敏華冰廳 (新都城中心二期)

營業中

休息中

旺角文華冰廳的名字，早就聽過，但仍未食過。最近行街見此店，在不同商場都大開分店。難得在屋企附近開店，總想去試，惜排隊往往需時。見今日母親節正日，晚上應不多食，於是去碰運氣吧！等了三分鐘，便輪到小弟埋位了全店面積不大，懷舊紙皮石裝修，又掛了旺角舊店的相店原來（新）文華不用人手落單，每張枱都有電子點餐系統，介面都叫做user friendly可以用8達通或叫職員現金收費。先收費，後到餐，茶記應多多學習此方式，結合新科技與懷舊概念！沙茶牛肉公仔麵配牛油多士雙腸配滑蛋其實正正常常，唔太驚喜，但這滑蛋為點題之作！因滑蛋有濃濃蛋黃味，與一般翠河之流的茶餐特別不同再加以一杯紅豆冰，足料的紅豆配以香滑奶奶，係滿足的

平時都在呢個商場上班，有新餐廳開 一定要試試下，睇下啱唔啱做自己飯堂其中之一果日落去 見到 葱油豬扒旦飯 係餐廳推薦食物之一 雖然價錢係中價位 但係我覺得可以接受ge因為個豬扒都幾厚切 幾大件 唔會好老，但我個人覺得有改善空間就係再多d葱油就正好多la, 始終呢個係selling point 之一，就好似叉燒飯+葱油咁 唔落會差梗d 咁， 小小個人提議我個人就like將熟旦 改煎太陽蛋，咁個豬扒就會再濕潤d, juicy d ar ma

4月20日夜晚九點左右經過，見到平時朝早排曬隊的文華無乜人，咁就試下啦，叫左外賣常餐，沙茶牛肉面炒蛋雙腸厚多士多士，等左好耐都未有，心諗可能夜晚無乜人食常餐要預備耐少少，起等緊既時侯，客唔多，我見啲侍應都無乜嘢做，四個人圍埋吹水都好正常。終於攞得，我見佢pack 好一袋，所以無check啦，咁就中伏行成十幾分鐘番到屋企，一打開，塊厚多士消失左，我即刻打電話返去鋪頭，佢話可能員工比較新，執漏左，下次補返多士俾我⋯第一，我唔會一次食兩塊多士。第二，我唔會再食呢間垃圾，啲嘢平平無奇，要成53蚊，隔離太X一定好過佢。最可笑係，我食到最尾，見到有盒牛油根本就係佢地成班人掛住吹水，記得執牛油又唔記得執多士, 賴咩員工太新姐，都開左好耐啦你地，不知所謂

今日假期日，同埋打令一齊落街食街食野，打令話文華新開不如試下，我聽過朋友仔話呢間係以前係太子個間黎既，咁我就好高興既心情去食啦，去到門口見好多人排隊，心諗無死啦，排左幾個字就入得去啦，位窄，雖然要同人一齊坐，但都無損心情食野，始終好野通常係要咁先有格調既😂😂好啦開始點餐啦，e......點解無馳名菠蘿油架呢？即刻失落左一陣，咁唯有食沙茶牛肉面餐佢地係用平板電腦落單既，八達通比錢餐到啦⋯⋯星爺即刻上身1.沙茶牛肉淡而無味2.面林晒3.凍令茶非常普通4.腸仔炒滑蛋（條腸仔未煎過咁，仲要唔係廚師腸）唯一就叫做過關就係牛油多士一個餐53，只能說我錯了......一次貨仔下次唔會再食

我係從來未食過文華既，所以見到佢係tko開就即去試。。。第一日去乜都好差。。。今曰第二次去，心諗人地咁有名應該唔差既，上次可能係新舖失手啫。。。點知。。。今次未食完已經想走。。。就當我送三十幾蚊比你文華洗喇食過两次早餐，啲伙記態度差效率低(人手就多，但做野既人就好小。。。)，落單個system好慢好難用，個所謂招牌沙牛面清淡如水，個炒蛋等成世都未到，杯野飲又未到家。。。差過m記。。。其實。。。冇心就唔好開喇。。。做壞自己個名。。。食之前我都估文華應該係一個有實力既brand。。。以為同太X同趣x差唔多。。。總之冇下次喇

係屋企附近個商場由佢裝修到宜家都捕左佢好耐，終於等到佢開業，即刻試試佢😊👉🏿✨常餐 Hkd 50 💸📌老實講一個常餐要買成50蚊係真係有啲貴，不過見佢新開同埋個朵都唔差，咁就試試佢啦！叫左最多人食既沙茶牛肉麵，其實食落係同沙嗲牛肉麵有分別😅牛肉份量中等，唔會特別驚喜，真係好普通...個腸仔都一樣，一般般，厚多士加埋蛋食係ok既，可惜隻蛋就咁食就一啲味都冇，同埋唔滑呀！😫奶茶偏苦澀，食一次就好😭