殼蟹外層炸致金黃色，內裡滿布蟹膏，口感甘香豐厚，與青咖哩飯挺搭配。≡※≡※≡※≡※≡※≡※≡ 👍🏼值得加分項目👍🏼 ≡※≡※≡※≡※≡※.餐廳大膽創新，主打結合日本、意大利、泰國、越南等多個國家菜式的Fusion菜，將不同國家菜式的元素配搭得匠心獨運，讓每道菜都相當驚艷。.餐廳裝潢如下≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※😍整體評分 味道：🌟🌟🌟🌟性價比：🌟🌟🌟環境：🌟🌟🌟🌟🌟服務態度：

圓方屬高消費場所，但這間食新加坡菜的餐廳卻是例外之一。它不算最平但抵食，以合理價錢得到優質餐點、服務和環境，其實已是抵了。今日和先生吃了兩個下午茶餐，送飲品。下午茶一樣夠份量，加碟青菜，飽了。🏅新加坡娘惹大蝦喇沙摻摻（$88）摻摻份量多，尤其米粉爽滑不易斷，好好食。湯底稠滑惹味，椰香、香料味凸出。兩隻大蝦新鮮彈牙，還有幾隻沙白，都很新鮮。如果芽菜多點就完美了🏅奧巴馬粉（$106）即是炭燒豬肉檬粉，因為美國總統奧巴馬於越南訪問期間在河內食過的烤肉米粉而命名。6塊炭燒豬腩肉串成3串，燒得焦香，肥瘦均勻，一點也不覺油膩。檬粉無什麼味道，加了越式酸甜汁就爽滑好吃。🏅炒芥蘭苗（+$68）加錢有碟青菜，都好大碟，而且脆綠爽甜無苦味。🏅桂圓紅棗茶（$0）🏅水果冰茶（$0）紅棗茶味較淡，水果冰茶則夠味清涼好好飲。

來到圓方購物,累了找到一個很chill的地方吃下午茶....斑蘭..Pandan Asian Fusion Bistro這裏裝修簡約高檔,空間感很大,一個令人放鬆盡情享受美食的好去處,下午茶價錢一點也不貴,而且食物質素很高,誠意推薦畀大家.辣椒羅勒豬頸肉炒意大利麵....HKD106 (包餐飲一杯）首先材料新鮮豐富,豬頸肉爽滑惹味,加上辣椒蘿勒香味撲鼻,意大利面炒得夠乾身,面質與別不同,入口感覺是爽口彈牙,醬汁非常美味,份量足夠飽肚,好滿足的啊！💗桔仔話梅水（隨餐附送）酸酸甜甜,解渴醒胃,美味桔仔配話梅真是絕配,健康飲品, 真想再來多一杯👍👍💗越南炸春捲....HKD86皮薄餡靚, 新鮮脆卜卜,內餡鮮肉美味,用生菜夾着吃,真是鮮,爽,脆的美妙感覺,再加一些酸甜醬,就更加惹味.👍👍😋😋😋👍

唔知大家知唔知西九入夜之後無乜人，坐係海邊睇住個海傾密計其實係幾浪漫呢? 偶然我同男友放工之後都會去西九抖下氣，今日就順便去圓方食個靚飯先去拍拖啦!鹽燒秋葵 $28我就唔食秋葵嘅，不過男友好中意，佢話呢個燒得好香好新鮮。牛油燒北海道帶子串 $46聽到個名都覺得正啦!黎到燒得岩岩好，裡面係岩岩好熟好juicy唔會好硬，外面燒得個樣都好靚仔啊!十分新鮮有海水味。松露蘑菇濃湯 $72唔飲得凍野所以我就叫左個湯，松露味勁濃，黎到淨係聞都聞到超香，超多磨菇粒粒，飲完都幾飽肚，中意菇味真係唔可以錯過。越式香茅烤豬頸肉 $128覺得食泰國菜係一定要有豬頸肉，不過食過好多間都好硬好乾身，呢間幾抵讚，佢每一舊厚度適中，燒得岩岩好，肉好軟林唔會硬，味道唔會過鹹或者過淡。泰北青咖哩脆炸軟殼蟹意大利飯 $236黎到個樣勁靚仔，好似成件藝術品咁，軟報蟹好似一棵樹，下面有好多青草同埋石頭，紫藍色花令到成碟飯色彩更加豐富。味道方面，咖哩都比想像中辣，不過平時食開清湯嘅我都受得最後都清到碟。 軟殼蟹有兩隻，一人一隻岩岩好，亦都唔會太細隻，炸粉唔會好多好漏。食完真係好飽，呢餐完美落幕。Witch’s Apple 毒蘋果

幾年前曾在西九返工，圓方是必經地點，過咗幾年估唔到食肆都唔同哂，其中一間就係呢間東南亞菜。係得圓方裝修一定有返咁上下，座位寬鬆舒適，設計高雅。泰北青咖哩脆炸軟殼蟹意大利飯 ($236)青咖哩本身非常惹味，香辣得黎不失椰香地佈滿每一粒飯。飯粒用西班牙的做法，呈半生熟的狀態。軟殼蟹炸得鬆脆，加上花瓣作裝飾，打卡滿分。自家製腐乳蛋黃醬單骨牛油雞翼 ($108)雞翼炸得香脆乾身，有微微的牛油香。醬汁以腐乳及蛋黃醬混合而成，兩者幾match又特別，沾滿醬後咸香濃烈，是另一種風味。越式香茅烤豬頸肉 ($128)豬頸肉表面微焦，內裏軟嫩，調味帶甜。配上冬陰公醬料，酸酸地的青檸味突出，好有驚喜。熱帶賓治 ($62)酸酸地開胃之選，加上兩片橙乾，有種夏日感覺。

在圓方這超絃的商場內，餐廳當然也不會太遜色這家半開放式的餐廳，叫斑蘭，座位們舒適的，空間感強；服務維持高水平出品：清萊原個菠蘿海鮮焗珍珠米238.0這個類似菠蘿🍍海鮮🦞炒飯，其實是芝士焗飯，有青口，大蝦🍤，帶子，蜆，魷魚🦑等非常多款式，上面還有芝士🫕，口味相當濃郁另外還有一條燒菠蘿🍍，所用的菠蘿🍍更是非常juicy ，肉汁豐富，更可切出菠蘿肉！越式香茅烤豬頸肉128.0豬頸肉爽彈口感不錯，出色的是那酸辣汁，非常開胃！鮮芒果布丁椰汁🥥斑蘭粉78.0意外地有點大碗，斑蘭粉爽彈配椰汁有夠泰式！加上芒果🥭有夠甜九龍柯士甸道西1號圓方1樓1044-45舖Tel:2368-2799

「斑蘭」主打東南亞創意菜式，環境典雅舒適，空間明亮寬敞。🥢清萊原個菠蘿海鮮焗珍珠米一如菜名用菠蘿盛滿飯與料上桌，帶有芝士焗烤香味撲鼻。海鮮給得很豐富，鮮蝦淡菜等都十分新鮮。飯吸飽了海鮮與菠蘿的鮮甜湯汁，味道非常濃郁。一旁還有整片燒菠蘿可以直接食用。🥢新加坡叻沙鮮貓耳朵叻沙是新加坡常見的美食，但與貓耳朵這類乾的麵食的組合實在前所未見。貓耳朵外觀有趣口感十分Q彈，味道微辣但不會嗆。叻沙裡常見的配料鮮蝦與青口也很有水準，而這道乾麵的版本帶給我們對叻沙的全新體驗。整體而言，菜色及價位走較高檔路線，料理別出心裁，服務態度佳。

圓方新加坡/馬來西亞fusion菜😋環境好靚 座位非常舒服 我哋兩個人食都有一張大嘅枱可以坐到卡位 好有私人空間😍 請蔡叫咗北海道帶子刺身 味道新鮮 配上青檸蜂蜜香草汁 加埋新鮮嘅三文魚子 夠晒開胃👍🏻 個軟殼蟹都非常出色 份量啱啱好 口感好脆 青咖喱夠晒香辣 隔離有煎米粉可以用黎配埋咖喱一齊食 真係一流🤩最後做咗豬頸肉 呢個外表好似平平無奇 但係食落有驚喜 因為上邊嘅蒜頭都幾香 最出色嘅就係佢嘅蜜糖汁 配上豬頸肉非常夾 佢仲有個自家製嘅醬汁 鍾意辣嘅朋友都可以一試🥳📍斑蘭 (尖沙咀)尖沙咀柯士甸道西1號ELEMENTS圓方水區1樓1044-1045號舖