敏華冰廳

營業中

休息中

年初三,簡單找一間茶記,食個午餐,入去敏華食午餐.上次在尖沙咀敏華,食晚餐,滑蛋蝦仁飯,一般般,深仔記比它好味.今次,食咖喱豬扒飯,豬扒煎得幾香,咖喱汁,又香又辣,比普通椰香既咖喱汁辣了些,但我喜歡.茶走,保持佢既一般水準.看見隔離枱叫既銷魂飯,柴皮到不得了的义燒,一點肥都沒有.算吧！新年期間,加一服務費.

嗌左個銷魂飯係好食 啲人態度都係好既但係食食下叉燒有蟲諗住都算啦 但再食食下飯又有蟲😂就叫侍應過黎反應下點知佢直接拎起揼走咗條蟲話：無蟲啊🌚🌚同佢講我見到佢郁 我有影相唔洗驚🌚佢先話 咁幫你取消番個飯啦🤡不過職員態度係好既 野食都係好食一開始處事態度有啲奇怪而已😂😂

今天早上一早起床和女兒出外吃早餐，去了附近的一間敏華冰廳，敏華我不是第一次去，我覺得他的早餐價錢不算大貴，而且食物的份量和味道也很好。我大約11：30去到竟然只有一人在等，等了5分鐘就能進入。我選了一個潮式沙茶牛肉通粉配炒蛋加杯凍0茶，首先個牛肉通粉個湯底和沙爹湯底很相似，湯底夠濃；但牛肉就不夠淋，可以再淋一點。炒蛋多士方面；炒蛋也沙得很滑，加少許胡椒粉釣味就十分好吃，多士就不夠熱，牛油塗上去不能溶所以我没有塗上牛油。凍0茶有5片檸檬太多了，反而冰的份量就適中。

平時都會喺呢頭食下早餐，今日瞓醒食得午餐一於嚟試吓想試好耐嘅黯然銷魂飯電子落單，好快有飯食。70幾蚊一碗飯確係大碗，仲可以選擇多飯添滿邊有兩隻荷包蛋，硬係覺得就係爭條菜先至稱得上係黯然銷魂飯叉燒有四大舊，只可以講好肥好肥好肥，重要嘅事情講三次！雖然唔係乾柴叉燒已經好好，但係肥膏嘅部份實在太多，食完一兩舊已經覺得好膩好膩反而白飯一粒粒唔錯，但豉油唔夠多，叉燒汁亦唔夠配哂成個飯食唯一好飲係杯加$3奶茶

今日天寒地凍，諗住叫外賣，叫2個早餐返屋企食。去舖頭落咗單，轉個頭就有，我都好意外咁高效率😂。不過攞餐嘅時候，兩個職員都覺得奇怪。其中一個職員對左張單之後最後都俾咗個外賣我。返到屋企，原來2個餐比錯咗😭😫！！上到屋企先知🥲🥲。連埋今次，俾錯/漏嘢都第三次。上兩次係少咗兩個炒蛋，今次係兩個餐完全送錯。so far呢間食物都OK，冇大問題。但俾錯外賣呢個問題之前已經反映過，睇嚟冇改善。搞到我冇咗半個鐘😡😤。

多次幫襯佢哋嘅外賣自取，但係已經第三次唔通知我外賣到咗就咁擺喺張枱度，完全冇攞過出嚟俾我。仲要係人哋啲外賣侍應就攞出嚟嗌Number，我前兩個都攞咗我都未有，我就奇怪入去睇吓，又見到佢哋將我份外賣求其劈咗喺枱面就算嗌都唔嗌下個Number，等我唔知道個外賣到咗，真係不知所謂。我只不過係叫咗一個肉醬意粉，少人又唔攞出嚟，多客又唔攞出嚟，究竟佢哋想點呢？雖然我仲有啲coupon喺度美容，但係我真係唔想再幫襯佢哋，如果次次都係咁等到啲嘢食都暖晒，我就白白咁企喺條街外面，有咩意思呢？其實攞出嚟比個客好正常嘅啫，點解咁都難呀？點解係要攞俾人就唔好俾我呢？我真係冇辦法理解。

前幾年食過 佢d飯真係好爛開曬花個d 好難食 同個店長講又好冇禮貌 唔肯改話會有人鐘意 過左幾年再去食 d飯變返一粒粒 叉燒醬多又有焦香 d蛋撻又唔錯 酥皮鬆化又有蛋香 都勁正 但有d時間會冇

今日LUNCH食左敏華，因為都幾肚餓（晏左食LUNCH），所以揀左個價值約HKD$80的雜扒飯套餐。個套餐既雜扒有午餐肉、豬扒，雞扒，腸仔。肉類既份量一定足夠你食飽，因為都幾多下。午餐肉味道夠濃..好食，雞扒個面佢煎得塊皮脆脆地..令到塊雞扒都幾香口。而最好食既我覺得係塊豬扒，佢撈左D鹽焗蔥油，成塊豬扒夠哂咸味，而豬扒好夾鹽焗既陣味。最後一定要試埋敏華既凍奶茶，一般出面冰室既凍奶茶係會加冰，變相D冰溶就會令到杯奶茶越來越淡，但敏華既凍奶茶係唔加冰，應該係原份奶茶雪凍，所以佢唔會有溶冰後奶茶變淡既問題。

是日外賣早餐，點知個煎蛋入面有只小小強🪳，打去舖頭叫佢換個盒比我並要求送上門，接電話個阿姐竟然問我：你係咪打開先見到有小強🪳？唔打開點會見到隻小強🪳呀！阿姐話：依家好忙，我地唔會送過去，你自己過黎換啦！What！依家你舖頭d野有問題，新做一份並送過黎都唔過份吧！你以前pack漏野都會送過黎，個阿姐急急腳話佢唔知道，跟住搵左第二個阿姐黎聽電話。第二個阿姐叫我過去換過，或者下次個餐整多份比我。依家係你d野有問題呀，態度好d好唔好！一句唔好意思都冇！我食少個煎蛋唔緊要，我晏晝拎返去比你！晏晝拎返去敏華舖頭，收銀個阿姐竟然問我依家要換d咩比你？！請問依家幾點？！我仲要你換份新既煎蛋比我做咩？一句唔好意思都冇！仲話聽唔明咩有小強🪳，我好大聲話，你地既外賣入面有小強🪳呀！！！個阿姐最後退左份煎蛋錢$6比我。一句唔好意思都冇！！！有冇搞錯呀！你地廚房衛生真係好差呀，竟然有小強🪳係食物度！要打去食環署投訴你地食物不潔！

又到下午茶時間，搵間茶餐廳chill下, 今次嚟到敏華冰廳，呢間野開到成行成市，全因為佢座位闊落，夠光猛，空間感夠強。今次試吓港式西多士，即叫即製，金黃色嘅外層，再配上牛油，非常有心，配上心形牛油，睇得出好有heart，切開裏面外脆內軟，非常新鮮，佢係傳統嘅西多士，裏面冇出面成日有嘅花生醬餡，夠晒正宗。加咗錢飲雜果賓治，+$6，大大杯，夠晒冰凍，係呢個夏天帶來冰凍感，入面生果都算多，同平時雜果賓治一樣都係用罐頭生果，非常滿足，又唔係好甜，又唔會超多冰，調校得啱啱好原來出咗罐裝檸檬茶，走嗰陣時就順便買埋，可以返屋企感受茶餐廳嘅凍檸茶

今日到呢間餐廳食早餐，餐廳的走廊及枱與枱之間都狹窄，坐感一般！有十幾款早餐可供選擇，揀咗個沙茶牛肉公仔麵，牛肉味道尚可，肉質不韌，但湯底比較鹹，麵質一般！多士烘得燶咗啲，炒蛋正常！

夜晚唔知食咩好，係屋企附近行吓，就見到呢間敏華冰廳，其實開咗一段時間小妹都冇幫襯過，今日就望下佢門口招牌啦，就介紹龍蝦牛柳餐$128，真係比呢個價錢吸引咗我入嚟幫襯講真呢個價錢平時淨係食牛柳都要啦，依家仲要有埋龍蝦我哋兩個人，一個人就食龍蝦牛柳餐，另外一個就食王牌什扒餐，提提大家飯同埋意粉要另外加錢，不過其實淨係食個餐都已經好夠飽，又有餐湯又有餐包，好啦講返龍蝦牛柳餐，上枱嗰陣真係鐵板熱辣辣咋渣聲龍蝦用忌廉汁焗過牛柳仲有牛肉味唔會醃到冇晒味講真呢一個價錢真係超值

好耐冇去茶餐廳食晚餐啦，今日同朋友黎左屯門建生既敏華冰室，一早黎到冇咩人，好多位坐。叫左個常餐，煎蛋免治牛肉意粉 ( $53 ) 凍好立克 ( +$3) , 食落其實就係煎蛋肉醬意粉，不過不失。肉醬都幾香濃，上面有少少芝士粉，撈埋肉醬食都幾惹味，份量唔會太少，意粉撈埋食都幾開胃，加埋煎蛋都好飽。反而朋友食既雜扒餐份量都真係幾大，都幾抵食，有哂雞扒豬扒腸仔餐肉。晚餐較早時間可能冇咩人，落單上菜都算幾快，環境上都多卡位，坐得幾舒服。

在屯門常食個常餐做午餐見到這間冰室坐得舒服，就入咗去試吓。叫咗個潮式茶沙牛肉公仔麵🍜拼炒滑蛋火腸及歐式軟多士$57一嚟見到碗麵成個麵餅形狀，以為有啲生生的，點知一食啲麵已經淋晒，感覺有少少漲；個湯好清無乜味；牛肉完全唔覺係有加沙茶醬，無味又有筋，成抽上，想點😤多士係夠軟的，但個邊皮好難食，火腸和炒蛋正常；杯熱奶茶普通😕真係未試過食唔晒成個餐，因為實在太唔掂，無諗過這間連鎖店會出這個質素的沙牛麵，不會再入去食🙁

今日經過「敏華冰廳」，突然想食蛋撻，記得佢哋嘅酥皮蛋撻都唔錯，一於食咗先講，佢哋嘅蛋撻每日都新鮮出爐，下午茶時間，有時會見到有人排隊購買「蛋撻 Egg Tart」是香港地道代表食物之一，分為「酥皮」，「牛油皮」兩款。1940年代，由香港高級西餐廳引入，到1950年代開始陸續出現於各大冰室及茶餐廳，是十大香港地道美食人之一整體來講：新鮮出籠、蛋漿香滑、酥皮鬆化價格💰：$13 (每個$7，兩個$13)味道😋：OK