敏華冰廳 (Mikiki)

營業中

休息中

好多地方都有敏華冰廳，餐廳食物種類唔算多，多數都係食常餐或者叉燒蛋飯，今次都唔例外，懷舊厚切餐肉煎雙蛋飯$46， 叉燒湯意粉拼炒滑蛋雙腸加牛油厚多士$56，加鮮奶$3。本身諗住叫蛋撻但已經過咗七點半所以唯有下次！講返常餐，常餐嘅價錢唔算平，幸好賣相都唔差，牛油厚多士烘得幾鬆脆，腸仔煎得剛剛好， 滑蛋又真係幾滑溜！叉燒較硬， 意粉普通，沒有特別。餐肉煎雙蛋飯，味道普普通通啦，沒有什麼出色之處。其實我每次去敏華，都係為咗食佢嘅熱辣辣酥皮蛋撻。😂

同朋友喺mikiki搵地方食下午茶，經過呢間餐廳，見到有個計時器，顯示仲有幾耐有新鮮蛋撻出爐，就吸引左入去坐低，唔使排隊就有得坐低。呢間餐廳最出名係食暗然銷魂飯，但我哋真係食唔落。原味凍咖啡（少甜）：唔錯，幾好咖啡味同奶味都夾得幾好，叫咗少甜，健康啲。馬來三叔公咖吔多士：唔錯，拍得住一啲新加坡餐廳。雖然唔係好健康，如果牛油可以再大塊啲會再好食啲。酥皮蛋撻：新鮮出爐，熱辣辣，拎唔到上手，要用刀叉食。個酥皮唔夠多層，食落唔夠鬆化。蛋漿唔係好甜，幾好。總括而言，唔錯，又唔算貴，食物質素好平均

今天没有午餐，直到４點左右，最終忍不住肚餓。看到港式茶餐廳，就衝入去就座了！先看看下午茶餐，全都是大大份。點了一份咖吔多下午茶，小米要鹹牛蛋治餐。　雙拼三文治～鹹牛拼雞蛋　小米看到牛肉，所以想點這個下午茶餐。        馬來三叔公咖吔多        　    　　在各款下午茶之中，價格最實惠的，又最感興趣的，就是＜三叔公咖吔多＞。＜三叔公＞是馬拉馬六甲有名的手信店，紅卜卜的大門，是旅行團必到的手信店／魚腩鋪。想當年，一罐咖吔醬只是十溝左右呢！　三叔公，是否等於使用馬六甲＜三叔公食品廠有限公司＞的咖吔醬？　還是老細阿爺住在馬拉果位細佬～亞三叔公～用多士爐烘出來的咖吔多士？  視覺：　金黃色多士，二邊皆有烘烤。是薄薄一層啡色和很大比例的白色。多士間有層啡黃色咖吔醬和二塊黃色的固體油。　手感：　烤爐火力十足，烘烤過的表層夠硬脆，夠堅挺，没有因為濕潤的咖吔醬而變軟。　這份咖吔多有勁厚牛油，只是不知道是真牛油還是人造牛油＜馬加連＞。唯有將過多的黃色的油脂剔走；除不掉的，就跟啡黃色的咖吔醬混在一起，咬下去。　口感＆味道：多士外脆內軟，由於咖吔醬不太多，所以整體不算太甜，不會有油膩感。　酥皮蛋

專誠兩個人去試最出名嘅叉燒飯，另外叫咗窩蛋牛意粉(叫咗要熟蛋)。最後個90後waiter落錯單，變咗叉燒飯上咗熟蛋，完全唔係嗰樣嘢。再講D叉燒鹹到食唔到，成份飯賣相見到都覺得唔值$50。最後食剩兩舊叉燒食唔落去。窩蛋牛意粉D醬就冇乜味。總體來講還好價錢唔算貴，不過出品同服務真係令人好失忘。

敏華越開越多，走經典冰室路線，簡單設計光猛入時，餐單主打傳統冰室食物！店自慢當然要算這個黯然銷魂飯，說明點就係煎蛋叉燒豉油汁飯，經典好味！煎雞蛋啱啱好，叉燒厚切，大大碗好懷念的味道！另外還有一個練奶西多士，都算唔錯，值得一試！

因為住附近，一諗唔到食咩醫肚，就會第一時間諗起敏華。佢哋嘅暗然銷魂飯真係做得好出色！我最鍾意就係啲叉燒有少少燶邊，好香口！甜度適中。而且叉燒嘅顏色好天然唔覺得有人造色素嘅感覺。另外我好鍾意食暗然銷魂飯嘅時候係要煎熟蛋!唔一定係流心蛋先好食。因為我通常如果喺茶餐廳食飯嘅話我都會選擇熟蛋感覺好似安全啲！ 另外我亦都好鐘意食佢一個好好味嘅肉醬意粉，意粉完全可以做到軟硬度適中唔會好似有啲茶餐廳咁樣，好稔。另外嗰啲肉醬嘅汁都好有肉味，唔會得個酸字。 而我男朋友最鍾意就係飲佢哋杯凍檸茶，因為佢話啲茶好有茶香味！比好多茶餐廳好飲！ 最後，我哋一聽到announcement 話蛋撻出爐，我大食嘅男朋友即刻order 左兩個蛋撻。勁鬆化！完全唔覺得漏！食完仲想再食 所以敏華差唔多成為咗我同我男朋友嘅飯堂

經過餐廳，看見餐廳招牌黯然銷魂飯，便毫不猶豫進去了，餐廳環境尚可，亦不會太嘈雜。可能因為看電影太多，對此飯亦充滿期望，結果卻比普通更普通，沒有黯然，沒有銷魂，只是一個比外邊貴，但味道不見得比外邊好的叉燒飯(盛惠60元)。煎蛋、叉燒、飯，三者各自各的，沒有融為一體。主角叉燒不夠肥美，沒有半肥瘦，而是舊舊瘦，但有一件全肥...而飯沒有任何醬汁，吃得口擘擘。相反飲品不錯，點了杏仁露，有濃郁的味道，比外邊好味。

今天放咗工同老公去到新蒲崗打算吃一頓晚飯，行到mikiki商場，好不容易看見這間敏華冰廳，門外裝修並不華麗，帶點兒古色古香。 由於非常之肚餓，不經思索便走進去坐下。 在一個食客滿滿環境擠迫下點了兩個黯然銷魂飯，聽說是此食店的招牌飯。在等候期間看見鄰座的一位食客 也正在吃那個黯然銷魂飯，叉燒嘅香味令人口水也流了出來，感覺上肉質肥美，甜甜的，再加上一個流心蛋，用上了自家製的醬汁，香噴噴!十分期待自己的那一碗飯的到來。來了來了，我的飯來到了。不同角度的叉燒也有一個不同角度的流心蛋， 實物與圖片不附。至於味道方面，那個叉燒有點像豬頸肉，薄薄的。至於飲品方面，因是套餐，套餐只需加3元便有一個凍飲，加6元就可飲特飲，一個套餐價錢為60元。還有其他飯類三文治供選擇，但價錢都並不平宜總括來說這個黯然銷魂飯並不十分特別好味

黯然銷魂飯流心荷包蛋，唔會燶但脆，當蛋黃流入白飯，同每粒白飯融為一體，加埋秘製頭抽，好好滿足叉燒夠厚身，而且好淋，一啲都唔痴牙，不過我嘅叉燒稍肥，朋友嘅叉燒肥瘦適中！叉燒同煎蛋，冇得輸嘅組合，絕配！ 食神嘅質素連我健身教練都話食咗呢個飯肥都抵，真係好滿足雖然排隊排左足足30分鐘，但係都覺得值得，名不虛傳平均每人消費：$60服務：有待改善，態度唔係好好，面口麻麻地，翠華服務好太多上菜速度：7/10

常常到敏華餐廳吃早餐。今天來吃下午茶。Honey想吃蛋撻，因為出爐蛋撻要等20分鐘，所以我叫了咖央多士。咖央清甜，鮮油剛溶，還有少少冰凍。多士外脆，牛油內軟，好味！

平日老婆帶完個女返學，我地都會求求其揀間近嘅餐廳食飯，但今日我放假，就決定落新蒲崗試新嘢！其實好似開咗一段時間，但只係每次都好多人，帶住細路排隊又唔方便，所以今日揀咗平日嚟食早餐。難得仔女唔係身邊，梗係揀個辣嘅麵啦！午香肉丁公仔麵，好香，少少辣。跟餐可配炒蛋牛油多士，老婆最愛炒蛋，敏華嘅炒蛋好香好滑，食過會想再食！而我就為咗將啲沙茶牛肉夾多士食，所以我揀沙茶牛肉公仔麵，但沙茶牛肉唔似沙嗲牛肉，冇咁辣，都幾特別。我就對炒蛋冇咩特別興趣，所以我都係叫返煎蛋，配牛油多士，都係跟餐，叫炒蛋/煎蛋都唔洗加錢。最後，識飲一定飲凍奶茶，好鐘意飲茶餐廳嘅奶茶，好香茶味，甜度適中。

尋日去咗新蒲崗接女朋友放工，當時大概四點幾鐘，覺得有啲肚餓，就入咗去敏華餐廳。我哋兩個每人叫咗一個茶餐，亦都叫咗咖央多士！多士中間夾著一塊大牛油！另外蛋撻的蛋味非常之香濃！其酥皮亦都非常之鬆脆！

近年，坊間有不少茶餐廳、中菜廳、燒臘舖、冰室都喜歡用這個《食神》電影中的經典gimmick，推出黯然銷魂飯，說穿了就是叉燒煎蛋飯。星期天中午，我來到了這間餐廳，試試這裡的黯然銷魂飯。賣相十分平庸，不過味道都還可以。叉燒是半肥瘦的，肉質柔軟，比平日食的叉燒稍厚，咬下去頗有口感。另附一隻半熟荷包蛋，建議改為太陽蛋，賣相更佳。飯粒乾爽，再澆上的蔥油和豉油，調味很不錯。再加上一杯餐飲，盛惠60大元，雖然比坊間的叉燒飯略貴，但還可接受。

今日午餐嘅地方，去咗成日都keep住排長龍嘅敏華冰廳，叫咗個沙茶牛肉麵餐再加佢哋推介嘅暗然銷魂飯，飲品方面就叫咗凍奶茶。首先講吓個凍奶茶，真係好好飲，佢係冇冰係杯入邊，係用冰座凍左先拎出嚟比客人飲，咁就唔會影響到杯奶茶嘅味道，好香茶味，唔澀口，甜味適中，值得推介，之後就講下個沙茶牛肉麵套餐，厚多士加兩條腸加炒蛋，多士行左底，如果搽埋煉奶簡直一流，個炒蛋都好好味，沙茶牛肉麵味道幾好，不過牛肉有啲有咬唔開既根，我本人就扣了少少分，最後係餐廳推介嘅暗然銷魂飯，叉燒好好味，同平時出面食開嘅有啲唔同，仲有佢個秘製豉油，成個飯飽肚又好味，總結今餐幾好食，而且價錢適中。

假期外出食飯就係緊局，無他嘅，當媽嘅都會想放假架嘛。今日爸爸記車咗我地去Mikiki食野，原先就想食意大利chan，可以係泊車優惠，咁記轉場，去咗低層食茶記。今次我地試呢間茶記係之前未食過嘅，只係一心諗住茶記實無死，所以就試咗。除咗本住「茶記實無死」嘅心態之餘，其實仲係俾佢嘅「黯然銷魂飯」所吸引嘅。我就叫咗個 「黯然銷魂飯」，而爸爸就揀咗 「雜扒飯」。黯然銷魂飯飯來到見到同相有7，8成相似，跟得真係好足!叉燒有別於一般食到嘅，呢款會比較鹹一啲，但肉嘅厚度就有返咁上下，而且仲好嫩下添。將蛋桔穿撈飯食，絕對美味。雜扒飯爸爸係食肉獸，肉係每餐必備嘅。呢度嘅豬扒份量尚算okay，足以滿足爸爸胃口。雜扒飯包括有豬扒，雞扒，餐肉及香腸配埋薑蓉撈飯亦不錯。