敏華冰廳 (PopCorn 2)

餐廳食物款式選擇唔算太多，今日襯七一有折，就過嚟試吓。叫咗佢哋嘅沙嗲牛肉麵😆，味道幾好，湯底好濃郁，牛肉份量唔少🫰🏻，喺咁多人情況下仲可以保持咁嘅質素😋，唔錯。另外試咗佢嘅雞翼，就比較普通，味道冇乜特別😔。飲品方面叫咗個玫瑰朱古力😆，玫瑰味唔算好重，但朱古力都OK☺️，唔會太甜，整體算幾順口。至於餐蛋麵就係一般嘅餐蛋麵。整體嚟講，環境都OK，加上有折，性價比尚可，有機會可以再試其他款。…查看更多

今次嘅美食之旅令我驚喜連連，特別係脆皮雞中翼搭配薯條，外皮金黃酥脆，肉質鮮嫩多汁，令人一口接一口；薯條則係香脆可口，完美平衡咗雞翼嘅油膩感，令人心情愉悅。接下來嘅荷蘭煉奶花生醬心心西多士更係甜蜜嘅驚喜。外層烤至金黃，內裡嘅花生醬同煉奶交融，濃郁嘅口感令人陶醉，搭配一杯熱茶，簡直係完美下午茶嘅選擇。蜜汁叉燒湯意粉則係另一種美味體驗，叉燒肉質軟嫩，湯頭濃郁，帶有微微嘅甜味，意粉嘅口感滑順，令人回味無窮。最後，抹茶紅豆冰為整個用餐畫上完美句號。清新嘅抹茶同香甜嘅紅豆，搭配冰涼嘅口感，令人感受到夏日嘅清涼。呢一餐唔單止滿足咗味蕾，更係一次美好嘅享受。#敏華冰廳…查看更多

七一旅行好貴，所以留港消費。這家茶餐廳，今天全單七一折，全家係度食午餐。等候四五個字，職員安排入座。各人各點一個餐，有飯有飲品。咖哩雞扒飯馬拉咖哩牛肉飯葱油豬扒煎蛋飯因為點了二份咖哩飯，所以選擇不辣的葱油豬扒。煎蛋二粒，蛋黃仍是Duang呀Duang呀。篤爆蛋黃，讓蛋油慢慢流出來，蛋油撈白飯豉油，正！豬扒暫時無鹼水味。職員向每枱客人推銷出爐蛋撻，十分吸引，加上七一折優惠，平均每件約五個大洋。計落有著數，要了三件做午餐的甜品。最後來一杯熱奶茶做句號。…查看更多

唔好去敏華食嘢，如果我今日唔係去咗敏華食嘢，我唔會喺呢度講呢番說話！我叫咗個餐，坐咗10分鐘，嚟咗碟多士加香腸，再等多接近8分鐘，先至嚟杯凍檸茶，我唔知道點解一杯凍檸茶要沖18分鐘，但係我喺出餐位度見到我杯凍檸茶擺咗喺度已經5分鐘冇郁過，唔知係咪要做啲乜嘢嘅儀式或者供奉先可以拎俾我，所以我好想問一問，但係佢哋嘅目光同埋態度令我問都問唔出口，因為我覺得我好似欠佢哋錢咁！其實到而家，我仲等緊我個公仔麵！…查看更多

好耐之後都食過敏華，記憶中無咩大問題，連鎖餐廳既質素，諗住簡單醫下肚。叫左兩個餐，一個火鍋一個沙嗲牛肉鍋，前後等了最少4、5個字，追左幾次都係未有，眼見全場都未坐滿，不明白點解咁慢。火鍋仲要過咗3個字先話無湯，要轉，再揀湯底，呢度開始感受到佢嘅速度。附近食客等不同的飯菜，都係奇慢，前後左右個個都追，都有啲食客開始鼓譟。食物方面，火鍋牛肉肥廋半半，湯底普通雞湯，但起碼唔柴，沙嗲牛肉鍋都係淡淡地。但如果要等咁耐食咁既質素就唔會再嚟。…查看更多