散水餅

營業中

休息中

疫情加上時間緊迫關係, 即刻上網搵下有無啲快靚正既散水禮物, 一搵就搵左呢間, 見到有樣可以擺下同食得既禮物, 又唔想疫情要同事除口罩所以揀左呢樣, 整體回覆同出貨都好快, 包裝亦好精緻.

在這間公司都做左一段頗長時間，散水餅唔敢隨便買。揀左幾日，終於俾我搵到呢間賣相唔錯又唔算貴嘅散水餅。有Waffle同Donuts，兩者外型都很好。公司人唔多，就決定每人各送一個。有個同事去左外地，Waffle同Donuts放唔到咁耐。呢間舖亦有提供茶葉、咖啡同蜜糖，我就訂左茶葉同咖啡俾佢。一次過搞掂哂，仲岩岩好買夠錢有得免費送貨。收到的時候，Waffle同Donuts的外觀都很好，同事見到都很讚賞。同事食完之後，大家都說甜度適中，不會太甜。好味！

呢間鋪頭係親戚介紹，果陣時食左佢個窩夫棒已經覺唔錯，所以今次買散水餅決定幫襯佢，我買左冬甩棒，花茶同蜜糖，冬甩棒好受歡迎，無剩，同事都話味道好。派剩嘅得番小小花茶同蜜糖，自己試左花茶，都好有味，而蜜糖諗住沖黎飲或者整野食🤣。最後，佢地嘅服務態度都很好，因為個人原因所以希望早小小到，佢地都幫我夾到時間，係我最遲收到嘅時間前俾到我🥰🥰🥰，同埋送貨司機都很好🙏🏻🙏🏻附上幾張相片，佢地嘅包裝真係大方得體👍🏻

係FB見到佢呢度啲Dunuts特別靚之餘又包送貨，就揀咗呢間訂咗散水餅，乾淨衛生，又好食，第一次幫襯冇甩漏，讚！準時到達！不過到貨先知原來唔上樓架～所以要準備樓下等

訂咗冬甩棒做散水餅、除咗包裝好靚之外亦都好好食～冬甩好軟而且中間原來有少少夾心、好有心思同驚喜、而且價錢上亦唔算好貴同事們收到都好開心、想訂散水餅既真係可以考慮下～

疫情嚴重，想買啲獨立包裝又唔求其嘅散水餅，可以唔使即刻除曬口罩食。上網膽粗粗見到呢間靚靚哋就訂左，唔使好貴都包送貨。嚟到見到真係好靚，同事即刻食咗問可唔可以要多件😅😅😅

送普通西餅太行，送幾蚊包散水茶太 Cheap而且太輕浮，因本人不好甜品，而且有同事不吃朱古力，更加不少女同事怕肥不健康，故推薦這家的蜜糖加花茶，低調內涵上檔次，而且包裝精致顯心意。

由即日下單至送貨都有交帶及準時；下單有條不紊，有系統，兩次覆數。網上下單半小時內有回覆。中午十二點下單，下午五點準時按需求送達沙田。🤩👍👍👍每件甜點都是獨立包裝，貼晒thank you 貼紙，有晒蝴蝶結，有心思，岩晒用黎送俾同事的紀念品，拆袋食用都方便，唔會整污糟手，又唔黏手。🤗👍👍今日買黎送俾部門媽媽級同事的節日紀念品；買左單件包裝蝴蝶酥，窩芙棒及冬甩棒，三款都好食，冬甩棒較多同事喜歡，不太甜。😂👍👍

🙏🏻今次多謝你哋嘅幫忙我全部同事收到都讚不絕口😆唔止包裝精美味道仲好好🥰特別係蜜糖😋😋😋Anyway thanks a lot😇祝你生意蒸蒸日上，再做多啲好產品比我哋

last day前兩日先醒起要準備散水餅，所以頭都痕埋，上網見到有呢間小店，產品唔屬於高貴，但對於 budget有限又趕時間嘅人嚟講係一個唔錯嘅選擇。獨立小包包裝，唔想即時食可以帶走，唔需要好似傳統蛋糕咁唔食做成浪費。

因為要離開工作左8年既公司，臨走想送同事們小小心意，一個驚喜😝。本來都無咩頭緒，坊間都好多賣新式西餅既餅店，但外型大同小異，而且價錢同酒店西餅差無幾😞對於疫情下要離職既我黎講，實屬有點吃力🥺🥺🥺 好彩…可能因為我search得太多。’i燶‘📱都忍唔住要俾d提示我😂俾我無意中見到waffleman 既廣告，見到冬甩同waffle造型可愛又唔常見😝岩哂我心水。一check之下。發現價錢好實惠🥳又岩哂我小資budget.多買都唔肉赤🥰是次叫左冬甩造型棒棒🍩曲奇🍪蝴蝶酥🥨同cupcake🧁樣樣都好好食😋冬甩🍩造型吸睛又唔會好甜。同事們見到都好驚喜(由其係女同事呀☺️）。唔再係西餅同蛋撻☺️ 我本人都食左cupcake and cookies. 估唔到cupcake細細，都有好多朱古力粒😚蝴蝶酥仲好酥脆🤤🤤🤤如果下次😌再散水，我應該都會再幫襯🤗唔係唔係。我決定下星期就帶埋仔仔👦🏻去門市再選購先岩🥰

上網search 見呢間comment 好似都唔錯又肯接急單，啱啱開始WhatsApp 查詢都覆得好快，因為我係4日後就要送蜜糖上office 咁佢又話無問題於是就好快俾咗錢。但係其間嘅日子WhatsApp 鋪頭係完全無覆，但instagram 照出story，WhatsApp 又有online. 然後我就係到貨前一日就打俾佢因為佢一直都無覆到我，咁佢就話準備緊答唔到你幾時到。咁我就諗可能因為係急單咁都要俾多啲時間人地準備嘅～ 但係去到夜晚到送貨當日嘅早上都係完全無覆過我，直至到司機打嚟叫我落樓下pick-up。。 收完貨我終於收到回覆，而個回覆係問我對貨物有冇咩comment。。 速度嚟講呢間鋪頭可以話係perfect， 但好容易俾錢後就0 service, 因為真係覆都唔覆 。。

製作精美，價錢合理，不會太貴，whatsapp 問詳情，都會發網站既資料給介紹，不會hard sell, 但就會有d催促，落單程序好認真，落左單，又會寄確認電郵確認，包裝好靚，準時送到，好似送結婚禮物咁，同事好喜歡，但可惜就冇送上樓，要落樓拎，而且冇特別預先主動告知會幾時送到，要問先答，雖然有電郵確認，但就冇事先前一日通知，會驚俾左錢，而貨物又唔到，呢個真要改善少少！而且需要買滿$400先肯送貨，唔夠就要由順豐送，順豐又唔係準時既，應該可以改到$300就可以送，因為始終有時都買唔到咁多。

這間店你幫襯後如果比負面意見，佢會好串咁回覆你，用法律團隊去警告你(本人感受到恐嚇），而且仲會封鎖埋你個戶口。我見佢地包送貨，訂左散水餅，比左我觀塘公司地址佢地。一心諗住送上公司，點知司機話好難泊車，叫我落去停車場揾佢。我公司係商場樓上，要花了20分鐘來回時間去取貨。事後我WhatsApp反映意見。佢地話送貨不定送上門(講法律，當然係你啱)，然後竟然拋出一大堆法律，叫我揾機構資認識法律知識。我就批評佢地無服務之心，佢地就又再用法律去警告我，話會保留法律追究權利。佢地的回覆內容令我感到“恐嚇”。最後仲發老脾，封鎖埋我個WhatsApp。至於食物方面，我買左蝴蝶酥和曲奇餅2件裝。但個份量真係細小得可憐，14蚊一份好唔值，用黎送比人真係失禮死人。好後悔幫襯呢間店。(以上係個人感受，咪用律師告我呀)

疫情下，為了保障同事健康，盡量選擇獨立包裝的散水餅。因此這件絕對是推薦之選。這間的散水餅包裝精美，加上Thank You 的貼紙簡單而隆重，絕對能夠表達對於各同事的感謝之情。而且選擇較多，年輕同事可以選擇造型可愛的冬甩和窩夫。穩陣的話選擇蝴蝶酥，曲奇和蛋糕的套裝也不錯。落單十分方便，能夠使用Whatsapp 系統選擇所需要份量，之後用Payme 或其他網上交易方式付款。送貨方面準時有交帶，滿一定金額更能享受免費送貨。