文記海鮮飯店

營業中

休息中

西洋菜豬骨湯，清爽滾湯水感突出，油油漱漱口還可以。合掌瓜豬骨湯，免費例湯食飯前整碗湯水濕濕口！我最鍾意飲湯，中西都一樣愛。依碗真心好湯水，仲好油添 ，飲一碗收皮唔想第二碗。霸王花豬骨湯，估計係掛。永遠飲完都唔知是什麼，因為文記每款例湯味道都係幾乎一樣。節瓜豬骨湯，可能係掛，依舊不知道飲緊咩湯。味道平平無特別，味精例湯一碗。淨河粉，湯底過粉清淡，豉油湯不是鮮雞湯？河粉硬實而且有陣生水味道，試一次便夠。豉椒排骨炒河，感受不到任何鑊氣，靜蠅蠅微溫豉椒排骨淋在暖河粉上，自行撈勻起動！細細粒排骨少少肉，咸味為主導，豉椒味不夠香醇，提不起勁來，馬虎大啖啜啜啜處理掉算數。肉絲窩麵，生日要食雞外，當然長壽麵都唔少得。輕輕暖意可以直接連湯帶麵倒落肚，淡茂茂湯底，腍劈劈的肉絲，不爽滑的麵條，出品一般唔難食。琵琶豆腐，熱烘烘豆腐鯪魚球，炸完再炆煨功夫也不少！外層嚥韌一咬爆開，嫩滑清淡鯪魚肉，微腥搭著濃郁豉油芡掩護一下，味道口感蠻美妙。椒鹽鮮魷，必食之選！鐵膽實有得出場。即叫即炸熱騰騰新鮮出爐，魷魚鮮味十足，爽口彈滑多汁。薄薄一層麵粉炸得非常香脆鬆化，鑊氣霸道。椒鹽辣椒蒜酥微辣夠惹味，浸埋甜酸喼汁醒胃醒腦更和

文午飯時間多了很多大陸團，一行十多人，幾張枱已佔了大半個場。不過食物質素沒有下降，小炒依然夠鑊氣，豉油雞夠新鮮，蠔餅、椒鹽鮮魷仍是招牌菜！加上服務招呼周到，地點就腳！午夜時打工仔必選！

天氣開始凍，我哋幾件中年人係時候開始補下身，老友鬼鬼一齊去食羊腩煲。飲番杯勝嘅，熱力地乾杯，飲勝！喜氣洋洋！大家可以估下邊一隻玉手係我嘅，估中冇獎羊腩煲好大兜，羊肉又炆得好入味， 最正就係嗰啲羊皮炆得好林好滑，好似入口即溶，羊肉啲味道好有羊肉味， 不過嗰啲羊騷味，而係肉味，點啲腐乳醬好好食！蒜香椒鹽骨，超級夠鑊氣，味道鹹鹹香香，越食越好味，超級惹味又好餸飯！小炒王，聞到鑊氣好勁，炒得好香，好多材料又係好好餸飯，好多大酒樓都煮唔到咁好嘅味道啦！所有朋友一致贊同！好味！

再戰文記餐廳……我發現我爸媽都好鍾意黎呢間食，今次老豆生日我哋又嚟食多一次上一次呢就主要係食海鮮嘅~今次呢就係家常小炒，每一碟餸都整得好好食，個人覺得果椒鹽豬扒整得好好味，雖然外表好似好乾咁~其實 內裏肉質仲係好嫩滑家~仲叫咗一碟豉椒炒蟶子，都好惹味用嚟送飯一流我仲叫左老豆鍾意食ge鹵水鵝片,不過比起正宗嘅潮州菜咁,呢一個就比較遜色小小~不過但整體上都覺得唔錯~會再來幫襯嘅

朋友帶路，一齊去文記海鮮飯店食晚飯。先叫一個小炒王，炒起出嚟香噴噴熱辣辣，鹹肉好入味，啲菜炒得綠悠悠，色香味俱全，真係好夠鑊氣。朋友話嚟得呢度一定要叫個羊腩煲， 講真我唔係咁識得欣賞羊腩嘅，因為怕陣羊騷味，但係冇理由因為我而令到成班朋友冇得食， 所以於事都叫咗嚟食，我勉勉強強咁食咗件, 哈哈，我又接受到喎，羊肉勁入味之餘，仲一啲都唔騷，而且又淋又好趙口，食咗幾條支竹，嘩好味道呢，真係好味道，誇啦啦冇得彈。跟住整多碟生炒骨，鑊氣真係夠勁呀，肉夠脆口夠味又夠香，之但係就酸咗少少，不過算啦 都已經係好好味好夠水準。

由於我十月生日，這月份有不少朋友、家人及女友請我食飯。今次，則是我父母請我食大餐我作為在紅土黃龍一帶長大的居民，又加試讀理大，所以對附近餐廳都好認識咁岩今次父母想食大排檔，附近最好的選擇，就自然係紅磡街市裡面的大排檔餐廳我就揀左間poly人專幫親的 文記文記，係我讀書時都已經係咁去食，係超超抵食，十個人去食埋單唔洗70蚊。今次，我帶父母來試食，叫左幾道菜。分別係豉汁蒸倉魚、蠔餅、椒鹽鮮魷、椒鹽瀨尿蝦、馬拉盞炒雜菇、豉椒炒蜆D海鮮味道都幾好，雖然有一兩隻蝦有D梅身，但其他菜都唔錯。最好食最有驚喜，反而係馬拉盞炒菇，好惹味 好送飯。其實最開心都係一家人整整齊齊食餐飯

呢個秋季就嚟到尾聲，又開始冬季，第一次食羊腩煲，聽住喺附近嘅朋友講呢度嘅羊腩煲味道頂呱呱而且好有料到，今日就甴呢位朋友帶我地嚟試下。羊腩煲，嚴格嚟講應該叫做羊腩鍋，因為係用一隻鑊咁樣上，睇起上嚟好有派頭，驟眼睇落都見到係好豐富材料，馬蹄、支竹、冬菇乜都齊，煲起之後嗰啲羊肉香到呢，羊肉大大件好入味炆得好林，食起上嚟陣陣羊味香到呢真係唔係野少，唔單止係有料到直頭係勁抽好味。食到咁上下碌埋個菜，用羊腩汁煮埋嘅菜真係好味到想不停係咁食係咁食。

和同事食晚飯，有人提議呢度！我未試過，就睇下係咪真係佢講到咁好食！上到去，星期一晚7點，都幾多人，有冷氣，夏天都唔怕！前菜嘅菜甫花生幾好味，少少辣，我地食唔停！8個人，叫左京都骨：幾好食，好香，唔會太肥但又唔會瘦到鞋，鹵水拼盤：豬耳整得太林了，墨魚就好爽口，味道正常，涼瓜牛肉：涼瓜都煮得幾好，唔太苦，牛肉就麻麻，鯪魚球：失望，都幾難食，一啲都唔脆，層皮好似咬唔開咁，蠔餅：正常味道。其他就唔多記得了，普遍都係比較大碟，你話好好味咩，又唔係，但夠平，每人食左$100, 咁多送，真係去邊度揾呀~

大牌檔規範化入咗市政大廈一般係一)價錢唔係太平，二)行貨嘢，三)扮有鑊氣住黃埔咁耐，今晚兩條友即管試吓叫咗3味餸 3枝藍妹1個飯3味餸：一)沙拉骨$60(5分滿分值1分)無乜味靠沙律醬二)菓皮蒸泥鯭$80(5分滿分值2分)泥鯭尚算新鮮豉油搭夠味三)蒜蓉蒸茄子$50(5分滿分值1分)冇難度嘢蒜蓉略少整體係一間普通過唔普通嘅食店

.............紅磡街市 的 文記 每人約$40-50 (5分滿分).............其實一直以來都很喜歡食街市1.夠平 2.夠地道 3.夠獲氣作為香港人做組媽個阿媽 帶住班外國仔女 緊係試下香港野啦叫左8個菜 n個飯 每人除番都好平8個菜中：1#.芙蓉蛋 (5分負分)無乜料又無乜味 吾太得2.#炸蠔餅 (5分負分)都係麻麻地 太油 無乜蠔仔 同#廟街 黃金金顏色的 #煲仔飯 餐廳既蠔餅無得比3.#馬拉炒通菜 (5分負分)咸到痴媽根用水洗完都吾店 最尾先黎 所有飯都食晒 為有就咁食狂飲水4.#牛仔骨 (5分滿分)好好食：好入味既牛仔骨 韓國朋友都中意食5.#咕嚕骨 (5分滿分)最好食的二個菜 酸酸味味 我最中意咕嚕骨只是肉太碎了6.#上湯時菜 (5分滿分)白菜仔不太淋不太硬 熟度岩岩好而且好入味 乜都吾洗點7.#粟米斑塊 (5分滿分)好吃好吃 粟米中有雞蛋 撈飯好好味 可惜嬸嬸吾醒目 無比spoon我地撈8.#鼓蕉豆腐 (5分滿分)麻麻地 豆腐好細粒 好咸係街市食係會污造嫁啦😧不過有蜘蛛係個水到 都係驚驚地 但係係好食既 我會再去

.............紅磡街市 的 文記 每人約$40-50👍👍👍👍 (5分滿分).............其實一直以來都很喜歡食街市1.夠平 2.夠地道 3.夠獲氣😏作為香港人做組媽個阿媽 帶住班外國仔女 緊係試下香港野啦✌👉叫左8個菜 n個飯 每人除番都好平👉8個菜中：1#.芙蓉蛋🙅 (5分負分)無乜料又無乜味 吾太得2.#炸蠔餅 🙅 (5分負分)都係麻麻地 太油 無乜蠔仔 同#廟街 黃金金顏色的 #煲仔飯 餐廳既蠔餅無得比3.#馬拉炒通菜 🙅🙅🙅 (5分負分)咸到痴媽根😂😂😂用水洗完都吾店 最尾先黎 所有飯都食晒 為有就咁食狂飲水4.#牛仔骨 👍👍👍👍👍 (5分滿分)好好食：好入味既牛仔骨 韓國朋友都中意食5.#咕嚕骨 👍👍👍👍👍 (5分滿分)最好食的二個菜 酸酸味味 我最中意咕嚕骨💕只是肉太碎了6.#上湯時菜 👍👍👍👍 (5分滿分)白菜仔不太淋不太硬 熟度岩岩好😁而且好入味 乜都吾洗點7.#粟米斑塊 👍👍👍👍 (5分滿分)好吃好吃 粟米中有雞蛋 撈飯好好味 可惜嬸嬸吾醒目 無比spoon我地撈8.#鼓蕉豆腐👍 (5分滿分)麻麻地 豆腐好細粒 好咸👉👉係街市食係會污造嫁啦😧不

之前一路都係去開"X合"，今晚諗住轉下口味試下文記，之前見到兩間都差唔多咁多人，心諗無事既，結果－－－－我錯錯錯錯錯錯了！一坐低無野做，梗係叫啲小食先啦，韮菜豬紅，不過不失。我叫卤水鵝片，個阿叔就扲碟卤水鵝"件"黎一野擺低，轉身就走，我差啲叫佢唔住，我同佢講我叫鵝片喎，佢話鵝件都一樣啫，我話成碟都係骨喎！鵝片就啖啖肉，又點會一樣呀，你唔好扲碟"雞"黎同我講話一樣，"指雞為鵝"吖苯！！！經過一論"妖妖妖嚷"最終我碟鵝  "片"  上枱了。人齊叫餸！！！蒜蓉粉絲蒸扇貝，椒鹽鮮魷，沙嗲肥牛粉絲煲，豉油皇大蝦，豉椒炒花甲同埋生炒骨。蒜蓉粉絲蒸扇貝，扇貝蒸到過晒龍縮晒水，椒鹽鮮魷都幾香口，沙嗲肥牛粉絲煲肥牛份量幾多不過就偏鹹，豉油皇大蝦淨係食到兩三隻大蝦，跟住全部都係小蝦，味道是可以的，不過有啲搵笨7😩太小了😩豉椒炒花甲，過鹹食剩哂，生炒骨，反而係最好的，因為唔太差，在比較之下佢反而係最好，我都唔知講咩好！絕對無下次－－－－－完－－－－－

飯店位於街市頂層，平常很少到這種帶有草根風味的地方吃飯，因為我媽不喜歡，但老爸這晚就是特別想來吃，男人的浪漫吧，我媽難得成全他"出軌"一晚。七點多來到已經一片人頭海，生意好得不得了，侍應看似粗魯，實情是有求必應。比如我們三人不想坐二人桌，剛巧一張六人桌空了，他們在爆場下，還是把它安排給我們。從這頓飯所見，他們的黑面純屬內部交流，對客人還是笑容掛面。我們坐下的同時，侍應放下一小碗花生菜脯。花生香脆沾着鹽，要不是忌諱吃多了要咳，我爸絕對不會停手。菜脯爽脆但過咸，然而在我們點了白粥後，這個也無一幸免全被收入腹中。鹵水生腸墨魚豆腐本來打算只點生腸墨魚，但下單的時候眼尾瞄到豆腐受到感召，立刻加進去。因為這個組合在菜單沒有，負責下單的大姐亂了陣腳，回頭詢問老板這個能不能賣。老板眉頭皺得死死，非常不耐煩回道：“有什麼不能賣？除了沒有的你不能寫，有的會有不能賣嗎？”所以說他們對客人是有求必應，黑面純屬內部交流，哈哈。這道菜不能說是一碟，用盤來形容才能反映真實，我是有點被嚇到。遺憾是味道未如理想，恐怕連合格也不到。鹵水味道是有了，但不夠濃郁，總要蘸辣椒油或白醋同吃才舒服。生腸體積過大，大概是店員太忙無暇

今晚同屋企人响黃埔呢頭開飯, 紅磡街市真係大大碟又好食.  是晚怕人多, 預先訂位加6.30PM 就去開飯.放肆一晚食少少海鮮, 又可以自備葡萄酒, 爽.8人開飯, 8個餸, 2支啤酒, 1支白酒, 幾個靚仔.  大滿足.今晚條魚好靚, 老細話呢條叫"花英" (我同D魚名唔太熟), 斤半左右, 蒸得剛好, 肉質有D似斑, 十分美味.最愛椒鹽鮮魷, 仍然係大大碟, 新鮮炸, 忍唔住口不停吃.凍蟹, 大大隻, 好食但肉唔夠滑.蟶子, 炒得香口.  豉椒炒蜆夠鑊氣.  碟碟都好食, 雖然白飯好大碗, 但我一個人連飯都清到一碗.見到其他枱有人點羊腩煲, 冬天超吸引. 

在沒帶東西回公司的日子, 又沒有什麼特別想吃的時候總會不自覺地又來了這街市三樓熟食檔幾次(八至九月之間)! 因為佢有好大碗湯水, 雖則湯水是淡淡然的但這只是料頭不多而他們也沒有因為這樣下”師傳”!15/Aug. – 欖菜菇粒炒飯$35 一個雖說是炒飯但飯粒稍為濕潤, 可能同用咗欖菜有關, 雜菇粒種類都有幾種, 當然菌的鮮味不重了, 如果能用上草菇的話那應該會好一點, 調味方面都算足夠嘅, 作為唔想食肉的一餐都會是一個不錯嘅選擇27/Aug. - 魚香茄子炆米$35 這個稍為同想像的有偏差, 主要個獻汁沒想像的杰身, 魚香就無乜! 茄子走油時索了頗多油, 本來都予咗佢索油嘅, 但缺咸魚的強烈香氣襯托令整個炆米大為失色!03/Sep. - 鮮茄豬扒飯$32 呢個茄汁做得個色好鮮出好靚, 個味道當然係甜多於酸啦, 不過都平衡得到的而且汁亦頗多, 豬扒一大片斬開幾件, 醃豬扒的調味沒有過份誇張, 豬扒咬口亦是剛剛好!16/Sep. - 時菜斑腩麵, 炸麵不會太油每一條麵都炸得通透, 時菜的菜心每條都是大碼那種, 斑腩的炸衣完全舊式酒樓樣, 獻汁做得相當專業, 淺黃色加上高透明度, 斑腩份量亦不