文興酒家 (大明里)

酒友相約飯局，人少少，一行三人到大埔試新嘢，聞說英國回流大㕑，中環也有分店，但作為三隻為食貓來說，大埔老店更吸引⋯⋯門口已大大個牌標誌泰國直接入口的牧場櫻桃鴨。6:30pm 到達，食店未算多食客，到七時許，食客相繼出現⋯⋯黑椒炸金菇$48~下酒小食必點項目，像吃零食蝦條一樣，不知不覺很快KO 了。粵式燒泰國櫻桃鴨$179~ 鴨可以選擇走肉或要骨，酒友作為下酒配搭，當然要有骨落地。還有酸薑兩片，吃完清清喉嚨及去油膩感。勝瓜粉絲花甲煲$128~清淡有瓜當湯飲，正！文興小炒皇$128~韭菜新鮮爽脆，正是發揮到小炒皇的吸引力，當晚筆者至愛。美味欖角一字骨$128~微甜的欖角汁，惹人討好，令人聯想起一碗白飯。整體來說由於屬人氣食店，平日酒聚好選擇，但假期要分時段吃，但包房可以再作配合，這是食店告知的，食物質素有心思，店員服務態度好，值得一試。…Read More

中秋梗係要食中菜，無意中見到哩間，咁啱又可以book枱，就試吓啦～比預定時間早到咗，都可以早啲入去。餐牌真係眼花撩亂，好多菜品，份量都好足，算係對得起個價錢叫咗2款小食上海燻魚-個汁好味，唔係超甜個種。太白醉雞-雞肉嫩滑，淡淡酒香。主菜半隻燒鵝-中中等等，有啲柴，不過黃梅醬同甜豉油好味，原來唔係脆皮個種。西檸煎軟雞-第一次見哩種，我幾中意咁樣可以保持脆口，西檸汁好香，煎雞都夠軟，不過略微冇乜雞味。金銀蛋浸時蔬-揀咗娃娃菜，夠軟身唔會生。文興招牌炒飯-見係推薦款就試吓，幾好味呀，啲飯唔硬，重點係唔油膩臨近中秋，座無虛席，好彩有book枱枱與枱之間如果可以闊返啲就好。哩間酒家菜品普遍偏淡口味，如果平時食開濃味嘅就會覺得爭少少。埋單時送咗張優惠券，下次再嚟試吓燒鴨先…Read More

晏晝打電話去訂一隻燒鴨（櫻桃鴨$339隻）， 當我5:30左右去攞鴨嘅時候俾錢，我問係咪可以係OpenRice俾錢啊？因為OpenRice有九折，阿姐話唔緊要，我照計返九折俾你啦！ （當時冇留意佢收咗幾多錢，因為比八達通） ，係等鴨嘅時候突然間見到張單，咁平嘅？問阿姐係咪收錯錢？ 原來佢收咗半隻鴨嘅價錢。 阿姐就話我照返原價減返之前半隻既錢，再計返俾半隻錢照計返九折俾你。 （心諗是但啦。）攞完鴨走咗，返到屋企攞張單出嚟睇吓，$179+$179 ，點解變咗$358 一隻?? 打返電話去問點解隻貴咗，阿姐話佢之前入張單落咗半隻，佢再加多半隻，佢個收銀機部電腦只有呢個選擇，我話咁即係你一早知收多咗錢㗎？你咁樣係呃人喎？如果你明知，點解你唔取消咗張單再入過呢？點解要半隻半隻咁樣入機呢？阿姐話：「喺部電腦問題，下次幫襯俾返幾嚿叉燒你補返（呆咗）啦！好唔好？」我話梗係唔得啦！你而家係收錯錢喎！你當然要俾返錢我啦！ 阿姐話好啊！我計返錢俾你，收多咗你$17 ，所以大家以後買嘢要小心 ，記得要睇單～ 做街坊生意咁唔老實😖😖…Read More

外面裝修好似一間普通既燒味店，但其實內在環境很好，係一間中式酒家既裝修，坐得很舒服冷氣很夠，寬躺舒適。會收茶位費，可以沒事喝喝茶聊聊天，跟朋友小聚一下也很合適。雙拼燒味飯可以選粵式燒鴨、蜜汁叉燒、脆皮燒肉、豉油雞，我選了粵式燒鴨和蜜汁叉燒，他的燒味都很好，味道、肉質、味道都很好，值得去吃。…Read More

一行六人被安排在閣樓的一間房內，房內有2 張8 人枱，冷氣不足，所以房間有少少味道。櫻桃鴨半隻（連骨）可以選起骨的，鴨肉好淋都juicy ，碟邊嘅喬頭好爽脆好食，附有2 碗汁可以點，汁味帶甜。叉燒例牌，偏向瘦叉而且乾左啲，同埋落左好多麥芽糖。醉雞，份量很大，估計差不多有半隻春雞，雞皮爽彈，但酒味不濃。胡椒豬肚雞湯（半份）料頭豐富，有鮮枝竹、白果，湯頭有濃濃胡椒味，這個湯冬天飲應該更合適。福建炒飯，好英國唐餐feel ，獻汁多，未必個個人都鍾意。上湯芥蘭，冇試。皮蛋子薑，子薑吾入味應該未夠時候。埋單$1011/6 位，抵食。整體來說，食物份量大，侍應姐姐勤快有禮，可以再去。…Read More