敏華冰廳 (康怡廣場北座)

差一點就完美雞扒，真係間中食一次就覺得好幸福。外層煎得微焦，內裡嫩滑多汁，咬落去爽口彈牙，肉味濃郁又唔會乾柴，食落口感一流。如果可以配返一勺香噴噴嘅蔥茸汁，再加隻流心煎雞蛋，蛋黃流出混合蔥香同雞汁，每一啖都係享受，真係「就咁好」咁簡單。可惜只有葱油同咖哩汁兩款揀，葱油會比較乾；咖哩汁就偏濃甜，蓋過咗雞扒本身嘅鮮味。差少少，就唔夠完美。不過，雞扒本身質素唔錯，間唔中食返餐，依然係一種小確幸…查看更多

行行下康怡廣場，有啲肚餓，商場內有好多食店，想食下午茶餐，最後揀咗呢間敏華冰廳，因為見到下午茶餐嘅選擇都算多，而且又有卡位座，兩個人座4人位，睇完餐牌我哋兩個人都叫咗碗密汁叉燒意粉，等咗幾分鐘就有得食啦，湯底味道都算唔錯，略嫌叉燒太瘦，如果肥返少少會好食啲，意粉份量啱啱好，又唔會太少又唔會太多，餐飲叫咗個無鞋度嘅熱檸水，價錢$47，又唔需要加一，尚算合理，但係又唔算好抵，不過勝在坐得舒服，職員態度唔錯，好有禮貌，走嘅時候，門口有自助式付款機，拍八達通就可以啦，簡單方便。…查看更多

昨天去開鰂魚涌，知道康怡廣場有間敏華冰廳，順便去試下，心想是太興集團，應有質素，不會太差，點知完全失望，所有食物都是交行貨，食物及餐飲，溫度全部不足，特別是個五香肉丁公仔麵，好似溫水浸麵，難食可想而知，寧願去食大家樂、大快活，溫度及質素都比他好，全部廚師都唔係用個心去做，不是令食客滿足，而是令人失望，令我對太興集團的評分，都受損害，但價錢又唔係平，難怪的人北上消費，真係唔係無理由，以後永不再幫襯所有敏華冰廳，我相信香港人是追求質素，如果是質素好，比貴的都願意，最衰係貨不對辦。…查看更多

下午茶想了很久要吃什麼，最後來茶餐廳吃。很受歡迎的本地連鎖茶餐廳，平日下午茶時間人不多，坐下後給了二維碼自助下單。下午茶套餐，蕃茄湯底雞扒米粉，雞肉很嫩，米粉超滑。MVP是熱奶茶沒拍到😂…查看更多

兩個簡單茶餐等Over半個鐘都未有，等過25分開始三催四送都仍要等:(期間有遲過入內的人已食完離去，加上同員工反映等外賣時間後，都唔夠人幫忙，收銀又要入單落單，人手嚴重不足。…查看更多