文記

營業中

休息中

聽聞左好耐 海防道出名豬扒包今日終於去一試差唔多6:00去到 好多鋪都收唒好彩依間未收叫左咖央多同豬扒包 凍檸茶可能見到我同朋友二人黎食佢豬扒包上時 已經幫我哋切埋包好脆 豬扒即叫即炸 好夠味 又脆 熱辣辣咖央多 多士依d 整完即食一定唔會差甜甜哋 都唔錯其實一去到食 環境都幾熱真係要飲番啲凍嘅嘢凍檸茶 好夠凍

係尖沙咀返工咁耐，聽聞海防道熟食中心己久，但一直怕人多所以上未食過。今日午餐終於的起心肝一試，叫了熊貓外賣速遞。試後感：整體味道好麻麻又話豬扒出名，但冇乜味. 同openrice其他人講差唔多，豬扒肥邊好肥！個炒出前一丁又只係得個咸味，not good！令人失望的一餐，唔會再試。

剛剛開嘅時候超級多人，所以一直未食。今日等到有機會買外賣早餐就決定試一試佢嘅豬扒。買咗個早餐-係豬扒煎蛋配蕃茄牛肉通再跟熱飲。理論上應該仲有件多士嘅不過佢冇俾到。豬扒都真係幾好味好辣，但其實係超級肥...基本上有一半係肥膏，冇食到。蕃茄牛肉，蕃茄味就冇乜㗎啦牛肉都幾淋，正正常常啦，但好可惜當我食到最後幾啖嘅時候先見到有條毛.....唉🤦🏻‍♀️味道：7/10服務：6/10環境衛生： 4/10性價比：7/10可以一試

海防道終於復開了了了了，裝修後真得完全不一樣了光了很多🤣，跟以前那種很地踎的感覺完全不一樣，本身想來吃秘制豬排的，可是走到中間呀姐的開場白：豬排沒開🤣哈哈所以就選了來文記吃海南雞吧，海南雞飯真的很好吃大大份，雞夠香夠滑大大舊好好吃呀🤤而平時不吃蔥的🧒🏽也不停吃這邊的蔥油，超香呀呀呀呀，第一次這麼喜歡蔥的東西，油飯又夠好吃整體超好吃又抵吃👦🏻則叫了這邊的秘制豬排雙蛋飯，豬排大大塊好好吃調味很正，還有那隻黑椒汁真的不能輸好好吃！

波爾多雞球飯：人所皆知法國波爾多係出名紅酒，但估唔到香港茶記就食到波爾多雞球飯。而呢個波爾多雞球飯係有炸雞球加檸檬醬汁、奄列、蛋炒飯，而味道上雖然食唔到波爾多嘅水準，但都叫有香港嘅風味。而蛋炒飯比較乾身，沾少少檸檬醬汁都叫酸酸甜甜幾好味，而雞球就炸得非常香口，亦唔會炸到好乾保持到小小肉汁，反而個奄列就真係無味道唔知食緊咩，但其實佢將一個普通檸汁雞球飯變成波爾多雞球飯都叫有創意嘅。

之前一直係尖沙咀番工,習慣左下午茶時間先食飯,每次打開外賣紙就會叫文記,到上個月先知道原來文記係係日日行既海防道入面果個熟食街市,平時都已經食開,咁緊係要拜候一下門市,親自上陣,其實係熟食街市望到已經好舊,唔似營業緊,以熟食檔就要行到好入好隱蔽,如果係靚靚既oL應該未必會行過黎,行到入去入面有好有大排檔,台台櫈櫈擺晒係到,位自己揀再叫野食,野食就會自動送上,我當然叫番我個開心開心下午餐啦！其實就係三送面,第一次係鋪頭食,可能今日太多油,炒蛋午餐肉都油立立,平時係office叫外賣都唔覺,不過不失啦,好彩叫杯齋啡中和番😊食個回憶

2018/04/19 BeautyBeauty 即將離職 就想找機會再吃一次他們家超炸的大雞腿 但是今天因為要等 最後叫了炸雞扒加咖喱汁 文記在海防道街市的熟食中心裡 算是比較大的一間 很容易找 冬天環境好一些 夏天就比較悶熱 我和同事都喜歡外賣回去 不加外賣費喔menu上選擇很多 這裡分享下我尋找了很久但得來全靠運氣的菜單 哈哈 今天叫的是炸雞扒 雙蛋 咖喱汁 熱奶茶外帶 41hkd雞扒很脆 蛋黃有一碰就流出來 咖哩汁更是會上癮很港式 很地道 不辣 奶茶不算超濃但ok 如果外帶會自動放糖 記得走甜!下單的姊姊妹妹人好friendly 好nice 都好靚女這是我會想念的午餐飯盒聽說這裡的早餐 也很ok！

大家逛尖沙咀海防道的時候，有沒有留意橋底有一個入口，原來這裡是個臨時街市和熟食中心。由於街市沒有冷氣，環境比較差，所以賣的價錢卻十分貼地，一般碟頭飯只售四十多元。今日去的叫文記，吃了咖啡雞肶腸仔， 連凍飲只是四十三元，雞肶大隻，炸得香脆，雖然賣相一般，但不失為一個不過不失的碟頭飯。

之前係隔離食個食腩麵好食, 見到呢度有海南雞飯專登黎試下黎到之後我本身想叫$50 套餐因為有湯咁等左15-20分鐘終於黎到啦, 點知黎左$41 果個秘制海南雞飯都算食落係白飯+白切雞, 只係俾左一碟彊容+一碟點海南雞既醬料而雞係普通燒味鋪既白切雞 (連骨)咁我問店員, 呢個秘制海南雞點解係白飯佢話$50 個餐都係白飯, hea左我就算之後我再細心d睇佢$50個餐, $50係例牌海南雞+湯但不連飯, 飯再要加錢$41 食白切雞+白飯, 咁我駛鬼係呢度食白切雞我去燒味鋪食吾好?

附近上班,不時都會叫文記的早餐,都幾好味,又夠大份。 誰知一試午餐便中伏,干炒牛河單看賣相已經 , 成碟野無乜味道, 六、七片牛肉中有四片大部分是咬不開的筋, 芽菜同葱都很少, 早知食返碗粉好過

波爾多雞球飯：人所皆知法國波爾多係出名紅酒，但估唔到香港茶記就食到波爾多雞球飯。而呢個波爾多雞球飯係有炸雞球加檸檬醬汁、奄列、蛋炒飯，而味道上雖然食唔到波爾多嘅水準，但都叫有香港嘅風味。而蛋炒飯比較乾身，沾少少檸檬醬汁都叫酸酸甜甜幾好味，而雞球就炸得非常香口，亦唔會炸到好乾保持到小小肉汁，反而個奄列就真係無味道唔知食緊咩，但其實佢將一個普通檸汁雞球飯變成波爾多雞球飯都叫有創意嘅。

明明係雙午餐肉炒蛋, 但得一塊肉, 我問伙記唔係有兩塊肉咩? 佢用D鄉下話答我係叫餐蛋, 蛋係兩隻...我都廢事再同佢討論, 還掂午餐肉都無乜益, 佢仲要煮得好油淋淋..

SUMMER快到了, 就趁今天仲涼涼地, 去天穚底的大排檔早餐.點了個滋味早餐HKD 28A:雙香腸炒蛋B:榨菜肉絲米C:熱奶茶雙香腸炒蛋 – 即叫即炒炒蛋好有蛋味, 中間仲要係溶溶地, 好有滑蛋FEEL煎香腸OK, 我好怕食炸的香腸榨菜肉絲米榨菜几好味 – 保留返佢原本咸咸的感覺,出面有餐廳洗到榨菜淡茂茂, 反而失去了榨菜原本的風味熱奶茶味道OK, 無太大感覺呢度大排檔, 真係大件夾抵食, 价格又平呢就因為咁抵食, 就要接受埋店鋪環境了

一直都有好想去海防道臨時街市內既熟食中心搵食,無奈次次經過唔係天氣大熱就係無開, 所以難得一大清早來到尖沙咀區更係來這裡食個早餐.唔知係唔係假期又好早既關係, 人亦唔算多不過好多店舖都有開. 今日天氣都唔算好熱, 但一入到熟食中心講真都幾焗下..但又未至於會流大汗, 相信正夏日子來搵食就比較辛苦D. 真係難為他們在這裡工作.我地直入見到文記就決定來試下..2個人都叫左個早餐..這裡既早餐真係幾大份$28包(我點左牛肉麵, 吉列魚柳, 及凍檸茶); 講真又牛肉麵又吉列魚柳份量十足價錢亦非常抵食...這裡工作既姐姐非常好禮貌, 我地唔識路走佢仲要教我地, 真係好有人情味至於味道都唔錯, 不過我最喜歡係佢地杯茶無苦澀茶香濃真係覺得有舊香港既味道, 相信有機會再來一定都會再來搵食.

之前一直聽朋友話海防道熟食市場內有好間食店d野又平又抵食，於是就今日走去試下。今日其實天氣好熱，去這裡真係冇冷氣都幾甘。我見到餐牌和招紙上寫住有快餐丶午餐丶常餐，仲有好多炒粉面飯。我揀了常餐($33),A+B+C，吉列魚柳丶沙爹牛通粉丶熱奶茶。吉列魚柳好大塊，又熱又夠脆，真係有水準！沙爹牛通粉大碗，而且有好多片牛肉，牛肉不會好鞋或者多根，沙爹味反而唔夠，通粉煮得比較淋左d咯！熱奶茶可以好肯定話正，夠熱，有茶味又有奶味，完全係大排檔的奶茶味！這個真係好有水準雖然天氣好熱，但這裡的吉列魚柳和熱奶茶真係好好味。